Home Cuisine (已結業)

餐廳位於中環石板街行上去某商業大廈內，位於13樓，因此從餐廳內俯瞰下去別有一番風味，會看到中環被隱藏起來的角落。食物選擇方面，自由配搭嘅彩虹意粉係必食之選。可以選擇主菜、配菜、麵條、汁料，將自己最喜歡的食料匯聚於一碟之中。而本人就喜歡雞扒、倫扭堡腸、意粉及意大利香草茄容嘅配搭。以西餐標準黎講，味道唔算好濃，但部分人可能會覺得咸左D。 份量就真係少得可憐，而且夠膽死兩個客食嘅同一個餐但可以少1/3份量，即使同佢反映佢只會話碟嘅容量都係一樣。服務認真麻麻。再者番茄汁不酸不甜，同意粉唔夾，要落辣茄汁中和番。再加上個汁唔攪勻，真係麻麻。  

今日又紅又黃雨咁，搞到個人好moody又唔想周圍去，所以近近地ｏ係中環附近食算，本來打算試old town但大排長龍，去到呢度見冇人排隊就走入去問有冇位，因為我地冇book 檯所以佢地就比張好似臨時搭檯既物體我地其實後來我發現隔離既卡位all the way都冇人坐，唉食物好簡單，都係自選材料然後選意粉種類（意粉、長通粉或者linguine）我當選選三文魚配蜆肉長通粉、醬汁就揀左黑椒汁，我同事就要牛脷煙肉linguine配龍蝦汁，兩個都唔錯，龍蝦汁下次一定要試，小編好喜歡咁新鮮既龍蝦汁黑椒汁相比下就失色左不過都👌🏽。講真以呢d地段埋單唔洗100一位其實都好抵。返兜指數好高順帶一提、呢度d服務好好、個哥哥仔不停幫我地倒水、好好招呼！大家得閒路過幫襯下啦！支持下d小店吖嘛

Menu有好多唔同嘅選擇亦都可以自由配搭點左彩虹意粉 （$88+10%）配料揀咗雞扒同腸仔未到揀咗意大利香草茄蓉其實雞扒同腸仔嘅味道都OK 份量都ok 但係個番茄汁怪怪地 一啖就食到酸酸地，下一啖甜甜地，可能個汁未攪勻 個人覺得唔值呢個價錢我覺得如果個收費同大家樂一樣嘅話就可以接受但呢個加埋一，成 九十幾蚊個湯都係茶餐廳質素（頹頽地） 飲品味道正常整體來說 令人失望價錢同質素不成正比唔會再幫襯

Happy Friday 一定係同同事出街賀一賀佢。是日試左呢間Home Cuisine。餐牌上食物款式多，比客人好多選擇。但係呢...呢餐午飯認真覺得貴。我今日試左個叫AB餐既lunch set，盛惠$98未加一。有湯，飯同餐飲。個飯就真係一言難盡，好似大學canteen d 兩送飯。同事叫左個焗飯，都係收$98。大佬，一d 誠意都無，送到上黎立刻變左大家樂，目測份量仲會少過大家樂添。另外一位同事就叫左個烏冬加兩樣送，送上黎就覺得係茶餐咯.........真心black list 呢間。

同老婆去完產檢，天氣勁熱，原本想係中環搵間嘢食下，亂打亂撞搵到呢間餐廳，仲諗住中環嘅餐廳唔會差得去邊。我環境尚算OK，有少少逼。滿心想著叫個飯食，對自己好一點。點知叫左個豬扒飯，個賣相是可以的，仲想今次有好野食。但一食落去，塊豬扒番炸無限咁多次，咬都咬唔入。成個慳返啲配菜係正常點。但食得出制作非常是是旦旦，完全是旦推野食俾客食，咁樣quality 都攞出黎賣，好似無想過要客人再回來。真心覺得非常失望！！！

