HABITŪ all day (已結業)

星期日想休休閒閒咁嘆個brunch, 又唔想去到太遠，近近地係屯市，就會去呢間cafe 嘆下坐下！呢度假日都有set lunch 既， 咁就點左all day breakfast 同 炸軟殼蟹意大利飯！先黎輕食沙律，開開胃，佢個醋汁好好味，沙律菜超新鮮，食落零舍精神！All day breakfast， 雞蛋炒得好好，唔太老！佢地個士多啤梨醬加埋多士，好食到震，士多啤梨唔太甜好重士多啤梨味道菇菇燒得好香，好明顯係用料新鮮！炸軟殼蟹意大利飯，係好食既，但意大利飯就唔夠乾身，有待改進！最後叫埋至愛，焦糖咖啡，呢度咖啡好出色，味道唔太濃唔太淡，加埋焦糖，完美配合！

本身黎呢d西餐，都預左得松露集菌意粉或者黑松露意大利飯。。。點知真係好驚喜，有好多為素食人仕設定嘅菜單簡直眼花撩亂！叫完仲喺度睇住個餐牌！可以再黎！但個意大利飯比較淡。。

朋友入左屯門話—齊食Lunch．要搵個地方食野唔算嘈又可以傾下計既．最後揀左呢度叫左set lunch一齊食前菜就係沙津黑松露糙米飯．味道偏淡豬仔骨．不過不失All Day Breakfast香辣蜆肉意粉． 呢款味道唔錯．但個碟底勁油焦糖咖啡．上面果層焦糖整到脆卜卜👍🏻唸住試下新既特飲．玫瑰冰茶．但飲落味道麻麻見到有千層蛋糕忍唔住點左兩款試下一款係檸檬蜜糖．一款係斑蘭味結果斑蘭味係有驚喜既．好香👍🏻

環境舒服寧靜，冇限時用餐時間，最啱吹水。食物味道好飲品選擇亦多。仲有甜品。真係可以食足幾個鐘。價錢方面中上。但品質有保證。服務亦一流。本人每次去必食係炸魚薯條同心太軟，仲有雜菌椰菜花。魚夠膽粉夠薄一d腥味都冇。薯條係粗薯條，份量都多。雜菌炒椰菜花係將d雜菌同椰菜花搞碎再炒，易入口。小朋友亦好歡喜。到甜品，本人必叫心太軟。雪糕係拖肥味。再加埋心太軟一齊入口冇得輸。易最好就係冇限用餐時間，坐幾都得。但唔好就係唔收ae卡同1000蚊紙

對於一個早餐迷來講，就係去到每間 Cafe 必叫 All- day breakfast，茶餐廳必叫 常餐，總而言之就係對於【早餐】兩個字同埋【麵包、炒蛋】特別鍾情！但係呢份價格中高的全日早餐我認為物無所值，並非食材上既價格，而係烹調上既技術價值同用心，食物擺下，的確有一眼亮相的感覺，但係食落就～～有點失望😞首先，茄汁焗豆好明顯係罐頭直接出黎，完全係冷凍的，跟其他熱烘烘的食物放在一起，口感超差。牛油果軟硬度剛剛好，是好食的，但係牛油果既汁又酸又鹹，很奇怪的味道呢，就好似橙汁加燒烤醬既感覺😂豆腐無味超乾身。。。當中最出色既就係菠菜牛乳炒蛋，蛋香滑味濃郁，放上麥麵包一同食係唔錯選擇。餐廳的飲品是要另叫單點的，留意番～同埋咖啡是好喝的！

