H & B cafe

營業中

休息中

與友人在太子尋食，發現這間餐廳的餐牌在地下，感覺不錯便上去試試。去到門口發現寫著「只招待會員」，但都行了三四層樓梯心有不甘，決定按鐘試試。入到裡面，一個人都沒有，而且環境較陰暗，又有一股煙味，已經心知不妙。但既然來到就抱著儘管一試的心態，拿著菜單點了個肉醬意粉，心想應該這麼簡單的菜色不會太差吧。友人點了千島醬雞肉意粉和一碟煙肉薯條，另外都叫了杯薄荷朱古力飲。另外要注意的是，餐廳是會所式經營，要求我們先入會，費用全免，但要填寫個人資料作紀錄。首先上左杯朱古力，沒有奶味，朱古力味淡，不知是否用水沖的。到肉醬意粉，賣相覺得還可以，但吃了一啖，感覺肉醬味奇怪，比較酸，食了幾口便不想再食了。薯條還可以接受，沒有落很多鹽，煙肉很少，但已經算是最好食的了。

到已經好耐冇上來寫食評，估唔到有驚喜，又有新野食。e一間樓上Cafe對上一次應該係上年來過，裝修無變，但食物種類唔同了，環境一流，有大玻璃窗，可以欣賞旺角街景。

香港的樓上cafe，已經好少，仲要係旺角添，e間做得不錯，地方夠大，唔洗坐得咁迫，食物方面，我就最喜歡食豬扒飯，比同區的出色，價錢合理，可惜係D飯比較少，可能當時我太肚餓😋😝

入去嗰吓已經畀個環境嚇親，好多雜物，有陣怪味黑媽媽燈都唔開多盞，成間嘢得一個員工（侍應做埋廚師嗰份），態度好麻麻，一坐低就一定要你寫張入會卡，又唔解釋係做乜，心諗都入咗嚟就算啦，試吓佢啲嘢食點，點知......真係寧願喺7仔買個包食好過

每人最低消費45，一個60另一個42都唔得。咖哩雞柳長通粉，咖哩汁好杰好似薯容咁, 長通粉好似條膠咁硬。環境差，地下痴立立。Tea time時間, 全店一個人都無, 想坐梳化位(大枱)都話唔比。

同朋友想搵間樓上cafe傾吓計食吓嘢。已經冇咩特別要求，出到太子好多間都話爆哂。行吓行吓去到H&B.就甘走左上去。打開門果吓比個環境嚇一嚇。但都算唔計較。只想坐低靜靜地傾吓計。睇左個餐牌好耐都知道已經意識到食物唔會好食。我同朋友叫左個一樣嘅餐芥末香煎豬扒。佢配意粉。然後佢話加多15蚊可以有鷄翼2隻。沙律。餐湯同飲品。是但啦。加啦…。等左陣。湯黎啦。佢一放低果吓。個湯望上去似魚缸入面有海藻果啲污水甘。我即刻問佢係咩湯。佢話係粟米紫菜湯。我地兩個都唔夠膽飲。跟住沙律來了。佢啲菜。大部份都係霉。但佢放左大量沙律醬去cover發霉嘅菜。實在係。。。。算唔食囉。。鷄翼。我要老實說。這是今晚唯一能放入口的食物。我唔挑剔。已經感覺到係佢間cafe最好食嘅嘢。豬扒來了。佢個芥末醬多到將整件豬扒完全覆蓋。而佢個醬係杰到好似攞黎焗油嘅cream甘。我同我朋友，係食左2啖之後好齊心甘一齊講左句好咸。唔係辦法成晚只係食左2隻鷄翼。於是同佢待應講。好咸要換。我話我地是但換碗出前一丁得啦。佢話唔可以。一定要同價錢。我話我地照比豬扒餐錢。佢先話甘就得。但係佢收走我地碟豬扒期間。佢將沾滿芥末醬嘅刀叉放番係枱比我地用。

放假在閒遊，路過太子找個樓上Cafe坐一吓食個下午茶。此店食物質素一般，環境OK不會太迫，叫了一個麥樂雞配薯條，飲綠茶。麥樂雞比較令人失望，炸皮內沒有丁點雞肉，吃下也不太知道內裡是什麼，比麥記的原裝正版差，所以吃了兩件就沒吃了，薯條OK，最好味都應該係杯綠茶。不過最大問題是上來這裡的人全是吸煙的食客，習慣了清新空氣的朋友包括本人會很抗拒，當全場人都在車輪轉地吸煙，不得不讓您離開。如果閣下是煙民，我不願至評；但一句建議是非吸煙者就敬請勿進。餐廳是會所牌照，所以進來要登記做會員。

