Hungry Korean (D2 Place) (已結業)

突然好想食泡菜鍋 所以又嚟咗食hungry korean😌其實覺得佢真係又平又好食 但唔知點解冇人排隊 次次去都即刻入得🤣.📌泡菜湯 $50佢一款係泡菜湯一款係豆腐湯 前者係酸辣 後者係辛辣🌶夏天酸酸辣辣 夠晒開胃☀️入面除咗有泡菜 仲有洋蔥,豆腐同豬腩肉😌可能間間分店唔同 呢間都幾細煲吓 啲料唔多😢食落酸味多過辣味 辣番少少就更好喇🤏🏻泡菜比較碎🥺洋蔥唔錯 索咗汁但都幾甜又夠爽口🧅豆腐係軟豆腐 所以比較易爛 不過真係好滑😚豬腩肉就比較肥 同埋有陣怪味 應該唔太新鮮🐷今次個白飯又幾好食 冇上次咁濕咁淋🍚下次要試埋個豆腐湯先 仲有海鮮🦞～今次呢款麻麻😣

有數間分店既佢想試好耐😋香港既韓國餐廳都好多，近年都愈黎愈多花款，但唔知點解我就鐘情啲普通既韓國菜，尼間就岩我心水！性價比高。-👅：鐵板甜雞肉一上枱熱辣辣🥳🥳唔會話多菜得黎又少肉，佢係又多菜又多肉！而且真係有種甜味，配飯食一流🤩。-👅：雞肉壽司本身見到個賣相麻麻地，以為會唔好食，點知原來咁好食🤩🤩佢好重麻油味，但紫菜就有啲淋，其他都不過不失。下次再食都會再叫💪🏻-👅：韓式炸醬麵佢個麵真係搞唔掂..唔知食緊咩，完全無味。

想平平地食韓國嘢hungry korean真係首推🇰🇷雖然冇lunch set 但價錢都好抵好平🤑佢地越開越多分店 好興奮 要支持🙌🏻.📌韓式牛肉鐵板燒 $58佢有好多辣嘅鐵板燒都好吸引 不過嗰日唔太想食辣 所以就揀咗韓式牛肉🐮之前食過一次甜雞肉 呢款只係將個雞變咗做牛🤣味道都係甜甜地😋雖然都係炒 但係食落唔會好似平時嗰啲鐵板燒咁油膩😎再加上佢有好多雜菜 感覺好健康😌佢有椰菜,紅蘿蔔同洋蔥🧅全部都好爽甜 再加埋個甜嘅汁 唔太好食甜野嘅可能未必鍾意🧐唔好以為佢淨係會得菜好少肉👀佢肉同菜都一樣咁多 碟碟都堆到座山咁高🤩啲餸夠晒多 食完碗飯都仲有淨好多餸😍牛肉都幾滑 帶少少筋 幾有咬口😚不過就唔好期望牛味會好濃🙈咁嘅價錢性價比算好高‼️但係有啲唔滿意係佢個飯🍚佢壓到好實仲要好濕 食落偏淋好水🥺

荔枝角區很像沒有太多韓國餐廳選擇，這間連鎖店算是抵食夾大件。星期五午飯時間，不用等位，我們四個人點了三份甜雞肉飯，部隊鍋飯和四件飯卷。上碟嚇了一跳，有雞肉有菜，對女士來說份量超大，雞肉肉質嫩滑，少許甜味，下飯一流。吃辣的朋友自行加了辣椒醬，他們對那支辣椒醬讚不絕口！部隊鍋配料有很多，又有麵又有飯，可惜朋友說味道偏鹹，吃了大半已經無法再吃下去了。最後是炸飯卷，裏面原來是粉絲？？？和我想像中好像有點出入，確實外面香脆裏面彈牙，但好像是沒有什麼味道，這個不太推薦了。