放假訓到自然醒，大約3點幾同朋友黎左市中心搵野食，好耐無食過All day breakfast，所以就揀左HABITŪ All day。之前都黎過呢度食過dinner，覺得環境同野食都唔錯，係傾計影相既好地方，岩哂女仔去。一黎到就見到呢張pink pink menu，即刻拎起黎睇。原來係HABITŪ一年一度既Rosemantic Summer今年好多餐廳都用玫瑰去整野飲同甜品，好多人都會慕名而去。但原來HABITŪ已經出左好多年玫瑰系列了，我就點左杯玫瑰蘋果喜冰樂($52)，而朋友就點左杯玫瑰蘆薈泡沫冰茶($49)。但跟lunch set每杯都係加$20 。一上枱外貌已經好吸引了，顏色配搭得好靚，有白色，粉紅色同花瓣碎。Rose Apple Habiccino其實就係沙冰，係冰上面有幾塊乾玫瑰花瓣，飲落去都幾種奶味，算甜，應該有加到糖水，另外都有加到花瓣去打，但蘋果味就真係飲唔出了。但飲到底就飲到好多打唔碎既冰，同埋會無左味道，好似飲緊冰水甘，可能需要打耐少少同埋要攪一攪先好飲。另一杯Iced Rose Aloe Tea，同樣係奶泡上面有玫瑰花瓣，一上枱底層有糖漿，攪拌一下飲落有蘆薈，

午飯行過又有位，咁就行咗入黎。兩個人叫咗一個單點豬再加杯啡，另外再叫一個餐；餐係類似意大利飯再跟湯同一杯飲品，全單太約4佰幾又唔駛5佰。先睇個單點厚切豬扒：上枱時賣相一流，件厚切豬睇落好似幾嫩滑，配菜又薯角又燒南瓜，目測應該會好食。拿拿引刀一切⋯⋯切開好似都幾嫩，食落口感覺良好但唔多滑！又可能曾經試過用慢煮方式做出黎嘅厚切豬，硬係覺得呢碟差咗尐，同埋感覺上餐廳浪費咗一件咁好嘅食材。同個餐：濃湯，不過不失。呢碟賣相似意大利飯實情係椰菜花，第一次咁食椰菜花，好味，極力推薦！啡，個人推薦會係玫瑰花咖啡。

今日同朋友行街之後見到又想飲嘢，見到個cake又唔錯就話不如 試一試，我哋嗌咗一個玫瑰千層蛋糕，一個蜜糖焦糖蛋糕，同埋一個薑黃 鮮奶 。蛋糕同薑黃 鮮奶都嚟到 ，因為始終我哋諗住一人一半 ，就係中間諗住切開啦，點知蛋糕好濕（忌簾打得吾夠庭?），吾似之前食過千層蛋糕會係比較乾身少少。其實有啲失望，因為感覺上冇乜cream嘅感覺。只可以話係好淡玫瑰味，而另一款差唔多焦糖就係頂嗰幾粒，下面係冇乜 蜜糖味 。失望……薑黃鮮奶薑黃味好重同埋味道就唔錯啱啱好，我地分享剛好，因為都幾大杯。最後每人 差不多八十蚊一位，如果下次再嚟都係嗌返啲穩陣啲嘅蛋糕會比較好。

屯門市廣場停車場爆曬棚！等了約20分鐘才可以有位停低車！見呢度有位食飯！入到去心知不妙全間餐廳不超過15人！ 看餐牌點了一個A set ! 沙律OK意粉賣相差勁！最估唔到係燒春雞！俾佢煮完之後變咗老雞！配菜難食！懷疑已經發臭！最離譜凍飲要加＄16！四百幾蚊一個餐可以要凍飲加＄16我諗冇幾多間餐廳夠膽咁做！我明白顧客已經用隻腳去投票單間餐廳要等位呢一間唔使！下次都要信有冇人幫襯！冇人幫襯！一定有原因！

Today I was a bit upset by schoolwork so I decided to treat myself with some dessert. The tea set serves from 3pm here and out of the cake set and other savoury options, I went for the ricotta pancake. Of course I didn't expect it to be those fluffy Japanese style pancake but then it has impressed me given that it is American style one yet they are not solid at allThe cream cheese is not heavy at all and the berries have added some freshness to it. Although there are only two pieces it is actual

