I Love 戟 - 日式班戟專門店 (已搬遷) 新店位置

一直都好想試下 i love 戟 嘅焦糖燉蛋班戟, 每次經過都係賣曬，人氣甚高， 晚上八點多經過太安樓, 決定 碰下運氣 ， 真係有喎好嘢 😁$32， 選了椰子味雪糕， 造型漂亮，焦糖面燒得香脆，又不會太厚。 至於燉蛋方面， 它分離成為兩層， 上層似燉蛋下層似啫喱，是滑 但不是 焦糖燉蛋哪種香滑。中層有忌廉及瑪莉餅碎， 忌廉是油膩的植脂忌廉。 下層雪糕比較正常有棷子香。 雪糕底下再有忌廉， 實在有啲滯所以放棄了 😅飢詩對甜品的確比較挑剔 😆 這個焦糖燉蛋班戟 配搭的確很有心思，可是食材及製作技術都 需要進一步提升， 但以$32，它算是中規中矩吧~ 飢Point : 4/10#hungermarch #飢詩 #非飢詩

綠茶奶凍班戟 $32 評分: 5.5/10 #綠茶控 一一一一一一一一一一一一一 太安樓依間店又有新搞作！之前係焦糖燉蛋班戟，而家新推埋焦糖綠茶奶凍班戟☝🏻面層係焦糖綠茶奶凍，中間可以自己揀一隻味雪糕，外層就係班戟皮🤓焦糖燒過後薄薄一層，夠脆口🙈但係個綠茶奶凍我就麻麻地😩係有少少假既綠茶味🙁早知食原味啦sad 一一一一一一一一一一一一一 I Love 戟 - 日式班戟專門店 地址: 西灣河筲箕灣道57-87號太安樓地下55A號舖 交通: 🚊港鐵西灣河站 A出口

滿足的班戟作甜品之前星期六經過, 人山人海, 無乜心機同人爭. 今次閒日早少少再過來試. 今次我叫左個香蕉班戟+新品豆腐雪糕. 香蕉夠熟夠軟,分量又足, 同朱古力醬和忌廉好夾. 班戟皮即整夠熱夠薄, 邊位帶脆. 新品豆腐雪糕有驚喜!! 少甜帶香又夠滑! 好滿足!班戟夠熱雪糕夠凍, 食落感覺好得意. 門面有心思, 價錢大眾化.  不免係響太安樓入面其中一間經常要排隊的小店.如果星期六日要試就要早. 水果, 雪糕都有機會會售罄! 

來到太安樓掃街,便順便到這間店買班戟,價錢與外面賣的班戟差不多。我嘗試了那個曲奇班戟(28元)配上曲奇雪糕。班戟外皮方面，老實說有點失望，那個口感像是紙一般，讓我以為自己吃到包裹著班戟的紙。 當吃到下面的雪糕時，班戟皮的口感會變好，因為正在融化的雪糕軟化了那班戟皮。總括而言，這個班戟算是不過不失，不算是美味，但也不是難以入口。

上網一向有介紹太安樓美食，其中一間一定包括我愛戟，而這間亦是我的推介。我特別欣賞小店的廣告牌，他用了Facebook和Instagram做背景來介紹食物與價錢，非常有心意，而他主打的食物，竟然將我喜愛的三款食物結合於一身，包括有焦糖燉蛋，雪糕和班戟。別具特色，又有創意。而我今次到來當然不會錯過這款重點推介，焦糖燉蛋雪糕班戟＄32，而雪糕有八款可供選擇，我選擇了豆腐，另再加一球好特別的極酸檸檬雪糕＄7。等了大約十分鐘，我的反轉金字塔送到手上，即叫即做的班戟感覺暖暖的，上面放著焦糖燉蛋，而下面只是簡單用有我愛戟的標誌紙包著班戟，相信我的豆腐雪糕一定包在裏面吧！這外表雖不算十分特出，但內有驚喜啊！店員給我一個小膠匙羹，我戰戰兢兢的一口一口吃著焦糖燉蛋，表面的一層脆脆焦糖，蓋著甜甜的燉蛋，燉蛋口感不及即叫即製的嫩滑，但暖暖的，而且份量不少，味道也不錯。吃過焦糖燉蛋，先有一層小忌廉鋪上木糠，接著便是我愛的豆腐雪糕，難得的是在暖暖的焦糖燉蛋和班戟包圍著，雪糕也沒有被溶化，還擁有著濃郁的豆腐，味道依舊美味，實在難得。吃了一半豆腐雪糕，才發現自己完全未開始吃班戟，其實班戟跟雪糕是絶配，一起吃是最完美的

