Hungry Korean (淘大商場1期)

營業中

休息中

好耐無食過韓國野喇又，假日度度都好多人，咁就去左hungry Korean 食。等左一陣間位就入得去，一如以往都係不過不失的選擇，但係勝在性價比都高，不能放過的牛小排又係我的首選。泡菜湯再加左粉絲，連埋飯都好夠了。。

自去了韓國走了一轉，就一直對韓菜諗諗不忘。所以周末午市時間就去食韓菜。我們點了1道辣雞鐵板燒配白飯，1道豬肉石鍋飯試了一口辣雞，雞肉是頗嫩及燒得頗香，但味道卻偏甜，當刻有懷疑是否來了甜雞鐵板燒，因偏甜的關係，味道覺得怪怪的。這是我吃過最失望的石鍋飯，首先賣相已非常不吸引，一般韓式餐廳的石鍋飯，所有配料都會排得美美的，蛋則放在置中，這個一來，當下十分失望。飯方面亦感到有別於往常吃到的，偏乾身硬身，飯跟配菜的比例不成正比，基本上都沒有想吃的意慾。

睇戲前嘅lunch🤤韓國壽司真係好好味😋呢個牛肉味嘅壽司完全唔辣，好岩唔食得辣嘅人食👍🏻👍🏻👍🏻但下面呢個辛辣麵就少少辣，都可以接受嘅😂而且個湯甜甜地，中二食辣嘅人可以飲埋佢😋佢入面有幾塊魚片，都好彈牙好大塊👍🏻👍🏻👍🏻豆腐湯飯豆腐唔算好滑，反而湯好甜，送飯食一流😆估唔到除左韓國壽司外，第二好味就係呢個牛肉鐵板燒，佢d牛好甜，真係同韓國食嘅一樣！加埋佢D汁，可以送哂成碗飯！

Hungry Korean 勁多分店，價錢超值，重要食物不錯座位之間都好寬闊，不多迫，服務也不錯。「石鍋牛肉飯」 配料多，飯焦夠香，不錯「鐵板甜雞肉配飯」不食辣的可點這，甜甜地的汁，雞肉滑，椰菜和甜汁炒得好香「石腐湯配飯」這個比較辣，只有辣味，無什麼特別

返工前食個 lunch，但係啲舖頭一係滿座，一係唔啱食，行到入淘大見到佢，反正好耐冇食過韓國菜，就行咗入去辣雞肉鐵板燒（$55）（另加配凍綠茶牛奶 $11）除咗鐵板燒之外，呢度仲有石鍋飯，不過餸嘅份量比較少，所以就食飽小小，我食晒碗飯都仲有一半餸剩，可以慢慢食雞肉預先剪碎，一粒一粒方便入口，食落幾軟熟，而辣汁係韓式，亦都吸晒入雞肉入面，加埋生菜（？）做 topping，唔會覺得太油膩至於牛奶就無乜特別，反而值得一讚係用咗可重用飲管，支持環保

If you are hungry and everywhere else has a long time up. If you just want some cheap cheap food that is not McDees or maxims, this is surely the place for you.Stone pot bibimbap. Can’t go wrong with this. Just the rice was slightly too moist. But whatever, not everyone likes hard rice. Easier for digestion’s. Spicy chicken. It is hella spicy, which is aite. Flavourful. But ya, spicy. Be sure to order a drink.

上次食泡菜石鍋飯同魷魚壽司都好滿意。今次就試下雞肉壽司，牛肉壽司，同埋豆瓣醬拉麵（蔬菜&魚餅）。壽司依然係我最愛，但今次個拉麵令我好失望，個湯係超級咸！ 頂唔順食左半碗唯有叫我老公頂埋佢。下次再黎試下其他先

好耐無食韓國野所以就同朋友食肚餓的韓國人😂話說我已經幾年無食過呢間野所以都已經無印象佢係好無食😂叫左杯凍綠茶牛奶，有啲甜。不過跟餐叫野飲會平少少。叫左個紫菜包飯😋係魷魚餡。味道+賣相都不錯！另外仲有鐵板泡菜豬肉豆腐配白飯一碗。豬肉既味道唔錯！不過我覺得佢有啲太碎上，有啲難食到一塊完整既豬肉😂泡菜唔算好辣。不過豆腐就有啲豬肉既油係底，望到感覺不太良好😂但整體都好食既。最後要大力推薦呢個海鮮煎餅！🤩😍賣相無乜特別但岩岩黎到既時候係熱辣辣，仲要好脆口！佢都係有魷魚餡。最後埋單$186，最推薦海鮮煎餅🥰仍然回味中。

平時食開石頭鍋，鐵板都幾貴，差唔多200蚊埋單但呢間係比較平價化嘅韓國餐廳！首先部隊鍋一嚟到真係好驚喜，因為佢份量好大，入邊仲有公仔麵，竟然仲會有飯係側邊！ 一個人點食得哂呀🤣放大俾大家睇呢就係有香腸、年糕、午餐肉。我地叫小辣都已經好辣㗎喇！所以我哋都叫咗凍檸茶飲🤪但係個面吸晒辣醬嘅湯底，辣得嚟超上癮！再食咗個牛肉壽司卷，今日本身有味，唔使再點醬❤️再叫咗呢個飯，配料有爭個泡菜嘅蘿蔔，同埋辣醬，仲有啲芽菜添！肥牛都幾嫩唔老，只係鐵板牛肉唔係真係喺鐵板上燒過，不過呢個價錢可以接受👻

