Him’s (中海日升中心) (已結業)

長假期就放完啦，之後要等到復活節先再有長假期…仲有幾個月，好慢長呀(｡ ́︿ ̀｡)上星期返工打算飲茶食個開年飯，點知去到酒樓爆多人，今日再接再厲，點知都係一樣甘多人(｡ ˇ‸ˇ ｡)最後行左去中海日升求其搵間餐廳食😂.呢間餐廳食過幾次，餐牌固定無轉🤔每次食都係同一個餐牌haha，款式都算多，定價有少少進取，味道就正常發揮.招牌9oz 肉眼牛扒配薯菜或飯(日式燒汁） $108午餐會包一碗餐湯，可以選擇麵豉湯或西湯，唔想飲湯亦可以選擇沙律。牛扒大塊，肉質幾淋，薯菜係南瓜薯餅脆卜卜幾creamy，好少薯菜係配薯餅耐唔係薯條，唔錯唔錯！(因為我鐘意食薯餅haha)

想起食早餐，尤其放假邪惡的沙嗲牛或餐蛋麵都係不二之選偶爾來到官塘想食個早餐，再開展一日嘅工作一心想食餐蛋麵同自己打打氣再望下自己的肚腩為左健康都係唔好咁放肆經過hims 佢d位好闊落，又唔算多人可以耳根清靜咁早餐環境完勝今次試佢的健康之選（下次食沙嗲牛先！）有一碗蕃茄雞絲通粉，兩隻烚旦，一個自家製餐包，再有杯飲品$32，價錢已經係冇得彈蕃茄湯底唔似用茄膏開，有味之餘又唔會太濃烈“乸”喉碗粉雖細，但有2隻烚蛋，好夠飽的杯咖啡好香，飲後有回甘餐包係自家製，軟綿得黎又唔似食空氣整體來講，唔似平時食完早餐少少滯住的感覺食完好滿足，健康又好味未必日日揀“健康”，但今次的經驗好好😎

觀塘本身已經多人，去到lunchtime就更加唔使講，見到周圍都排長龍嘅時候，呢間餐廳唔駛等，咁就試下佢啦！ .佢有西式同日式既lunch set，我叫左個汁煮豬扒丼，佢係炸豬扒加上照燒汁，豬扒幾香又唔算好硬，照燒汁夠濃，係幾好食~ 蛋係流心蛋，一咬開個蛋黃都好香，係幾好食既!👍🏻 .野飲都幾特別，可以揀果醋，我叫左杯青梅果醋，有自然既梅味，酸酸地幾好飲~😄 朋友叫左個牛扒飯，我無食到唔知好唔好味喇~ .以上2個飯，豬就$77，牛就$108。味道雖然唔錯，但其實都算幾貴，我都明白點解會唔駛排隊。如果唔趕時間，附近應該會有更抵既選擇~

今次系第二次幫襯小店，野食都唔錯，但建議雞翼同豬扒分第二個兜放，啲雞翼浸到淋哂😵‍💫食到最後先發現有雞蛋殼😅希望留意返！蛋殼都唔算細舊，小店無理由睇唔到既😨希望有待改善。

因為諗唔到食咩，所以就想食一間未去過嘅餐廳。就咁睇Menu價錢都大概係$60以上，因為睇過其他覺得稍微好食啲嘅都應該大概$70異常，就會覺得有啲小貴～雖然都知道觀塘食嘢係會有啲貴但係會覺得性價比唔係太高，但係都可以一試嘅。🍽三文魚蟹子丼$78味道就係想像中嘅味道，就唔會有啲咩特別，會附送一碗湯同嘢飲，份量都OK都可以食得晒嘅～不過如果有機會嘅話會想試吓其他嘢食多過再食多次。但係以呢個賣相來講都算係OK嘅～

和風田園烤汁炒豬頸肉配飯($64) 3.5/10好恐怖嘅和風田園🥗，和風田園就係一堆好油嘅豆角、蘿蔔條、雜菇、三色椒🫑同洋蔥交織而成。個醬唔算好鹹，但真係好oily，個種油膩感係令每一啖和風田園都進入咗地底油庫⛽️咁。個豬頸肉都中埋伏，韌到好似香口膠咁咬廿幾三十次都唔爛，一啲都唔嫩脆。成餐最正常係冇俾油庫佔污嘅西蘭花🥦👋🏻精選沙律/奶茶(套餐配)精選沙律就係一舊豆腐同一堆沙律菜，可惜沙律菜唔鮮得黎仲有啲苦澀味。

Lunch 時間近近地同同事係公司附近食野，呢間餐廳食過幾次勒！質素都ok，重點餐廳大，坐得舒服同埋食物黎得快，今次就試下αℓℓ ∂αу вяєαкfαѕт $98貪佢乜到有，唔使成日唔係食麵就食飯🤪有煙三文魚、滑蛋、牛角包🥐、腸仔、薯角、蕃茄、煙肉、茄汁豆同沙律菜，都幾豐富，整體都唔錯！會有下次••••••••••••••••••••••••••••••Him’s 觀塘駿業街56號中海日升中心地下M舖

食物價錢相宜，質素高，好食燒春雞嫰滑牛扒淋大蝦意粉稍為遜色炸物香脆熱辣辣三文魚頭好香，好食4大3小叫左5個餐，5個小食，1個三文魚頭，全部清曬連加一，合共$618

