影片
更多
2010-06-02
23 瀏覽
前題：如果要食呢個時段，兩人絕對可以隨時walk in，三至四人就要早少少去，五人以上絕對要八點五十分去拎飛仔，如果唔係可能要等好耐。 吸收過上次午市同埋二人食六折時段o既經驗之後，呢次一行五人轉戰HIPOT晚市六折優惠時段。為左令每人要俾o既錢維持o係合理o既水平，我地堅持左幾個原則：唔叫任何套餐、唔加$12任飲、每人最少半個烏冬打底、每兩個人最少要點一set 蔬菜、每兩至三人用一個細湯底(唔夠六人唔點大湯鍋，因為太貴)、每兩至三人先叫一碟無折精選貴火鍋料($48以上) 或者 每兩人叫一碟無折$28-38精選火鍋料、每兩人最少叫一碟十蚊黑豚肉或者美國肥牛、無限叫黃色六折區叫到飽為止。最重要係預先tick單計算，一定無錯唔會叫得貴。－－－－－－－－－－－－－－－－－－－－－－－－－－－－－－－－－－－－最後我地叫左呢D野：金粟豬骨鍋(細鍋) $19跳出地獄窩(紅鍋) $19花盤時蔬雙拼 $18 <- (由呢度開始有六折)花盤時蔬雙拼 $18唐生菜 $18烏冬 $18烏冬 $18金菇 $18墨魚滑(1人份) $19生魚片 $28黑鯇片 $38羊肉片 $38雲吞併水餃 $38
吸收過上次午市同埋二人食六折時段o既經驗之後，呢次一行五人轉戰HIPOT晚市六折優惠時段。為左令每人要俾o既錢維持o係合理o既水平，我地堅持左幾個原則：唔叫任何套餐、唔加$12任飲、每人最少半個烏冬打底、每兩個人最少要點一set 蔬菜、每兩至三人用一個細湯底(唔夠六人唔點大湯鍋，因為太貴)、每兩至三人先叫一碟無折精選貴火鍋料($48以上) 或者 每兩人叫一碟無折$28-38精選火鍋料、每兩人最少叫一碟十蚊黑豚肉或者美國肥牛、無限叫黃色六折區叫到飽為止。最重要係預先tick單計算，一定無錯唔會叫得貴。
－－－－－－－－－－－－－－－－－－－－－－－－－－－－－－－－－－－－
最後我地叫左呢D野：
金粟豬骨鍋(細鍋) $19
跳出地獄窩(紅鍋) $19
花盤時蔬雙拼 $18 <- (由呢度開始有六折)
花盤時蔬雙拼 $18
唐生菜 $18
烏冬 $18
烏冬 $18
金菇 $18
墨魚滑(1人份) $19
生魚片 $28
黑鯇片 $38
羊肉片 $38
雲吞併水餃 $38 <- (六折最後一項)
特價黑豚肉 $9.9
特價黑豚肉 $9.9
特價美國肥牛 $9.9
特價美國肥牛 $9.9
炸魚片 $18
走地雞片 $28
白鱔片 $38
總共$323，每位$64.6。
－－－－－－－－－－－－－－－－－－－－－－－－－－－－－－－－－－－－
整體而言都無咩大問題，除左豬牛羊片比較薄之外。由於羊片貴，所以覺得唔抵，但食起黎味道好正常無臭味。花盤時蔬同平時一樣咁嬌小玲瓏，不過折完之後實價先至$10.8，都係唔好咁苛求。金菇洗得好乾淨。炸魚片好食到令人驚喜，可惜無折。黑鯇片無脆鯇咁好食。魚類普遍非常新鮮，包括鱔片，不過鱔片件數真係好少，人多叫佢唔見食。$9.9特價料切得好薄，預左，佢未融雪都係我意料之內，進食時未見有特別問題。雲吞併水餃係每樣四件，人多唔夠分，而且叫呢碟野到底值唔值都係因人而異。
呢度無收加一，所以服務基本上係無o既。即使你無叫任飲，全程都係自助架喇，自己斟水，自己加湯(其實咪又係水)，自己收碟，預左咁樣你會開心D。我覺得人地個價都壓到咁底無謂要求咁多服務，事實上服務員都做到癲，佢一忙、亂，亂落單仲麻煩...
$64.6一位個個都飽，出面任食都做唔到呢個價。我地呢枱有老人家，如果佢係正常成年人食量，整體價格大概會去到$7x 一位，但都係可以接受o既價錢。
張貼