Habitu 有好多名跟係後面吾識分,今次呢間後面寫住all dayHabitu 既水準食過幾次都覺得冇差過，所以吾會擔心吾好味玫瑰咖啡好香花味，飲落有啲似奶茶，好滑朋友叫既熱朱好濃朱古力味，但吾會太甜巴馬火腿薄餅，火腿絕對吾小氣！大塊咁放落去，薄餅底好脆！好開心呢個雞肉墨西哥餅比較清淡，配隔離果啲醬食都吾錯的蕃茄忌廉意粉，食第一啖，味道非常似曾相識，係喇！似pizza hut既千島海鮮pizza味！哈哈！整體都滿意，埋單500幾蚊，食哂所有野，好飽

屯門多個商場相連，餐廳種類多，但如果想飲杯好咖啡，我即時想起habitu..午餐時段有lunch menu. 以主菜決定價格，包餐湯或沙律及飲品一杯。因為妹妹想食pancake,所以點了一份午餐及正價pancake.離菌湯~菌味偏淡，湯中加入健康食品- 藜麥。炒蛋火腿pancake~炒蛋加入忌廉，十分香滑。火腿煎得香口。主角pancake,如其他食評所形容，充滿麵粉的味道，可惜pancake並不鬆軟，口感偏硬。令人失望。。厚切豬扒~原價$188，lunch set 價$158。等了超過20分鐘。結果令人十分滿意，豬扒肉 嫩多汁，中間是全熟粉紅色，底下的配菜南瓜及薯仔配上肉汁十分美味。加$16轉脆糖咖啡~一如既往的香濃，有水準。妹妹的伯爵茶咖啡~即是鴛鴦，茶及咖啡味道十分平衡。

平時經屯門間吾中都會入去食，特別是晚餐。第一個原因是很好食。第二個原因是在屯門市廣場之中算是其中一間最貴的食肆。大蝦墨魚汁麵很香，但是是番茄的香，大蝦很大隻，面裏有少量的大蝦粒在內。湯很好飲，如果可以再多點就好。（忘了什麼湯。。）煎三文魚薯蓉，神級好吃！由薯蓉到配菜到配汁。100分滿分！綠茶千層蛋糕比較搶手，常賣光，但其實沒特別，相反很多朱古力粒那個裏面是經典蛋糕的配搭，比如啫哩粒，cream，水果等等，味道也ok.熱咖啡有2個size,常理上細size已夠飲，除非你諗住係度坐睇一場戲。

同朋友 好想食all day breakfast難得放假 緊係想嘆下響屯門市中心 得habitu吸引雖然價錢貴d 但坐得舒服又可以hea耐d 一次半次係可以接受既~睇餐牌 都好多選擇最後揀左個all day brekfast一個煎牛扒三文治 另外加埋個意粉咖啡叫左杯Latte 一杯焦糖個人而言 呢度咖啡唔算濃而all day個蛋同腸最吸引 蛋夠滑而牛扒三文治真係好好味 超juice同d 菜好match 食落去balance番如果大份d就好喇~~而意粉都合格 夠彈口同個汁好味!

Habitu，總是讓人又愛又恨。恨的是它服務並不怎樣的好，愛的是它幾乎是唯一的選擇。在屯市尋找咖啡店的當兒，發現這兒就只有Habitu可選了。距午茶完結時間尚有半小時，站在Habitu的門前，看見店內有不少侍應，卻沒有一人發現我的存在。年輕咖啡師似乎有點看不過眼，差一點點就走出來迎賓了，都說這家服務真是不怎樣的好......近來Habitu還有個吸引之處，便是新推的 Crespelle Cake法式千層蛋糕系列。在Crepe幾乎跟Lady M劃上等號的當兒，Habitu此一舉動實在是勇字當頭，信心滿滿的。回想起來Habitu的甜點味道雖然不太出眾，但總是有着悅人的賣相，這次的Crespelle Cake相信也會以視覺先行吧！時值下午茶，侍應遞來了午茶餐牌，而選擇當然是手造蛋糕套餐($58)。問過侍應精選蛋糕可選Crepes，卻没有告知改選要加$8，是個服務上的缺失。指定飲品是茶或咖啡，要轉成Rose Latte則要加$16，如此一來，所謂的午茶套餐，只是比單點免去了加一而已，而$90下午茶蛋糕套餐是有點奢侈的説。玫瑰的治癒能力，確是能讓人多花一點點，特別是對於花痴而言。Rose Lat