Him’s (中海日升中心) (已結業)

觀塘難得搵到唔洗排隊既餐廳！可能因位置有點隱蔽 但唔多人 空間感夠 好舒服～ 下午茶餐好抵食呀！ 佢既外表好似一間茶餐廳 但實際佢係一間日本餐廳黎嫁！ 所以好抵食！ cheese burger 併薯條！ 熱的 脆的！洋蔥牛肉飯～ 真係似日本餐廳既飯～ all day breakfast ~100蚊有找～ 仲要有件cake ! 好意外！ 重點： 個cake 好好味！ 一啲都唔頹！

同朋友嚟慶祝生日，本身以為好似cafe咁，點知比較似茶餐廳，開頭有啲失望。用OpenRice 訂枱有85折優惠，一睇餐牌見到咁平真係喜出望外！3個人食到好飽都係大概400幾，性價比好高😍我地叫咗3個主食加2個小食，主食仲包湯/沙律。全部都幾好食，最緊要係抵食🤣可惜掛住食影得唔多相，同埋值得一讚嘅係啲員工好有禮貌👍🏾推介多啲人食叫唔同嘢一齊share，雖然位置唔近地鐵站，但都會再嚟呢個鰻魚飯好大份，不過不失，鰻魚比較淋身，我自己就普普通通，但勝在抵食後面杯奶茶係招牌嚟～好好飲，好香奶茶味燒春雞呢個必點👏🏾六十幾蚊有一隻，肉質鮮嫩又多肉汁，好食🥰

📍#觀塘 #午餐食咩好 依間真心推介 💛 嘢食好食— 櫻花蝦豚肉炒飯🍚(炒得幾好 粒粒分明 夠味得來唔會鹹 又唔油食落冇味精）🍚🍚🍚🍚🍚🍚🍚🍚🍚🍚🍚🍚🍚🍚🍚🍚身為飯桶： 幾時都係食飯下午茶食： 真係超平！仲要唔會好細碗，at least 食得飽先！ 坐得舒服又乾淨 價錢合理 跟餐有即磨咖啡 ☕️ 不錯！ 🤰🏻：冇得戴飯盒 日日出街食飯 真係好煩 又想好食 健康 仲難 ！ 所以呢間都值得回頭 💕 bookmarked (ps. 食過幾次） #啱晒觀塘打工仔

放工好攰，又未夠鐘上堂，所以想坐低食下野，係觀塘兜嚟兜去，估唔到比我見呢間餐廳，晚市$68起，而且d野食好似又好得咁就入左去坐。我叫左一份燒春雞，嘩嘩嘩不得了，份餐好靚好喎，有薯角有粟米，薯角熱辣辣，好好味，粟米又唔係白烚，係牛油粟米，正。燒春雞好好味😋 個皮炸得好靚，好脆好香，切落去，勁多汁，肉放落口真係好juicy, d肉好夠味，又唔會太鹹，連雞胸位都唔會乾到柴皮，不得了呀！我一個人都差D食唔晒，好抵食啊！

前排經過呢間餐廳見到個王牌推介都幾抵食，而且座位都幾寬躺唔會坐得好逼，加上openrice訂位有8折所以決定試試😛 /🐔皇牌原隻燒春雞 原價$68真係無誇大原隻燒春雞燒得熱辣辣，細心位有俾埋手套🧤唔會食到成手油淋淋，原隻雞髀撕開超邪惡🍗，雞皮好脆肉質都好嫩滑，調味唔會太濃所以沾埋佢個蒜蓉汁超惹味😙～平時對旁邊嘅薯菜唔會太有興趣，但一大堆脆薯角炸得好鬼香脆，勁正！唔怪得枱枱都有人叫呢個餐～因為好抵食！但一個人食晒真係會飽死😂！/🐮招牌9安士肉眼牛扒 原價$78一上枱會唔會太大塊😱！！！第一次覺得圖片同真實係符合，佢大塊到遮住個茄汁🤣，雖然冇得選擇要幾成熟，但都唔會煮得過火位，切開肉質都微微嫩粉，有輕微肉汁，呢個價錢都知唔會比太靚嘅牛扒，但絕對超值🤩！/除左西式野，都有好多人叫日本魚生飯相信都有保證，下次可以trytry，不得不講呢到服務真係好好，店員見到我地食隻燒雞好狼狽都會自動問洗唔洗幫手切開，又會自動比多隻碟我地，超欣勤！兩個人8拆埋單都係$152，可以用大份抵食服務好嚟形用！帶頭盔先絕對唔係廣告😂！大家不坊幫襯下呢啲良心小店💛

