HB海濱燒烤食品 (已結業)

舖位係西貢臨海的一眾小食舖的最東邊，一對退休老夫妻因為愛好煮食給人分享而開設。老闆娘話一週只係開幾日，去之前最好電話問過是否開。我們係週六晚逛赤柱，心血來潮覺得海濱和燒烤啤酒最fit，就搵到呢間。見open rice 評價都唔錯，photo睇來也符合我們想要海邊戶外閒坐食燒烤喝啤酒的feel，即刻走去。當時客人頗多，老闆娘致歉話需要等候30分鐘先可以開始準備我們的order。我們都係閒逛且也唔好肚餓，就去周圍逛+Pokemon等待。夠鐘返到間舖，已是只有另外一桌客人，於是開始order兼同老闆娘閒聊。加上一批外國學生來到附近聚集歌舞玩樂，整個feel都幾似夏日沙灘海濱度假。男友係臺灣人，感慨好似返到漁人碼頭個種感覺。Talk about the food! 食材質素不错，简单自然的三五款调味料， BBQ炉上由老板娘一人亲自烹制，好味且感觉亲切。各式日本啤酒、小甜品/雪糕也都不错，試了牛奶布丁同 suntory 啤酒，點讚。下次去赤柱可以再帮衬

同肥髀在赤柱閒逛，海濱一帶有好多小食店， 同肥髀在一間燒烤店外坐低，店外已經坐滿人，都係不銹鋼枱加摺櫈，枱面比較黏答答！ 店員阿姐好熱情，不停介紹食物，不過佢介紹都係店內比較貴價嘅食品，我同肥髀只係想在海邊坐坐！所以叫了兩款燒烤小食！店員好快預備好小食： 雞骨腸（$50x5支）好可愛嘅香腸，好似卡通片啲肉腸，香腸燒得皮脆肉嫩，充滿油脂，加上黃芥辣提味，好好味！ 日本芝士年榚2件（$40）兩件年榚燒得外層微脆好香，年榚煙韌，芝士好濃好香！好好味！ 柚子汽水（$10罐）正常！在海濱悠閒自得咁食個下午茶！

今朝一早天氣唔好，搞到無乜心機，好彩收工時已經停雨，結果同男朋友入赤柱行吓，入到去出太陽，俾我地發現這間燒烤店，可以坐室外享受大自然，即管試一試，店主好熱心介紹，我地就試了鵝肝多士，多士夠脆，但鵝肝未夠香口，只屬一般。再叫了日本帶子，入面係未熟架，店主話帶子本身係可以當刺身食，所以唔燒太熟，想我地可以食到鮮味，但始終係冰鮮，跟本鮮味已經不足，但還可以接受。最後叫了燒尤魚筒，好夠味，啱送酒，係最好食嘅。