@HomeCafe (已結業)

其實上個星期日也嚟過@home cafe食早餐，感覺真係好好，環境寧靜，食物出品也有❤, 係荃灣小有可以輕鬆寧靜慢慢食個早餐的好地方，所以今個星期日同樣嚟@home cafe 食早餐。今日點了魚柳蛋配鮮茄湯意粉，魚柳炸得剛剛好熱辣辣，但一D都唔會油。煎蛋因為是我自己點了全熟蛋當然唔會滑啦，同埋個鮮茄意粉都直得一讚，雖然份量唔多但意粉軟硬適中同埋個湯底重幾好飲添

每個星期日都會晨早去街市買雞和煲湯準備煮中午飯俾老公食，因為一星期只有星期日先放假，都想有餐住家飯俾佢食！但lee排有d懶，想瞓晏d，所以今日就去揾間有all day breakfast食的地方試一試先......lee間店個門面都幾難搵.....入到去個環境都幾舒服，同埋員工係很有禮貌的（因為我個人比較重視服務）入面有d兒童書和puzzle俾小朋友玩！我喜歡食麥皮！個蛋治雖然厚蛋，但太興的蛋治好味多多！個伯爵茶都係麻麻！至於個all day breakfast 就真的麻麻.....首先係牛角包，本人認為Starbucks 比較好味！第二係嗰2條腸，𥚃面一d都吾多汁，乾爭爭！第三係個菇，味道怪怪！下星期再去下一間試試！

閒事無聊，見仲有啲時間先返公司，就行遠少少試下新嘢。行到門口先記得原來幾年前行過諗住試(過門不入)，事隔幾年又黎過。今次試左個早餐“牛角包+牛油粟米+蘑菇奄列”牛角包 - 普通，一般麵包舖貨色，無驚喜牛油粟米 - 味道一般(其實無咩味)，食到最後有少少水“味”，可能係未“瀝”乾水掛蘑菇奄列 - 味道尚可，但偏淡，仲有少少薄不過$33，仲有嘢飲(茶掛)，都算係咁。諗住想飲杯甜甜地嘅嘢，跟餐轉左杯熱hazelnut latte +$12，超細心會品嚐到淡淡hazelnut味，奶 (or Cream, 唔識分)味過重，有啲驚。建議味蕾敏銳及崇尚健康人仕嘗試用餐

今日食了個好特別的意粉，我係一個鍾情卡邦尼意粉嘅粉絲，不過今日食完呢個「意式白菌煙肉蛋意粉」，覺得好驚喜，相比起卡邦尼意粉」，呢個一d都唔會覺得溜，食落就食到，意粉帶有有好香嘅蛋香味，原來個意粉係無cream嘅，真係好味感覺食左唔會肥，怕肥嘅人，絕對係一個好選擇！我從來冇見過呢款嘅意粉，$55仲要包飲品，真係一d都唔貴，環境好舒服，d店員好親切，名副其實係一間@HomeCafe！

睇了飲食推薦說是荃灣必去嘅cafe之一，遠在工廠區本身地理位置先天欠佳了。距離荃灣西比較近 但也要個10多分鐘吧 我由荃灣鐵鐵路站行咗25分鐘先揾到 真係充滿期待～點咗All day breakfast 同被推薦嘅rose latte All day breakfast 老實說是有點失望，香草腸好乾身 有點硬嘅口感；炒蛋一啲都唔滑鞋口，味道好淡健康到爆；雜茹過份油 又唔係好入味；薯餅算脆口但油益味好重，另我諗起萬年油；多士有蒜香味，麵包烤得到位唔太乾身，成碟嚟講很不錯；牛油栗米甜甜的 好滋味，但整體成個菜真係好一般，絕不推薦指數都有70分㗎！Rose latte反而真係好飲，拉花好靚 上面仲加咗士多啤梨醬 配合玫瑰花香，真係好吸引只係沖得太滿 流到成碟都係 有少少扣分至於環境，起初還以為係有家嘅温馨感覺，但實際唔係。偏灰色調，加上外面天陰陰咁 幸好裝潢設計有點可愛，不至於太暗沉。適合朋友聚會聊天，而且有包場服務提供，但無wifi 喔，我覺得依家cafe有wifi係必備條件之一！整體來說，唔會有第二次光臨！亦唔會推薦俾朋友，除非佢地係工廠區番工

今日要約朋友吹水嘆咖，就即刻諗起@home, 荃灣區食物要多選擇，裝修又要好，價錢又要經濟，都真係依度。唯一係大門口太型格，幾乎冇招牌，要細心啲先揾到。今日飲左熱朱古力，甜味適中，奶泡夠細滑 仲有芝士薯條，好脆好香，如果有sour cream更正