喺淘大覓食，又唔想食太貴，好彩九龍灣都有hungry Korean，之前喺尖沙咀嗰間分店食過，都覺得唔錯！所以今次係九龍灣再試！今日唔洗等位，一去到就有位坐！我地嗌咗兩個飯同野飲，味道都唔錯！1.甜雞肉飯個飯係用鐵板上，所以熱辣辣，好好食，尤其是係冬天就更加正！2. 韓式牛肉飯牛肉味好濃，加埋啲椰菜好好食！嘢飲就加$11蚊就有得飲！我地兩個都係要咗抹茶午奶！嘢飲要咗少冰，都係好多冰，但都幾好飲，次次都係點同一個嘢飲！

話說最近同朋友出去食飯，揀左呢間好耐都無試過嘅Hungry Korean🙈🙈🙈不過佢嘅質素依然都仲係幾好🙈🙈🙈 我同朋友叫左三樣野，分別係辣雞肉，豆腐湯同牛肉紫菜包飯先講下個辣雞肉先，佢嘅料好足，好多雞肉同菜，啲雞肉煮得啱啱好，食落都幾嫩滑🙈🙈不過最緊要係佢個汁，甜中帶辣，食落都幾開胃，又唔會話好膩🤗不過如果好辣嘅朋友就未必符合你嘅期望，因為食得辣嘅我地就唔覺得佢好辣😂😂😂 之後就係豆腐湯🙈🙈佢同樣都係好足料😋有好多海鮮同豆腐🙈🙈辣味就一般般啦，係個湯都有啲海鮮嘅鮮味，加上係湯，所以用黎送飯就一流👍👍 唯一比較失望同覺得普通嘅係紫菜包飯，原本對佢嘅期望好高架，不過食落又真係一般般，料係好足但味道就真係唔出😂

首爾cafe執左之後就搵唔到好食既韓國菜😭😭😭 hungry Korean 成日聽，好耐之前食過尖沙咀分店，個陣重要排長龍，印象中都係麻麻地，石頭鍋飯好削好爛，諗住事隔多年俾多次機會佢，但都係無進步。叫左個魷魚紫菜包飯，味道還可以。前菜反而唔錯，個薯仔沙律同魚餅都幾好食。魚餅食落有陣魷魚既味。豆腐海鮮鍋雖然有蝦，但唔好食，唔爽口。味道都好單調，只有韓式辣醬味，味道缺鮮味。泡菜豬肉豆腐飯，真係令人好失望，啲豆腐係凍冰冰咀放係隔離，早知唔叫呢個⋯

自從淘大開左HUNGRY  KOREAN之後我都變左做捧場客$5x左右就係個鐵板上既熱辣辣炒肉仲有一大碗白飯佢份量都好充足次次食完都好飽講到我既最愛就一定係呢個辣雞肉佢鐵板上除左有甜甜地既雞肉仲會有洋蔥同埋椰菜呢d都係索晒d韓式辣醬既~~真係完全可以餸晒果碗白飯雞肉好嫩滑而加係有用d醬料係煮前調左味係會有陣啖啖既好似蜜糖咁既甜味而肉既份量都好多相比起其他肉雞肉係最嫩滑同埋最夾到呢個韓式辣醬可以一戰再戰!

終於都到星期五 間間餐廳都好多人等最後揀咗呢間三個人叫四樣食物食物份量都可以接受粉絲拌飯尤其大份仲有隨飯附送三條韓式年糕不過全部食物都可以用兩組形容詞黎conclude就係勁濃味同偏咸終於明白點解會有三條年糕因為如果唔用佢地黎隔一隔碟飯係唔會食得晒太咸了其他兩樣都係偏濃味但仲係可以接受嘅可能因為有d菜 想講一講嘅係條紫菜包飯雖然我明白無可能要餐廳晚市新鮮包比客不過條飯捲 完全唔可以接受d飯好乾而且塊紫菜散發出奇怪味又唔係油益味但你會知佢係包完放咗好耐🤷🏿‍♂️我知道比咁嘅價錢都唔可以要求太多只可以話如果食開濃味野 呢間餐廳應該會啱你

鐵板牛小排（$90）大約有六塊牛小排。所謂既牛小排應該就係我地所講既牛仔骨，每塊都帶住一大舊骨，肉既部份唔多。肉既部份多數係瘦既，一兩塊係有少少肥膏，肥瘦度可以接受。肉質方面真心不得了有啲韌到好難咬有啲就正常，不過唔會係嫩囉⋯牛小排本身既牛味、肉味被醃料、醬汁蓋過左，淨係食到鹹味同醬汁既味道年糕有六條。質感唔錯，煮既時間控制得啱啱好，食落軟糯煙韌之餘有嚼頭唔會淋到冇曬咬口。表面煎到有少少「窿」，脆脆地，增加左年糕既口感。唯一可改善之處係年糕係無味既，又冇醬汁，如果淋返啲汁上去，可以起畫龍點睛之效。跟餐白飯唔夠熱，同冇咩飯香。$90既牛小排睇相以為會有好多，可以啖啖肉咁食，但事實證明我諗多左⋯個餐雖然夠飽既，但滿足唔到食肉獸既慾望。加上味道、肉質都麻麻，絕對唔值$90！不用試！（留意返，本身係想比二粒星，但最後我評三粒星，有一粒係比年糕既～）鐵板甜雞肉（$55）有雞肉粒，椰菜、洋蔥、紅蘿蔔片。睇落好似好多料，但應該係啲菜整到咁高。雞肉粒唔算少，但好細粒，肉質好難食得出，唔知滑唔滑，但起碼唔韌。雞肉粒多數連皮。椰菜都多既，連埋汁咁送飯其實夠味。咬落亦算爽脆。洋蔥、紅蘿蔔都淋曬。因為有汁既關