經過石磨坊隔離有幢唐樓入口果到見到有個幾YOUNG既女仔 嗌樓上cafe!這杯冰果藍梅沙冰,D冰果非常有口感,加上藍梅真的有藍梅肉,夏天飲的確正!食物好味!由其是個小食拼盤,加上D野飲大大非常好飲!我個FRIEND食了一個蜜汁鴨胸意粉,D鴨胸很有鴨味,很有水準!有Now電影台電視看,一路食一路看!正!如你問我,下一次會否再來，我一定會來!

我既第一個食評就比左俾H&B cafe︿我果日夜晚係金魚街行左一陣，想搵野食，行行下見到有位職員企左係度介紹呢間CAFE，原來間cafe係樓上店上到去，環境好細，仲要行左4條樓梯，算，叫野食，食左個吉列豬排飯，同一杯冷O茶，等果陣︿我見到有人食煙，仲要唔係一台食，係3台職員仲俾煙灰缸佢地???煙味真係好難頂，又唔開窗好焗住D煙冷O茶到左，唔甜既，得茶味，好難飲~~等左好耐個吉列豬排飯仲未到，我吹吹單，點知來左個吉列豬排意粉，又要等~~中途陣煙味好難頂，想同朋友吹水都無心情..............................終於來到，個吉列豬排飯，唔係特別好味，+上有煙味，碟野幾好食都無用~~食到一半就賣單走左~~~~如你問我,下一次會否再來，我一定唔會來如果你食煙咪無問題囉，我唔食，陣煙咪真係好難頂，茶餐廳都好過佢，最少無煙味~~

中同RE-U, 本想去附近的花園餐廳, 但人太多怕放唔落又坐得唔舒服, 諗起有依間CAFE, 印象中價錢OK, 都幾岩一齊去玩, 行到落樓下, 打個電話BOOK個位. 差唔多時間, 我地一行12人就上去啦~ 餐廳位於一棟唐樓, 有點舊, 行到上去有張SOFA位, 不過望落唔太舒服, 整個場大約放得落30人左右. 野食方面, 最平只需$48, 加$20多個SALAD & 餐湯, 大家都覺得唔太值, 所以只選擇以半價加野飲. 因為有位中同病左, 所以我地叫左11個DINNER + 2個小食 + 10杯野飲. 印象中我地叫左...＊安格斯牛扒＊XX羊扒＊卡邦尼飯＊板燒雞扒＊XX焗意粉＊XX豬扒＊鴨胸片＊芝士焗薯條野飲就叫左...＊凍檸茶＊凍奶茶＊凍可樂 orz＊凍朱古力誘惑＊凍朱古力something＊熱Mocha無特別影相, 因為大家都餓啦~~~我食既係板燒雞扒, 雞扒煮過頭, 有啲老, 上面既板燒汁唔係我杯茶, 有啲甜同重口味. 我選擇左跟SALAD, 沙律唔錯既, 都係啲栗米 + 生菜絲 + 火腿 + SAUCE, 大路既MATCHING食唔死人. 朋友食既卡邦尼飯, 就咁望好似都ok

果日下晝同FD去完始創果邊行完街攰攰地又有少少肚餓 諗住是但係附近搵D野食坐下吹下水.經過石磨坊隔離有幢唐樓入口果到見到有個幾YOUNG既女仔 嗌話有下午茶 原來係樓上CAFE 睇下MENU 見D野又幾抵食就上去試下 不過條梯有少少陰沈囉 光返少少會比較好!間野係2樓 行左4條短樓梯 不過當做運動啦 HAHA一開門 有2個女仔 都係後生女 好NICE好有禮貌 知道我地行完樓梯攰 主動問我地要唔要水 ^^播緊D好舒服既流行曲 THAT'S GD!我就嗌左個"千島芝士焗雞扒意粉" 出餐出得好快 個意粉好香 好多粟米 好正 10分滿分 :-P野飲我就嗌左杯凍檸茶 加大都係加六蚊 好大杯 飲到我死= = 而且杯檸茶放檸檬都放得令過人 好有心機 都係10分!我個FD就嗌左個下午茶一人SET 佢咁大食都話食得好飽XD野飲佢就嗌左一杯叫''隨便'' 但一D都唔隨便 酸酸甜甜幾好飲!食到飽飽 CAFE有WIFI 上網幾快~~~~又有UNO.啤牌 新雜誌報紙睇 讚!上去靜下 同人吹下水真係好RELAX 不過唯一衰係有人食煙囉 好彩有開抽氣扇姐-,-下次再上黎!會返轉頭食^^ !!!!

