HANA Korean Restaurant

營業中

休息中

朋友好想系尖沙咀食韓國野，就拿拿林睇openrice揀下食乜好。睇左好幾間韓國野，系得尼間有鮑魚粥，就比佢吸引左，印象中香港好少見。見佢200幾個讚，應該都吾會太差。今日一去到，得一枱客人，都諗住好平常，時間尚早。點知枱客人走左之後到我地食到尾，都冇客人入黎，初初都覺好慘，但愈食愈明白點解會甘：無舒適、少質素、無服務。得一個侍應，我地一路食，一路坐系我地後面，我地傾偈好吾方便，加上音樂都算大聲，我同朋友又吾想大聲講野，搞到食得好吾自在。。。服務方面真系太hea，我明冇野做好悶，但應該都吾好系客人面前表露得甘明顯。嗌個烏冬，的確烏冬都系日本好食D🙈🙈 魚糕都好夠，好似都有成4款。但尼個烏冬就無乜甘特別，老實講我食完都吾記得系咩味，總之就好似系健康之選。到我期望既鮑魚粥，睇落份量好似少左D，但其實食落都好飽。味道我覺得可以媲美韓國（但朋友話無論韓國食定尼度食都系無乜味），系個質感差啲，睇落好稀，撈完就好似結D，但都無嗰種smooth。$78/5粒餃子，我都吾記得以前有冇食過泡菜餃子，但依家食就真系好難食。泡菜個味系一D都吾泡菜，我都吾知食左D咩。覺得以蒸餃黎講，可以真系放入蒸籠，保持返個溫

就咁睇佢哋啲擺盤好似幾靚咁今次我order咗個腐皮魚糕烏冬但實際上佢同平時食嗰啲$30自己煮嘅一樣然後魚糕又硬 實在唔值得比百幾蚊另外就係佢哋好出色嘅鮑魚粥本身以為入邊會真係有好大舊鮑魚定點但其實入邊咩都冇囉，反而係啲青瓜同埋啲配菜比較多 就連佢哋嘅前菜都係得嗰幾粒泡菜仔個鮑魚粥就咁就收咗130幾蚊 超級貴最後我都嗌咗一個傳統煎餃但真係完全唔推介 完全冇咩特色同冇咩特別。舖頭嘅裝修環境都算OK嘅，但最令人嬲嘅係間鋪已經冇咩人食㗎啦 我係咁叫個Waiter寫嘢叫咗幾百次都唔認喺度玩手機

提起韓國菜，通常會想起石鍋拌飯、烤肉、炒粉絲…等等。有沒有試過韓國粥？ 早前見網上介紹「HANA Korean Restaurant」，就被吸引了。餐廳主打食物包括：粥、烏冬、餃子。趁著假日，跟媽媽一齊去品嚐。 😋是日選擇：1️⃣釜山鮮鮑魚粥 🍽粥較稠，味道濃。鮑魚切細粒，令米粥更鮮甜，令每一口都有料有味。2️⃣人蔘雞粥🍽粥表面的芝麻油，味道香濃。而粥裡材料豐富，包括：人蔘、雞絲、紅棗、紅蘿蔔…等等，很有飽肚感。3️⃣韓式傳統煎餃子🍽外層酥脆與內裡的滿滿餡料，帶有韓國風味的小吃。

餐廳細細間，大門常開好溫馨既感覺，暖笠笠既粥同烏冬，冬天黎食就會更加正😉❤️釜山鮮鮑魚粥 粥底細滑香濃，入面有鮮甜嘅鮑魚片，鮑魚煮到啱啱好，夠嫩滑又唔會太韌，每一口粥都味道好濃郁，而且份量又多，食極都食唔完咁～🧡韓式牛肉烏冬 烏冬條粗身彈牙，暖笠笠夠晒暖胃～配埋味道漲郁好惹味既韓式炒牛肉，牛肉片薄切，嫩滑多汁，調味偏濃，岩晒中意重口味既人，好滋味～💛煎韓式傳統煎餃子 餃子外層煎到金黃香脆，內餡豐富，入面仲有粉絲，咬落去餡料綿密豐厚，粉絲同肉餡配搭得恰到好處，每一啖都鮮甜多汁

