Happy Belly (已結業)

♡𝙷𝚊𝚙𝚙𝚢 𝙱𝚎𝚕𝚕𝚢♡人大咗，就發覺要活在當下💪🏻值得再幫襯嘅小店，就要再支持❤️今次試下其他嘢先~🧀芝士吉列蠔刈包吉列蠔唔太油膩，但又脆👍🏻再加埋芝士、少少千島醬同埋椰菜絲，都幾夾，唔錯喎!🧈鹹蛋黃雞翼雖然係外賣，但食嘅時候都仲係香脆嘅! 陣陣鹹蛋黃味，但又唔會好油👍🏻🍑白桃烏龍今次再飲都係咁正😍涼陣陣又濃桃味😆好消膩!🏡Happy Belly📍太子彌敦道750號始創中心地庫B1 B02-06號舖#美食可以令人開心💛 #堅持只食值得幫襯的✊🏻 #happybelly #太子必食

今日（5-7-2024 Fri）由網媒得知呢間只做到8-7-2024（Mon）後，就趁老公要返團契，我自己一個食晚飯嘅機會，放咗工即刻出嚟食。我嚟到時都好早，但都已經有人龍，我預先諗定要台式鹵肉片刈包同鹹蛋黃金薯條，當接近Menu時睇到，冇鹹蛋黃金薯條lu，由嚟到排隊等到可以買飛，用咗接近40分鐘時間，咁我就要$44.00嘅台式鹵肉片刈包，$40.00嘅黑松露醬雞翼同$33.00嘅黑糖寒天檸檬綠茶。買完飛等咗12分鐘，終於嗌我no.，店員問我係咪堂食？我答係。佢話嘢食齊晒，嘢飲要等。OK的。咁我坐低影相同食住等，先食台式鹵肉片刈包， 睇見個包係塞滿鹵肉，食落，味道濃郁但太鹹，或者台灣風味就係咁，肉片鬆軟唔柴皮但juicy，刈包裏面都有菜同白蘿蔔，而刈包口感係正常鬆軟。4分食咗幾啖刈包，距離攞嘢食隔咗6分鐘時間就叫我no.攞嘢飲，杯飲品因濃度唔同嘅關係，就自然分咗3層，由於都口渴喇，所以影完相都即刻飲啖，黑糖珍珠彈牙，杯嘢甜度適中，可中和檸綠嘅澀，而佢嘅珍珠都唔少，每啖都飲到，而且夠凍，凍到我飲剩珍珠，想 揭開蓋飲埋啲珍珠都揭唔到，焗住拎走，隔咗成個幾鐘返到屋企飲啲珍珠時，杯嘢都重係凍。

要Belly 覺得happy當然要揀邪惡食物芝士吉列蠔刈包：打開包裝見到兩隻金黃色渾圓飽滿的吉列蠔已經令人食指大動。香脆的外皮包著鮮味多汁的蠔肉，再配上鹹香濃郁的芝士，味道豐富但不膩，因為刈包裏放了椰菜絲，帶來清新的口感，正好中和一下白桃烏龍冷泡茶：甘味烏龍茶味中滲出淡淡白桃果香，無糖有助減低邪惡美食的罪疚感寫稿之時已經知道太子店將於7月9日last day, 希望小店能夠很快在別處重開，有機會再食到令belly 好happy的美食

✧ 𝙷𝚊𝚙𝚙𝚢 𝙱𝚎𝚕𝚕𝚢 ✧喺旺角行完街，就去咗一直好想試嘅本土小店食刈包😌🍥台式魯肉片刈包魯肉好入味，刈包好軟熟😍🐥鹽酥雞啖啖肉，份量多，好夠味😋好香口!🍑白桃烏龍茶好香桃味，淡淡嘅烏龍茶味正好消除咗食完邪惡鹽酥雞嘅罪惡感😆#美食可以令人開心💛 #堅持只食值得幫襯的✊🏻 #happybelly #太子必食

