Home Sweet Home (已結業)

本人因睇見youtube 介紹所以特登去試試，但去到發現完全唔同Youtube 上嘅影片份量，變咗迷你版，意粉超細碟唔掛汁，份量係3啖食完，煙肉薯條上到枱啲薯條係凍嘅，但啲芝士仲係熔嘅，呢點好明顯碟薯條擺咗一段時間未加芝士上去所以未出得，芝士蒜蓉包係正常嘅，因為有温度，但4細件，即係要7蚊一件，有點不值，但係有一點好嘅係就算樓面妹妹幾忙態度都良好，雖然係28蚊係平，但我個人唔會再嚟食！整體來講廚房嗰部分無誠意！

聖誕節諗住同小朋友食下午茶， 睇You Tube介紹$28 一款下午茶餐， 3點15分去到叫我等15分鐘， 3點半去到要得到3:45分， 粗口都想出埋，仲要$38 加一，我仲特登坐車出黎。 等完半個鐘仲要無得食。 個職員仲十萬個藉口叫我等多15分鐘，信你一成雙目失明。吾好信You Tube, 大把食肆可幫襯。 一定吾好再黎~!!

網上話呢間餐廳嘅卡邦尼意粉出名，掛晒汁咁話，見食評都有高評價，今日貴10蚊都嚟一試，怎知個意粉不但無掛汁，好似食湯意咁，濕笠笠，差過一般茶餐廳; pizza就一般，平日tea set $28，24-26/12 $38 仲要加一服務費，相當不值。餐飲個杯有裂痕都比人客用，由一些細節可以睇到呢間餐廳嘅質素有幾高，絕對無下次。

朋友的生日飯，但因為疫情，都不敢去熱門的餐廳，只係隨意聚一聚，上網見這餐廳訂位後有折，而且在太子內街，不算熱門，應該人不多吧。Home Sweet Home真的像一間懷舊的美式餐廳，播著80年代的南洋音樂，昏暗的燈光，愈坐愈想睡，但我相信，總有人會喜歡這些情調。一心只想早回家，於是與朋友只選了南瓜帝皇蟹焗意大利飯及松露意大利飯，我承認，自己對意大利飯有情意結，只要餐廳有，我多數都會揀。其實我對Home Sweet Home的意大利飯期望不高，只覺得應該是一般貨色，不過，原來沒有期望，才會有意外驚喜，我只有最直接的感覺：真的好好味！松露意大利飯的松露頗多，啡菇也新鮮，食完不覺滯膩；南瓜帝皇蟹焗意大利飯是另一種感覺，海鮮味重，蟹肉新鮮，現在回想，都想再去食。記得先在網站訂位，可以有75折，非常抵。

今天試食半自助午餐，味道可以，雖加左價(加了$10 )蕃茄Pizza 好味，好多芝士, 羊架意大利雜菌飯的羊架味道ok, 但個飯就普通，自助吧中的蔬菜沙律好新鲜，但炸物中的雞翼太燶，今日餐湯是紅菜頭湯，味道還可以，糖水: 凍咋渣吾夠甜，甜品:蛋糕有四款也好味, 但杯杯裝的啫喱就普通，飲品:熱加啡是即磨...正，熱奶茶也OK。另外要提的是個女職員，態度好好，仲要一腳踢。唯美中不足的是埋单時要看清楚，因女收銀計錯隔離張枱數比我地，要Check 单啊。

一入去見到個環境，真係有被驚艷到😂高級餐廳嘅裝修，播住輕快嘅音樂，加上我地果日14:30先入座，得我地一枱，好似包左場嘅感覺💁🏻‍♀️半自助餐嘅主食選擇唔多，我地三個人分別都叫左一個主食1️⃣千島煙三文魚薄餅 (5分滿分，推薦程度: 🌕🌕🌕🌕🌘)人手整嘅薄餅底+超多芝士+ 煙三文魚 = 滿足嘅感覺，唯獨覺得千島醬多左啲，稍微蓋過左三文魚，但對整體味道無太大影響，仲要只係$58，值得一試🎈2️⃣意大利茄醬素雞肉意粉(5分滿分，推薦程度: 🌕🌕🌕🌕🌘)無辦法用一句嚟形容佢，有茄醬嘅味但唔係平時屋企煮番茄炒蛋果種😂同時又有牛奶/芝士味，但食落一啲都唔奇怪，我個人仲好鍾意❤️扣分位在於佢嘅素雞肉，雖然味道正常，但佢食落係彈牙嘅，不太做到雞肉嘅質感。整體我鍾意呢個意粉多過卡邦尼，下次嚟應該都會叫呢個☺️3️⃣卡邦尼意粉 (5分滿分，推薦程度: 🌕🌕🌕🌗)首先要講，味道係絕對正常嘅，但我會覺得麻麻，係因為對我嚟講佢嘅汁太稀，掛唔到啲意粉，過唔到我鋪癮🤣半自助午餐可以無限添餐湯(果日係南瓜湯)、沙律同埋甜品。好多款一杯杯嘅布丁/ 果凍/ 蛋糕/ 馬卡龍/ 糖水可以攞，質素算係中等，但佢勝在個甜品擺架靚到令你好想打卡😂

