HASH CAFE (已結業)

今日黎到天Town嘅井茶Hash Cafe食晚餐。首先比Hash Cafe嘅精緻裝修所吸引，有一個大雀籠係餐廳中央位置。打開餐牌，餐牌都好精美，而且食物價錢都好吸睛。首先我同朋友決定要個牛油香煎帶子雜菌意大利飯（$118），有3大粒金黃色帶子配上creamy 意大利飯，整得幾好嫁，值得推薦，然後跟餐簡左個湯。然後緊係要試一試佢個牛扒啦，澳洲西冷扒配薯條（$128），價錢真係一d都唔貴，而且份量足夠。我地要左7成熟，廚司都整得岩岩好，唔會太生，而且十分juicy 。依個我地跟餐要左個牛油果野菜沙律。最後跟餐就有2杯飲品及是日甜品，今日嘅甜品係雪糕啊。最後埋單$252，食到飽一飽，仲影左好多靚相，少有大型商場下有裝修禁特別嘅餐廳嫁。

今日終於試到呢間雀籠餐廳，每次經過都係趕時間，今次終於可以入去試下啦！今日同朋友聚餐，帶埋隻小魔怪一齊去打卡小魔怪見到餐牌就要牛扒，甜品，我同朋友就點了一份軟殼蟹海膽意粉，香辣菠菜煎夾餅，檸檬黑胡椒醬蜜汁雞翼。牛扒點了刀片牛配薯條，超軟綿綿，我點了7成但唔硬，好味呢款牛薯條係無限量追加的，鐘意食薯條的朋友可以追加呀！軟殼蟹海膽意粉：有三舊軟殼蟹，超級豐富海膽，原本以為熟海膽好腥，但又無好好味呀！香辣菠菜煎夾餅：重點推介呀！辣辣地又重芝士味，菠菜味唔重同芝士好夾，好好食呀！但凍左就會咸囉，所以要襯熱食甜品就點了草莓厚多士，呢度厚多士同出面的唔同，呢度係無皮麵包非常非常脆，面上仲有重牛油上層有士多啤梨，藍莓仲有大大球士多啤梨雪糕，朋友超鐘意牛油佢好喜歡呢件多士，差啲唔記得杯水果茶，好多水果，茶味重唔甜對於我唔鐘意甜既人黎講岩岩好入面既水果全部比隻小魔怪食晒，所以寫唔到，但魔怪好高興，應該好好味今餐超級滿足，下次一定會再黎

一間有兩個鳥籠的餐廳，都蠻特別，刀义都是金色的，不過服務員給的是熱水，這天氣冷的就更好。點了一個牛扒配任食的薯條，真的是任食，我追加了一次，滿滿的薯條，剛炸出來，熱騰騰，好食。還點了，白汁帶子飯，味道不差，飯都夠軟，白汁剛好，但帶子有些煙韌。飲品合格普通不題，不過棉花糖多士不錯，軟軟甜甜得棉花糖，一個個溶化在香脆的多士上，十分合配，美中不足的是，棉花糖烤得過頭，有點苦。整體，都算是合格而已，不過任食薯條加分，棉花糖多士有創意。

呢間cafe行小清新相比琴日分享間cafe主菜有進步空間飲品、飲品都幾好所以建議tea time先來食🤣刀片牛 $128牛一般🙊 有d騷勝左薯條可以任refill薯條係粗身有薯皮果隻成碟最好食薯條😋棉花糖多士 $28好似BBQ燒棉花糖咁多士脆身😈士多啤梨雪糕厚多士 $36其實同棉花糖多士一樣咁”厚”似迷你版茶木呢個配搭好難唔好食🍓水果四季春茶 $38無糖都夠甜茶底好夾海鹽芝芝芒果 $38芝士奶蓋夠厚都唔錯但飲過喜茶返唔到轉頭

估唔到天水圍都有間咁decent既西餐廳，晚餐有set餐仲有menu可以單叫叫左個set餐，包左個西蘭花忌廉湯，飲落都幾重西蘭花味散叫左個沙律，都幾大份，上面有好多雞肉，沙律菜、芒果，再加埋個黑醋汁，食落酸酸地，相當醒胃軟殼蟹炸得夠透，食落傻傻聲，意粉既份量認真唔少，一夾起d意粉仲出哂煙添，夠哂熱辣辣，餐廳仲加左d椒去調味添，如果海膽味可以更濃會再好d呢個意大飯簡直無得彈，個汁忌廉味重，而且夠哂creamy，同埋有好多菇，飯既口感相當不錯，面頭仲有3大粒燒左面層既帶子，入面仲非常軟身架跟餐仲有大大份既送返呢款抺茶味夠哂濃郁呢度連水果茶都有，入面有西瓜、橙、檸檬、火龍果添

