Holy Gaw

營業中

休息中

好高水準的菲律賓菜, 會再回頭🤤〔 Rosé Prawn〕 $178 .醬汁好特別小小蕃茄既酸味同小小辣味, 滿滿的汁都融入係大通粉入面, 大蝦重要已經去殼了👍🏻好新鮮肉質好彈牙, 值得叫黎試下.〔 Seared Tuna Salad 〕 $108 .吞拿魚半生熟口感不錯, 加入檸檬味道會更鮮.〔 Pesto Pasta with seared scallop 〕 $108 .香蒜味好香濃, 帶子好鮮甜, 整體不夠味.(好味指數: 9/10)

今次係我第一次嚟到呢間係灣仔嘅Holy Gaw食飯！收咗工之後諗住自己搵個餐廳靜靜地食下野，呢間餐廳真係最好不過！餐廳環境好簡約，成個感覺都好舒適！而且呢度嘅食物菜式種類雖然唔算好多，不過睇得出係好用心！我自己叫咗一份Gaw’s 卡邦尼意粉！呢個意粉真係食得出嘅用心，首先呢個醬汁同我哋一般食到嘅好唔同，呢度係用咗雞蛋，鵝肝醬，蘆筍！所以令到成個醬汁嘅顏色同埋味道都完全唔同，我自己好鍾意呢度嘅鵝肝醬！令到成個意粉嘅味道更加香濃，而且呢個意粉好好食，好爽滑彈牙！所以整體嘅感覺都好好，估唔到菲律賓菜再加埋咗少少香港嘅特色！烹調出嚟嘅食物係咁好食，下次都要再試吓唔同嘅款式先得！

自從疫情之後一直都好少會見朋友，約咗好耐嘅閨蜜終於都可以見面！當然唔少得要搵一間好嘅餐廳坐低傾吓計啦😍😍今次聽呢個閨蜜介紹去咗呢度👏🏻身為一個吃貨，果然冇介紹錯！❤️❤️Salpicao 美國牛脊肉 $258呢個牛脊肉好特別！成個牛肉嘅香味真係好好！三成熟嘅牛肉！而且加埋呢度已經唔切好晒，方便入口！仲要好香好Juice嘅牛肉味，配合埋呢個特色嘅菲律賓醬料一齊食真係好夾！❤️❤️Sisig 太陽蛋配豬脊肉 $158查吓已經寫咗入面係有豬肉，蘆筍，雞肝醬，辣椒！真係好正，呢個雞肝醬好少食到！估唔到原來撈埋豬肉一齊食係咁夾！！同埋有少少辣辣地，食得好開胃！

Bookmark左而間野勁耐,之前成日見到排長龍,今日終於食到😍😍雖然唔係好知菲律賓菜係食d咩,不過我見到佢有椰菜花飯,好似好健康咁🍀🍀D韓星減肥都係食椰菜花飯架😋😋😋朋友叫左個虎蝦椰菜花飯($98)有四隻虎蝦, 又大隻又爽口~個汁仲好野味tim😋😋我就叫左太陽蛋配豬脊肉椰菜花飯($98)同樣係$98, 但而個真係超級好味!!😍😍😍首先個豬肉炒得超香, 唔鞋, 太陽蛋係流心既, 撈埋d汁一齊, 真係完全唔覺得自己食緊椰菜花!!真心高汁!!!😍😍😋😋😋👍🏻👍🏻👍🏻一試難忘, 再試無妨!!絕對可以encore!!!👍🏻👍🏻👍🏻👍🏻

呢間餐廳喺灣仔地鐵站一出就好快搵到，非常方便！朋友約咗我過嚟呢間餐廳食嘢，之前聽到菲律賓菜都冇乜概念，點知原來係香港嘅菲律賓才係咁乾淨同埋咁有特色！呢間餐廳雖然唔算好大，不過好多Cafe小店嘅感覺，所以非常舒適，而且我好鍾意嘅係呢度裝修得好簡約嘅風格！點左一份花生醬燉菜，呢份嘢係vegetarian👍🏻啱晒鍾意食素嘅人！而且呢個花生醬嘅醬汁好特別，加埋啲新鮮嘅蔬菜一齊食真係好有特色！當然唔少得嘅就係叫咗呢度嘅一份Salpicao 美國牛脊肉！呢個牛肉但係好多，而且呢佢牛肉好Juice好好味，香濃嘅牛肉味道，而且全部都切好晒一小塊！擺入口啱啱好！

原來朋友已經係第二次過嚟啦，佢食咗一次之後都覺得好好食，所以今次都帶咗過嚟試吓！本身聽到係食菲律賓菜冇乜特別期望，點知試完之後真係顛覆咗我對菲律賓菜嘅概念！本來以為所有嘢都係好濃味，好似印度菜咁樣，但係真係完全唔同風格！我叫咗一份Adobo鯖魚！呢個鯖魚嘅醬汁好好食，加咗豉油同埋醋！令到成個醬汁酸酸地好開胃！而且呢個魚都好好食，全部已經去晒骨，非常細心！所以食落口嘅時候啖啖肉超級正！另外仲叫咗一份Yin yang 雞，顧名思義就係有兩款唔同嘅口味嘅雞肉！我自己偏愛鍾意嘅都係呢度嘅烤雞❤️❤️啱啱好，而且個外皮好香！加埋醬汁一齊食真係好滋味🤩