#尖沙咀 #韓國釜山 #韓國粥 #跟住我食唔中伏 第一次去「Hana」食韓國鮑魚粥（전복죽，jeonbokjuk）原來真是一道非常有營養的韓國傳統美食🤤這道粥口感滑順，粥的質地細膩，入口即化，加上高湯，增強粥的鮮味🩷美味、營養且具有療癒效果，非常適合需要滋補的人😍釜山魚糕烏冬（부산어묵우동）是韓國釜山的一道特色美食，結合了海鮮風味的魚糕和韌性十足的烏冬麵😆韓國嘅地道美食，而家可以隨時食到真係好開心！魚糕口感彈牙，味道鮮美，而且賣相好靚❤️烏冬麵口感滑嫩有嚼勁，湯底都好味👍這裡的煎韓牛餃子都非常推薦！餡料飽滿，主要由韓牛肉製成，口感香濃🤤煎香的餃子形成金黃色的外皮，內餡則保持多汁，口感外脆內嫩👍這間餐廳雖然空間不大，但布置得極為巧妙🩷粉色調的牆壁和柔和的燈光，營造出一種溫馨的氛圍，加上美味的韓國傳統食物，這店我很喜歡😘#香港餐廳 #香港尖沙咀 #香港好去處#香港探店 #探店 #探店日常 #香港小店 #香港韓國菜 #韓國粥品

#20240914 📝📍 #HanaKoreanRestaurant @hana.tst尖沙咀金巴利街1E號地舖➖➖➖➖➖➖➖➖➖➖➖➖➖➖➖➖➖#釜山鮮鮑魚粥 $138💭 適逢去食果日個天突然落大雨，淋完下之後個人寒寒地，食返碗粥暖下身就最正，第一次食韓國粥，其實唔係廣東粥咁，反而似係risotto，入面有鮑片、紫菜，仲有好多蔬果粒，用羹不起啖啖都有野咬，所以都好夠飽肚🇰🇷.#泡菜五花腩烏冬 $118💭 就咁個烏冬係分唔到佢係日式定係韓式，面頭有油揚同平時杯麵面頭啲粒粒，烏冬十分煙韌彈牙，唔講真係會以為食緊讚歧烏冬🍜個泡菜五花腩係另上，用左洋蔥、椰菜同豬肉炒，一將佢地倒落個烏冬度成件事就變返韓式，充滿泡菜味好惹味🐽.#韓牛餃子 #蒸 $82/5隻💭 自從上次食過韓牛餃就愛上左，每次見到menu有都忍唔住要嗌返碟，佢個餡比起中式果啲要爽啲滑啲，加上佢入面甜甜地，就算唔使點野就咁都好好味🥟.#Peach $25💭 罐裝野飲有韓國牌子叫，味道正常無咩特別，但估唔到佢入面有桃肉呢樣有啲驚喜，韓國野食普遍都重麻油味，的確係需要野飲解下渴，呢個時候呢罐野就起到作用喇🍑.#尖沙咀美食 #🐷在尖沙咀

初嘗韓國粥🇰🇷🥣食過好多韓國野，都未食過韓國粥🤔今日終於食到喇！————————————❤️‍🔥泡菜章魚粥泡菜味好濃，章魚都好新鮮，好多米，一碗已經好夠飽肚😋🍜Hana烏冬烏冬好爽口，湯底好濃味，好適合重口味人士✨🥟韓牛煎餃餃子皮好薄，餡料韓牛超足料👍🏻👍🏻位置好方便，尖沙咀地鐵站行過黎，十分鐘內就行到喇！店舖大小適中，週日夜晚都唔洗等位，以後諗唔到食咩都可以過黎試下喇😋😋

