影片
電話號碼
59401632
開飯介紹
室內主打omakase及鐵板燒日式席前料理，室外座位則以日式單點菜餚及品酒為主，氣氛浪漫，適合約會及慶祝重要日子。
繼續閱讀
營業時間
今日營業
12:00 - 23:00
星期一至日
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
有關餐廳
有關獎賞計劃
位於屯門黃金海岸餐廳裝潢雅緻環境寬敞、舒適主打omaskse、鐵板燒日式席前料理設吧枱座位可以欣賞到師傅烹調菜式既過程性價比真係好高廚師發辦 $358 per one溫室沙律沙律菜好新鮮，加左柚子醋，酸甜開胃！松葉蟹茶碗蒸茶碗蒸口感滑嫩綿密，每一啖都有滿滿既蟹肉絲，令鮮甜味大大提高！季節廚師刺身三款♧三文魚魚肉細緻甘甜。♧甜蝦肉質細綿、爽口彈牙，甘甜濃郁。♧日式磯煮鮑魚口感鮮嫩彈牙，帶濃郁醬汁鮮味。 精選壽司七款♧鰻魚 經炙燒有著豐富油脂感，十分鮮美。♧拖羅 脂肪比例較高，油脂適中，味道甘香。♧飛魚 肉質扎實且富有彈性。♧劍魚 刺身肉白略帶淡紅色，肉質柔軟。♧鮑魚 口感Q彈。♧象拔蚌 鮮甜、爽脆的口感。♧魷魚 彈牙、有嚼勁，但又不失細嫩。是日精選卷物♧海膽太卷呢款好正呀🥹🥹🥹💘賣相已經非常吸引，超級多芝士碎鋪滿面，海膽鮮甜甘香，份量都好多，成件放落口，口感豐富，幸福滿滿！廚師發辦丼飯♧柱貝三文魚籽丼飯三文魚籽粒粒都脹卜卜，好飽滿，滿滿魚油滲進口中，好鮮甜！柱貝份量都好多，味道鮮甜，今次真係大滿足😂。味噌湯食完咁多刺身、壽司，飲完暖笠笠，圓滿美味既一餐。甜品黑芝麻雪糕味道唔算好濃，但好鐘意旁邊既花生碎，令口感更加豐富。
繼續閱讀
老公生日想揾個靜靜地嘅地方同佢慶祝生日，浪漫一下。見到OpenRice 訂座星期日晏就有85折就試下。訂座完，佢會喺你訂嘅日子之前一日會WhatsApp問你想食壽司定鐵板燒，有無食物敏感，覺得佢地好細心。1.) 沙律佢今日嘅沙律係柚子冰菜，第一次食冰菜嘅我覺得好好食吖，冰菜好爽脆咁，好特別，加埋柚子好refreshing 2.) 帆立貝 + 季節燒魚今日嘅季節燒魚係馬友，佢鐵板燒得好好食，魚皮好香好脆，魚肉好滑。帆立貝就有小小燒老左。3.） 虎蝦虎蝦好大隻，彈牙，燒得火侯啱啱好。蝦頭仲要有膏，好香好好食。4.） 美國肉眼薄切個師傅會問你要幾成熟，我要左medium，牛肉薄切入面包住左蔥同埋蒜片，再加啲昆布鹽，牛肉好嫩滑，入面啲蔥同蒜好香，好好食。5.） 炒飯今日係櫻花蝦炒飯，見個師傅落左好多隻蛋，炒到每一粒飯都比啲蛋包住，好有蛋香味，再加埋其他櫻花蝦，鹹菜粒，成個炒飯好香，好有咬口，好好味。6.） 麵豉湯 + 漬物麵豉湯唔會好鹹，味道剛好7.） 甜品芝麻雪糕好有芝麻味，訂座果時mark左celebrate 生日，店員整到個甜品好靚好驚喜。
繼續閱讀