今日約咗個好耐冇見嘅朋友食晚餐，她帶咗我去食hash呢間西餐廳。 門口好靚， 看起來優雅高貴。🤩🤩🤩呢個裝飾幾特別，好似一個鳥籠咁，座位可以容納6-7個人左右。蜜糖雞翼：雞翼香脆唔太油，再配少量蜜糖，非常香甜惹味，味道十足。蟹肉車厘茄天使麵：香甜嘅蟹肉， 再配少量青椒絲和車厘茄， 當堂冇咁寡。意粉軟硬適中， 份量足夠，用料十足。燒豬頸肉:聞到一陣陣香濃嘅炭燒味， 肉質幼嫩和帶點juicy， 送到嚟還是暖暖的，再配合適量既沙律，當堂冇咁濟。夏日炎炎，當然要食過綠茶沙冰做甜品啦!清甜既綠茶冰，再配上適量既cream,唔會太甜，表面還有少許杏仁片作裝飾，非常冰凍呀餐牌非常吸引，選擇又多， 價錢相當大眾化。

我沒住過天水圍，但住過粉嶺，深明假日想hea在本區吃好西、但卻苦無好選擇的苦況。不過天水圍的朋友有福了，以後如想在區內吃個靚下午茶，可以到T Town剛開業的Hash Cafe，餐廳以Tiffany Blue為主調，還有「鳥籠式」座位，好美，影相打卡一流，今趟真的要高歌一曲「金絲雀～金絲雀～」了！ 這裡英文叫「Hash」，中文名為「井茶」，因為餐廳都有頗多台式茶飲選擇，喜歡奶蓋的朋友可以買外賣。 這天我選了近門口的鳥籠大枱，抬頭一望，上面的電燈竟是被羽毛窂窂包著，好美呀！好貼題呢。 香炸軟殻蟹沙律 ($58) 喜歡食蟹的朋友，吃軟殻蟹不用剝殻就更方便啦！這個夠厚肉，炸得香脆，吃完怕熱氣？別忘了吃旁邊的沙律菜降火。 香辣菠菜煎夾餅 ($38) 兩塊夾餅之中，是滿滿的芝士和菠菜，很有拉絲效果，感覺就像吃Pizza；芝士加了少許辣椒，吃起來更惹味。 刀片牛 (特價$128)，薯條無限添加 如果想來吃正餐，這裡都有主菜選擇，像這個刀片牛，原價$168，現在是試食價$128，而且還可以薯條任加，抵食！牛肉外層微焦，內裡剛熟，嫰滑。 海蝦墨魚汁扁意粉 ($88)海蝦加鹽煎香

難得放假約朋友食飯，一經過呢間井茶，就俾佢嘅環境吸引左，決定同朋友試一試。 呢度嘅裝修好特別，啱晒朋友一齊食嘢打卡 。而且啲位置都好舒服，同朋友傾計聚會就啱晒啦！呢度有啲dinner set，或者可以分開叫唔同嘅輕食、沙律、主菜同甜品。首先，我哋叫咗一個雞肉沙律，黑醋酸酸甜甜，引起好大嘅食慾！而且啲菜都好新鮮，冇苦味！其次，我哋叫咗一個無骨芝士磨菇雞翼，啱晒鍾意食雞翼但又懶嘅人啦！咬落去啖啖肉，啲芝士仲會流埋出嚟，口感豐富！再者，就到咗主食啦，我哋叫咗西冷牛扒七成熟，本身已經切好咗，完全唔使我哋晒力去切，好貼心！牛扒肉質鮮嫩，食落啖啖肉。不過，大家要趁熱食，凍左肉質有少少厚實。最後，鍾意芝士嘅朋友，一定要試吓佢哋嘅海鹽芝士飲品系列啊！我叫咗一杯海鹽芝芝莓莓，真係全部士多啤梨打碎，啖啖都飲到士多啤梨果肉！芝士再配埋水果茶，真係無得輸！

裝修好華麗，擺設好精緻 ，入到入面感覺好舒服，唔會有任何壓迫感，員工有好親切嘅笑容。芝士牛肉煎夾餅：芝士同牛肉溶埋一齊，咬落去軟綿綿， 外便煎到好乾脆，吾會油淋淋， 加埋牛油果醬，sourcream一齊食,非常滿足。野菌扁意粉配黑松露忌廉汁：大大件野菌，加上洋蔥青椒，扁意粉加少少調味已經戴動到整個粉嘅精髓，加上濃濃黑松露同忌廉汁，已經好足夠。刀片牛：牛味夠，廚師以切到一片片，七成熟剛剛好 ，薯條夠脆，重要係任食。無論係服務，環境，食物同價錢，喺天水圍區其實都好難搵到。