考完韓文試，梗係去吓尖沙咀韓文街感受吓韓國文化🤣🤣 見到呢間餐廳外型都非常之其Pop，所以都入咗去試吓，裏面主要是做韓國粥為主🩵 去咗韓國好多次都未食過韓國粥 🤔 估唔到可以喺香港試下釜山鮮韓國鮑魚粥-$138 呢個鮑魚汁非常之鮮味，唔會太腥，剛剛好而且佢入邊都會有一粒一粒的鮑魚同埋一些蔬菜👍👍😎釜山魚糕烏冬-$108 之前已經很喜歡吃韓國的魚糕， 今次配埋烏冬一齊吃口感10分不錯，湯底也很好👍 煎韓牛餃子🥟-$82煎餃子可以把韓牛的肉汁，鎖喺餃子裏面👍👍 食落去的時候不會乾爭爭😎👍地址：HANA Korean Restaurant (尖沙咀)尖沙咀金巴利街1E號地舖

平時唔多食韓國菜，偏向食日本菜多，有個friend話有間韓國菜餐廳係主打粥同烏冬，勾起我嘅興趣嚟試吓。-呢度主要食烏冬、餃子同埋粥。韓國餐廳緊係叫人參雞啦，叫咗個人參雞粥，有好多雞絲，雖然人參味唔算好重，不過就啱哂我，最怕人參味太重變咗苦味，個粥好綿滑，食到停唔到口。-另外叫咗個蜆肉烏冬，烏冬望落幼身，但食落好彈牙，有啲似食緊日本烏冬。蜆肉就比較細粒，不過都甜嘅。-見都多人叫餃子，下次嚟試吓韓牛餃子先。

𓆛 𓆛 𓆛尖沙咀的韓國街有一家韓國小店 Hana Korean Restaurant，店內座位不到20個，但經常座無虛席。主打韓式菜式和餃子，最出名是韓國粥。𓂁 釜山鮮鮑魚粥 $138必點推介！韓國粥比較濃稠，清楚見到米飯。亦會加入芝蔴油和海苔，吃起來健康但惹味。鮮鮑魚切絲，份量不少，每口都鮮味無比！𓂁 釜山魚糕烏冬 $108魚糕烏冬賣相十分打卡，一大串魚糕有不同的形狀，湯底清新，烏冬偏軟稔，不錯。𓂁 煎韓牛餃子 $82/5pcs個人私心推介。韓牛餃子煎得金黃，內𥚃牛肉有牛味但不羶，熱辣辣很好吃！𓂁 米水 $25𓂁 青蘋果梳打 $27這裡的飲品全是韓國罐裝飲品，特別地道。雖然店子麻雀雖小，座位不多，但韓國粥和餃子令人印象深刻，值得到訪一試。𓆛 𓆛 𓆛

>>裝修似韓國啲大學附近小店 行輕風格路線<<🥢🥢第一次試韓式輕食 = 回訪率70% 🥢🥢韓國街另一邊都有好幾間小店，見呢間Menu 主食唔多，似乎主要係做烏冬、餃子、韓粥咁～7點幾開始都坐滿大半舖位就試下～鮮蜆烏冬湯底都幾濃味，有啲豆卜絲咁，烏冬口感唔錯～見介紹話人蔘雞粥係韓式方法炮製，煮得比較稠，可能食開廣東粥就會唔慣，不過幾乎每啖都食到雞絲，同埋微微清清甜甜咁～韓牛餃子皮薄餡多，都算幾juicy㗎，如果再嚟嘅話想試下其他味～果汁有驚喜，鮮甜得嚟仲有水蜜桃果肉添🏷️鮮蜆烏冬$118 人蔘雞粥$138 韓牛餃子$82 /5 Peach果汁 $25

