HOME cafe

營業中

休息中

真係大件夾抵食，一個晏晝嘅雞髀米粉餐都係$39加咗凍飲，唔知兩蚊定$3左右都係四十幾非常之抵味道都屬於合理，唔係算超級好食，因為個米粉就冇乜味嘅，不過個雞髀真係幾好食，佢炸得幾鬆脆又唔太油，可能係用煎嘅方法都唔定，不過個雞髀係幾大，可能因為底同埋都多員工嘅關係就唔係即刻有位要同人搭枱，下次喺度睇醫生都可以再食

知道係社企所以支持一下，星期六午餐時段幾乎坐滿人，見到Menu大部分餐都要50以上，本身覺得少貴，但食物送到原來大份足料，即刻覺得物有所值！我食的芝士腩肉仔焗飯，好多舊腩肉，而且係厚切，朋友的蔥油雞扒飯也是大大份。

抵食午餐！屋企人有卡所以幫襯呢間餐廳有七折，非常非常抵！社會企業致力幫助有需要嘅人，而且食物質素都唔錯，一定要支持下！香辣雞肉芝士包配沙律$54- 呢個雞扒包真心幾好食！雞扒煎得幾香幾滑，香辣醬同沙律醬同雞肉都好夾。麵包外層烘得幾脆，入面軟熟。芝士包入面有蕃茄同生菜，好清新。不過如果係原價嘅話就定價偏高少少。沙律就係普普通通嘅青瓜菠蘿粒。日式咖喱豬扒大碗飯$50- 咖喱飯好大碗，有四、五塊豬扒，咖哩雜菜送飯食唔錯，兩個人食都夠晒飽。不過豬扒就鞋咗啲，比較薄。午餐跟埋餐湯或者飲品，冬瓜湯都幾重味精，唔推薦。

因為之前YouTube睇片有介紹呢間餐廳，所以就同朋友嚟幫襯。星期日中午去到，餐廳人流都算多。餐廳餐牌有分兩種，第一種係比較中式，多數係蒸飯之類，第二種就係比較西式例如有All day, 意粉，沙律。我叫咗一個雞扒配沙律再加多$18杯凍latte。雞扒大件夾抵食，加埋沙律菜，滿足我想食肉嘅慾望同時都感覺上比較健康。不過呢間餐廳最大嘅特點係你喺度幫襯一個餐，佢就會免費提供一個餐比有需要嘅人士。所以呢一餐付予左另一層意義。

一早陪朋友食早餐，佢約我去呢度早餐，去到似快餐店格局，光猛乾淨，食物都係港式早餐，款式唔多，落單攞飛等出菜，自助式服務！什菜煎蛋螺絲粉🥣（$29）紙碗盛載，什菜湯唔多，飲落有點罐頭🥫味道，味道唔突出，雜菜都淋晒，無乜咬口，煎蛋🍳正常！螺絲粉唔算彈牙，整體一般熱檸茶（跟餐）茶夠熱夠濃，檸檬唔澀！幾好朋友食肉丁煎蛋米粉（$27）即磨咖啡☕️（跟餐）自助式服務，店員都係落單及攞食物接觸到！服務正常！好普通嘅早餐

地方空間好舒服平日人唔多舒服、有空間感、唔會趕時間社企，更加可以支持野食即叫即整 要等d時間所以悠閒地來、悠閒地等、悠閒地食食物選擇算可以有甜品可選攝環境衛生也可以悠閒來的話 絕對OK！

官塘區本身唔太多cafe....難得見到間格局ok，d野又好似幾好食既cafe，諗住去試下點知只招待職員。。。無言。。。。好奇想問，只招待職員，又點解要放上openrice呢?放上黎唔係應該should be for公眾既咩。。。點解係for intetnal呢。。。。

朋友請我食生日tea，揀咗呢個地方食。去到時候，覺得好特別，因為佢除咗係一間餐廳之外，仲有好多唔同嘅木製品係現場展示，鍾意嘅亦都可以即場購買。餐牌嘅選擇都幾多我就叫咗個All Day Breakfast，有個牛角包、炒滑蛋、蘑菇、香腸、茄汁焗豆同煙肉，係一個多種類又豐富嘅早餐，味道亦都非常之好，尤其牛角包好鬆軟，滑蛋炒得香，配埋煙肉同其他一齊食好夠飽又健康，另外再要多杯花茶，好清潤，加上現場環境幽靜，適合朋友喺度談天說地！

幫襯過自己機構Cafe十幾次，今次可謂最期待、最豐富、最特別，因為今日細妹嚟搵我食lunch, 作為員工，我梗係要帶佢去試吓我機構嘅社企兼自家品牌！我哋兩個人，細妹早五分鐘去攞位，今日客唔算特別多，我哋坐喺窗邊，喺陽光下望住街景享用午餐，好舒服！細妹點咗：1)炸蝦漢堡配薯條+熱咖啡少奶(有代糖提供)(原價$43，員工七折價$31.1)、2)炸雞髀($15)、3)烚雜菜($15～呢個係我向經理要求額外點)；我點咗：焗葡汁雞扒意粉+熱華田(原價$40，員工七折價$28)，結果係點到成枱都係嘢，都只需$88.1！買完食物，攞住號碼座返埋位，食物於十分鐘內，由侍應學員逐樣送上嚟！細妹切咗少少蝦餅我試，感覺自家製，有蝦肉質感但偏腍，唔係泰式蝦餅爽口彈牙嗰款！炸粗薯條熱辣辣，點茄汁，Ichiban！烚菜等於我個葡汁雞扒意粉嘅配菜，冇油微鹹好健康！我又點茄汁，好味！講吓我個葡汁雞扒意粉，面頭一大塊雞扒，冇乜椰汁味，但有芝士絲，味道對我嚟講偏淡(我食好濃，又加茄汁！)，但對普通人應該適中，雞扒夠嫩滑，我食哂一份，飽到上心口！細妹食炸雞髀，雞髀偏瘦，$15細細隻，但味道唔錯！我同事好多時特登買嚟加餸！飲

