HK甜品店 (已結業)

同朋友係旺角食完飯但意猶未盡，所以搵間甜品舖繼續吹水。見到呢間鋪頭門口寫住薑汁撞奶'即叫即撞' 就吸引左去試下。薑汁撞奶 - 的確係即叫即撞，所以熱辣辣。店員都有提點我地要'片'住食會好味d，所以佢哋提供嘅鐵羹比較薄可以'片'住黎食。味道方面，薑汁味重過奶好多，但整體都可以，燉得算滑。芝麻糊 - 叫左熱芝麻糊，但上枱只算微熱。食落都算正路，唔似開粉，但芝麻味不太重，甜道不太甜，分量夠既，但無咩特別，只係普通質素。

哩棑好忙好耐無出街食飯，難得約朋友輕輕鬆鬆食完飯，想食下糖水滿足下諗住錦上添花，同朋友向食店附近睇到哩間糖水店啲相都ok，入去坐，店內半數枱有人坐。打開menu 無乜嘢選擇。落單個阿姐又木無表情之如又串，合桃糊無合桃味，芝麻糊無芝麻味，啲熱糖水係用微波爐叮番熱，真係想鬧人。腐竹雞蛋糖水仲加差，同個名一樣「腐竹」「雞蛋」「糖水」，料還料，糖水還糖水，雞蛋還雞蛋，啲腐竹仲係一片片，好似浸完水無煲過，再加糖水加雞蛋，仲要睇住阿姐將啲糖水用微波爐叮番熱，仲有好清脆叮一聲。真係嚇死人！簡直係趕客。有位朋友之前食飯食到好飽，所以已經食唔落糖水，佢無叫糖水，但阿姐指住出面話哩度有最底消費，其實唔係好知阿姐指住邊度，搵咗好耐見到牆身有好多大大張海報咁大張糖水相之中，有幾張好似手掌咁大０既紙仔之中有一張寫住有＂最底消費＂，但無寫最底消費係幾多～唔明！以乜嘢單位計算～唔明！完全係趕客態度。一定一定一定⋯唔會再黎食。完完全全唔ok之如仲好pk。唔好意思，我真係好嬲。H.K.係美食天堂，唔係垃圾地獄！唔該～真係唔好影衰HK兩個字！！！

我今日和朋友食甜品，行到見到這間甜品新開，有很多明星合照就試一試啦，點知中哂伏！好恐怖，我和朋友只想普普通通食普通糖水，完全對其他特色甜品無興趣，但我覺得佢應該只著重貴價甜品。今次我們點了兩款甜品：左面那個是紅豆沙，佢比我的時候，我以為佢比錯我，因為佢係綠色的，我以為佢送錯比我炸，我覺得好反感囉，點解紅豆沙綠色的呀，那些紅豆很散，根本無哂味，一食落去，更加覺得伏，甜到無朋友，只係加糖水就算，根本無煲的感覺，唔怪得那些紅豆散哂啦！最後我都食唔曬，因為太甜了。講完碗紅豆沙就講朋友碗芝麻糊，更恐怖，芝麻糊係紫色的，我好唔明白佢落左咩，朋友一食就覺得係溝粉的，我試左之後都好失望，即磨芝麻一定唔會那麼淡，就算溝水都無可能味道都無。在我對呢間徹底失望之時，發覺有食客點選了一些貴價的精選甜品，賣相很美，那時我終於明白，這間店只著重貴價甜品，平價甜品只是在餐牌上充數。

食完晚飯經過諗住外賣碗中式糖水食下畫上完美嘅句號，於是同屋企人買咗都好穩陣嘅芝麻糊同合桃露。糖水鋪地方光猛大致整潔，侍應都好有禮貌叫我坐底等陣。等候期間聽到微波爐嘅叮叮聲，應該係之前煲好再整返熱俾我嘅，返到屋企滿心期待咁打開，我見到兩碗半透明狀嘅嘢，再用匙羹搞左兩下，見到好多一舊舊好似未溶哂嘅粉團，所以我估到應該係開粉沖嘅。不過超級市場都買過一啲係開粉而且味道唔差嘅糖水，而且市面上嘅糖水鋪都會有開粉的糖水，所以都未至於很失望。一食落去先發現碗糖水個樣同埋個味道都強差人意，整到一碗糖水咁淡完全無芝麻同合桃味，如果瞌埋眼應該冇人會估到嗰兩碗係啲乜嘢糖水，加上兩碗買咗$44都唔平好失望。衷心希望店主見到意見可以有所改善。

