Harbour Grand Café

營業中

休息中

上星期去咗試呢度既甜品lunch buffet, 酒店網站做緊6折優惠好抵，平日一至四唔洗$200就食到，個度有成二十多款甜品選擇，中或西式都有，幾特別既係有豆腐花，creme brulee都好好食。仲有waffle 同pancake station, 啱哂鍾意食waffle 同pancake既朋友仔，配搭movenpick雪糕一齊食好滿足。環境坐得舒服唔太多人，服務都不錯，一邊食一邊享受景色可以慢慢坐👍👍👍

餐廳樓底夠高，環境算大，座位闊落，空調適中食物質素中高，飲品同雪糕選擇多，職員服務態度中平，收碟速度快火焰雪糕表演能吸引不少客人圍觀，增加現場氣氛但客人坐的凳，就非常不滿意， 背脊是穿窿的，手袋都擺唔到，有冇其他可擺手袋的位置，全程背住手袋嚟食，真係有點辛苦，好似喺大排檔食嘢咁洗手間的小水龍頭，自動感應弱，經常都感應唔到客人的手坐廁沖水弱，撳三次都未能把廁紙沖去希望餐廳有待改善，下次再嚟，希望真係有改進謝謝

今日七月一日興回歸公衆假期🎊最好就係食自助餐🥂揀左🔹北角海逸君綽酒店的Harbour Grand Cafe 🔹自助午餐，地點方便，炮台山地鐵站出🚇直行到海邊，五分鐘便到⏰自助餐12:00pm - 2:30pm, 可以食足兩個半鐘。好幾年沒有來用餐了，久違了的寛闊大堂🏩超高樓底，呢間酒店雖然已經有一段日子，但維護得很好，沒有太大的陳舊感。自助餐廳裝修同以前一樣, 落地玻璃🗺️光線充足☀️喜歡海景的食客可以早點訂望向維港的位置🌊.午餐提供中、西、日美食，亦包汽水🥤冷熱飲品☕️以下介紹一些我有試過的食品：.即開生蠔🥢一般size 🦪但肉質夠厚，有口感，亦有蠔味，很好。長腳蟹🥢多肉但偏淡，冇乜蟹味🦀白灼凍蝦🥢大隻而結實🦐少量蝦味，算唔錯磯燒鮑魚🥢比較大隻，有鮑魚味鐵版燒雞亦、脹仔、迷你菜肉包🥢以迷你菜肉包最好，內裏嘅湯一咬就噴出嚟，熱辣辣的，令人食唔停口日式料理🥢試左三文魚好肥美、北寄背新鮮、壽司、螺肉正常🍣中式小菜🥢推介露旬炒雞柳、炆牛肚🥣片皮鴨🥢成日都要排隊🦆片左好多隻，唔使講都知好味道啦天婦羅🥢粉將頗薄，推介炸蝦🍤炸番薯雪糕🥢movenpick 十二款🍧更有一款啱你甜品🥢幾多選擇🍰🍡🍮🍭豆腐花

好耐冇食自助餐，朋友推介港島海逸君悼酒店的自助餐，話網上酒店eshop 有做折扣，所以去試下。我們訂了自助晚餐平日網上eshop 價$553.5位，價錢在五星級的酒店來說很抵食。食物方面都不錯，酒店做緊和牛鴨肝龍蝦主題，有不少海鮮item: 即開生蠔、波士頓龍蝦、蟹腳、阿根廷蝦、原隻磯燒鮑魚，啱哂鍾意食海鮮的朋友們。另外仲有和牛、片皮鴨、煎鴨肝都好好食。 甜品種類都吸引，特別有movenpick 雪糕櫃，多款movenpick 雪糕選擇，配埋pancake 一齊食很滿足整體質素不錯下次會再去。

究竟5星級自助午餐有乜好嘢食？除咗燒牛、飽魚,生果、雪糕和沙律吧,全部都唔掂.選幾款同大家分享1）魚生-除咗三文魚外,油甘魚好腥,吞拿魚有根,其他一般2）生蠔、凍蝦、蟹腳、螺一般,青口仍有海草。3）生滾粥...佢話加湯加粥即時煲,上碗粥水分離,唔知邊個指導咁樣煲5）甜品”心太軟“,沒有流心.寄望拿破崙蛋糕,有酥但唔脆,總括...九龍海逸君卓較好..$321。。可能有更好選擇

幾鐘意harbour grand cafe 自助餐個buffet setting 攞食物係跟住一條長走廊行哂，一眼望到哂不同種類的食物，十分豐富。這次和牛鴨肝龍蝦主題，都有好多和牛鴨肝菜式，啱哂鐘意食牛的我。香煎鴨肝容易入口，冇腥味。鮑魚花膠燴牛尾唔會韌，很入味仲有和牛酥盒、鴨肝腐皮卷都十分吸引到我，推介還有磯燒鮑魚、椒鹽鮑魚、芝士焗龍蝦，食物豐富 坐得舒適可以慢慢嘆住食。當日食食下仲有巨型火焰雪山表演，氣氛好好，然後服務員服務都很好，收碟都好快我們都食得好滿足，期待下次再去

