Honey Granny (已結業)

呢排勁HIT嘅韓式甜品 - 蜂巢雪糕...終於有機會試啦!去度見到都有好多唔同嘅配料選擇, 好似有爆谷、棉花糖(機整果隻)呢d特別d嘅款...另外個base嘅雪糕有原味同奶茶味, 都好吸引呢 最後我同飯伴一人一個, 我就要左杯裝原味雪糕+爆谷+蜂巢;飯伴就要左杯裝奶茶味雪糕+蜂巢。店內係自助形式, 自己落單自己搵位。佢d位都唔錯, 不過張檯就因為好有好多蜜糖抹唔到ge痴"立立"感覺,建議佢地可以勤力d抹檯...講番果2個雪糕先~ 佢除左有一片蜂巢之外係會淋左d蜜糖在雪糕上令到佢好甜.我果個原味雪糕就幾襯個甜蜜糖, 再加上爆谷食又有d香口, 味道唔錯!至於飯伴果個奶茶雪糕都好香奶茶味, 不過我地就覺得反而個奶茶味太出, 令到個蜜糖無咁出味啦!至於個蜂巢, 我又覺得佢未至於似香口膠嘅, 不過冇咩特別, 新奇有趣咁囉! 我覺得個蜜糖配雪都幾好味, 有機會都會再試的!

看住此店裝修，亦有留意雜誌，報導說是全港首創蜂巢雪糕，聽到已吸引，恰巧經過便即試。選擇了原味蜂巢雪糕加朱古力豆。原味蜂巢雪糕之朱古力豆以比利時朱古力豆作用料，軟雪糕以紐西蘭牛奶製作，一個人食擺也不覺甜膩。而那獨特蜂巢，口感煙韌，而蜂巢據報是來自台灣。將蜂巢混和雪糕一起放入口，味道更為清甜

這是我本人第一次去品嚐峰巢雪糕行內也有好幾間不同的雪糕店具我所知 價錢差不多今次是逛街時經過 見到人流不多 又想一試 最後便進店了本來打算點一個有爆谷作配襯的峰巢雪糕但爆谷賣光了 有點失望最後試了原味峰蜜雪糕價錢略貴 峰巢很小顆粒 雪糕份量還好峰巢和峰蜜味道很清新 甜而不膩值得一試

本來唔認識呢間店, 剛好O係團購見到就買左COUPON 泥試...之前試過GODXXX 雪糕超級正, 所以滿心歡喜期待再試到美味O既雪糕...9PM到九龍城廣場分店，地方比想像中大。但大概只有8張椅子，有幾部iPad可以用(如果有免費WiFi會更好)..COUPON可選原味蜂巢＋朱古力豆／即磨咖啡／獨家芝士奶茶蜂巢雪糕..試左即磨咖啡蜂巢雪糕 & 獨家芝士奶茶蜂巢雪糕~~軟雪糕加入了小塊蜂巢及淋上蜜糖與咖啡, 這個甜度剛好..芝士奶茶蜂巢雪糕, 也是軟雪糕加入了小塊蜂巢及淋上蜜糖, 都食到少少芝士同奶茶味..但雪糕未去到非常好食...所以有點失望...因為佢價錢都唔平, 正價要$45, 而個杯其實好細..(大概SUNDAE杯SIZE)..如果唔係有COUPON, 真係唔捨得..太貴了...

Honey Granny韓國蜂巢雪糕，唔講唔知原來起香港韓式甜品一向比較少！今次我就去了九龍城Honey Granny分店享用這個蜂巢雪糕。第一次和好友去試，大家都有一個疑問？呢個蜂巢食落去帶點蜜糖味之餘亦有點煙韌！原來蜂巢食落煙韌係因為有渣，千萬不要全部吃進肚𥚃呀！       講番九龍城廣場呢間分店，地方都幾大下，比起旺角分店那一小角落好好多。排隊不用永遠排在街外！但地方需大，座位卻很少。大概只有十個座位左右，還附設六部iPad免費任玩！但我寧願你有免費WiFi好過，唯一缺點是沒有人執拾枱面！感覺枱面總是黐立立，希望會有改善的一天吧...

韓國蜂巢雪糕在香港已經掀起了一段熱潮，也是哄動一時。炎熱的天氣之下來了九龍城廣場新開的Honey Granny一來品嚐，店內選用了新西蘭牛奶加了韓國配方調成的雪糕漿，牛奶味會較濃。在一間冰淇淋店內，裝潢都是走向簡單樸素，地方都好光猛企理。四周放了不少樽裝蜜糖、蜂巢板發售。除了原味蜂巢雪糕之外，也有有機棉花糖雪糕、夏之彩虹、蜜之邂逅....除了原味牛奶雪糕，也有奶茶味的軟雪糕，價錢由$18起至$45，Extra topping 更有蜂巢、朱古力豆、 牛油蛋卷、心心棉花糖等......topping價錢由來已$5至$16。最後我選擇了原味蜂巢雪糕，價錢32元。 在一杯質地較爽滑又Creamy的牛奶雪糕上，加入了小塊來自台灣的蜂巢及淋上蜜糖，蜂巢咬下嚼勁煙韌，食落都好芳醇香甜，蜜味濃郁，另一方面蜜糖都好清甜感到好滋潤。當我嚼到蜂巢無味後又好似咬晤開，最後我將蜂巢渣吐掉了出來，此外牛奶雪糕入口非常香滑濃厚，也好有奶香，質感鬆軟同時甜度適中，但可惜牛奶雪糕有點溶得快。 店內的員工非常親切，好熱誠介紹雪糕給我，令我好滿足又覺得好幸福。