HAHA CHICKEN 하하치킨 (順發居) (已結業)

心思思想食炸雞，比我搵到呢間韓式炸雞嘅小店😋揀左兩款無醬汁嘅雙拼炸雞，原味+芝士🧀。落單到拎得只係10分鐘內，超快👍🏻摸下盒底係熱辣辣嘅。$166雙拼口味有兩大盒🥳另外再加多兩個飯：卡邦尼飯，安東雞飯。仲送左罐可樂。拎到外賣即刻將個盒打開小小抖氣，返到屋企食仲係脆嘅🤩而且有成16塊大件炸雞，我哋3個大人都食唔晒🤣原味炸雞跟左蜜糖芥末醬，雞調味啱啱好唔會好咸；芝士炸雞外層沾滿芝士粉，味道甜甜地，老豆話芝士味好食，我同媽子覺得兩款都好正😋拎外賣先知小店加入左網上外賣平台，第時係公司都可以嗌黎食😍

最近發現公司附近有間炸雞店🐔😯, 價格平民, 而且款式種類都幾多🤗, 於是就買左個雙人滋味套餐外賣番屋企睇波⚽️邊食邊嘆🤭!🌟原味炸雞🐔炸雞炸得好香口😝, 大大件好多肉, 另有醬汁附上, 沾上甜甜地嘅醬汁食落更可口☺️🌟蒜香酥炸魷魚🧄🦑魷魚份量幾多, 外脆內軟帶淡淡嘅蒜香🧄, 十分惹味😋🌟粟米濃湯脆薯條🌽🍲🍟睇到已經超想叫😍, 打開個盒已經聞到香濃嘅粟米濃湯味, 食落甜甜地好好食😊!

今日去開長沙灣經過呢間店聞到好香既炸雞味而且價錢仲好抵食！ 每個套餐唔洗50$ 就有韓式炸雞食！ 仲有好多唔同既味道選擇～因為第一次食既關係我揀咗好多唔同既味道😍款款都好想試，最後揀咗蒜香醬油、甜辣醬同辣芝士味既炸雞！🥰🤤三款口味中，我最鍾意係食辣芝士味！炸雞好脆，芝士粉都好濃，加埋辣辣地既粉，好開胃～ 有4塊雞肉，都好夠食！我仲叫左炸魷魚同薯條（細）老闆娘推薦食粟米濃湯味既薯條！食落真係好好食呀，好似食緊某款粟米湯既脆脆咁～除左有雞食仲有兩款飯可以選擇！ 仲配埋飲品好食過KXC la~黎開附近既話都真係會再食！😋😋

呢間長沙灣既哈哈炸雞除左外賣自取之外，仲可以網上平台叫外賣，幾方便。如果有時屋企開party,都可以叫盒炸雞返屋企開心share。佢除左一人套餐，二人套餐外，仲有大盒炸雞，適合唔同人數食。 我今日三個人lunch叫左一盒雙拼炸雞（$166），可以拼兩款味，我揀左原味招牌炸雞同甜辣炸雞。佢兩個味分開兩個盒裝（幾好），每盒都有幾多件炸雞，每盒有8-9件，佢既雞件仲要係無骨，啖啖肉，啱哂好懶咬骨既朋友。我幾中意佢個甜辣炸雞，一黎甜辣汁好開胃，二黎冇齋炸雞咁熱氣。另外我仲叫半份蒜香酥炸魷魚（$38），炸得好香口。 ✏️總括而言，啱哂街坊，想食炸雞又多一個好選擇！

今日去到長沙灣哈哈韓式炸雞店，款式都好多😍有套餐都有單點，好多唔同味道嘅炸雞😍有飲品送亦都有多款小食蒜香酥炸魷魚好彈牙有咬口，外皮非常脆，配啤酒真係一流今次嗌咗雙重享受炸雞，狂熱炸雞同甜辣炸雞😍😍仲有蒜香酥炸魷魚👍🫶每一嚿雞都冇骨，雞肉亦都好厚好大件，好食過連鎖店😂😂🫶甜辣炸雞一啲都唔辣🥹下次要食香辣炸雞，外皮好脆，唔會成嚿炸粉10分俾8分，因為雞真係又大件又冇骨😂😂😂睇住戲食好開心😜

