Hungry Korean (D2 Place) (已結業)

有時想食韓國嘢，又唔想食咁貴，都會嚟呢間，因為平價得來味道都OK。平時就多數去尖沙咀店多，原來荔枝角都有分店，而且店面大啲，多啲座位，冇咁擠迫，又唔使趕住食。今次叫咗甜雞肉鐵板燒同芝士韓式壽司。甜雞肉鐵板燒係雞肉炒椰菜配上甜甜地嘅汁，個汁都幾好味，用來撈飯，唔覺意就食晒成碟。而且有菜有肉，感覺上都健康嘅。啲餸份量都多，而且下午茶配埋白飯，都係$46，幾抵食。至於個芝士韓式壽司，味道就中規中矩，如果多啲芝士就更加好啦。