Happy Roller

營業中

休息中

今日經過觀塘，陪朋友行街街，順便嚟happy roller買條開心果牛乳竹炭麻薯卷蛋，之前上openrice見到其他食評介紹過，我見到流曬口水，今日經過就買條返屋企食。個蛋糕好鬆軟，不過我其實想問好攰，竹炭味其係咩味？我未食過竹炭。中間層開心果嘅cream，好濃好好味，入口滿滿嘅開心果溶，超正超好食仲有層好QQ嘅麻薯喺中間，好好咬口。不過$183就唔係平，呢個價錢係應該要有返咁上下水準，佢算係合格啦。

👧🏻同事生日，今次訂左兩款卷蛋做生日蛋糕🎂以前只有旺角餅舖總店時，一條卷蛋難求，每次都要至少一個月前預訂🥲有觀塘分店後，我地一個星期前預訂仲有唔少款式👍🏻🌟開心果x原味生乳竹炭卷蛋睇返資料先知道原來竹炭卷蛋係用上戚風蛋糕體🍰通常食戚風蛋糕都好驚蛋糕太乾，幸好卷蛋能夠保持濕潤💦竹炭蛋糕少不免會食到沙沙口感，有啲同事就反映唔太鍾意啦😛講返內餡先！開心果忌廉💚顏色翠綠，一睇就知道係用咗某日本牌子嘅開心果醬🇯🇵，仲要係落重料，味道非常濃厚🥰。相反，開心果太霸道，令原味生乳地位不保🥲，食唔出生乳嘅creaminess，只可說生乳帶來良好視覺效果👍🏻有唔少foodies表示忌廉略帶Baileys味，可能係👧🏻+同事們都係真Baileys控，我地就食唔出任何酒香😭🌟焙茶+麻糬卷蛋焙茶味依舊濃郁重茶味，有明顯嘅烤焙茶香☕️。忌廉軟滑，唔會因為過多茶粉導致鞋口。麻糬係煙韌厚實，比例剛剛好，大概係麻糬1:Cream 3🥰 食完好滿足呀！

小編好久之前已經留意呢間IG小店❤️再加上當時好多媒體介紹令禁不住好奇心嘅小編都想買黎試下😉📍Happy Roller（旺角/觀塘）@happyrollerhk ❤️推介指數: 9.25/10 😎會回訪嗎: ✔️✔️✔️—————————————————————😍抹茶roller $138 呢間嘅roller超適合濃茶控🥰中間部份有抹茶醬令到抹茶味係超級超級重重到唔會覺得好甜😆唔係好食得甜嘅人士都唔洗驚😉而且抹茶味帶有回甘😙抹茶控一定會很喜歡😝而好似小編咁記得切好先好食會更有口感🤪整體卷蛋就好鬆軟而裏面夾著嘅抹茶醬係口中溶化令到個口充滿抹茶味🤩雖然佢哋講明會較苦但小編唔覺得有苦味🤤總之小編好推介呢間嘅抹茶roller😚見到我比咁高分就知😛🙋🏻‍♀️呢篇係自費食評 係試食/promotion就唔會有呢一句😙🙏🏻食評只供參考—————————————————————💯小編分數表6️⃣以下：不合格😣7️⃣：整體普通8️⃣：值得一試🤪9️⃣：必試🥳🔟：呢種程度應該不能挑剔吧～

之前朋友買過Happy Roller捲蛋同我慶生然後真係一試難忘不過旺角真係遠難得係觀塘開左工場仲要好近我.即刻訂左一條焙茶x抹茶捲蛋真係好重身蛋糕同Cream既比例岩岩好👍🏻焙茶蛋糕好濃味回甘好重👍🏻好濕潤.抹茶Cream唔會過甜爆哂餡😍😍濃味得黎會甜過焙茶所以夾埋平衡左個回甘味👌🏻.茶控必食呀👏🏻👏🏻👏🏻