上星期我們到了Home Sweet Home 吃晚餐，燭光和音樂令氣氛很浪漫，十分適合情侶～芝士卡邦尼作為經典西餐菜式，廚師把蛋黃留在蛋殼內，讓食客自己倒進意粉攪拌，有點新意。卡邦尼汁黏著每一條意粉，濃厚的忌廉味和煙肉的油香真是百吃不厭日本南瓜帝皇蟹肉焗意大利飯最令人心動，原個南瓜盛著意大利飯，賣相滿分！味道方面，綿綿的南瓜蓉和蟹肉配上忌廉汁一流浪漫西餐當然少不了牛扒，美國肉眼份量十足，不會過熟，還有牛油味豐富的薯蓉和燒烤醬最後還有甜品，心太軟一切開，看到濃稠的朱古力醬就已經很滿足。布朗尼質感的外殼配上雪糕，完美配搭

事先講明， 我訂左枱 但最後都入唔到去食所以環境食物全部比中間分數我果日訂左13:30 ，13:20到咗問服務員姐姐佢話要13:30先入得座 咁我地係門口等當時門口有2枱客等緊咁一路等到13:45 佢直接放左2枱街客入去先完全係無理過我地，咁我就入去問服務員仲有幾耐先到我地咁佢就同我講因為之前枱客有個人黎遲咗 張枱本身點半就夠鐘要等佢食埋塊扒先到我地我問左三次佢都係答唔到我幾時有枱咁我訂枱黎做咩？佢遲左要我地係出面等？咁前面兩枱街客又放埋入去都未到我地唔係應該留定張枱等訂咗枱嘅客人黎？做唔掂就唔好開放訂枱 全部walk in 嘛

睇完中醫，等拎藥期間搵野食，遇到呢間餐廳見到寫住半自助餐，覺得好抵食，環境都唔錯，就入左去。 入到去個裝修，勁有酒館既感覺，加埋d輕音樂，勁chill. 店員都好有禮貌，不從不迫，令人感覺好舒服。半自助午餐，選擇唔多。 最後叫左兩個餐就出去睇沙律吧。沙律吧選擇都好多，好有誠意，似每日新鮮製作。我地等野食期間係咁添，唔同種類，都有小小飽了。牛扒叫五成熟 見到外貌以為佢煮過龍，點知內面真係五成，仲有小小紅，肉嫩 真心好唔錯。 個飯係意大利飯勁有驚喜。 三文魚煎到皮脆，加埋個汁好match 。 意粉都好有味，無諗過呢個價會食到咁高質既野， 意粉如可以再添，我想再加，我估佢用香草加橄欖油炒，但炒到好好味，真心想偷師學點煮。 見到隔離個pizza都超正，$58有拉絲，見到都多人叫黎share 食，個個人都食得好開心 ，下次都想試下。 呢間小店真心唔錯，見到一班年青人工作，在細節上用心，令我好意外。

餐廳位於太子基隆街的「home sweet home」地點方便，餐廳環境整潔，氣氛浪漫💕是很適合情侶或朋友聚會。娘惹素雞串外形不是很美，吃落卻不錯，其實似乾豆腐的味道，加上特製調味，越吃越香，也可蘸些甜甜地花生沙嗲醬，又是另一種味道😋帆立貝八爪魚意粉🍝味道鮮甜多汁的意大利粉，配上🍄蘑菇、八爪魚🐙，紫菜及木魚，非常好味👍醬燒惹味豬🐖肋骨肉質夠淋細嫩，調得入味，分量也非分大是日餐湯採用甘筍🥕製成，味道清甜美味香濃朱古力心太軟🍫最後來一碟心太軟，朱古力味的確很香濃，吃完後朱古力的苦澀味還在口中徘徊今晚整體感覺很不錯👍，食物味道很適合個人口味，而且這裡的服務員能細心照顧客人需要，耐心等待客人點餐，勤於收拾桌面及回應客人的問題，態度良好有禮，值得一讚😊

