@HomeCafe (已結業)

山長水又遠黎到諗住嘆返杯咖啡點知黎到門口大大隻字貼住今日因水_問題無咖啡供應已經有啲想走但方圓百里又無餐廳硬著入去Order左all day breakfast你收得呢個價錢真心dry左少少 唔係好夠飽肚 但味道不錯既咖哩石斑飯印度咖哩落得太多香料唔好食同埋如果你寫埋出黎係印度既我係唔會叫石斑少少腥 龍脷會比較好仲有叫左杯green tea latte無拉花都算我覺得自己好似飲緊奶水到底我食緊乜野飲緊乜野好 失 望

去荃灣區嘅食肆林立，要讚穩陣腳，真係唔容易，係OpenRice見到呢一間店舖個裝修好似幾舒適，就約埋朋友過嚟先，可能因為係星期日嘅關係，工廠區都變得一片寂靜，呢個環境更加適合傾計。。工廠區內的cozy cafe，有heart的小店，假日到訪，特別悠閒，可以俾你hea一個下午嘅好地方，食物質素ok，仲有少量玩具俾小朋友玩。食物方面，品質都OK ,唔算太過突出，亦都唔太差，好鍾意佢杯green tea 上面嘅大眼仔拉花，真係超萌，見到都好開心。.。 📍@ HomeCafe (荃灣)🏡荃灣德士古道248號荃灣工業中心248號地舖.

因要去工業區攞嘢，先在附近搵食，竟然搵到間唔係飯堂茶餐廳嘅咖啡館，去到門面細細，半圓嘅環境，加啲金屬框木桌椅(有啲小學桌椅感覺）掛牆嘅餐牌係彩色粉筆畫嘅！加啲手繪畫，感覺純樸好舒服閒日已過午市時間，所以只有一枱客，店員簡單叫我揀好再去櫃臺落單！食物係西式食物，款式幾多！落單之後攞號碼卡同收據埋位！可能人客少嘅關係，店員整好就攞上菜比我！大蝦意粉（$62）賣相靚，熱到辣咀！不過蝦係中蝦，唔係大蝦，蝦身已去殻（只留蝦尾殻）煎得香口，蝦肉爽口！意份唔多，炒得乾身，醬汁剛好包裹！黑椒微辣香口惹味，加埋菇碎彈牙！好味！Flat White($17+1shot)叫了大杯，份量真係幾大！套餐包咖啡，$17係加一shot嘅價錢！拉花唔精緻！咖啡香濃甘香！唔落糖都得！店員有禮斯文，需要時會講解！食物到咗唔會騷擾！食完會問一句先收碟！幾好！食物水準唔錯嘅舒服小店！

國慶補假日，和姨甥仔看完早場，來了這間cafe，打算嘆個 brunch，一行5人，又不是太肚餓，所以叫了兩個 all day breakfast 同一個 pizza，仲有一杯 cappuccino, flat white, iced lemon tea 同 chocolate 落單時個員工已經好心不在焉，我們不斷重複又重複oreder，最後其中一位員工都睇不過眼來落單第一杯完成嘅係 iced lemon tea，正正常常，沒有大問題，點知去到杯 cappuccino就大失所望，一向都知道傳統嘅 cappuccino 係唔拉花嘅，會將尐奶泡放上面，喜歡 cappuccino 就係喜歡佢厚厚嘅泡，我都唔知呢杯係咪 cappuccino，泡唔厚， 仲好似拉花失敗，所以加些朱古古粉上面咁，仲要加埋一邊，賣相真係有待改善，個泡仲好薄，完成唔覺得飲咗 cappuccino All day breakfast 上枱，小朋友好失望，大叫點解唔係牛角包，一問之下，原來要加錢改，睇清楚個餐牌先發現相同文字係不乎的，只怪自己無睇清楚，但係我又唔明點解相同文字要不同呢？以後去邊都要睇清楚先落 order至於個

最近同男朋友喺荃灣食飯，都食到悶悶地，因為來來去去啲餐廳都係差唔多咁，差唔多都是過晒啦。今次我哋去到一個偏僻少少嘅位置，係荃灣海旁、工廠區嗰邊。發現左呢間咖啡店，我哋當然要試一試啦。佢嘅all day breakfast 個賣相都靚靚囝囝，好似唔錯咁噃。佢個牛角酥嘅牛油香都幾濃郁，質感幾脆身，二一個麵包控同你講，佢都滿足到我呀。其他食物包括有腸仔、蛋、薯餅、菇、蕃茄、煙肉同埋沙律，都係常見嘅全日早餐材料。個人認為都係一般般，不過個蛋都吵得幾香，唔會太過熟。而薯餅都香脆，唔錯唔錯