📌Happy Roller~觀塘第二次試呢間卷蛋店 仲要新訪觀塘店😬主要推出唔同口味嘅卷蛋 亦係標榜少油少甜採用零卡嘅稀有糖 整體性價比高💯今次仲聯乘紐西蘭品牌Anchor 推出期間限定嘅日本玄米茶卷蛋‼️用咗佢哋嘅牛奶、淡忌廉同忌廉芝士製成👍🏻觀塘實體店好光猛 仲有牛牛霓虹燈好可愛🐮可以whatsApp/inbox落單 建議盡早預訂～booking都好full 想要現貨嘅話都要留意佢地IG每日數量有限不設預留 需直接到店購買👈🏻1️⃣ 日本玄米茶奶蓋生乳蛋 X 𝗔𝗻𝗰𝗵𝗼𝗿 𝗦𝗲𝘁 $𝟭𝟲𝟴呢款係期間限定款式 包括有卷蛋、奶蓋同可重用冰袋😍售賣至11/10 送別注版嘅冰袋質感不錯🤩蛋糕體東方美人戚風茶味清香 質感鬆軟濕潤 中間忌廉係玄米茶味好清香 唔會話太甜👅因為店鋪用咗零卡稀少糖配方 較為適合喜歡少甜同健康食品嘅朋友😆另外仲有得自己唧奶蓋落去 又幾好玩✨奶蓋味道帶有鹹香 質地較為稀身中間忌廉份量真係好多 次次都淨咗好多🤣唔建議放過夜 卷蛋會變得乾身🤦🏻‍♀️整體食落好滿足 唔會太甜膩！💡整體嚟講 卷蛋用嘅材料都係真材實料 好想再試其他口味👍🏻其他熱賣口味有小山圓抹茶、竹炭Oreo麻糬同伯爵

又係呢間性價比高嘅卷蛋！卷蛋標榜少油少糖 採用零卡既稀有糖，卡路里低於坊間卷蛋，食多幾啖都無咁大罪惡感。⁣最近佢聯乘紐西蘭奶製品牌Anchor 推岀期間限定嘅日本玄米茶奶蓋卷蛋！仲係觀塘開左實體店添！有Anchor牛牛feature wall之餘，仲有少量座位~大家可以inbox/whatsapp落單預訂~ 想買現貨嘅朋友仔就記住留意 ⁣@happyrollerhk 嘅story啦▪️日本玄米茶奶蓋生乳卷蛋 $168⁣卷蛋一貫足料爆餡，配左一支日本玄米茶奶蓋，可以按個人喜好食幾多唧幾多，仲可以唧成自己鍾意嘅花紋，又幾過癮蛋糕體綿密紮實，感覺上無之前食嘅咁鬆軟。建議大家盡早食用，放左兩日邊邊位變得有小小乾，不過忌廉玄米茶香依然突岀。忌廉口感順滑厚身，玄米清香充斥口腔，隱約嚐到其苦澀。奶蓋輕巧幼滑，增添左一絲鹹甜奶香，令卷蛋食落無咁單調。連daddy都好鍾意呢個毫不甜膩嘅卷蛋。更附送別注版冰袋！期間限定 10月11號就落架！想試就要快手啦~

上好友屋企聚會，其中一個好朋友買了呢間嘅卷蛋做甜品，一個花花膠袋，雲石花紙盒，包裝簡約大氣，佢買左鐵觀音茶卷蛋（我唔知正式嘅名稱，唔知價錢）卷蛋唔算好大條，有牛油紙包裹，首尾都有膠紙封口，應該是防止卷蛋太快變乾，啡色蛋糕皮軟熟有水份唔乾，入面滿滿的忌廉，打得很滑，而蛋糕及忌廉都係濃厚嘅鐵觀音味，係食緊固體嘅觀觀音嘅感覺，甘味又唔會太甜，大人都很喜歡（不過小朋友話太苦唔喜歡）我很喜歡喜歡茶甜點嘅一定喜歡

特登趁星期六中午上去買, 見ig話仲有現貨 去到有一大半已經賣左😳我買左抹茶+朱古力麻薯卷🍵🍫 抹茶味道夠濃 中間個cream都好足料 而且又好Smooth.我個人唔太中意抹茶一食覺得太抹茶😂但係好事黎既 所以抹茶控一定會中意!朱古力麻薯很可以! 甜到係岩岩好仲食到朱古力小小甘味 個麻薯好soft唔會好似食香口膠咁👍🏻 Roll個蛋糕好綿密而且好濕潤 食完都唔覺得heavy💁🏻‍♀️依家呢啲天氣唔即食一定要放入雪櫃!