今日喺灣仔做完嘢，超級攰，所以都搵咗一間喺OpenRice都好推介嘅菲律賓菜試吓！你到呢間餐廳嘅時候係有一種好舒適嘅感覺！而且呢度嘅店員非常親切用心，所以令到成個氣氛非常放鬆😌😌經過推介之後我叫咗呢度既Sisig🤣即係太陽蛋配豬脊肉！好得意，呢度每一個都有菲律賓嘅用語！而且呢度嘅菜式真係好地道，廚師都係菲律賓嘅華僑！所以非常地道！呢一個豬脊肉入面係有豬肉，蘆筍，雞肝醬同埋辣椒🌶️所以成個味道好香龍，而且仲要係有雞肝醬嘅味道！真係平時好少聽到係用呢一個將去烹調！而且呢個份量好多，加埋汁太陽蛋一齊食真係好正！好入味！

同朋友讀完書之後都好少可以見面，見咁耐都冇見就約埋一齊揀咗一間啱feel嘅餐廳，可以兩個人靜靜地坐低傾吓計食吓好嘢！餐廳都好乾淨企理，算係好舒適嘅地方！一見到餐牌有呢一個香蒜椰菜花飯就已經好想試吓，之前成日聽朋友講話椰菜花飯好好食，估唔到一試就愛上，重點係仲要好健康！同埋呢個椰菜花飯食落去好爽口，仲要加埋香蒜嘅味道，鍾意食香蒜嘅話一定會好鍾意！另外帶咗一份美國牛脊肉！價錢方面中規中矩，不過食物質素絕對係冇得輸，成個擺盤已經好靚，非常精緻！而且呢個牛肉係三成熟，食落去好Juice！同埋好香嘅牛肉味道！

這間餐廳位於，喺餐廳店舖環境都算唔錯，相當之有氣氛，可以話係同朋友食下野傾吓偈唔錯嘅地方選擇之一！而且我同朋友不約而同咁都搵咗呢間餐廳，果然心有靈犀❤️見到餐牌上面有一個虎蝦大通粉！一見到就已經忍唔住要叫你試吓，本身我好鍾意食蝦，特別係鍾意食虎蝦！大大隻，而且啖啖肉非常爽口！一啖擺落口嘅時候真係好正！首先呢個虎蝦已經香煎左，所以好香口，而且再加埋奶油同埋蕃茄醬汁烹調而成嘅通粉！真係好夾！就咁睇顏色就已經好吸引，而且入面仲有少少意大利辣椒，所以食落口嘅時候除咗有奶油嘅香味，蕃茄嘅酸甜味，而且仲有少少辣椒嘅香味！所以成個味道層次都好豐富！

最近做咗一單大嘅project，所以想搵間餐廳好好咁食一餐，當下可以同自己慶祝一下！朋友同我介紹咗呢度呢間餐廳，話食物質素好高，所以就專登走咗嚟幫襯，試一試下餐廳出品嘅品質！太陽蛋配豬脊肉 $158。呢份豬肉好正，餐牌上面寫咗入面係包括左豬肉，蘆筍，雞肝醬，辣椒！如果佢唔寫我都唔知道原來呢個咁好食嘅醬汁係用咗雞肝醬，本身都好少聽會用雞肝醬去煮嘢食，呢個食物果然好正！鴛鴦雞 $158。入面係有烤雞同埋炸雞兩款口味嘅雞肉，而且醬汁方面係用咗青柑桔！果然係充滿菲律賓風味嘅醬汁！幾有特色幾特別！美國牛脊肉 $258。呢個牛肉好香濃，而且三成熟，食落去好Juice而且好香嘅牛肉味，而且仲要牛肉非常林，咬落去成個口感好正！

這次去了一間餐廳吃晚餐，環境挺美，而且舒適涼快。平日到來人流不算太多，所以不用等位！而且朋友剛好約了今天好好吃一頓晚餐，正好來了這間餐廳。有好多唔同嘅菜式可以選擇，其中我哋叫咗幾款唔同嘅小食！✅花生醬燉菜 $158呢個花生醬燉菜好特別，入面有好多唔同新鮮嘅蔬菜，我鍾意食呢個粟米仔！同埋呢個嘅咋豆腐花都好正，好香口，而且吸收左花生醬汁嘅味道好正！✅香蒜椰菜花飯 $38我都係第一次食椰菜花飯，估唔到未到咁香濃，而且呢個好似係菲律賓都好常見嘅菜式之一，加上呢度用咗香蒜嘅味道去中和左椰菜花本身嘅味道，所以成件事都好match！✅菲律賓春卷 $68呢個菲律賓春卷炸得好香口！加埋呢個泰式辣醬一齊食好正！✅Yin yang 雞 $158有兩款嘅雞可以食得到，烤雞同炸雞都各有特色，我個人比較鍾意食炸雞，因為揸得外皮好香脆，但係入面仲係保持到好滑好Juice！而且再有呢個青柑桔做嘅醬汁，好特別！