最喜歡食西餐的表弟今天生日，就訂了位於太子一間Home sweet Home食飯，之前食過一次環境氣氛食物不錯👍餐牌上有不同款式選擇，價錢合理👍甘筍濃湯（是日餐湯）餐湯會因應餐廳安排會成日轉的，今日是甘筍湯，香濃幼滑👍素雞串素雞串材料是乾豆腐，外皮香脆可口，配沙嗲醬一齊食，味道口感一流😋醬燒惹味豬肋骨擺盤精緻，外皮燒到少許脆有炭燒香味，切開內裏肉嫩多汁，啖啖肉😋大阪章魚燒薄餅餡料有章魚、粟米、木魚絲、紫菜、蟹子及照燒汁，新鮮焗起，薄餅邊焗到很香脆，配料很夾，食落口感好豐富，感覺好像食小丸子一樣好食😋香濃綠茶心太軟這個是我非常喜歡食的甜品，外面都焗到脆脆地，切開香濃的綠茶流出，微微帶暖，夾埋朱古力雪糕一齊食，真是最佳拍擋😋

收工經過太子見到哩間home sweet home 就入去試下， 餐廳很近太子地鐵站，位置方便。 而且主打高級的西餐。我們兩個人吃叫了芝士凱撒沙律, 酥脆流心奶酪，德國腸拼盤，威靈頓牛肉和飲品，乳莓。前菜芝士凱撒沙律和酥脆流心奶酪分量非常適中不會太多， 不會影響吃主菜。 凱撒沙律的菜十分新鮮， 咬下去清脆多汁， 配上餐廳特別調製的醬汁， 整份沙律十分的開胃 。剛剛炸起的酥脆流心奶酪熱辣辣冐煙要小心進食， 炸得外脆內軟， 芝士味道濃沃十分可口。主菜的德國腸拼盤， 總共有五款腸， 這道菜的性價比十分高， 五種不同的腸各有千秋， 有脆皮腸，黑椒味的，雞肉腸等等， 都是新鮮煮起而且配上餐廳特別的醬汁非常好食。另一個就是威靈頓牛肉， 只是看賣相已經十分吸引， 酥皮包著五成熟的牛肉， 切下去的時候已經能聽到酥皮清脆的聲音， 酥皮蘑菇醬加上五成熟的牛肉， 一齊吃下去十分滋味可口。很推介！最後我們點了一杯飲品，乳莓。 這杯飲品用新鮮的士多啤梨和牛奶製作而成， 味道不會太濃烈， 而且還有淡淡的茶香花香， 很適合配肉類。

今天跟男友愛吃半自助午餐，餐廳環境舒適，地方寬闊，非常整潔。有意大利音樂作背景音樂， 很有氣氛。店員友善，服務態度好。每張餐桌上都有提供手部酒精啫喱，注重衛生。半自助午餐是先選擇一個主菜，然後可以任添餐湯，沙律及甜品。共有六款主菜，我和男友都喜歡吃牛扒，所以選擇了西冷牛扒作主菜。沙律選擇都挺多，有番茄，青瓜，沙律菜，朱古力包等等。甜品擺架很漂亮很有心思，有很多款不同的甜品。切片蕃茄很好吃，有獨特的調味，有一點點鹹味的。涼拌青瓜酸酸甜甜很開胃。沙律菜新鮮，配芝麻醬非常滋味。餐湯是南瓜薯仔湯，湯比較稀薄，南瓜味濃郁，清甜的。五成熟牛扒熟度剛剛好，牛扒牛味香濃，肉汁豐富，有嚼勁。薯條幼身，吃落香脆美味。七成熟牛扒比較韌，切得比較吃力。不過牛扒入味表面燒過，都挺美味的。五成熟會比較好吃。最後甜品有藍莓切件蛋糕，馬卡龍， 啫喱等等。我覺得馬卡龍最好吃，十分酥軟的口感，裏面的夾心是朱古力，香甜美味。

終於捱過了繁忙的一星期，好好睡了一整晚，起床的時候已經是早上11時，兩口子刷牙洗面過後便隨意地出門找吃的。慢慢步行到太子店經過這間Home sweet home，餐廳剛剛準備開門，門外亦有人在看餐牌。然後我們幾個家庭都一起望內吃這個半自助午餐，不需一會餐廳便滿座了。有自助沙律吧及甜品，主菜都是58至$98，另外再加一收費。先拿點前菜沙律、水牛芝士麵包和湯。點了牛扒和意大利飯作主菜，包熱飲，凍飲加$3。《南瓜蟹肉忌廉意大利飯 $88》好creamy 有南瓜嘅甜味，即食得出有好多蟹肉絲，意大利飯亦不會太生，整體幾好食。《美式燒西冷牛扒 $98》廚師做到要求的5成熟，牛扒不韌咬開有肉汁，有少許鹽香調味，半碟還有幼身香脆的長薯條。最後在自助吧拿了甜品作結，抵食。

價錢合理，樓面得一人有禮貌。自助沙律選擇唔多，refil後期先快，湯好遲先再補上。不過主菜其實好夠飽，叫了pizza同牛扒，pizza好食，係油咗d， 牛扒煮得剛好。午餐剛好滿，不過坐幾耐都得。