終於和一班友人到這小店嘆下午茶了。這小店位於工厦地帶，乘地鐵到“荃灣西”～D出口，遠遠就望見藍色“荃灣工業大厦”，穿過公園，沿路直行就到。雖然型格黑調門面不起眼，不過門外有指示牌，不會找不到。聽資深店員介紹，這店剛換了新菜單，所以就試了新的美食。“香蕉朱古力窩芙”～個人認為香蕉和朱古力一向是絕配，如果將他變成粒狀，女士們會易入口“芝士薯條”～只挂住食，太濃厚的芝士香吧！“薄荷朱古力咖啡”～熱心店員推介“玫瑰牛奶咖啡”外表已經夠吸引，連內涵都有芳香玫瑰味，好好味吖～下次假日，一定要帶愛好咖啡的朋友仔享受一下。噢！不知道有沒有地道的美式咖啡呢

放假天去左荃灣找朋友。今次發現原來荃灣都有幾多不同嘅coffee shop。今次同朋友仔先去試一試呢間HomeCafe先😌店的門口有點隱蔽。一推開門就發現內裏其實都幾大。行到出晒汗，一坐低d冷氣夠哂涼！正！店員都幾親切。俾完餐牌我地就話，睇完就可以出去take order。期間又有一個店員出來，介紹我地有拖肥latte。話未寫得切上個餐牌度。終於諗好食咩～下午茶時段，叫左個牛扒包。牛扒雖然有點薄，但真係幾嫩滑，又夠淋。但並不是用粉那到淋個種texture 。不錯👍🏻再黎多個All Day Breakfast ~ 78元有咁多野，真係幾抵，味道又不錯👍🏻。但餐牌上明明寫係Muffin,但黎到係多士。不過唔打緊，因為塊多士都烘得幾好，不會過了火。我平時不太喜歡食薯餅，原因我成日怕好油，不過呢度嘅薯餅整得幾好。夠晒脆，但又唔會食到成口油！炒蛋也不錯，內裡仲有蛋汁！煙肉亦唔會整到乾真真。腸仔就無什麼特別。再配上粟米，什菌，蕃茄，沙律菜。真係幾開心架！以上兩個餐其實都包左奶茶/伯爵茶/檸檬茶/檸檬水/果汁。不過我地專程黎試咖啡，所以就加12元轉飲咖啡。Americano - 一直都係比較中意飲b

知道這裡的咖啡昰用澳洲有機咖啡豆，所以星期六特登揸車過來試吓！出奇地有驚喜，叫左紅酒燴牛尾，牛尾炆得好入味，份量足够，絕不孤寒超低食。老公就叫左意式肉丸，店員話肉丸係用豬肉自家制，聴落好特别，出面餐廰多數用牛肉，所以好想試，肉丸一咬落去原來有芝士响入面，唔係好多，所以唔會覺得好漏，肉九除左有芝土，豬肉mix左d菜落去，出面未試過，我相信一定係自家制！呀仔就叫左吉列龍脷柳，炸得好鬆脆，一 d 都唔油膩！ 咖啡香濃，可爱的咖啡師，冲调得個cappchino，個奶泡好滑，好正！

星期六、日放假想食個豐富早餐，網上找到一間位於工廠區既小cafe。對我來說，住附近也就是十五分鐘的路程，所以決定一試！(試了一次之後，已經第n次番單 ）我試過早餐同午餐，早餐抵食 午餐不算太平但味道很好!呢抔綠茶Latte味道濃，而且有咁Cute既眼仔通粉湯底好味，必叫All Day Breakfast冇乜驚喜，味道一般紫薯Latte味道不是太突出，有點淡口

星期六，日來這裡飲咖啡是最佳地方。。。舒服。。。自在。。。也見有不少人來溫書。之前見他們update了餐牌。早餐。。。依然好多選擇。。有姑，有菜，炒蛋幾滑。鬆餅，薯餅同樣的材料，卻弄出比連鎖快餐店出色的味道和感覺。班戟記得佩些果醬，令胃口更佳。午餐。。。個人特別喜歡他們的卡邦尼意粉，材料適中，味道佳。。。卻沒人其他店吃完的肥膩感。新出品。紅酒牛尾也有驚喜，牛尾份量足和有足夠蔬菜令它健康美味。(特別喜歡蕃茄的人，一定喜歡)自家制甜品也新鮮，我至愛的大大杯咖啡更越來越好。。。拉花也越來越美。