對上一次食Hungry Korean已經係好幾年前，味道係一般。香港嘅韓國菜多不勝數，亦越嚟越多花款，我開始忘記咗簡簡單單嘅韓國菜，今次再次幫襯感覺不錯，性價比不低😁 鐵板韓式牛肉($50)熱辣辣鐵板上枱，又多牛肉又多菜😍味道都唔錯呀好味指數 🌕🌕🌕🌕🌑 雞肉壽司($40)普通雞肉壽司，略嫌較少韓式飯捲嘅蔴油味好味指數 🌕🌕🌕🌑🌑 辣年糕公仔麵($60)好大碟，有年糕、魚糕、雞蛋，不過只係食到辣味🥲好味指數 🌕🌕🌕🌑🌑 凍麥芽發酵米茶(跟餐+$11)有啲似薏米水，解解渴👍好味指數 🌕🌕🌕🌗🌑

尋晚外賣試左一間非常唔錯既韓國嘢外賣，我同屋企人加埋有6個人，叫左一個2-4人餐都已經夠飽！👍款式方面有6款既嘢食，亦附送兩碗白飯，啲餸撈飯簡直係一流👍首先講下個炸餃子🥟，外脆內多餡！炒粉絲味道岩岩好 唔會太甜或太咸，韓式甜醬炒雞肉，好好味😋辣醬炒年糕偏少少辣，但撈飯就非常夾！辣五花腩又唔會太辣 撈飯亦一流！最後吞拿魚韓式紫菜卷 味道好match！整體黎講：又抵食又好味，份量又夠👍 之後如果屋企唔煮飯可以再叫😂

Hungry Korean 咁多分店，真係差唔多間間都食過，因為去邊都想食(((o(*ﾟ▽ﾟ*)o)))我最鐘意嘅就係佢嘅泡菜豬肉豆腐，豬肉辣辣地，泡菜酸酸地，真係好好食( ´▽` )ﾉ豆腐我鐘意整醉佢，撈埋飯一齊食，加埋佢嘅韓式辣醬就更加好食٩(˃̶͈̀௰˂̶͈́)و佢嘅石鍋飯都超好食\(≧▽≦)/ 有牛肉、雞肉、豬肉同埋魷魚揀㗎，我就比較鐘意佢嘅雞肉同牛肉。紫菜包飯都係一個好好嘅選擇，$34唔算平，但係絕對值得㗎ʕ •ᴥ•ʔp.s. D2 Place店嘅waiter好似勁多野做，個個都行得勁勁勁勁快，幾乎係跑咁滯，睇到都覺得攰(´･_･`)

有時想食韓國嘢，又唔想食咁貴，都會嚟呢間，因為平價得來味道都OK。平時就多數去尖沙咀店多，原來荔枝角都有分店，而且店面大啲，多啲座位，冇咁擠迫，又唔使趕住食。今次叫咗甜雞肉鐵板燒同芝士韓式壽司。甜雞肉鐵板燒係雞肉炒椰菜配上甜甜地嘅汁，個汁都幾好味，用來撈飯，唔覺意就食晒成碟。而且有菜有肉，感覺上都健康嘅。啲餸份量都多，而且下午茶配埋白飯，都係$46，幾抵食。至於個芝士韓式壽司，味道就中規中矩，如果多啲芝士就更加好啦。

鐵板韓式牛肉好多肉好多肉啊，不過真係好甜好甜，唔知點解鐵板牛肉要整得甘甜五十八蚊一個餐，又真係估唔到距份餐有甘多肉喔！秘製炒泡菜壽司好大一條，性價比好高，入邊D泡菜好新鮮，味道好正！最後要讚距地既辣年糕，辣辣地，有好多芝麻，年糕好煙韌，分量唔算多，唔洗擔心好滯食唔曬，下次會再去距度食尼個辣年糕鐵板辣豬肉辣度適中，好有韓式風味，好正！推薦給大家！

黎左D2 Place先知道原來hungry korean係荔枝角有分店，我地今日就黎食晚餐，兩個人叫左三樣野，分別係tuna gimbap、泡菜豬肉豆腐飯、an dong jjim dak🤤個tuna gimbap雖然有d頹，但味道我好中意，我覺得各樣配料都配合得好好，個gimbap仲有好多其他選擇，例如：牛肉、雞肉、豬肉、魷魚、芝士等等👍🏻個泡菜豬肉豆腐飯，我次次都會叫，味道有少少帶甜，好討喜，成件事配埋飯簡直正！安東燉雞係第一次試，份量好足，味道偏甜，樣樣配料都好入味，裡面仲有韓式年糕添，不過d雞肉質感就一般lah😟#hungrykorean#D2Place

