I am..Bakery

營業中

休息中

IG able，所以山長水遠去寶琳站買貓貓麵包🐱，帶去氹個3歲大嘅小朋友😬，$55 一袋有8塊，會送朱古力🍫筆一支，可以用嚟畫貓貓嘅眼耳口鼻同貓so🥰，如果想要多啲顏色，可以加錢 $10，就買多枝筆畫多啲嘢，上貓貓面。每日3pm新鮮岀爐，好得意😎，為咗玩，畫下花面貓，專登買來食🤗帶去探個小朋友，我畫左一個先，佢跟住我畫🐱😽，又真係似無似樣喎，3歲都畫得到，叻仔👍🏼，好睇好玩又好味😋，本身個包有少少甜味，咁當然耳仔就有朱古力味啦，焗返熱，好好味😋，絕對係親子活動之一嘅屋企玩樂好選擇。

呢間店舖有三間分店，全部都喺將軍澳區，真係地區限定🤣，而佢推出嘅麵包同蛋糕嘅款式，真係可以媲美大集團，而且好多都係特別口味，今次屋企人生日就可以試到佢哋嘅蛋糕😋❣️雜果忌廉蛋糕 6吋 $198一嚟到個蛋糕盒已經好靚，成個禮物盒咁，蛋糕被滿滿嘅忌廉包圍着，上面有唔同嘅雜果，味道尚算新鮮，忌廉香滑但係有啲膩，切開係海綿蛋糕配上雜果忌廉，海棉蛋糕較為實心，食落去有啲乾身，成個蛋糕唔太甜，呢一點值得讚👍🏻好味度：7.5（10分滿分）唔好睇個蛋糕細細，食完呢個蛋糕真心飽咗，下次有機會試埋其他產品，睇吓有咩特別之處😀

農曆年三十的下午，我為免乘搭專綫小巴返回「西貢」墟實際過程所需要的時間，因為不必要的交通擠塞而被拖累延長，所以我選擇只乘坐小巴前往「將軍澳」「寶琳」的「新都城中心」商場。結果我在「新都城中心」三期商場二樓，接近行人通道入口的麵包店「I am…Bakery」，外賣自取購買了一個塞滿甜味忌廉的熱狗麵包「原粒芒果斑蘭忌廉包」。「I am…Bakery」麵包「原粒芒果斑蘭忌廉包」實際製成品餡料裡面是有不少切粒「芒果」，「芒果」口感無疑是很新鮮，只是切粒「芒果」的實際味道感覺很酸。結果「芒果」裡面的酸味，把綠色「斑蘭忌廉」裡面的「斑蘭」獨有甜味感覺都完全掩蓋過去，完全食不到感覺不到「忌廉」裡面的「班蘭」甜味。如果只是當「I am…Bakery」裡面售賣的麵包食品「原粒芒果斑蘭忌廉包」，只是一般的「芒果忌廉包」感覺很不算難以接受，只是價錢賣港幣十五元，稍嫌價錢昂貴了一點點而已。食完「原粒芒果斑蘭忌廉包」，還需要趁晚上團年飯未到之前，儘快購買「牛腩」食品，填補家裡面「團年飯」晚餐欠缺的「牛肉」部分。

呢間分店自day1以嚟就一直好多人幫襯, 主要原因可能係佢一嚟地方夠大夠乾淨, 二嚟啲麵包refill得幾快, 而且種類夠哂多, 麵包卷蛋蛋撻雞批連曲奇都有, 而且包裝幾靚👍🏻牛油皮蛋撻大大件好好食, 曲奇我覺得最好味係杏仁曲奇, 牛油味勁重,杏仁脆片好多,口感好好😋仲有隻麵包係卡通人物造型, 可以話呢度嘅product照顧哂唔同年齡層嘅需要☺️

今晚同姐夫慶祝生日，行勻新都城一、二、三期，都係呢個拿破崙最靚，亦都有信心係最好食。首先食粒芒果，超甜呀💛，而細心睇吉士cream，入面有一粒粒嘅雲呢拿籽，證明足料，呢個size夠8個人分，會再幫襯😊

上次試過個咖啡味卷蛋，好香，好軟熟☺️又見到d蛋糕幾靚，所以今日訂左個生日蛋糕比1歲囝囝同自己😂係朱古力味同芝麻味，掙扎左一陣，決定試芝麻味。以前訂1磅太大個，有排食，宜家e個4吋細細個，6個人好快食晒，面頭有芝麻脆脆，朱古力片和黑糖啫喱，底下就cream同海棉蛋糕，全個cake都好香芝麻味，係好好食ge外型都好靚，啱晒打卡影相👍🏻如果蛋入面都加番脆脆餅底或煮蛋糕中間加d啫喱，會無咁單調同加分好多😁。。。。。。。。。。訂cake果日，見買3送1，順便又買左🍍包同蛋撻，都好食，蛋撻偏甜。下次想試佢d曲奇餅，好多款，好似好好味咁

一向都好少彈，但今次真係忍唔住。平時都有食過佢地嘅麵包，都正正常常嘅。但今朝第一次試佢個朱古力卷蛋，就有啲失望。入口係夠鬆軟，朱古力味一般香，食嘅時候同食後感係超級甜🤦🏻‍♀️下次都係食返聖安娜的。個蛋糕皮完美地黐住响個盒蓋度😆😆 不過個皮都係勁甜唔多朱古力味，所以唔撩返出嚟食唔可惜。

【蛋撻】果真名不虛傳➥我地岩岩食完晏晝個肚好full，忍唔住食埋蛋撻！外皮十分香脆，口感超讚👍🏻起初見個蛋係淡黃色以為唔多濃，事實原來蛋香係又濃又香架！不知不覺食晒lu😋

咁岩經過賣緊古早蛋糕之前試過市面上2間古早蛋糕，真係吃過一間番尋味。既然附近有得賣，抱住第時可以唔使去到老遠買都可以吃到，即管買來一試。新鮮出爐，仲係暖身的，番到家，即刻切片來吃。講真，蛋香聞唔太到，真係唔算好軟熟，可能吃邊位，感覺乾身，濕潤度可以話係零，係比較實在有份量既原味蛋糕咁。之前試過市面上既古早，呢個真係差好遠...........軟熟度，濕潤度，蛋香味真係唔係個回事。放雪櫃後，第二日再試，比第一次吃係軟熟dd,但濕潤度都係無.......可能蛋糕有份量又實在既關係，吃到好似un住心口咁真係吃過某間番尋味後，放雪櫃後，依舊保持軟熟濕潤像芝士蛋糕般的口感，真係會有比較的。如果可以做到軟熟，濕潤，放雪櫃後，仲吃到呢個口感的話，相信會再考慮試下。

有良心嘅家族店，我最中意，之前已經試過佢哋D蛋塔同麵包蛋糕，新店也是在新都城，新店地方更又大又靚仲有好多款曲奇，我今次買成2磅吃，不滯不油很健康非常好吃，繼續支持本土麵包店!!!