The Loop 一向是中環OL lunch 既好去處，但由於怕等位所以就預早一日就book位。選擇這家Home cuisine 全因看到餐牌上有自選意粉這個option! 從配料、意粉、到醬汁都可以自選，很適合我這些麻煩客人主菜選擇了魚柳、蜆肉扁意粉配pesto。配料份量絕不吝嗇，有兩大塊魚柳和無限蜆肉，但略嫌欠缺鮮味，醬汁太多太腻，可以輕手少少，扁意粉口味ok，份量亦很足，即使是男生也夠飽。Lunch set 跟餐湯和特飲，特飲選擇也不少，由珍珠奶菜到各種果味綠茶都有。下次或許可以試餐牌上的其他菜式吧。

中環平日既lunchtime十分繁忙，想易啲搵到位置食飯就可以去The Loop. 呢棟大廈本身入面就有幾間餐廳，唔介意既話可以行幾層睇下邊間岩食😂😂今日就揀左home cuisine, 係一間cafe style 既西餐廳，大概12點半既時間未需要等位。一入座侍應就先上餐湯，可選擇羅宋湯或南瓜忌廉湯。Menu 有超多超多超多選擇，不過當我見到黑松露帶子意粉就毫無懸念🤤🤤🤤 意粉送到既時候好香🤤帶子唔會煎到燶晒，正👍🏻👍🏻👍🏻 同黑松露真係好夾，不過如果黑松露味可以再濃啲仲正👍🏻

中環既打工仔都知道，中環食lunch普遍都貴，又要等位😓😓果日好好彩，同朋友試下運氣，12.15打去book位，好幸運地有位，唔洗等即刻過去😍12.45去到即時有得入座，店員好好咁留左一張2人台比我同友人😊一坐低睇到menu真係花多眼亂，唔知揀咩好，又有意粉又有飯，仲有新既特色chef's special menu~ 揀左一陣最後決定左食佢既彩虹意粉，要左 雞排+蜆肉+扁意粉+東蔭公😊友人就要左青咖哩意粉～我叫有好多特飲都唔洗加錢，就要左杯胚芽奶茶😜估唔到好有驚喜，同平時台式飲品店一樣，好飲！值得一讚既係本身其實係menu上係胚芽珍珠奶茶，但因為我唔太喜歡珍珠，想走左佢，店員都好細心而且話無問題☺️☺️同朋友傾一陣計好快就上左意粉😊一拎過來已經聞到係好香，而且賣相一流，令人食慾大增😋雞排煎得唔錯，幾金黃，而最令人回味係東蔭公汁，惹味得來又唔會過分重口味😜友人要左既青咖哩汁又係好好食，辣得過癮！對於我地兩個中意食辣既人，兩款意粉都好惹味，值得再來食過。最後有湯有飲野有好食意粉，埋單加埋一一百蚊有找，中環來講真係不錯之選，會再回來😊

中環The Loop出名多餐廳、西餐、日本菜、星馬菜、酒吧什麼都有、地點又方便。往往想不到午餐吃什麼、就會到The Loop，今天就跟同事來到Home Cuisine。最多人點的是彩虹意粉 $88，可自選一樣主菜、一樣配菜、意粉和醬汁，還包括飲品。餐湯是什菜湯意大利香草茄蓉魚柳蜆肉扁意粉份量幾大、魚柳蜆肉都很多、魚柳軟滑、扁意粉亦滑溜。香草茄蓉酸酸甜甜好開胃、味道唔錯。跟餐還可以要特別飲品、珍珠奶茶、蜂蜜綠茶、芒果紅茶等。我還是要了喜愛的珍珠奶茶、唔太甜但珍珠略嫌太淋。

今次介紹尼間系平時我食bunch既好地方 我已經唔只一次尼食野 so far次次叫既都好好食 份量適中 又多選擇 多數都系西或日式 之前食過佢個彩虹意粉同日式咖哩飯(當中有好多料簡)都好好食 比menu你地睇下重點系跟餐有平時要加錢既特飲今之我叫左個自選便當（豚肉生薑燒+餃子） 跟左杯珍珠奶茶我覺得個味系好食既 不過個豚肉食到咁上下有dd油 但我都系全清既 因為真系好味所以勁推介大家去 不過如果你lunch去價錢會貴少少同埋有機會要等一陣 但都唔會太耐 因為佢地方都大但唔迫Thanks for your watching