平時成日去連鎖餐廳食炸雞 ，今日咁啱見到長沙灣有另一新選擇，一於試下新口味。🤣餐廳沒有堂食，只做外賣，不過選擇都唔少，有多款炸雞、小食及飯類，亦有set 可以揀，唔洗$50就可以試齊雞+飯+飲品。 😍不過我地想食多啲雞，今次就淨係單點左炸雞加小食！最驚喜係唔洗等太耐，大約10分鐘就拎得。👍🌟雙重享受炸雞（無骨雞件）（$166）第一次食當然想試多啲味，我地揀左雙拼半份甜辣味&半份蒜香醬油味。炸雞即叫即炸，拎上手仲係熱辣辣既，要快啲趁熱食！炸雞份量都唔少，仲要每件雞件都大大嚿，好正😽而且炸得水準出色，外層炸皮鬆脆，而內層仲仍然保持到嫩滑嘅質感，唔會乾/鞋，加上大量醬汁，所有雞件都好入味，🥳甜辣味甜甜酸酸，唔會太辣，而蒜香醬油味偏鹹香，兩款都十分惹味！😋如果一定要比較既話，我地都覺得蒜香醬油味係必試既！🤤跟餐仲有得揀一罐汽水。🌟芝士酥炸魷魚（半份）（$38）魷魚都係即叫即炸，同樣炸得出色！🤩香脆外層包裹住彈牙既魷魚，十分有咬口～加上外層既芝士粉，十分滋味！😚整體而言，呢間店既炸物都十分出色，炸得有水準之餘，份量都足，性價比高，🤓如果係附近買飯，平平地買個唔洗$50既豐富set，真係好抵食！😉

突然間好想試韓式嘅炸雞見到呢間外賣🥡炸雞店好吸引～炸雞既口味幾多😆如果一個人食可以揀精選套餐性價比高 十分抵食！今次同朋友點左《雙重享受炸雞》有芝士、甜辣、原味、香辣任選兩款我哋揀左芝士+ 甜辣 同加左半份蒜香酥炸魷魚😋份量比想像中多 好夠兩個人食～芝士粉好厚🤤啖啖到食到滿滿既芝士😛重點呢個店啲雞都係無骨我平時食炸雞都會要有骨 因為好咬口啲～但估唔到呢間無骨都好有咬口因為炸雞外皮做到好脆 ！而且拎到返屋企仲keep到香脆 呢樣抵讚！😆雞肉非常嫩滑 又大件～甜辣味好入味！甜甜酸酸 唔會太辣😋魷魚外皮酥脆 粉漿薄薄一層裏面肉質爽口彈牙～非常新鮮🤩原來呢間炸雞店仲有間分店係深水埗下次經過可以再encore🤤唔想落街買叫外賣平台都好方便😛

今日去長沙灣探朋友，行經長沙灣順發居地下，見有間新開炸雞店，門面乾乾企理，就決定外賣炸雞做晚餐。“哈哈韓式炸專門店”以外賣為主，有一人份/雙人滋味套餐，炸雞單點有3件/半份/整份，全部係無骨雞件，炸雞3件價錢都係$38，套餐就$4x起，都幾抵食。7款口味炸雞，有皇牌芝士、原味、蒜香醬油、甜辣、狂熱、香辣等，小食有炸魷魚、薯條，仲有韓式年糕。雙重享受炸雞$166（送汽水一罐）辣芝士炸雞炸雞外層包滿紅紅的辣味芝士粉，入口肉質清爽，帶少許辣味及芝士咸香味。甜辣炸雞外層掃滿醬汁，入口微辣帶甜，雞肉濕濕潤潤，香脆惹味，雞件無骨，入口厚厚啖啖肉，口感滿足。蒜香酥炸魷魚粉漿薄，炸至金黃，入口酥香，送酒/汽水一流。

