Hunger Burger

營業中

休息中

平時好鍾意周圍行街,尤其是係深水埗因為又多嘢食又多嘢買,今日天氣有少少熱所以行去西九龍商場貪佢有冷氣行到有少少攰就搵地方食嘢，知道西九龍商場8樓有個美食廣場有好多嘢食，見到一間賣Burger嘅舖頭好吸引，所以就試吓呢間Hunger Burger 人流非常多，性價比極高呢度都好多食物選擇,好多都有套餐，因為朋友都好鍾意食Burger 所以我哋就決定嗌左個至尊二人餐 $168 ，有兩個包選擇+兩款小食，仲一人有一罐coke😋小食方面就叫咗個單支骨雞翼，雞翼炸到金黃色，熱辣辣一啖咬落去啲肉汁好Juice，而且雞肉仲係好嫩滑，一啲都唔油膩，火候控制得好好，黑松露芝士牛堡芝士牛堡賣相十分之好，而且份量仲好足，比一般大型漢堡包店仲要多一倍份量，中間塊漢堡做到好厚好有牛肉味，而且仲有好多肉汁，配埋佢中間塊香濃嘅芝士，令到個牛肉味更加突出，好有層次，呢個漢堡好值得推介黑松露芝士雞堡加大蘑菇同樣都係份量好多，漢堡包皮做得好鬆化，雞堡嘅份量亦都好多好大件，而且雞肉仲係好嫩滑，加上大蘑菇爽口，黑松露味道亦都好夾，加埋一齊好有層次，味道更加突出咁好食嘅漢堡包店，全部即叫即做，睇得出廚師係落足心機，每一樣野都做

西九龍廣場上面既food court真係時不時都有驚喜。 間唔使去到都會見到有新野食開左。 今次黎到, 竟然見到有間Hunger Burger。 有burger食咁正?仲要係好平民化價錢。 即刻就想試。雖然睇落好細間舖, menu都係得一版, 但都有好多款。我簡左黑松露芝士牛堡, 炸單骨雞翼, 加$15仲可以轉做套餐, 有野飲又有蒜香西蘭花。 好豐富呀。個黑松露芝士牛堡好大件, 都好高身。 賣相真係拍得住出面d西式漢堡, 而且只係出面既一半價錢。 塊牛堡超多肉汁, 黑松露好香, 同芝士味好夾。 而且佢個包都幾好食, 煎過有少少脆口, 但又唔會變硬個種。炸單骨雞翼, 有6支。 以為會好細份, 佢單骨得黎其實都幾大隻。 有肉地, 唔會太肥膏同炸粉。 係出奇地好食。蒜香西蘭花心諗好普通, 但佢唔會煮到過生或過熟, 控制得好好。 都係一個亮點。 整體好正既一餐。 真係值得一食。

下午茶時間唔想食粉麵飯喺food court行個圈 ，就揀咗依間食漢堡睇餐牌已經揀咗呢個拉絲大啡菇牛堡另外就加多一個單支雞翼真係一個豐富嘅下午茶拉絲大啡菇牛堡一睇到咁大塊生菜唔知點解覺得好開心食落大啡菇厚身， 重菇味牛肉厚身有牛味裏面塊蕃茄好新鮮， 令到塊漢堡冇咁油膩炸單支雞翼 35蚊六支感覺唔係平， 但係食落覺得還可以，因為雞翼真係好脆，而且又見到呢塊咁新鮮嘅生菜漢堡需時大約十五分鐘，行一陣差唔多先去拎見到佢寫住呢個大啡菇漢堡係低脂低卡令到罪惡感即時減低

#Hunger Buger好多人都有叫呢款既burger ，即管試吓佢哋既包係咪真係好食。 #Wasabi 吉列炸豬堡 💰53 呢個價錢要再另加$15先有埋薯粉同飲品。個包係普通既嘉頓麵包，佢既Wasabi 係勁唔好食，質感係勁黏。。所謂既吉列豬扒係炸得太過濃。。有部分係將近勁深啡色，肉質都算係軟，不過有啲過咸，唔建議叫呢款。另外。仲試過 #炸洋蔥圈 💰38 ，呢款同樣係炸到over jor 。。食落係脆到硬。🥲🥲

西九龍中心Food Court裝修之後有幾間新嘅餐廳進駐，今次試咗漢堡包先，下次再試其他餐廳，食物即叫即製，大概要等十幾分鐘，留意外賣要加$2。西蘭花配魚柳$50- 推介！魚柳本身係炸嘅，不過我問佢可唔可以煎，佢話可以，咁就冇咁熱氣啦。西蘭花、椰菜花加蒜頭呢個組合冇得輸，仲有檸檬汁提味好清新。魚柳質地軟滑，我個人認為偏鹹，同蔬菜一齊食就啱啱好。下一次我會想試西蘭花配牛肉。黑松露芝士牛堡$59- +$15配香蒜焗西蘭花、枝裝水，食蔬菜感覺多啲纖維健康啲。牛肉漢堡扒都幾厚，質感唔會乾同實，黑松露醬味道幾好，朋友話越食越好味。超經典芝士牛堡$50- +$15配薯條、罐裝汽水。薯條偏鹹，漢堡入面加左好多茄汁，雖然牛肉唔係高檔次的質素，呢個漢堡絕對對得起呢個價格，起碼有牛肉味。推介！