哈哈~同舊同事食野,見到間樓上CAFE就上左去XD地方細細,但好好好大煙....服務就...一般啦~不過有做娃娃聲的女侍應見到佢用電飯煲弄,都勉強可以既...XY合成物...真的麻麻尼個唔錯,好有蜜糖同黑椒味,而且D肉好鬆口D意粉應該係清水刷的,無味...不過D豬手唔錯,無雪味,幾清爽佢叫,叫我飲多次我都I DO丫!好正,香蕉味重,D冰夠凍(GAG)認真,堅好飲友人的飲品~

今日 5 點幾鐘諗住同女朋友搵間 cafe 坐低打發時間，最後搵到呢間，上到去唔算多人，我地諗住坐窗口，但係坐低左先發現後面枱兩個人食緊煙.......於是我問職員話有無非吸煙區.... 最後佢幫我地調去另一張枱。不過，坐低左之後，點左野食，之後就發現原來隔離枱 (唔係痴住既，有少少距離)都係食煙...... 好彩我地上面有把風扇吹走 d 煙 ~~野食方面，我地點左：( 價錢為大約數，因為淨係記得總數，詳細價錢唔係咁記得 .... )$42 一人下午茶 set ( 蜜汁雞翼 + 芝士腸 + 沙律 ) + 一杯特飲 ( 鮮奶 + 芒果 jelly )$25 蜜汁雞翼 4 隻 + 薯條 + 凍檸茶 ( +$6 轉大壺，寫就寫大壺，但其實係用番杯裝 )總數：$73蜜汁燒雞翼我覺得係好食，雞翼出黎個賣相唔錯，而且可能係0岩0岩整，所以好夠熱，食落去都幾有口感 ~而杯特飲，賣相都唔會太差，但係味道方面，鮮奶同芒果 jelly 好似整得唔係咁夾 ...... 不過都唔會話差到唔飲得既 ~至於芝士腸、薯條呢 d ，實在係普普通通，所以都無乜野可以講。點左野食，我地就睇下電視劇打發時間，但係睇左四五個

話說當晚我們一行十多人準備同朋友仔慶祝生日, 點知去到樓下該店的職員截住我地,話已經被人包左場, 做唔到我地生意. 咁就奇怪啦, 因為幾日前我地已確認個booking, 當日又再確認而佢地話已留位無問題. 咁好啦, 點解當晚去到樓下又截住我地唔比我地上去呢? 經過一輪爭拗, 原來佢地嫌我地張單細, 而包場果班人已付現金5000元(我地一定食唔到$5000)! 我地成班人去到樓下佢地先至講出來, 仲要左推右推唔肯道歉. 本來大家都心平氣和, 但一知道個真相後立即火冒三丈! 根本成件事就係無口恥兼無厘頭. 仲有, 原來該名四眼 “女職員” 竟然係老闆! 佢開頭話介紹我地去第二間樓上café, 但講唔夠兩句, 又話我地恐嚇佢地呢樣嗰樣. 其態度之差劣, 真係世上難求! 結果係點? 佢地當然係唔比我地上去啦, 因為唔到5000蚊消費嘛! (換轉係你, 你仲敢上去嗎?)先唔好講食物質素, 如此的服務, 如此的手法, 大家還要送羊入虎口嗎?P.S: 編輯大人, 懇請不要刪減此文, 請讓廣大的讀者看清他們的真面目.

成13人, 想搵間CAFE SHOP, 間野玩黑色, D環境勁差, 仍行左4條樓梯, 算啦好肚餓.間CAFE SHOP係無D咩野玩, 幾經辛苦朋友搵到牛角, 好過無, 突然有另一吸煙唔係禁煙概, 仲俾煙灰缸佢地又無窗好焗住D煙, 間店太迫太細,唯一可取, D午餐, 下午茶, 都幾好味, 都係32-48 算平.如果佢肯改改環境好D, D客都好唔正經禁, 唔適合D斯文女仔去,有 D品流複雜感覺