相信好多中環打工仔都覺得午飯時間搵食艱難，$70-80只可以食茶餐㕔，仲要坐得迫，食完會被趕走。無意中發現這間西餐廳，在Loop 13樓，12.20pm walk-in都仲有位。 餐廳走簡約路線，沒有太華麗太commercial 的裝修。Menu的選擇真的好多，大概有50-60款，唔知揀咩好。最後點了可以自選食材的彩虹意粉。Starter- 南瓜湯意大利番茄蓉魚柳紐倫堡腸扁意粉 -$88超大的分量，女仔應該食唔晒。酸甜的醬汁很開胃，味道唔錯。跟餐的珍珠奶茶都ok, 不用加錢。中環來說，這間性價比算高。

第二次嚟食晏，喺中環想食意粉嘅話呢間係唔錯嘅選擇，好過5樓間Sagrantino，平啲又好味啲。Menu選擇多，仲有彩虹意粉俾你百搭任你配，汁都有8款揀👍🏻$88加一，有餐湯+意粉+飲品。紅湯，好多菜，個湯又唔會好稀，ok嘅。揀左香草蕃茄汁+雞排+紐倫堡腸+扁意粉，雞排係好茶記feel嘅雞排，不過我都收貨嘅😂個汁好多蕃茄蓉，意粉質地啱啱好，整體味道係唔錯，份量好夠。餐飲凍熱同價，就算揀珍珠奶茶都唔洗加錢，當然我對呢度嘅珍珠奶茶係冇乜信心啦😅熱飲好大杯，食哂飲埋野真係好飽😋食物唔係咩高級野，用嘅碗碟係最plain嘅款，亦都冇擺盤可言，不過味道ok，又乾淨，反而做到佢"Home"嘅感覺😇

今日又去左食lunch呢到啲野食堅好味，但好似唔係好多人知呢間野既存在咁 真心推薦今日試左豚肉燒烏冬，味道一如既往地好味，生薑豚肉肥瘦適中，湯底鹹度亦都岩岩好!朋友叫左西冷牛意粉，可惜我唔食牛啦，唔係我都想試下，賣相幾吸引!不過朋友覺得牛肉有啲生，建議想食熟啲既朋友可以落order既時候講聲另一個朋友第一次黎，叫左漢堡奄列咖喱飯，佢都話比其他餐廳既咖喱飯好食，份量都ok咁，等我下次都試下先中環黎講真係好抵食

最近放Lunch如果出去食，每次都係黎返呢到!中環黎講價錢唔算貴，選擇多，又好食又包餐飲!今次都係叫彩虹意粉，主菜要德國鹹豬手片，配菜要火腿，意粉要普通意粉，汁醬要左黑椒汁。係呢到第一次食德國鹹豬手片，係出面未見過，可能我少出街食啦夠味又唔會太鹹，推薦餐飲就叫左杯蜂蜜綠茶!其實差唔多每次黎都係飲佢，一黎自己本身鍾意飲綠茶，二黎呢到既綠茶真係ok，唔會太甜，然後有啲泡泡係面頭，感覺幾得意。同事就叫左個辣雞炒飯，試左幾啖，個人覺得真係幾辣的，鍾意辣既朋友可以試下!但今次炒得有啲燶呢到有儲分咭，食夠100蚊有一個印，5個印會送小食，10個就送50蚊野食呢到選擇咁多，同朋友黎食10次都唔會厭呀

隔咗一個星期又同啲同事過嚟食lu~真係幾抵嘅下午茶!!因為我哋嘅lunch Time係晏啲嘅~所以呢兩點就可以食到呢度ge下午茶~~呢間價錢抵, 啲嘢食都好食~材料仲唔少添~彩虹意粉 - 紐倫堡腸配豬手+意粉(忌廉汁)*都幾多料了下所以影俾你地睇~不過今次啲雞翼有啲生入面有啲血水~下次要小心返少少~..朋友食ge彩虹意粉~~~