本身想試佢嘅下午茶，餐牌幾吸引。見到 openrice 優惠「全單75折」原來下午茶不適用😅有啲失望，因為佢冇寫係晚飯優惠，下午茶又做到六點☹️不過職員態度好好，結果我哋叫左兩個下午茶，一個公司三文治，一個芝士漢堡漢堡扒中間有流心芝士。而薯角又極脆😋飲品可選果醋，不太酸👍凍飲+$3

幾個月之前路過去過呢一間餐廳食咗個晚餐佢個燒春雞真係令我念念不忘今日有機會諗住同屋企人一齊去試佢門口個餐牌仲寫住係有呢個餐點知入到去佢話呢嗰個星期都冇呢個燒春雞餐嗰刻真係十分之失望因為我本身就係專誠嚟食呢個餐😭建議下次餐廳如果轉左餐單出邊門口個牌都要改一改或者通知客人😅當日聽到冇咗燒春雞呢個餐真係好失望㗎好彩後來我哋再點其他嘢食先發現原來除咗燒春雞餐之外其他餐都非常之好味佢個西冷牛扒非常之入味又淋個豬手簡直冇得頂滑嘟嘟食完感覺好似食咗好多骨膠原落肚咁👍🏼仲有佢個餐飲係可以跟果醋上次試咗蘋果今次是白桃味兩個都非常之出色👍🏼好少餐廳有果醋做餐飲但大家留意呢間餐廳只係收現金記得㩒定錢先好去😂

晚餐好多選擇都係比較多肉，加配都係肉比較多。我叫左個炒素麵，d料係唔錯嘅，不過都係比較多油，食完都keep住有d口渴。但其實就唔係好貴，六十蚊就有找，可以跟餐加沙律。

同老公到觀塘取貨， 本不打算在外晚飯，但門口寫著 醫護人員及救護員全單七折， 裝潢感覺 乾淨光猛 比較高檔，店員親切解釋詳細，服務細心。我點了個招牌什錦魚生丼，賣相漂亮， 紅紅橙橙的三文魚刺身， 吞拿魚紋，白身魚等等等鋪滿在醋飯上， 充滿光澤好吸睛， 唔知係咪太耐無食過魚生刺身，覺得好甜，可惜太冰感了， 還沒有解冰，感覺不太新鮮。老公的招牌9安士肉眼扒跟薯條， 牛扒明顯較薄， 面積較少， 加$28只有湯或沙律加餐飲加甜品（朱古力流心批），是不配飯， 難怪老公不夠飽。

早左食午餐所以未駛等位就可以入座, 午餐set有忌廉湯或者沙律選擇, 正常味道都可以. 主菜蕃茄湯豬扒雞翼烏冬有少少驚喜, 三塊豬扒＋兩隻生炸雞翼份量滿足之餘亦炸得幾好食, 仲好juicy. 蕃茄湯都可以, 但可惜只係用左普通烏冬, 如果轉用稻庭烏冬感覺會更好. 雞柳粉意粉味道其實正常, 但隻碟設計就有啲嚇人, 一上枱以為只係得幾塊雞柳同幾條意粉😳😂, 原來中間係凹左入去, 不過份量都唔係多.觀乎每個餐都起碼6x - 7x蚊嘅價錢, 感覺上性價比就差左少少, 尚有進步空間.

出開觀塘，太多野食，行左好耐都揀唔落手。行行下入左個細既商業中心，有幾間地鋪，見到呢間食既野幾吸引，而且依家又有抗疫價優惠，價錢都非常吸引！門口白板亦寫左表示支持醫護嘅字眼環境方面係坐得幾舒服，不過都可能係人小既關係坐得比較疏先會舒服！不過食物質素非常抵讚！！！黑豚肉厚切咖哩豬扒 ($62)推介指數：9.5/10呢個咖哩係偏甜，唔會辣。唔食辣既朋友都會鐘意。但成個餐最正絕對係個豬扒！個皮好脆，肉既質地亦非常好，好厚實，但唔會覺得柴，因為我最怕就係食到又硬又柴同「鞋sapsap」既豬扒，呢個豬扒就絕對唔會，口感超正！62蚊食到呢種質素，塊豬扒都算大，而且仲包一碗白飯，絕對要俾讚！秘製汁烤豬肋骨 (抗疫價跟餐+$38)推介指數：10/10重頭戲來了！38蚊食到烤豬肋骨配埋薯條，仲要唔係細細件，真係平到唔信！最不可思議係佢真係好好好好好好食！個汁非常香口，煮得到好出色。肉質方面亦係高水準，有種入口即溶既感覺，非常易入口。作為薯條愛好者，當然係要試下佢個薯條。呢個薯條可以話係好有水準，炸得夠脆，仲要係熱辣辣咁上，加上小小調味，又唔會好似坊間咁落好多鹽好咸 ，真係好正！成個餐都係超級正！有質素仲