我食過幾次港島海逸君綽酒店自助午餐，今次同大家分享下！😝食得酒店自助餐大家當然最睇重海鮮🦞🦀🦐🐟，我午餐未係好有胃口食太多海鮮，但咁新鮮咁靚點都要試下！刺身我只係試咗三文魚，好肥美好新鮮，絕對有酒店水準！蟹腳蟹鉗都好有肉地，不過就稍為鹹啲。磯燒鮑魚仔好有驚喜💯，我自己都食咗幾粒！生蠔🦪就幾新鮮幾鮮甜，但唔係好大隻，不過不失！大家未必有耐性睇，所以講咗甜品先！有個😛朱古力蛋糕👍我唔知叫咩名，超級好食，極度推薦🤤！另外仲有名廠雪糕，但老實講得一個胃，我都係會揀食蛋糕，因為真係好有水準！我會推薦埋芝士餅同埋芒果拿破崙！如果你真係食得落，食埋個朱古力火鍋啦！其他嘢食都有好多款式，中菜亞洲菜西餐沙律，咩都齊！我覺得呢度燒味都幾好食，唔係經常會食酒店嘅燒味，呢度都幾有水準！另外蘑菇湯超級濃味，真係有酒店不惜工本嘅氣派。但係唯獨有一個唔知咩肉丸❌，真係幾難食，某傢俬牌子肉丸實在將標準定得好高！老實講下中午食好少人，攞食物嘅地方有啲細，我估計晚餐自助餐可能會有啲逼！不過食物質素真係唔錯，性價比可以！

此次主題很多鮑魚,海参和花膠的菜式,花膠海参等份量都好多,其中炸海参好特別,位上燉湯內裡有齊鮑參翅肚,但飲完好口乾,泠盤海鮮方面生蟓新鮮但無咩蠔味,長脚蟹則太咸了,是浸太耐鹽水了嗎?刺身好新鮮,帶子同甜虾都好大只,仲有現場即劏藍鰭吞那魚,總括太多野食我連牛扒羊扒都沒有試上,補充食物的速度也很快,整體表現對得起呢个價.

試過唔同酒店嘅自助餐，覺得依度嘅性價比最高，最抵食。 試過有啲自助餐得一杯飲品，又或者冇龍蝦。 最吸引我嘅係依度有片皮鴨，，龍蝦同埋生蠔。仲有pancake雪糕，刺身方面亦都有比較少見嘅赤蝦， 好鮮甜。當日酒店送咗每人兩隻鮑魚，同埋花膠湯 好好飲。個人認為凍海鮮同埋刺身片皮鴨都好好食🤤片皮鴨真係好正😍😍😍I have tried buffets in different hotels and found Harbour Grand Cafe to be the best value for money. Some buffets where you get a drink or no lobster.What attracts me the most is :the beijing duck, lobster and oysters. There is also pancake ice cream, and the sashimi also has the rare red shrimp, which is so fresh and sweet.On that day, the hot

新春期間 推出中式主題嘅鮑參翅肚自助餐🤤五六日仲有即切原條黃鰭吞拿魚🐟.📍「蠔」華鮑參翅肚海鮮自助晚餐 🔸快評睇呢到👇🏻🔸即劏吞拿魚幾有gimmick👏🏻不過食落唔夠肥美一人一盅嘅佛跳牆超足料又好味🧡 大部份菜式都真係加入鮑參翅肚，主題突出😍龍蝦同生蠔都幾好食，其他凍海鮮就冇乜特別甜品麻麻地🥹有啲可惜.………………………詳細食評睇下面…………………………….🔥佛跳牆絕對係重點，有齊鮑魚、花膠、海參、元貝等等，湯頭清澈又濃味😎，好正！.熱葷以中菜為主，有4式鮑魚、焗蠔、蝦膠釀海參、炸海參蝦膠龍蝦鉗等等🦀.凍海鮮入面即開生蠔同波士頓龍蝦最出色🦪🦞蟹腳過鹹🥹，其他不過不失刺身嚟講三文魚、紅蝦同帶子都唔錯👍🏻！.甜品算係最失色嘅一環🥹👉🏻👈🏻賣相同味道都麻麻有趣嘅係佢哋將花膠加咗落甜品度，例如係花膠椰汁奶凍、花膠雲呢拿焦糖燉蛋、花膠椰子吉士忌廉泡芙，不過味道嚟講唔算好夾🍿雪糕有12款口味Mövenpick🍦.除咗果汁🍹仲有free flow啤酒🍻，鍾意飲酒嘅朋友記得飲多2杯啦！.