我本身唔算特別好刈包，因為好怕食到周圍係，或者hi到成面都係🤣🙈 但就一直都好想試吓Happy Belly嘅刈包😋🥠 雖然好邪惡，不過有驚喜🫰🏻😛🦑#特製馬德里魷魚刈包：喺my favourite芝士蠔同呢份由菇扮魷魚嘅素食包之間，我最終揀咗呢款創意包🤤 Order嘅時候嗌咗少醬，加上幾舊炸菇唔算太油膩，即刻減低咗罪惡感🤭 而且係即叫即做，一路拎住影相feel到個包勁熱😹 輕食嚟講絕對試得過～🤩下次一定會再嚟試埋個芝士吉列蠔😻！！

裝修好sharp, 有少少位可以坐Menu 清晰易明叫左個台式魯肉片刈包$44、鹹蛋黃薯條$38、白桃烏龍茶$20職員超級友善，野食要等，佢特別拎支野飲過黎我地張枱友善到我有d尷尬，比幾十蚊但酒店服務咁不過野食又真係等得幾耐，大概等左15分鐘？刈包好軟熟又香，入面既肉餡都好多！絕對唔係果d 等上半part 有料既刈包，睇落細細個，食落就好飽魯肉片我以為係五花楠果種，但其實係豬肉薄片（打邊爐果d) 但都非常入味薯條有d 出乎意料地大份咸蛋味香濃，薯條有大條都有d 碎濕濕既，所以變到成盒既份量好多，因為連d 空隙位都zip 最碎濕濕既細薯條亦因為咁覺得略油😂但又好香濃忍唔住係咁食白桃烏龍配個薯條係超夾，凍冰冰又清清地好消膩

一路都好想試，今日咁啱去太子，所以就專登過嚟，叫咗一個魯肉包，同埋凍嘅白桃烏龍。價錢唔算相當平，但係想快快脆，輕輕鬆鬆食少少嘢，是一個不錯的選擇。地方細細，但係坐落都幾休閒。店員有禮，會將包送到去枱面。個包好軟熟、好輕、好滑，食落唔會好膩。魯肉亦都非常足料，味道唔錯。白桃烏龍，凍冰冰飲好舒服。最啱OL或者女士們食少少嘢嘅好選擇。食完仲可以慢慢坐一陣，是個在繁忙都市中，想食個悠閒小食嘅地方，下次會再嚟。

一向唔知乜嘢係「刈包」，經過呢間舖買咗份吉列廣島蠔刈包同咸蛋黃鷄翼試吓，味道方面真係幾唔錯，首先吉列蠔炸得脆卜卜，醬料啱啱好（好怕大量醬料搶去食物本身原有味道）刈包皮好香充滿濃濃麵粉嘅味道而且好煙靭；而鷄翼經過咸蛋黃調味後炸出嚟好搶口，可以一再encore⋯⋯下次會再試其他款式～期待😊

太子旺角掃街又多一間好去處😍仲要係商場地庫，唔怕日曬雨淋就食到台式刈包、香口炸物同搞怪特飲😉呢間本土小店主打刈包，有芝士吉列蠔、台式魯肉片、麻辣慢煮雞同埋素食既馬德里素魷魚口味🤤今日晚飯前過黎打個底先，食咗台式魯肉片口味🥓落單後好快出餐，專用既開口紙包住，食落唔麻煩唔會周圍跌，刈包皮幾軟熟，魯肉片大塊夠香🍔不過如果重口味d咸小小會更正其他小食仲有薯條、雞翼同埋炸菇等🍄‍🟫下次仲可以跟餐試埋，飲品方面有Espressos 青瓜勁吸睛，提神飲杯咖啡都唔錯

🍽️食物方面：🐷台式魯肉片刈包💲44肉好腍 配菜+爽脆嘅醃白蘿蔔🍄鹽酥炸雞髀菇💲28酥脆夠味 粒狀 用叉難d拮🍓蝶豆花草莓梳打💲33清爽 好濃嘅草莓醬味飲筒用可分解嘅咖啡渣整🥚鹹蛋黃金薯條💲38好香 但唔夠鹹蛋黃味📷打卡方面：燈牌好靚 食物用紙袋裝起有老闆信箱 寫定封信入落去🔈環境方面：喺友利隔籬 有幾張高凳同枱Staff好nice 有耐性有笑容坐低等送餐 堂食自己執枱💬其他資訊：📍Happy Belly太子彌敦道750號始創中心地庫B1樓B02-06號舖