平時好少去荔枝角，因為朋友係附近做野，而踏入呢片陌生之地。因為疫情問題，唔想揀d太擠逼嘅餐廳，見到呢間餐廳比較空曠而且又舒服，加上價錢親民，於是揀咗呢間韓國餐廳。因為平時比較喜歡食飯焦，所以揀咗韓國特式食物-石鍋飯。剛上菜就聽到熱辣辣石鍋飯嘅吱吱聲，可能外面落雨，個人比較凍，聽到呢啲聲，就感到好溫暖。另外，佢地附上一枝韓式辣醬，一向唔食辣嘅我都有點抗拒，但原來呢枝辣醬唔係想像中咁辣，甜甜辣辣配上石鍋飯，好夾。朋友揀咗鐵板辣雞肉飯，係雞肉炒椰菜配上甜甜辣辣嘅汁，朋友話佢平時好少食菜，因為呢個汁配椰菜好惹味，令佢情不自禁食哂成碟菜。可惜掛住食我個石鍋飯，唔記得影相😂順帶一提，可能疫情問題，餐廳侍應唔係好多，但佢地都好細心，態度又好同盡心盡力👍🏻

韓國菜黎講算可以，但食物偏甜特別係有牛肉既食物帶甜午餐時段餐廳較多客，服務會比既市差d😑食物質素晚餐賣相會好過午餐，午餐食物質素會求有鐵板會餸菜，食物上枱鐵板帶水而且午餐時間想散叫餐牌想食既食物，服務員會叫你叫返套餐，因為午市客人多做吾到餐牌散叫食物❌食左幾次無下次🙅🏻‍♀️而且午飯時間餐廳想做多幾枱客人生意，一食完即收走趕客走☹️搞到食到好趕餐廳環境街生有點那個。。。餐枱清潔後卻帶油同有點污漬🤮見到都吾開胃

抗疫以黎都冇食過韓燒，印象中荔枝角好似冇，唯有食個部隊鍋止下癮。見網上評價好似幾好，雖然佢剛開業時食過一次，係唔好食的，諗住過左幾年可能有改善，於是就俾多次機會佢部隊鍋應該係最穩陣，就算自己係屋企煮都好味，但呢個部隊鍋係勁難食！個湯杰到汁咁，啲午餐肉又小又煮到爛哂。啲麵超難食！成兜野都食唔哂，因為真係好難食！至於個辣豬肉定食，係咸到爆，啲肉碎到🤦🏻‍♀️ 一樣咁難食如果真係好想食韓國菜，我寧願自己煮辛辣麵！

我家平均一個月都會幫襯一兩次，價錢算合理的，食物味道也唔錯，希望這些細節上改善一下更理想！一直有位落單傳菜哥仔「可能係老闆」永遠好似打風咁，汗味隨風飄揚「好急咩」？真係好危險呀！你仲要係着「拖鞋」倒瀉咗野落客人度點算! 另外還有廚房位小姐又廚房又做埋傳菜？！而且條圍裙滿佈污跡，見到亦都冇胃口！成件事咁就唔靚啦！做飲食除咗食合味道重要，都要顧及自家形象和客人感受，希望店主可以看到改善一下。謝謝！

隨便起D2 place搵野食去到2樓最入就係Hungry Korean其他餐廳都比較貴 所以就去食依間因為已經3:30 所以冇乜人餐牌選擇多最後揀咗個韓式湯拉麵(蔬菜魚餅) ($50)賣相就麻麻地 但係意外地好食👍🏻拉麵多 超彈牙 亦唔係公仔麵/即食麵湯底味道好濃郁仲有啲脆脆地嘅野菜做配菜 口感唔錯魚餅都幾好食 似好薄嘅魚腐仲有少量牛肉片 (真係得3-4細片 但係因為佢起餐牌事先講明 所以冇違反商品說明條例😂）加上佢算平 情有可原服務都好 見個服務生自己一個做樓面 其實好辛苦 但係佢好用心! 欣賞