影片
更多
2017-03-03
2534 瀏覽
幫襯過自己機構Cafe十幾次，今次可謂最期待、最豐富、最特別，因為今日細妹嚟搵我食lunch, 作為員工，我梗係要帶佢去試吓我機構嘅社企兼自家品牌！我哋兩個人，細妹早五分鐘去攞位，今日客唔算特別多，我哋坐喺窗邊，喺陽光下望住街景享用午餐，好舒服！細妹點咗：1)炸蝦漢堡配薯條+熱咖啡少奶(有代糖提供)(原價$43，員工七折價$31.1)、2)炸雞髀($15)、3)烚雜菜($15～呢個係我向經理要求額外點)；我點咗：焗葡汁雞扒意粉+熱華田(原價$40，員工七折價$28)，結果係點到成枱都係嘢，都只需$88.1！買完食物，攞住號碼座返埋位，食物於十分鐘內，由侍應學員逐樣送上嚟！細妹切咗少少蝦餅我試，感覺自家製，有蝦肉質感但偏腍，唔係泰式蝦餅爽口彈牙嗰款！炸粗薯條熱辣辣，點茄汁，Ichiban！烚菜等於我個葡汁雞扒意粉嘅配菜，冇油微鹹好健康！我又點茄汁，好味！講吓我個葡汁雞扒意粉，面頭一大塊雞扒，冇乜椰汁味，但有芝士絲，味道對我嚟講偏淡(我食好濃，又加茄汁！)，但對普通人應該適中，雞扒夠嫩滑，我食哂一份，飽到上心口！細妹食炸雞髀，雞髀偏瘦，$15細細隻，但味道唔錯！我同事好多時特登買嚟加餸！飲
我哋兩個人，細妹早五分鐘去攞位，今日客唔算特別多，我哋坐喺窗邊，喺陽光下望住街景享用午餐，好舒服！
細妹點咗：1)炸蝦漢堡配薯條+熱咖啡少奶(有代糖提供)(原價$43，員工七折價$31.1)、2)炸雞髀($15)、3)烚雜菜($15～呢個係我向經理要求額外點)；我點咗：焗葡汁雞扒意粉+熱華田(原價$40，員工七折價$28)，結果係點到成枱都係嘢，都只需$88.1！
買完食物，攞住號碼座返埋位，食物於十分鐘內，由侍應學員逐樣送上嚟！
細妹切咗少少蝦餅我試，感覺自家製，有蝦肉質感但偏腍，唔係泰式蝦餅爽口彈牙嗰款！炸粗薯條熱辣辣，點茄汁，Ichiban！
烚菜等於我個葡汁雞扒意粉嘅配菜，冇油微鹹好健康！我又點茄汁，好味！
講吓我個葡汁雞扒意粉，面頭一大塊雞扒，冇乜椰汁味，但有芝士絲，味道對我嚟講偏淡(我食好濃，又加茄汁！)，但對普通人應該適中，雞扒夠嫩滑，我食哂一份，飽到上心口！
細妹食炸雞髀，雞髀偏瘦，$15細細隻，但味道唔錯！我同事好多時特登買嚟加餸！
飲品方面，我杯熱華田絕對足料，唔會太稀！我細妹嗰杯熱咖啡少奶都ok！
同細妹享用完午餐，不禁同佢一齊走去收銀處附近同四眼經理講，Home Cafe啲食物好味！(我更欣賞經理頭先主動上前帶住三位視障客人就座！)
Home Cafe, 親切友善嘅經理同大廚+一群默默耕耘努力學習嘅學員，如果大家下次咁啱喺附近，不妨上嚟幫襯吓！同時睇吓有冇緣撞見，每日午餐大多食杯麵嘅我？
張貼
