Hong Korean Chicken (保安樓)

營業中

休息中

—喺foodpanda碌碌下見到 先知元朗有呢一間外賣店lol交通廣場(而家變咗做加點yoho plus)鐵絲網隔離條巷🍗原味有骨炸雞($172)用錫紙包晒成個盒 有拮到d窿去疏氣炸雞包埋椰菜絲 醃蘿蔔 細可樂拎到返屋企個雞仲係脆肉未算濕潤但係軟腍嘅炸得乾爽完全冇油膩感最後食完個盆都冇咩油印—————————————————————Hong Korean Chicken元朗青山公路 - 元朗段2號保安樓地下C號舖

心思思想食韓或炸雞好耐喇🍗同朋友搵到依間位置完全唔起眼既炸雞店😂原來係條巷仔度真係要Google 先識去炸雞叫左甜辣同黑蒜口味雖然雞肉係比較柴身 唔係一咬多汁個款但醬汁搭夠 咬一啖再hi一啖醬汁平衡反乾身既雞肉 都唔錯😋而且45蚊一款口味 份量都唔少架 👍🏻👍🏻👍🏻 另外芝士一份有2條不過唔係拉絲個款 有少少可惜但都幾好食不過不失蕃薯波波一份有3粒口感紮實唯一唔中意既係佢上面有灑糖比較粗粒既糖泥所以食落會食到糖既口感砵走啲糖會好食啲同無咁甜😊整體上都唔錯 價錢唔貴份量又多如果想過下口癮可以選擇依間😋

炸雞係好好食㗎，真係外賣自取要睇地址Google Maps顯示，你站在又新街係2分鐘，但係你完全會搵唔到入口入去，就係2分鐘嘅路程，我搵咗半個鐘都未搵到間店喺邊度‼️溫馨提示：就喺又新街Pizzabox行前少少1分鐘有條好黑暗嘅巷，完全唔覺得有店舖在入邊直接行入去，你就會見到。真係唔好好似我咁樣搵咗半個鐘都搵唔到😅😅😅

Friend介紹嘅韓國🇰🇷炸雞🍗外賣店🥡 店舖裝潢好精緻 有一個細枱仔係出面堂食 類似韓式大排檔 一入去聽到👂店買講韓文 係韓國人🇰🇷開嘅炸雞店🍗 非常正宗 落完單5分鐘就拎得！份量望落比出面多 仲要係無骨 啖啖肉 每一口雞就細啲 食嘅時候都比較方便醬油炸雞🍗 (10/10)炸粉少肉多 性價比高 外皮鬆脆 肉質特別鮮嫩甜辣炸雞🍗 (9/10)甜而不膩 甜辣醬非常惹味！芝士條 (9/10)外脆內軟 如果芝士係拉絲會更有驚喜

今次係叫外賣，由落單到手差唔多等左40分鐘。個包裝幾好，有封貼，包裝比想像中好睇。打開之後D雞仲係熱，滿意。今次叫咗無骨炸雞，2種味道。調味可以，甜辣炸雞個味道好食。但係最大問題係，我唔知道無骨炸雞即係全部都係雞胸，全部都係雞胸，全部都係雞胸。我個人比較鍾意食雞髀。所以如果唔好雞胸既人，記住一定唔好叫無骨炸雞。下次可能會叫普通嘅炸雞。元朗炸雞外賣既唔多，而另外一間D炸雞次次都係凍嘅。依一間整體感覺良好。

新升級韓式炸雞4種口味這次只吃到兩款是青陽美乃滋和粉紅醬炸雞分別是把醬擠到雞腿塊上調味～調味好吃不過重 很特別是使用無骨腿塊喔！.這次來除了能加外頭一大圈起司還能加點灑進鍋裡的雪花起司！！無論直接加進火鍋還是加炒飯或泡麵都大大加分 奶香濃郁超銷魂😻.肉肉吃到飽分別有豬牛雞三款～三款就能吃好吃滿最後做成韓式豬肉炒飯飽足又滿足可惜最後吃太飽沒吃到滿櫃韓國泡麵 下次再來><

In Yuen Long if you crave for fried chicken you can choose between KFC, Jolibee, and Nene Chicken, also some other smaller Korean fried chicken joints. In my opinion Hong Chicken, run by a couple from Korea stands out as the best.Their boneless chicken consists of chicken breast meat and is not greasy.Their bone-in whole chicken is crispier than Jolibee’s and just comes out as better quality.Some reviewers are saying their chicken is dry but it’s the perfect white meat texture for me and not you

今晚想同家人再試下韓式炸雞，喺外賣平台揾到Hong Korean chicken, 睇咗menu認為都可以幫襯試一次。叫咗個紅六味無骨炸雞，根據介紹係可以同一時間品嘗6種炸雞，建議2人或以上享用，但事實上係應該最少3個人以上先好叫。6款炸雞都幾好味，除咗其中有一款係較為辣外，其他5款都各有特別。唯一美中不足的地方，就係雞肉略為乾身咗小小。另外叫咗3款小食，炸薯條，芝士條，芝士波：- 炸薯條雖然係淋咗，不過味道都OK。- 芝士條都幾特別，鍾意芝士的可以試下。- 芝士波就相對較為普通。