成日經過呢度都見到呢間韓餐好多人排隊，今日趁冇乜人就入咗嚟～餐廳唔算好多款式選擇，主要都係正宗釜山粥、烏冬同餃子。🍽️HANA烏冬 $98餐廳signature之一，打卡一流～烏冬掛喺筷子上，口感爽彈。配搭類似蘿蔔絲製成嘅炸物～不過浸淋咗失色咗啲 （唔知正宗係咪都係浸住食）🍽️釜山鮮鮑魚粥 $138香港好少地方有韓國粥食，味道調味啱啱好，可以另外配辣魷魚食～呢度嘅鮑魚粥係白色，同之前係韓國食埋鮑魚內臟嘅有啲分別～🍽️蒸韓牛餃子 $82/5一定要食嘅韓式餃子，餃子皮厚得嚟唔會硬，反而口感好好，內餡食落甜甜地，幾彈牙～

心血來潮想食韓國菜，去咗尖沙咀韓國街覓食。路過一間韓國小店，主打韓國粥同餃子，同平日見開嘅韓國菜式略為不同，就一於入去試試。粥嘅款式有好多，而且款式配搭都比較特別，簡直令人選擇困難！我同朋友最後嚮茫茫粥海之中點咗兩款粥share，分別係釜山鮮鮑魚粥同泡菜章魚粥。首先上菜嘅係釜山鮮鮑魚粥。店員一放低，就已經聞到陣陣嘅香氣。鮑魚粥裡面一塊塊真材實料嘅鮑魚片, 食落清甜。再加上有紫菜同麻油，提升左粥的香味。除此之外，粥裡面仲有翠肉瓜、甘荀等蔬菜粒，令粥的營養更加均衡。粥裡嘅飯粒粒粒分明，質感較杰身同綿滑，有點似意大利飯。泡菜章魚粥我都係第一次試。泡菜章魚粥顧名思義加咗泡菜同章魚，章魚的鮮味與泡菜的香辣互相融合，完成獨特的美味。另外叫咗個蒸韓牛餃子。平日食中式餃子或者日式餃子比較多，韓式餃子真係未試過。這道蒸韓牛餃子一共5件，餃子size都比想像中大。先嚐一口，真的有驚喜！餃子皮做得好薄，牛肉餡充滿了整個餃子皮內的空間，咬落很彈牙，牛肉餡除了混合咗少量蔥外，絕大部份都是牛肉，令到餃子的牛肉味非常突出，我和朋友都非常喜愛這道菜！這次試食韓國粥有驚喜！粥和餃子嘅質素都很高！其實有好幾款粥都想試，可

韓國不嬲都係我其中一樣最愛食嘅平時食石鍋飯，燒肉、炸雞⋯ 今次好特別有粥食 😍之前去韓國無食、今次第一次食，好想試入去見到粉紅色，好少女，簡單裝修。～煎韓牛餃子熱辣辣上，食落好多香牛肉，外脆內軟👍滿滿肉肉，皮薄，～蒸泡菜餃子 蒸泡菜比較出啲，少少辣度😂食落不同感覺，～泡菜章魚粥 因為泡菜小小辣，再配章魚🐙 章魚好有口感，同我平時食廣東粥唔同，好飽肚，～斧山魚糕烏冬 每次食韓國好喜歡食魚糕，好好食、再配搭正烏冬，簡直好正。

HANA 以地道釜山粥品聞名，其獨特風味源自於嚴選釜山米，煮出來的粥品粒粒分明卻不失綿密細緻。釜山鮮鮑魚粥 鮑魚鮮甜彈牙，並加入多種蔬菜，比港式粥品味道來得濃郁。泡菜章魚粥 以切粒章魚加上泡菜熬煮，泡菜獨特的酸辣感，令整碗粥風味變得更豐富。韓式傳統煎餃子外皮酥脆，餡料飽滿多汁，入口能品嚐到粉絲、椰菜、韮菜與豬肉餡多種層次，一試難忘。HANA is famous for its authentic Busan-style porridge (juk in Korean), and the secret lies in their carefully selected Busan rice! Each bowl is perfectly cooked, giving the porridge a delicate and creamy texture. Busan abalone juk features fresh abalone which is sweet and chewy, mixed with a variety of vegetables to create a rich f