呢間新店開左一段日子，今日第一次食。見佢假日早上都好多人排，但逢晚市就無人排。環境坐得舒服，卡位多樓底高無乜壓迫感。點左2個晚餐：羊架配芒果野菜沙律，帶子意大利飯，再+$20配芝士煙肉薯條。餐湯係什菜薯蓉湯，味道ok。帶子意大利飯，白汁底，但又唔會好漏，帶子有d雪藏味，但個飯係幾好食的！芝士煙肉薯條，芝士唔多，煙肉似係火腿，完全食唔到煙肉味，只欣賞係用粗薯條。羊架配沙律，羊架黎到以為係2隻，原來係2隻一齊要自己切開😑，羶味太重而且太。明明係配野菜沙律，但竟然有薯條，沙律菜得少少，侍應太唔細心，羊架有薯條，應提醒客人，等我地唔洗+$20叫多個薯條。最終食淨好多薯條，浪費金錢同食物。杯凍檸水好甜，d糖唔洗錢咁🤦🏻‍♂️

近來興飲果茶，周圍都係茶飲店，連天頌都有啦！呢間HASH岩岩過左試業期，裝修好靚，有個大鳥籠係餐廳中間，可惜今晚人多坐唔到tim。試左個芝士磨菇釀雞翼，50幾蚊一客有5隻，中間有好濃芝士同磨菇，肉質嫩滑。伴碟仲有一大碟油醋汁沙律菜同車厘茄，顏色豐富夠哂健康。朋友近排要減肥，話要食多啲菜，點左個芒果雞肉沙律，5顏6色個樣都幾靚。墨汁+risotto係賣飛佛，仲有3粒大大帶子，呢個飯合哂我心意！黎到點可以唔試下個果茶，茶底係用四季春茶，茶味好清香，成杯果茶好清新又唔會太甜，係夏天好選擇！加多個士多啤梨吐司，雪糕加埋杏仁片真係添香不少！

經過見到裝潢唔錯入去試下，點知就中伏了。食物超級難食服務質素差。長通粉硬、汁勁鹹、份量少。焗飯硬、沒汁、超乾。飲品唔熱，問店員攞熱水仲熱過杯野飲。以後唔會再黎。

今晚落左頌富商場食飯 經過入去試下 一坐低就叫野食先 好肚餓呀 叫左柸水果四季春茶$38 茶味同新鮮水果好夾 清新解渴 有西瓜，奇異果 檸檬 火龍果......真係幾好味 必點無骨芝士蘑菇雞中亦$55熱辣辣 一咬開芝士味濃 加上無骨 我食左3隻最正係有埋沙律菜伴碟可以食埋😋必點墨魚汁帶子意大利飯$88味覺不錯 但個飯細左d 下次要叫兩個😂😂牛肉軟淋 7成剛剛好 一定要點醬汁 出色薯條係可以免費追加👍🏻👍🏻👍🏻食左兩碟🤭檸檬黑椒醬蜜汁雞亦$48又係熱辣辣 香脆多汁 yummy 必點泰式燒春雞伴印度烤薄餅雞烤得剛好 有肉汁幾滑

裝潢不錯，用了黑色跟白色大理石紋的磁磚作主調，搭配少少薄荷綠。簡潔優雅又不失一點點型格。店中央有兩個大鳥籠作點綴，一枱可坐五至六人。總括而言，環境OK，普遍食物溫度不夠熱，味道不過不失。🔸無骨芝士蘑菇釀雞中翼(5隻) $55小食/前菜黎計普普通通，芝士蘑菇餡唔多，一啖咬去中間就無哂。唔會有流心同拉絲😂🔸泰式燒春雞伴印度烤薄餅 $118見Menu張相幾掂就叫左，黎到個樣都OK。食左一啖唔算好好食，跟泰式醬料。再切開少少發現唔夠熟，有少少見紅肉，即刻叫職員換。職員態度良好，問我地想轉咩菜式。免得再搏隻唔熟既燒春雞，我地轉左點漢堡。職員其後醒目自己update張單。🔸柚子汁雞扒漢堡 $68相比起燒春雞，漢堡比較有溫度。但唔多食到柚子汁，只係一個好係板燒雞腿包既漢堡。有薯條、沙律伴碟，份量唔少。🔸芝士四季春 $26雖然芝士奶蓋依類飲品賣到成行成巿，但堂食餐廳好似唔係到到都有得揀。依到既飲品大概分幾類: 咖啡、朱古力、特飲、沙冰、有機茶。芝士類飲品得三款，選擇唔多(另有海鹽芝芝芒芒/ 草莓)。芝士味係濃郁，但略嫌打得太厚實，唔夠soft (感覺似東X茶)。飲落頭幾啖只飲到芝士，後幾啖只飲到茶，

垃圾服務質素，31分落單（沙津同刀片牛），50分都未有得食，時段我地仲要係lunch第一枱客，催單催極話整緊整緊，但遲黎過我地既客人，全部都黎齊野食食緊。最後放棄行過對面食，waitress仲好意思追出黎問我地係咪落咗單。大佬等得你真係餓死同場加影隔離台都有小爆間餐廳，是日餐湯係粟米忌廉湯但廚師落錯料變到勁酸，好彩無叫到湯飲唔係又再中伏，餐廳都無諗住再煮過d湯靜係逼客人轉沙律就算，其實當我地見到人地皇冠咁多人等位但呢間hash無人等位，應該一早要意識到佢有伏。