平日午餐慣常食杯麵嘅我，偶然都會去呢度同同事或朋友飯聚，無他嘅，一嚟方便，二嚟較平(員工有七折！)，最重要嘅係支持自己機構嘅社企，支持一班復康服務嘅學員。朋友工作唔開心，想約我食飯傾訴，佢嚟機構搵我，我請！呢度嘅流程係睇餐牌後排隊買飛，之後拎住膠牌埋位，學員會將餐奉上，佢哋雖然比常人有少少缺陷，但大多好勤力、好有禮貌！我叫腸蛋飯+熱華田(原價$33)，朋友要金沙骨飯+汽水(原價$39)，我係員工有七折，抵到笑！賣相好靚，尤其係隻荷包蛋，煎得好好，半生熟，啱我用嚟撈飯！腸仔亦ok, 我問櫃面攞咗一碟仔茄汁，全部攪埋一堆，連埋有營養嘅雜菜，色香味俱全！唯獨飯嘅份量對我嚟講實在太多，我未食前分咗啲俾朋友！朋友個金沙骨飯餸同飯分開上，份量亦多，我見佢同我邊食邊傾，全部清哂，睇嚟味道唔錯！以前午餐會奉送湯+飲品，宜家只能二擇其一，不過對我嚟講仲好，唔駛咁飽嘛！總括而言，環境舒服，卡位更好，但午餐時段好多人，有時被逼搭枱感覺麻麻地！經理同員工態度都唔錯！唯獨我向經理反映過希望飯類可以多個意粉選擇，但佢表示做唔到，因意粉放耐質感會變，感覺有啲失望！呢度嘅餐牌有一半每星期會轉花款，但腸/餐肉/火腿煎蛋

朋友好好幫我補祝生日，聽朋友話呢間餐廳好特別，有傢俬睇又有大量飲品野食，仲有現場好多木製傢俬，既特別又有natural感覺，而家侍應都好有禮貌，今次就試左個呢個all day breakfast,食物不過不失，個炒滑蛋好滑同有微微牛奶香，其餘茄汁豆酸甜同脆皮腸都好香脆，雖然屋企都做到，但享受呢度地方擺設都好有趣，而個包都頗鬆軟，其餘ok,另外，飲品都几得意如南非健康茶可以一試，我推薦藍莓味!

公司同事食飯, 上網搵到呢間cafe, 就諗住一試, 試完都幾滿意, 啲意粉既汁唔太濃, 掛汁掛得岩岩好。最開心係佢個瘦身茶, 我地減肥既聽到當然好開心啦, 唔洗煩飲咩!!!

星期六中午時段往觀塘探朋友,因為朋友剛搬新屋所以要參觀一下。探完朋友後,友人表示有點肚餓所以我地一齊出去食飯。由於附近餐廳酒樓在中午時段十分爆,所以朋友介紹了到HOME CAFE 食飯。估吾到呢間餐廳甘隱敝,在基督教家庭服務中心一樓。睇完餐牌後往,叫了一個咸魚雞粒炒飯食,正吖!咸魚香味道夠。呢度環境清靜,坐位舒適,所以決定推介比大家。

剛在附近游完水,行過望到基督教家庭服務中心1樓原來有間餐廳HOME CAFE,於是上去試試。一上到去發現原來餐廳的裝修很優美,餐牌則比較簡潔。看完後決定試一試呢個客家名菜霸王雞套餐。價錢不貴,套餐內有霸王雞+油菜+白飯及茶$48。霸王雞肉質嫩滑,味道可比美泉章居,好食!!!!

喺隔離觀塘泳池游完水,本來打算去裕民坊D大X樂or大X活食個tea...點知經過呢到,見全新裝修過,冇乜人,於是諗住入去試下~其實呢到喺基督教聯會嘅社區中心,我諗應該唔會貴,就即管試下,好過去D大集團嘅連鎖店,唔好食之餘,又多人~茶餐有好多款~不過大致上都係果D...我叫左個沙律餐炸餃子併吉列蝦,餐飲要杯熱咖啡~比左飛之後,職員比左個牌仔比我,好有禮貌咁叫我坐陣先...於是搵左個位睇雜誌,冇幾耐就有職員拎左杯咖啡埋黎,完全唔洗聽嗌飛+自己出去攞,服務貼心~咖啡係研磨咖啡,冇乜特別~之後個餐黎喇~有一碗仔沙律,三隻餃子,兩隻吉列蝦~沙律係什菜沙律配日式芝麻醬,OK~餃子一咬落去好脆,好熱,即炸係唔同D~餃子唔似現成貨,因為入面D豬肉好爽口兼好大粒~正喎~吉列蝦都係即炸,好熱好脆~隻蝦幾大隻下,粉漿唔厚,唔錯~$24大元...連鎖快餐店嘅價錢,但質素就差好遠~至少人地即叫即整,夠新鮮~況且坐得又舒服~同樣嘅價錢,預期打算幫襯D無良大集團,咁我請願襯D良心小鋪喇~