難得又外出食晏晝，去咗試同事成日提起嘅Hims。晏晝餐牌有好多西餐同日式野食，而且都好吸引。兩點後入座仲有折。同事大力推介扒類，今日又好想食咖哩，拎個中間食咗佢皇牌中嘅日式咖哩流心芝士漢堡扒配飯。份量非常大！賣相亦相當吸引，喜出望外係個飯居然係珍珠米，都幾有心。咖哩味道亦非常香，配菜類特別係薯仔相當軟身。主角漢堡扒有少少偏咸，但夠晒厚，一切開果然有流心芝士而且有好多！呢個位加晒分！配餐味噌湯，味道還不錯。有多啲豆腐粒就更好。總結呢度性價比幾高，下次黎仲想試吓雞扒芝士腸，望落都好吸引！

今晚約左一位好耐冇見嘅前同事食飯就佢返工地方 就黎左附近嘅中海日昇中心揾野食 行左個圈就選擇食Him‘s（題外話 而家做緊外賣自取優惠）明明係晚飯時段 但店內都好少人環境靜靜地 好啱同朋友傾偈談心大家都第一次黎 唔知有乜好野食就由佢嘅皇牌推介入手就咁睇份menu 價錢好似好貼地要注意嘅係呢個價錢只係單點主食如果要轉套餐（即係有飲品之類）就需要加錢18蚊起 先有餐湯餐飲睇左一輪 我同我朋友就揀 8安士厚切豬扒拼辣味德國腸 同 招牌辣味大蝦炒意粉並且加18蚊升級套餐餐湯好快就上左餐湯 應該係黑蟲露芝士麵包湯飲左幾啖 個湯幾濃幾入味招牌辣味大蝦炒意粉睇menu close up左個意粉 以為會份量應該都唔會話好少結果一上到枱 我同朋友都O左嘴個份量少到我一個手掌都大過佢雖然朋友話幾好食 少少辣 意粉爽口但個份量真係好少 佢要另外叫左兩個飯卷先夠飽我諗呢碟野食比較啱一d細食嘅人8安士厚切豬扒拼辣味德國腸份量好足夠 味道都好食評偠比起我朋友嘅炒意粉好太多豬扒煮得夠嫩 食落去唔覺得乾同靭薯角同脆皮腸都唔差 配埋d醬汁食 好食又夠飽餐飲 凍檸水野飲正常發揮 夜晚就唔飲咖啡茶了最後埋單每人百拎蚊 除左

姐姐係觀塘果頭返工呢間野係佢介紹既 話係抵食兼好食😀佢都經常同同事去食😎講左好幾次去食都無去食今晚出開去 特燈黎觀塘呢邊食呢間晚市好靜 唔洗等位都可以入我地叫左炸魷魚鬚 x 2 (姐姐最愛)姐姐推介既燒春雞 同 咖喱豬扒飯另外仲單點左3件壽司😂 灸燒三文魚壽司好食啵 一件$9蚊炸覺得都幾驚喜 可能係我要求低🤔燒春雞$68 好嫩好夠味 佢配果隻蒜味醬先係重點惹味到忍唔住狂點醬🤤👌🏽咖哩豬排飯又係好好食 豬排炸得好脆但又唔會好厚粉 又唔會硬 好得👍🏽咖哩都係好味啊😋😍魷魚鬚$28份量夠多 又係另一個必食價錢絕對唔貴 但係有質素我諗我遲下會再同朋友黎食😬

兩點後入座lunch set have 10% off都算多人而 飯、壽司🍣、意粉 都有 整體幾多選擇 menu都有兩三版  定價都係70幾起跳🥲🥱聽同事講已經同上次幫襯時嘅menu唔同左 seems will change frequent 掛order香烤三文魚盛盒 原價$88 九折後$79emmmmm 就唔覺邊度盛一個烚蛋配啲兩三舊蛋殼比你-.-沙律菜、煎三文魚有啲老都算幾油、少少蕎麥麵 加個藍莓乳酪配南瓜湯 飲落有啲鹹但都幾濃身 熱檸水正常整體味道ok不過🈚️食到蛋殼唔知味道點九折完都覺得不值得呢個價中海日升中心有更好選擇。。。

早左到觀塘，等做gym冇嘢做之際就去附近一間茶記食Tea餐廳環境算大，見有得坐低hea一排就入咗去叫咗個雞髀薯片配咖啡同埋一個常餐- 炒蛋多士沙嗲牛肉米粉味道同價錢相符不過薯片好似擺左好耐咁，有少少淋 雞髀唔錯，算大隻亦唔會好柴比起係商場m記坐低hea， 呢度都係一個新選擇， 價錢差唔多，但係坐得舒服好多，又唔洗驚比人趕走。

尼間餐廳開咗一段時間，通常午膳時間較多人，反而夜晚食飯唔洗等位。磨菇餐湯有比較稀，對小鳥胃胃友好。因為我叫左$68皇牌原隻燒春雞，價錢非常吸引，食落亦冇伏味。春雞應有既脆皮、滑溜，佢都做到，雞油唔算多，對我黎講算係優點☺️我見每枱都嗌左至少一份，一份應該夠1.5人食。安格斯西冷牛扒 ($148)較薄身，脂肪唔算多，7成熟切得利落，全塊都冇筋好加分。跟尼個餐仲有tiramisu甜品附送，咖啡味足夠但酒味唔算濃，甜度岩岩好，唔會甜到漏。

這間餐廳已經食過幾次， 今天再去試。 今次同樣食春雞和肉眼扒.真係仍然有水準，春雞很幼嫩和很大隻，都係68 元。 肉眼扒有9 安士， 超級大份又吾韌又有肉味， 都係88 元。最重要價錢很平民，高級享受！兩個人食到攬住個肚走。服務員態度又友善真係可以再嚟幫襯！