週末約了朋友係荃灣區游車河，正當我們想找一個地方食lunch的時候，在荃灣工業區經過見到一間位於地舖的cafe。我們便選擇了這間@home cafe，餐廳的地方不算太大，這裡感覺舒適傾計的好地方，想不到假日的時間也很滿坐。我們坐低了睇完餐牌叫食物的時候，侍應給我們說這是自助點餐先付錢後送餐。我選擇了素食all day breakfast 還加了$6轉牛角包 另外再加了$8 轉熱Mocha 咖啡。牛角包非常之好味好香脆，薯餅也很脆口，all day breakfast 份量剛剛好，不算太飽。Mocha 咖啡味道濃郁也不錯！我朋友叫有一個燒黑椒西冷薄牛扒配意粉加了一杯凍檸茶。西冷牛扒比較韌切起來的時候很難切，味道尚算一般。

位於德士古道附近既工廈，呢度除左呢間餐廳外，要搵食真係要行遠少少先有野食，所以都叫隱蔽。如果唔係行經巴士站見到佢個黑板仔餐牌，真係唔知呢度有間餐廳！除左位置之外，裡面基本上幾舒服，只要不坐高凳就ok!這裡一切自助，可以先取餐牌看看，然後往收銀處俾錢，取坐台號碼，食品就會送上！清水，紙巾就要自助區取！我星期六去，大部分都係熟客仔，應該係附近居民！叫左個all day breakfast & 香芋鮮奶！香芋鮮奶，香芋味道很重，但飲落得鮮奶味，完全沒有芋味！不過拉左個❤形，好靚！而all day breakfast 加錢轉左個牛角包，整體不俗！另外叫左個水密桃pizza 好好味，唔記得影相！

同老婆同兩個細路黎，有少量玩具俾佢地玩occupy 住，無bb 椅不過有得墊高都ok.叫左all day breakfast 2個pizza (夏威夷 + 辣chicken) +鰻魚烏冬。我個女未試個食甘多野，pizza 又抵又好味尤其是辣雞。鰻魚控應該會好like 個烏冬因為堅係多鰻魚。 all day breakfast 正常野不過細路好鍾意。重點當然係咖啡。老婆叫左傳說中rose latte, 真係非筆墨形容地好飲，$12 飲一杯值$50 嘅野，彷彿個野食係送嘅甘。我點左earl grey latte, 一個好難沖得好飲嘅飲品。2杯計當然rose latte 好好多，但我覺得都算係正常，好飲過sxxrbxxks. 會再黎，great food and experience, 睇得出的用心。

其實我真係唔慣係度寫食評，一黎係自己文筆唔好，二黎係我對食既要求唔高，主要都係睇同咩人食，但今次，我真係開心到決定即日登記帳號，讚一讚間食店！今日有兩位好朋友同我慶祝生日，本身以為出去行個圈食餐飯就算，結果令我好驚喜！驚喜位1.友善體貼：因為三個都唔係好識路天氣又熱，都搵左段時間，本身卜左七點半，最後因為搵路遲左到...老闆娘親切招呼我地，想我地坐得舒服啲就留左六個位既位置俾我地！仲即刻送上水俾我地飲下先！😀2.咖啡拉花：我好中意麥兜，朋友幫我問左店員可唔可以拉麥兜，店員話未拉過可以試下，如果唔得就拉番熊仔我地都ok, 結果見到佢好俾心機咁對住手機拉麥兜，我已經心諗，咁俾心機就算拉得唔好都唔緊要啦！！！同埋都有啲唔好意思要人拉麥兜😂結果...拉得超似超得意！！！3. 慶生環節：朋友話想食甜品，我個人唔係好中意食，但佢地話一係三個人叫兩件啦(加15蚊就有一件),咁我地就叫左藍莓芝士同紐約芝士蛋糕。突然，店員開始關燈，個下我以為可能佢地就黎關門所以開始熄燈啦(佢地收九點半，個陣差唔多八點半)...然後我望一望後面，見到朋友拎住隻碟上有蛋糕，個下心諗：咦，蛋糕要自己拎既！然後先見到有蠟燭同聽