入到店舖,一坐低,睇到餐應甜品都唔算多,似以健康甜品為主,未認真諗到食咩既時候,店員已走近問食咩。於是決定要個特別既阿華田薑汁撞奶,餐牌仲要有其它特別既味道,例如士多啤梨味,有d意料之外。大概8分鐘,終於黎,但係見到好似奶咁,好稀,d奶應該撞唔起,仲稀過芝麻糊果d,而且阿華田味唔重,好似飲左碗湯咁,冇薑汁撞奶既口感可言,唔講唔知自己食緊咩。 不過薑味都算重,夾埋華田,味道都唔算太怪。

我同我的朋友昨晚去了哩間甜品舖，本來開開心心的但是被兩個超級沒禮貌兼惡死的阿姐激到沒心情。我從來沒見過一間食市的員工咁沒禮貌。因為沒有我們想吃的東西，我們很有禮貌的說了謝謝。正在離開時，一個阿姊居然說我痴線。我會頭問佢洗無洗那麼大聲。佢很惡咁話佢什麼都沒講但還是一直同另外的一個阿姊說痴線...痴線..喂大佬我不是聾架 😰 我地兩個簡直是不知點回應，點可能有人咁無禮貌... 我們繼續走開時，一個阿姊還要繼續鬧叫我地吃蕉啦。如果大家不想去受氣兼被鬧，呢間甜品舖應該就唔是你想去的地方。香港地現在的服務態度真的是卻之不恭。（我們並沒有食佢的甜品，不知好不好食。但是呢個服務態度 真的是.....😤）

與友人晚飯過後、還末夠喉、去了隔鄰的糖水店。一間小小的店、光亮明淨。有新式的西米露、又有傳统的糖水、選擇幾多。我點了即叫即撞的羗汁撞奶。等了數分鐘主角上枱了、聞到醒神的羗味。入口非常幼滑、羗味好重、但沒有半點嗆喉。好滋味！讚！ 

句講晒，超市即沖芝麻糊，兩人一起進去，先叫一碗最普通而又最能食出這家店是否真材實料的甜品，等了很久終於送到桌上，一看就是半透的即食貨色而且勁甜，只有甜味完全食不出芝麻味，最後只吃了三口就忍痛放棄了，因為真係甜到頂唔順， 還要22元一碗，勁失望的體驗

旺角可以說是甜品的一級戰區，年輕人聚集，無論想要找新潮創新的港式甜品，或是香港味十足的傳統糖水店，都不會令人失望。但JOJO最近發現一間位於砵蘭街的港式糖水店「HK甜品店」，它的外表非常樸實，內部裝潢也很簡單，給人一種老香港的感覺。老闆娘是一位已經製作港式糖水將近30年的專家，這家「HK甜品店」也是集結她心血之大成，才在旺角開幕大約半年，只要到了晚上就高朋滿座，越晚人越多，而且造訪的幾乎都是香港本地的饕客，看來味道也是相當道地。「HK甜品店」的招牌是薑汁撞奶，薑汁撞奶是非常傳統的中式甜品，不僅營養豐富還能養顏，只要把鮮奶煮熱「撞」入薑汁就大功告成，看起來非常簡單，但其實還是需要深厚的工夫，才能把比例拿捏到最好。老闆娘堅持現點現做，JOJO不敢吃薑汁撞奶，但是根據朋友品嚐後表示，薑味非常濃厚而溫和，搭配香醇的奶香，口感香滑甜美，暖呼呼地一口吃下，不僅暖胃、連心都感到一陣暖意。JOJO則是點了一碗招牌楊枝甘露，看這碗就知道老闆娘用料非常實在，裡面不僅有許多西米露，新鮮芒果跟椰奶的用量更是大方，老闆娘強調，楊枝甘露的芒果香氣非常重要，所以特地選香氣十足、帶點酸味的芒果。JOJO吃過更是覺得太