清明嘅早上，好想去遠啲嘅地方食早餐，於是揸咗40分鐘車嚟呢度，之前已經嚟過一次，不過嗰次有人包場所以試唔到，今日終於有機會試吓，門口仲要有位泊，一流！名字叫@Home Cafe，環境應該好溫馨好似屋企咁，但偏偏相反，呢度嘅裝修有啲似觀塘嗰間'山脈流川'，灰色嘅牆配合木嘅檯凳，雖然呢度細好多，不過就舒服好多！周圍仲擺咗好多細細件，動物形嘅裝飾品，感覺都好warmAll day breakfast （＄78）以$78嚟講，有煙肉、炒滑蛋、豬肉腸、雜菌、烤蕃茄、牛油粟米粒、沙律菜、薯餅及英式鬆餅(店員話係麥當勞豬柳蛋漢堡嗰種，於是我加咗$6轉牛角包)。煙肉係all day breakfast嘅重點，但因為我唔鍾意食煙肉所以平時好少食all day breakfast，但今日實在太肚餓，好在做咗呢個決定咋！呢度嘅煙肉絕對令我刮目相看！首先肥瘦分明，瘦肉係真係瘦肉，半點肥肉都冇，唔算油膩而且最重要嘅係，佢唔鹹，唔講真係唔會覺得佢係煙肉，原來係老闆娘搵咗好多個供應商先搵到呢款煙肉㗎，不過佢質感軟綿較似gammon steak，唔係平時嗰款好脆嘅煙肉，所以未必個個會鍾意啊；炒蛋滑溜，蛋黃味香濃仲係半

去荃灣見客，見未夠鐘，見到一間裝修得好有特色嘅cafe，於是入去幫襯下，叫左份火腿滑蛋三明治，只係賣26元，仲包杯熱飲，要左杯奶茶，質數高，cafe竟然有港式奶茶，唔飲咖啡，奶茶係一個好選擇，值得一贊係個三明治，個蛋炒得真係好香滑，超值👍👍👍！

今日又搵個好地方飲下咖啡~ @homecafe比較偏僻! 位於荃灣工業中心入面! 渣車黎會方便d~~可能係星期日! 一去到有位喇! 店員仲比張大枱我話可以坐得舒服d~哩度都幾多野食呀, 我叫左豬扒豬仔包同埋all day breakfast (其實本身唔係叫all day, 但見到隔離枱就跟住叫了)當然唔少得咖啡啦! 一杯MOCHA, 一杯LATTE...(咖啡跟餐加$12一杯)1杯咖啡都大大杯,好抵飲呀!而我叫既mocha要濃d~ 店員主動提議不如加多shot 咖啡!仲唔洗加錢tim~ 咖啡好味呀 我好鐘意 味道剛剛好！豬扒豬仔包既味道唔錯呀! 佢既麵包用法式麵包! 韌韌地!而豬扒既味道都不錯! 佢仲有啲車厘茄, 好fresh~而all day breakfast 佢既材料有好多! 真係比隔離枱吸引左既包括有炒蛋, 香草腸, 煙肉, 炒雜菌, 牛油粟米, 烤蕃茄, 野菜沙律,薯餅, 仲有英式鬆餅(我加左$6蚊轉我最愛既牛角包)佢比平時出面既全日早餐材料比較多! 炒蛋好滑呀! 而我最鐘意佢有炒雜菌, 牛油粟米同埋薯餅, 薯餅好脆!烤蕃茄, 野菜沙律都好新鮮! 牛角包又好好味!材料樣樣齊

下雨的星期天，卻要一早爬起來，去了工廠區尋找手工眼鏡，離開時已經13:00，實在很餓很餓。今日選了荃灣一間未去過的cafe，地點是較偏的工業區，這區也是我畢業後第一份工作的地方。小店自成一格的石屎外牆，雖然型格，但因為沒有掛上明顯的招牌，只靠一個簡單的易拉架，所以容易被路人忽略。這兒雖然偏離旺區，要走一點路，但好處是人少。要知道在假日，想找到一間一推開門就有位的咖啡廳，實在非常不容易。跟@Home Cafe的店名相反，這兒的裝潢，走的不是溫馨的家居風，而是型格卻又帶點冰冷的工業風。我們到收銀處那邊打算點餐，只見那邊散落一張張的餐牌，拿起來看時有點不方便。午餐時段由11:30~15:00，除了全日早餐，還有焗飯、意粉等十多款選擇，價錢大約$55~$80不等，挺親民的。四月點了全日早餐，當中包括炒蛋、香草腸、煙肉、炒雜菌、牛油粟米粒、烤蕃茄、沙律菜、薯餅和英式早餐鬆餅，雖然配搭上沒有什麼驚喜，但以$78的價值來說，材料算是相當豐富。整個餐比較出色的是炒蛋、薯餅和鬆餅，炒蛋炒成一團，外型看起來有點像奄列，裡面的蛋漿流出，蛋黃味香濃，帶點日式蛋包飯的感覺。店方用油新鮮，炸出來的薯餅香脆夠熱，不