呢期儲錢搵吓啲性價比高嘅餐廳，行過見到職員熱烈推介，仲有個38 蚊燒春雞套餐，咁就入去試吓。叫咗兩個set，包湯同野飲燒春雞套餐春燒都有一個手掌咁大，唔老，加埋嗰漿，十分滿意 cp值高。個薯餅新鮮炸，好食，粉漿唔厚。個羊膝配豬肋骨就大鑊喇，影相就大大件，食落就伏伏聲，隻羊應該係短跑選手，啲肉實到，刀切得入牙就咬唔郁，兩個人食咗一半就放棄左。至於個豬肋骨就，大件取勝，但就唔係太入味。個佩飯可能同羊膝豬肋骨戰鬥左太耐，已經又亁又硬，唯有將燒春雞配醬，撈左入去，扒兩啖就算。埋單盛惠114，HA員工七折，再加一，每人盛惠57，超級飽。環境幾好，座位唔迫～

下午茶時段去到間餐廳都無咩人，但就有一個無禮貌既員工。個menu無寫個$30 餐係早餐時段限定，咁我就諗住叫啦，條友勁唔耐煩話無架啦呢個。你叫下午茶set。由於我控制飲食當中，咁就問多少少茄通係咪可以配牛排或雞排啦，個員工就勁唔耐煩話兩樣野黎你明唔明。「咁有質素」既餐廳，希望早日改善。呢個位人流唔多，外加質素欠佳的員工，可為餐廳制造更多風波。還望早日改善。野食正常茶記，但唔需要要特登去受氣。

今日下午茶去幫襯左him's ，之前都有食過佢晚飯。最近間間餐廳都因為受疫情影響，生意都變得慘淡。但係係e個moment , 佢地仍然好關心社會，所有醫院職員出示員工証均可免費享用或者7折。睇到e句個心好暖❤，而且鋪頭裡面冇客，我即刻入去支持。雖然鋪頭冇交代過政治立場，但只要鋪頭態度同理念係好嘅，食客都會支持! 用餐個陣，前後都有4個組客人，大部分都係有出示醫院職員証，可見好受醫護歡迎。味道方面食左招牌蕃茄豬扒湯通🍅，油多🍞同炒蛋🥚配熱蘋果果醋🍎 ，35蚊~- 茄湯唔錯，唔會好重味精- 豬扒都好嫩同好冧，唔會鞋同好難咬- 炒蛋都幾大份，唔係我最愛滑蛋，但都唔錯- 飲品可以揀果醋好少見，味道都幾好希望大家可以去支持下佢!

很久沒來了，今天在工廈哪邊辦完事，想找坐得舒服的餐廳吃頓午餐，在APM找了一會，才想起這邊的食店，本去頭一間餐廳，但友人說已吃過，便進入商場內，看到Him's的坐位她便進去了，貪他不會狹窄，還頗鬆動企理。午餐價正正常常，但我們發現了超抵吃的(我哋係咁覺得囉) 燒春雞半隻餐，$38/份，是餐，不是只有半隻，這個叫做『同行價』，1位點正常價錢餐的，另一位便可以優惠價點吃，哎呀！我們3個人，只點了半隻，蠢了，我們可以點兩份呢！因為他不加一，餐牌的價錢便是付款價。我們點了❮黑豚肉生薑燒配飯❯ $68, ❮和風吉列魚柳配薯角❯ $68 及❮燒春雞半隻❯。❮黑豚肉生薑燒配飯❯，吃不到生薑，豬肉帶脂故頗腍，醬汁帶甜味足夠，有洋蔥幼條與芽菜同煮，不錯喎！❮和風吉列魚柳配薯角❯，先說配角，薯角炸得脆香內綿，好味，個飽夠鬆但欠了少許質感，魚柳與醬汁正常。❮燒烤雞餐❯，沒有了薯角，變了一件軟熟的薯餅，微脆，但他們說也ok, 我就喜歡薯角多一點；燒雞有少許味道，不會嚡口，點不點跟上的蒜蓉香汁也可以，蔬菜也足夠，抵吃！漏了他的沙律與湯，每個餐只可選一款，我們選了兩份新鮮沙律與一份帶甜味甘筍湯。飲了果醋與熱奶茶！