前幾日去咗食呢間BUFFET！有好多海鮮有生蠔青口 長腳蟹etc.熱海鮮都好多！炸蟹鉗勁好食！又有炸蠔、炸鮑魚、炸蝦天婦羅🇯🇵食物選擇都幾多雪糕係MOVENPICK有Io隻味（？！）仲有燒味 片皮鴨😍湯都好飲！唯一係甜品賣想不太吸引◎但朱古力心太軟都好食！仲有勁多芝士焗龍蝦🦞

本來諗住聖誕節食自助餐但最後發現度度都多人又貴於是就嚟個新年自助餐🤩左睇右睇就揀咗港島海逸君綽酒店準時12:00 入座🥳一入到去兩邊可以攞嘢食🤤有火雞、有燒牛肉火雞肉唔會好嚡口，值得一讚😋蠔同魚生都值得欣賞😍蠔即開即食，唔怕唔新鮮魚生都好鮮甜，而且鍾意食嘅就可以麻煩師傅切多少少都得☺️呢個自助餐大家都好滿意唔太多人，補添食物嘅速度快食物種類多，最好嘅地方係每樣嘢食都好細份大家就可以試多啲唔同款嘅嘢食又唔會浪費😆美中不足係今次未有機會坐窗口位下次有機會再嚟💛💛😋

朋友之前食過這一間自助餐，說很不錯。炮台山地鐵站出去非常快，地方非常寬闊，可以望到海景，空間感十足。食物方面選擇頗多，有長蟹腳，翡翠螺，凍蝦。魚生選擇不多。即開生蠔，生蠔細細隻，很鮮甜，一啲都唔腥。鮑魚非常好食，鮑魚很爽口彈牙。熱盤還有片皮鴨。甜品選擇也很多，味道又不錯，還有朱古力心太軟。最驚喜是Movenpick雪糕有12款。串燒。而且中午的時候不是很多人，完全不需要排隊攞食物。 如果慶祝生日🎂，提前一日通知餐廳，還會送一個小蛋糕。總括來說，質素算不錯，服務也很好，和朋友再來。

📍港島海逸君綽酒店 ⭐️抵食自助餐 即開生蠔、蟹腳最近突然之間有一日好想食自助餐🤣呢一間嘅自助餐性價比好高！上網預訂就有優惠價，已經包埋+1，抵到爛！🤩平日午市：$343假日午市：$424用餐時間：12:00-14:30仲要有即開生蠔、蟹腳、各類海鮮、鮑魚、厚切刺身、片皮鴨、freeflow啤酒、movenpick雪糕⋯⋯呢啲都係我覺得比較吸引嘅菜式！同埋都幾好食😋性價比好高！佢嘅海鮮有生蠔、長腳蟹、凍蝦、翡翠螺同青口。入面我淨係食咗生蠔同長腳蟹，比較抵食！🤭生蠔好新鮮！長腳蟹就一啲啲，有啲冇咁有鮮味，雪味比較重，但大部份都好食嘅！另外，仲有刺身、天婦羅、燒味、點心、烤物、燒有骨牛肉、燒羊脾、粥粉麵飯、沙律⋯⋯🤤總之中西日料理齊晒！佢嘅甜品款式都真係好多。同埋都幾有誠意！對於我呢啲勁鍾意食甜品嘅來講🤣真係不得了！特別推薦佢嘅movenpick雪糕，有12種味，我每隻味都攞咗細細球試吓～之後揀最鍾意嘅，仲可以叫佢整塊Q餅夾住！😋呢一個價錢呢個質素我覺得真係非常之抵食！仲要佢refill嘅速度好快！收碟都係好迅速，附近就會有個職員喺度。仲要有個海景對住食，食咗個零鐘已經飽晒🤣剩低仲可以，慢慢

今日食到餐好嘅同學同我補食生日飯因為我本身好鍾意食中菜，好難得食自助餐都覺得個中菜做得好好食個燉湯係鮮甜清湯見底嘅個花膠同埋海參 炆到入味但係又唔梅又唔斷喎最意料之外就係鮑魚我本身就唔食鮑魚因為次次食親呢都韌嘅 硬嘅但係呢度就炸鮑魚係可以切落去 好似食緊魚咁滑又有少少彈呀唔錯唔錯同場都有原隻龍蝦 蟹腳 生蠔 正常發揮各款嘅生日小蛋糕我都好like個芒果拿破崙好自癒㗎因為嗰塊餅係冇切碎起角㗎之後呢去個朱古力 榛子 蛋糕係朱古力控必喜歡嘅好濃嘅朱古力味然後就配過有啲甜度嘅榛子最後值得一排嘅係嗰個好唔起眼細細個嘅 blueberry杏仁塔個blueberry唔會好甜係清爽嗰種口感就搭落去個好香杏仁味有啲甜度嘅撻上面話嗰種味道好正正今次生日飯滿心歡喜