成日都心思思想食韓式炸雞終於發現有呢個韓國人開炸雞外賣因為得兩個人食 驚食唔哂 又想試哂咁多隻味Lur左好耐 男朋友終於肯俾我叫6隻味果個set係美食平台叫定自取會有折！去到舖頭都係要等一陣先有得拎有小沙律同蘿白跟咁多個味我最鐘意芥辣洋蔥味唔知係咪買完拎返屋企都需要啲時間 所以啲雞食落好乾芥辣洋蔥味都算好汁 岩岩好可以令雞無咁乾芥辣味甜甜地辣辣地都幾好味其他味都普普通通 因為真係太乾啦啦啦啦如果突然間想口痕想食 都可以試下既不過我下次應該未必會再食因為兩個人食 起碼要食多兩日⋯⋯

好味到要寫食評💛收銀姐姐講韓文好親切，好似真係返咗鄉下咁😭舖位開係平時行過都唔為意嘅行仔入面，租金可能平啲？比起係香港開嘅連鎖炸雞店，呢間味道更貼近係韓國食到嘅平民炸雞（就好似係漢江邊草地上坐係沙灘蓆上面食嘅咁😌）傳統炸雞店，雞件係咩部位都有，如果想爽食雞翼呀雞搥呀嘅話，可能就要考慮下先🧐🧐因為第一次食呢間，叫咗半原味半甜辣醬炸雞，試試佢先，原味面頭有啲炸洋蔥絲伴碟，而炸雞本雞食落好脆好香口，炸粉厚度適中，肉質方面係嫩滑嘅🤤🤤啲炸粉就算食到後面有少少攤凍咗，都仲係勁脆OMG！而甜辣醬同平時食開果啲唔同，感覺偏重手辣醬，고추장嘅辣味好突出🌶份量上兩個人食，再自備啤酒，超！級！飽！😂😂見佢menu 上半半口味選擇暫時淨係for呢兩隻味，下次如果可以夾唔同口味就好啦🥰btw用咗熊貓外賣自取，圍返一個人$80有找，份量咁多超抵食🫣🫣

睇完社內，成日都想食韓國嘢，特別係韓式炸雞，Goobne 成日喺入面賣廣告，有乜辦法唔想食。最慘元朗冇Goobne 韓式烤雞食，唯有搵間炸雞。上網咁啱搵到呢間炸雞，決定試一試。今次試咗原味拼甜辣味炸雞，打開紙盒分開了三格，一格原味雞，一格甜辣雞，一格放醃蘿蔔+可樂一小罐，簡潔整齊。雖然我哋已經極速拎返屋企（7min)，而且一返屋企就打開佢，但啲雞都唔係好脆了😢 但係味道可以，究竟邊間炸雞舖先可以做到韓國嘅炸雞就算凍咗都係脆卜卜？而os地跟既醃蘿蔔得六小粒，係六小粒，真係寧願唔俾好過俾🥺

第二次叫既韓國炸雞！今次係外賣平台下單，送到屋企一打開見到都好興奮，好有係韓國既感覺 今次多人食所以叫無骨6種口味試。份量好大，5個人食左2餐！從左至右：辣味、甜辣、原味、芥辣洋蔥（wasabi）、蔥味、芝士。一次過試6種味 芥辣洋蔥有驚喜！辣味都幾辣吓，甜辣正常，而蔥味真係好香。連芝士都好味，好似食緊薯片既味道咁。不過上次食有骨炸雞真係juicy啲，可能因為無骨比較細舊容易乾，下次都會叫返有骨。但係今次就可以試哂咁多隻醬汁

今日去完街唔煮飯，早15分鐘打定電話去外賣自取。聽電話既係韓國男人，但都識聽廣東話。原來間鋪係由一對韓國夫婦打理。我哋叫左芝士味無骨炸雞，一打開嘩一聲，估唔到份量都幾多（$182）。同埋原來跟雞送埋醃蘿蔔、蜜糖芥末椰菜同可樂添！個芝士味勁香，甜甜地，雞夠脆，好好食😋不過可惜同一個價錢都唔可以mix唔同味。等我下次再試吓其他味先！

原本以為元朗無好食既韓式炸雞，Yoho果間奶奶太難食，千色一般。但交通廣場一條無人行既後行，無啦啦有間韓式炸雞，佢咩都唔做剩做炸雞，我覺得咁先好，我食過好多Menu 好似報紙咁選擇多到不得了，但無樣好食，我發現Menu 小既通常味道都好出色。做好一樣野好過你幾十款野食但無樣好。老闆好似係個唔識中文既韓國女人，menu得6款雞同炸薯條炸芝士既小食好簡單，門口好細仲要係後行，好鬼死難搵只造外賣但包裝同味道唔差，除咗芝士味外其他都好好食，洋蔥乳酪味係我最愛

16/4/2022第一次幫襯,揀甜辣有骨炸雞,點知得2件雞下腿,2件雞全翼,其他果d全部雞架,雞頸,雞背,外賣自取拎到返屋企先發現比漏甜辣醬,一打開就係原味炸雞,跟住又要返去拎醬。價錢又唔係平,真係試一次就夠,唔會再有下次,個人覺得seoul bite仲抵食,性價比高d。一般食開韓式有骨炸雞大部份都係雞翼+雞腿, 但有埋雞頸,雞背,雞架既,真係唔岩本人心水。鐘意既人會好鐘意,但一定唔係我。如果一開始寫明有骨炸雞係成隻雞咁上,我唔會揀。