終於都捱到收工時間，當然要搵嘢食，啱啱見完客，附近有一間炸雞，咁岩今晚維搵對最聯，緊係一路食炸雞肉可樂一路睇波！狂熱炸雞套餐 跟 魷魚圈 另加薯條薯條叫咗紫菜風味，好食過麥__奴既紫菜，起碼冇咁鹹，又惹味！炸魷魚圈有驚喜，煙煙韌韌，魷魚好彈牙！最後最後最後最有驚喜係呢個炸雞！好脆口，唔柴，仲好Juicy!食到一半仲俾我發現一樣嘢！呢個味道同熱浪薯片好似，平時我都好鍾意食熱浪！岩曬！除咗狂熱炸雞之外，其他味道我都好想試吓，大家嚟到又不妨可以試試！

今日心血來潮想食外賣炸雞，上網見好多人都推介呢間炸雞舖，所以今日就嚟試吓佢有幾好食。去到舖頭已經有幾個人係我前面排緊隊，應該係間熱門小店嚟。雙重口味炸雞$166 叫咗：皇牌芝士炸雞同埋甜辣炸雞（冇骨）返到屋企打開個盒，兩款炸雞都係分開盒放，兼且數量都唔少，兩個人真係食唔晒。經過差唔多一個鐘頭嘅車程，兩款炸雞依然都係熱辣辣，食落勁多肉汁流出嚟。皇牌芝士炸雞：皮脆肉嫩，芝士粉上得好足，識落啖啖都係芝士味，大滿足👏🏻👏🏻甜辣炸雞：經典韓式口味，味道同其他坊間炸雞舖差唔多，但經過咁耐時間，都依然咁多肉汁值得一讚👍🏻👍🏻另外再叫咗半份粟米濃湯薯條$24 同埋半份蒜香炸魷魚$38喺呢一個鐘頭車程裏面，基本上全程都聞到粟米濃湯味🤤，而蒜香魷魚就正常發揮。兩個人真係食唔晒咁多，所以都留返左少部份聽日再戰🤪🤪🤪去到先知原來網上外賣平台都可以叫到佢哋嘅外賣，咁下次我就唔使山長水遠入嚟先買到啦🤪之後就可以坐定定喺屋企等食炸雞啦🥳🥳🥳

食完飯行咗陣街想食下宵夜，咁啱經過見到呢間幾吸引嘅韓式炸雞，所有嘢都係即叫即整。本身炸雞餐係三舊雞再跟卡邦尼飯/安東雞飯，但我哋食完飯仲有啲濟，老闆娘比我哋唔嗌飯轉做雞，就變咗四舊雞，真係好貼心🥹蒜香醬油炸雞餐🍗 $48係好濃郁嘅蒜味，仲要冇骨，食落啖啖肉真係好爽🤩甜辣炸雞餐🍗 $48甜甜地好開胃，醬汁完全入味，肉質亦好嫩滑😋芝士酥炸魷魚🧀🦑 $70魷魚十分酥脆，炸粉薄之餘仲沾滿咗芝士粉，食唔停口😻如果唔想特登落街買，apps都有得嗌外賣㗎🤓

HaHa Chicken 하하치킨 哈哈韓式炸雞專門店雙人滋味套餐 $155包括韓式炸雞半份+酥炸魷魚一份+兩飲品有6件無骨炸雞, 選咗classic甜辣味, 好多汁... 可能多汁所以無咁脆, 唔覺辣, 肉質唔會好鞋口酥炸魷魚🦑揀咗蒜香口味唔會炸到乾身同太韌. 不過聽朋友講, 佢上次食過薯條更正 仲有特別粟米湯味另外叫多左個精選套餐, 呢個真係超抵$45至$48就就已經有三大件無骨炸雞、一碗飯同飲品, 如果唔要飯亦可以加多件雞, 絕對好夠飽選左香辣炸雞餐, 睇menu 見咁紅, 其實實際唔紅都唔辣🤣 不過呢款無sauce 所以保持到好香脆嘅口感, 中間雞肉都香滑唔乾. 仲有兩件煙韌年糕套餐包飯選左卡邦尼飯, 正常味道啦.呢間其實有得外賣平台⭐️ 唔想落街又想係屋企舒舒服服咁嘆炸雞, 嗌外賣好方便