行過太子見有D肚餓, 簡簡單單食D嘢 食物 : 芝士吉列蠔刈包 $44 ~ 初頭見到餐牌感覺有D貴, 但食落口味道真係唔錯, 刈包好食, 吉列炸蠔唔油膩, 芝士有咸香味, 成個包味道好夾, 好好味, 所以下次會再嚟試其他口味 環境 : 小店在始創中心地庫, 非常方便, 店外有枱及少許座位, 食完自已清理乾淨 服務 : 職員有禮貌 價錢 : HK$44

Happy Belly 主打刈包，四款當中有一款係素食，就係呢個特製馬德里魷魚刈包，所謂魷魚，其實係菇，炸咗之後，口感其實真係有啲似魷魚，加埋甜甜辣辣嘅醬汁，食落都幾滋味。不過要食一定要快，因為倒汗水會整濕塊包皮，影響味道。呀，唔記得介紹，呢間小店嘅老闆係王宗堯💪💪。

初初望個地點以為係food court外賣冇得坐, 但原來都有幾多位坐㗎喎！下午茶時間,幾張桌都有人,都幾多人幫襯呢！有人送過來吃,員工好有禮貌,好有笑容。第一次叫,唔知呢種包嘅感覺係點, 叫咗個芝士吉列蠔包, 同埋蕎麥茶...好快就整好有得食啦！有驚喜！咬落去嗰陣時覺得個吉列蠔好香脆, 蠔炸得剛剛好,好有鮮味, 份量也不少,加埋芝士和配料,個味好夾；個包熱熱的, 好軟好香！ 覺得好好味呀！因為炸嘢可能熱氣, 我就叫埋個蕎麥茶, 簡直係perfect match！好開心響到食到呢個tea！下次經開太子一定會再嚟！希望下次可以試埋其他野...期待中

我們經過有一間「Happy Belly」,我周圍環境..只是有幾張枱子，我看看餐牌，只有四種不同款有刈包，其中一個有素，想揀這個試試下食，決定點餐...一位伯伯好善良又好細心對我講小心熱杯...這家好有禮貌、給我感覺溫暖這家！支持小店特製馬德里魷魚刈包(素) $48我點餐，試試吃，這個刈包有蓋上這個店家的標誌，咬一口真是好吃，裏面有三個魷魚是用雞髀菇製作做成似魷魚圈咁，不過真是好吃純黑糖薑棗茶 $33只有冬日限定，我點這個飲，裏面有薑同埋紅棗，飲得好暖又好飲..我把吃完有包裝紙，我自然摺下一個心形同埋鶴放在度 代表祝福 想大家要健康同埋是一個溫暖～Happy Belly📍地點：太子彌敦道750號始創中心地庫B1樓B02-06號鋪☎️：🙅‍♀️營業時間：星期一至日 12:30~19:30

主打刈包、唔同口味既雞翼同薯條當中有同 yauveggie 合作研製嘅游 特製馬德里魷魚素刈包仲有同 edestriancoffee.hk 聯乘既House Blend 對於佢地出既特飲 「手拍青瓜咖啡湯力」我都超期待呀！📣 刈包🔸 游 特製馬德里魷魚刈包 (素) 🔸 麻辣慢煮雞刈包🔸 芝士吉列蠔刈包🔸 台式魯肉片刈包📣薯條🔸 蜜糖芥末醬薯條🔸 鹹蛋黃金薯條🔸 黑松露醬薯條📣雞翼🔸 蒜蜜牛油雞翼🔸 鹹蛋黃金雞翼🔸 黑松露醬雞翼📣飲品🔸 咖啡系列🔸 寒天荔枝綠茶🔸 蝶豆花草莓梳打🔸 西柚檸檬伯爵茶🔸 蘋果鮮橙綠茶🔸 冷泡茶：降脂桂花國寶茶🔸 冷泡茶：高山翠綠🔸 冷泡茶：白桃烏龍茶🔸 冷泡茶：炭燒烏龍茶