呢餐廚師發辦真係一流，成個過程食到由頭正到尾！刺身一上枱已經俾個驚喜，三文魚滑溜溜、鮑魚夠爽口，甜蝦仲帶住少少天然嘅甜味，好新鮮！壽司部分更加係亮點！海膽冇腥味，入口即溶；拖羅油脂分佈完美，咬落去有種入口即化嘅感覺；魷魚雖然簡單，但口感煙韌，加埋微微嘅醋飯酸香，真係平衡到啱啱好。仲有嗰個海膽太卷，真係有驚喜！一啖咬落去，海膽嘅濃郁味道再加埋芝士，估唔到都幾夾！最後嗰個柱貝三文魚子撈飯，簡直係完美嘅壓軸！柱貝爽甜，三文魚子爆開嗰陣滿口鹹香，配埋飯啲汁滲晒落去，味道層次超豐富！呢餐兩位連加一都係一千蚊左右，真係值回票價，食材新鮮廚師真係用心做，每一道菜都充滿誠意！依家仲有指定午市套餐第二位半價優惠，好抵食！
繼續閱讀
屯門黃金海岸呢間鐵板燒真係驚喜爆燈！餐廳就正正喺海邊隔籬，浪漫到拍拖紀念日首選～可惜當日落雨我哋揀咗室內，點知都一樣有驚喜——全場佈滿日本酒樽牆+日本紙扇，一秒穿越京都！仲要泊車超方便，海附近大把車位任揀黎泊，渣車黨大讚！🦞 精選龍蝦套餐（人均$4百幾）｜師傅功架值滿分師傅唔止手勢了得，店員每道菜仲會詳細講解食材來源同食法，成個體驗似睇緊美食Show！▶ 頭盤：冰菜柚子沙律 ($0 跟餐)一上枱就知有心思——日本直送冰菜晶瑩剔透，咬落「嗦嗦」聲超爽脆！仲有柚子肉+沙律醬，酸咪咪打開味蕾又唔膩，同行怕肥嘅閨蜜食到清碟～▶ 主角：鐵板活龍蝦 (套餐主菜)生猛龍蝦即撈即劏，師傅手起刀落起肉超流暢！肉身嫩滑彈牙，加埋秘製醬 鮮味×10倍升級✨ 最抵讚係龍蝦頭冇浪費，即場煲成麵豉湯——飲落滿口蝦膏香，鮮甜暖胃到心！▶ 隱藏彩蛋：蟹肉茶碗蒸 ($0 跟餐)估唔到鐵板燒店蒸蛋都咁出色！蛋滑到匙羹都易扇走，面頭鋪滿蟹肉，鮮甜滲透每吋蛋香，食完想舉牌「ENCORE」！▶ 壓軸：櫻花蝦鐵板炒飯師傅表演即場鐵板蛋炒飯視覺滿分🔥 飯粒金黃分明，每粒都被蛋漿完美包裹，夾雜脆口櫻花蝦乾同紫菜蔥碎，鹹香惹味到連蔥花都唔放過！🥩 追加極上肉類｜味蕾再昇華► 和牛厚燒 ( 追加)師傅燒到四面均勻，仲有三款自家製既醬去點黎食～前所未有咁好食► 日本豚肉 ( 追加)肉質爽彈冇渣， 包住蒜片同蔥仲有啲黑椒係面頭， 口感味道層次雙雙昇華🍶 清酒任飲秘技加$100/位即享清酒Freeflow！重點係酒杯任揀——多款種類既琉璃杯任君選擇，我揀咗透明彩色杯打卡夠曬靚🍶 任飲「白雪」清酒，冰凍順喉配海鮮一流，飲多兩杯已經回本！💡 性價比終極解密人均$400+食到龍蝦全餐+清酒任飲，仲有師傅即席表演+浪漫環境，相比市區鐵板燒動輒$8百幾蚊兩個真係抵！
繼續閱讀
當天替女朋友慶祝生日，於是到了Hakata Concepts。環境清幽，一到就感受到侍應們的專業精神。當日餐牌上有魷魚，但我不感興趣，於是向侍應提出能否更換，他亦熱心地表示可向廚師反映，最後亦由魷魚轉為了帶子。燒魚配上的芥末醬汁很有趣。燒豬及燒牛配搭三款調味，各有特色。而甜品環節更有驚喜，水玄信餅附有生日牌及星星形狀仙女棒，十分滿意！食材新鮮，店員態度良好，而且侍應能留意到我們的濕紙巾需要更換，在我們沒有主動提出的情況下，替我們更換了濕紙巾。而當天亦有晚餐二人同行送每人一隻海鮮。總括而言，作為一間餐廳，食物味道達標、侍應專業、廚師用心，令我們渡過了一個美好的生日夜，推薦！
繼續閱讀