啱啱睇完傢俬，諗住醫肚，就見到原來開咗間新開嘅韓式炸雞外賣店，有勁多唔同口味選擇，買返屋企食先！揀咗雙重享受炸雞🍗可以任選兩款口味，選了蒜香醬油炸雞和甜辣炸雞各半，睇返都幾大份，原來每份有大概16件左右，半半就每款平均八件左右，都幾抵食喎！呢度啲炸雞可以話啱一家大細食，有別於平時好辣吓嘅韓式炸雞，暫時試咗呢兩款，一款蒜蓉味濃郁，一款甜得出色，都幾乎無乜辣味，相信小朋友都會好鍾意！雞肉夠大件，而且食起嚟啖啖肉又夠嫩滑，口感很好！都有試咪其中一款小食，呢款芝士酥炸魷魚🦑一份$70左右，粗壯嘅魷魚鬚鋪滿又厚又香濃嘅嘅芝士粉，食起嚟味道甜甜地添，都幾好味呀！男人鍾意食澱粉質，叫咗個細嘅安東雞飯，軟熟嘅白飯上面淋上安東雞汁，呢款醬汁相對比較香辣味重好多，夠惹味！

哈哈韓式炸雞專門店 (長沙灣)長沙灣青山道142號順發居地下C號舖由於上一個星期到深水埗時試了這裏的一間韓式炸雞店，香港之後覺得價錢抵食之外，食物質素也是非常高水準，所以這個星期再接再厲，再試另一款炸雞。雙人滋味餐C$155點了一個雙人滋味套餐， $155 ，有一大盤炸雞，還可選小食一款，分別有薯條或炸魷魚圈，我們選了炸魷魚圈。甜辣炸雞甜辣炸雞份量很多，一大盤的炸雞，我和囡囡兩個吃不完，味道也是超出水準。炸雞外層炸得香脆，尤其是雞皮香脆炸很可口，加上他的甜辣醬，甜甜酸酸，不太辣，我和女女也很喜歡。蒜香酥炸魷魚（大）魷魚的份量也是挺多的，蒜香魷魚外層的粉漿炸得香脆可口，蒜香味甚濃！魷魚入口有咬口，煙靭彈牙！配2飲品，分別有可樂忌廉雪碧等汽水。卡邦尼飯(細$18奶油培根和蛋所煮成的卡邦尼，配飯吃很下飯。安東雞飯(細$18洋蔥、蒜頭、和雞肉煮成的安東尼感覺有點像咖喱，但食落不會辣鹹鹹的，配飯和配雞食一流。以上兩款飯其實之前吃過，就是因為試過覺得正才再吃。以後想吃炸雞除了親自到場外，也可通過網上外賣平台叫外賣。

哈哈韓式炸雞-一直都好鍾意外賣炸雞返屋企😂一邊煲劇一邊食炸雞🍗🥰最近見到長沙灣開咗間炸雞小店，而且係即叫即炸所以就買黎試試🤣-蒜香醬油炸雞 (無骨) $156超級正宗‼️炸雞係即叫即炸👍🏼就算拎到返屋企凍左都仲好香脆😝-皇牌芝士炸雞餐 $49必叫‼️小編覺得皇牌芝士炸雞比蒜香醬油更好味😋每件雞嘅外皮都有芝士粉，而芝士粉係咸咸甜甜，所以會食唔停口😂另外套餐仲有安東雞飯😛但相比之下飯就比較失色🤨-粟米濃湯脆薯條 (+$20)都係必叫‼️粟米濃湯味又係超好味🥰真係好似飲緊粟米湯😂