無論係乜嘢天氣都好，都阻唔到我要出嚟享受下食飯嘅心情！咁難得先約到好朋友，係假期可以一齊出嚟聚下舊，梗係要預先book好餐廳啦！經過左一輪篩選之後，最後決定咗去呢一間😆😆估唔到呢度會有我鍾意食嘅菲律賓麵包可以試吓，所以就叫咗你食！呢一份芝士肉丸配麵包唔好睇佢只係用好簡單嘅食材去烹調而成，但係絕對係食得出有驚喜！首先呢個芝士肉丸非常Juice，而且就好香濃嘅芝士味道，再加埋呢個菲律賓麵包嘅甜甜地嘅味道！真係好夾！仲有叫咗一份虎蝦大通粉，用呢個通粉去食真係好正，大大粒好爽！而且再加上呢度嘅醬汁係用咗奶油同埋蕃茄同埋意大利辣椒一齊主城，所以食落去就好香嘅奶油味同埋有好新鮮嘅蕃茄味！酸酸甜甜咁好正！

🧁🎂還未光顧之前，已經聽過很出名的香芋雪糕三文治。為踏遍世界的朋友補祝生日，選了特別一點的異國菜。👨‍🍳雖說是菲律賓fusion菜，裝潢走簡約文青風，沒看見相關的裝飾。餐廳不大，即使訂位了還是得排隊等上一會，可以從窗外看見忙碌的廚房，食物進進出出，看得我們更餓了。🐟🍅🥦Fish Adobo 有點像日本的烤鯖魚，Adobo醬和乾蕃茄的酸味很開胃，配椰菜花飯還有些蔬菜的清甜，也沒有猛嗑碳水的內疚。🍝🍖🧄Carbonara 裡面有豆角、牛肉挺嫩的，小聲地說，最深刻反而是牛肉旁的蒜頭，沒有嗆鼻，反而又香軟又入口即化，我們小心翼翼挖出蒜瓣，小口小口地吃清光。🍦🥑🍞最後登場的是紫芋和牛油果雪糕，咬下去是綿實的口感，聯想到小時候吃的香芋雪米糍，但夾著麵包，沒有那麼甜膩。▪️▫️▪️▫️▪️▫️▪️▫️▪️▫️▪️▫️📍Holy Gaw灣仔汕頭街15號地下4號舖😍很適合拍照😁食物水準高，雪糕好吃🤔餐廳比較小，會有點擠雪糕三文治💲5️⃣8️⃣Fish Adobo💲1️⃣6️⃣8️⃣Gaw's Cabonara 💲1️⃣5️⃣8️⃣Moo Salpicao 菲律賓特色炒牛肉💲2️⃣5️⃣8️⃣Califlower rice 椰菜花飯💲3️⃣8️⃣@holygaw#fusion #

之前一直都想食好耐，今次終於都食到啦🤣🤣🤣一入到餐廳就已經覺得餐廳好舒服，好乾淨！非常適合同朋友聚會傾偈！而且呢度嘅店員都非常用心，好細心嘅服務，值得一讚😎其中一個叫咗嘅小食係呢一個菲律賓春卷，呢個菲律賓春卷揸得好香脆，出面嘅外皮博博，而且仲要好金黃香脆，入面嘅餡料好足！點埋醬汁一齊食好正！好香口！主菜方面我哋叫咗一份Adobo鯖魚同埋美國牛脊肉！我個人比較鍾意呢度嘅鯖魚，因為呢度嘅鯖魚已經全部去晒骨，非常用心，而且呢個醬汁係用咗醋同埋豉油烹調嘢食，令到成個口感好豐富，而且呢個鯖魚非常新鮮亂畫，食落去嘅魚肉比較有彈性！

都已經有一段時間冇真係特登搵一間餐廳食嘢啦，難得同朋友食飯，所以就嚟咗呢度！餐廳燈光好光猛，座位都算坐得好舒服，而且呢度嘅店員好Nice！~~~~~~~~~~~~食物:🤤Adobo鯖魚🤤Gaw’s 卡邦尼意粉 ~雞蛋，鵝肝醬，蘆筍🤤芝士肉丸配麵包~~~~~~~~~~~~~~~~個人比較喜歡呢個鯖魚，呢個鯖魚已經全部去骨，所以食落去非常方便，而且配合埋呢個菲律賓特製嘅醬汁！完全食得出係菲律賓嘅風味！用咗醋加埋豉油烹調而成，所以入口有少少酸酸地但係非常開胃！至於另外推介嘅就係呢一個芝士肉丸配麵包，呢個芝士肉丸好Juice，而且又好邪惡嘅芝士，真係好正！再加埋呢個麵包，睇落去好似冇乜特別，但係食落去就知道真係好爽！菲律賓經常都會食得到嘅麵包，聽講係當地人日日都會食嘅嘢之一，呢度果然食得到好正！