住喺荃灣嘅人真係好又復，有好隱世嘅餐廳可以選擇，呢間係其中一間，佢位置係工業區嘅地下，如果放假嘅時候應該會好少人流，今日星期六而且長假期，餐廳裏面冇乜人，竟都幾舒服，呢度係自助式點餐，要去counter點餐，店員佢哋就會將食物送。除咗每日嘅喊定午餐之外，其實佢餐牌上面都有好多選擇，有佢哋出名嘅全日早餐啦，意粉同飯亦都有好多嘅選擇，有選擇困難症嘅我都揀咗好耐，佢哋仲有下午茶餐都係30-＄40，都算抵食架。就算我哋單嗌主食都只係＄50到唔過60。點左個卡邦尼意粉同埋凍檸檬茶＄55加＄3動人，份量適中，味道還可以，而呢一個價錢嘅話算係唔差嘅。男朋友點左個吉列豬扒咖喱蛋包飯，但係可惜佢唔係真係蛋包住d飯，只係炒？煎？左隻蛋然之後鋪係白飯上面，份量都算適中，夠飽，都算幾抵食。

呢間餐廳環境好舒服，靜靜地，座位都好舒適。食物方面都好多選擇我叫左香蒜蜆肉意粉，份量都好足夠，仲好多菜，加底原來係免費，相當掋食。飲品方面亦唔錯，特別係咖啡，如果鐘意飲咖啡嘅朋友呢度絕對會有驚喜。服務態度方面，呢度啲職員好有禮貌，介紹好多午餐嘅推介俾我地。價錢方面唔算貴，一份午餐加飲品都係四五十蚊。唯一美中不足嘅地方係呢度並無WiFi同叉電提供，如果可以提供埋叉電同WiFi服務會更加好。如果放假同班friend响度hea下都係個唔錯嘅選擇。

今日過開來荃灣福士攪保養，發現行去西鐵方向100米唔使，响荃灣工業中心停車場隔離有間Cafe，門口貼有Menu同畫左好靚嘅插圖公仔，入面嘅裝修同環境令人覺得好舒適。Menu 選擇有好多，亦有素食餐可選擇，不錯！我order左個All day set，龍蝦汁海鮮扁意粉$60，意粉賣相同質素都非常出色，店員把意粉放低已經聞到好香龍蝦鮮味，個set已經免費跟杯熱飲，不過我轉飲Latte， 都係加12蚊，味道好好！

當你喺google 搜尋 @Home Cafe 時, 你會搵到來自日本嘅女僕cafekawaii 呢~ 嗱嗱嗱! 返番嚟先~ 位於荃灣@Home Cafe呢就俾到你恬靜舒適嘅感覺, 喺假日下午嚟到呢度點返杯咖啡小食, 彷彿時間停頓咗喺此一瞬間, 令你放慢腳步享受當下環境. 煙三文魚油醋沙律配蒜蓉包, 煙三文魚配田園沙律菜, 不過不失, 如多士再稍微烘焗耐一點會更好.粟米菠蘿Pizza, 自選材料配搭, 我就揀咗清甜嘅粟米同菠蘿, 材料舖到滿滿, Pizza醬帶香濃番茄味, 而餅底都幾夠脆, 整體不錯.香蒜蜆肉意粉, 份量不少嘅蜆肉, 配上椰菜、蘿蔔絲, 味道雖未有太大驚喜, 算是健康之選.嚟呢度過一個輕鬆週末就當然要點返杯飲品啦~ 我就揀咗杯熱鮮奶抹茶試, 抹茶味道夠, 奶味香滑, 不錯!

今日行過荃灣工業中心，見到地下有間叫HomeCafe, 無諗過工廠區都有間Cafe, 就行入去試下，點知發覺真係唔錯，個餐廳餐牌都多選擇，我揀左個 拿破崙意粉，加 杯焦糖咖啡（杯咖啡拉花都好靚，好有心機)。依度地方舒適，交通都方便，近荃灣市中心（近荃灣荃新天地2期旁）。入面d 人嘅服務又好，坐左一段時間，都唔會趕人走，嘢食好味，地方乾淨，價錢合理，臨走前見到個蝴蝶鬆，包裝好靚，所以買埋返去送俾人，下次要再去。

假日，周圍搵食係一件賞心樂事，今次地點有點偏僻，而且喺工業中心樓下，有點不起眼!去到卻感到有驚喜，西餐來說，咁嘅價錢確實係抵!一個午餐，大約60幾蚊，味道同水準都唔錯，佢最特別嘅地方係有不同的節日限定，臨近情人節，佢推出咗心型pizza,仲要有大同細size,方便我哋呢啲人少少又想試新嘢嘅人，食物整體來說非常滿意，而且店員的服務態度非常好，值得一讚!地方雖然細，而且午餐時間亦算多人，但總算環境寧靜舒服!