西灣河太安樓出曬名好多隱世好味小食，種類多價錢又大眾化今次就試左一間班戟小店，小店有很多款日式雪糕班戟當中每日限量供應既創新班戟~焦糖燉蛋雪糕班戟就最受歡迎-----------水蜜桃雪糕班戟小店有多達8款口味的自家製雪糕選擇，我地就揀左椰子味去配搭水蜜桃水蜜桃份量都幾多，放滿全個班戟面中間的椰子味雪糕挺驚喜，少甜但很香的椰子味，而且有足足1球的份量，自家制很香滑和水蜜桃配在一起吃超夾班戟當中又加入朱古力醬和忌廉，戟皮都算薄又軟滑，邊位帶點少脆整體上班戟口感很豐富又不膩，大滿足！

自從近年流行唔同嘅班戟，傳統嘅班戟似乎已經開始被淘汰，要搵返傳統嘅款真係唔容易，今日竟然比我喺呢度搵到！嚟到呢間小店，最想食嘅其實當然係焦糖燉蛋班戟，始終係招牌菜，不過賣晒即係意料之外嘅事，果然一去到已經寫住叫野食時會最令人失望嘅英文字 'sold out'，呢兩個字亦已經包含埋「下次請早」既意思🤦🏻‍♀️難得一場黎到，唔叫翻個對唔住自己啦。睇睇下餐牌，最吸引始終系焦糖木糠雪糕班戟，超多木糠呀～仲有好多cream，雪糕既味道有• 朱古力 • 雲呢拿 • 薄荷曲奇 • 綠茶 • 芒果• 椰子 • 極酸檸檬 • 我係揀咗薄荷曲奇，薄荷曲奇加埋啲忌廉真係好鬼正！夏天食一流呀最緊要係啲薄荷曲奇夠凍，班戟有淡淡既蛋香，下次再黎戈陣希望有焦糖燉蛋戈款。

佢個班㦸皮都真係差到冇人有😓😓唔係話要日本嗰隻質素，係根本連基本都唔合格。製作時間都幾耐，但質素同製作時間唔成正比，班㦸個皮又乾又硬又薄，終極難食😲😲我咁大個人都未食過咁難食嘅班㦸皮，難食到我有啲意外，畢竟出面都仲有幾個人等緊買班㦸，都有生意。我叫咗椰子雪糕，椰子味係夠濃，但雪糕個質地好奇怪，好似加左好多糯米粉咁，食落去係漿住咁，到底咩事好好地一個雪糕要搞成咁所以整體真係好唔掂，太安樓黎講有好多野都好食過佢，但服務態度良好，食物有待改進。

成日都好鐘意去掃街, 而掃街既地方一定要數到太安樓, 之前去過一次, 但只食左好少野, 而且啲小店愈開愈多, 所以今次去到都食左幾間野食! 其中一個好想食既野就係焦糖燉蛋雪糕班戟($32)啦! 一直bookmark左係我既to eat list度! 其實之前食過一次佢地既木槺布甸班戟都覺得不錯啦, 佢地既味道選擇係幾創新既~ 所以今次都想再食!其實依個焦糖燉蛋班戟係日本係大熱架 但我上次去就無食到... 依家香港都有得食就好爽啦 食落燉蛋好滑 焦糖吾會太厚而令佢太甜 剛剛好唷! 一啖咬晒燉蛋同班戟皮係一種享受~ 班戟皮幾煙韌,好好食!又夠薄,口感好好! 下面既雪糕我揀左薄荷曲奇味,我幾鐘意喎! 不過下面個段就會融得比較快~ 下次去可能都會再encore~

星期一下午行經太安樓諗住試下甚麼焦糖布甸班戟。老實說這次又中報紙伏。行埋去店鋪只見一名男子於是同佢落 order 。這一男子只冷冷的説“等一陣”，我以為已經落了 order 。點之后來有一女子從后堂走出。卻幫遲過我嚟的人落 order 我心覺奇怪，於是走上前問誰知那女的竟說向她落單先算，唔係化，鋪頭有说明嗎？妳身上有標記只能向妳落單嗎？於是顺利成章的有 2個order 打咗我尖！講番個蕉糖布甸班戟。味道普通，蕉糖面不脆，塊班戟好差，寧願要雪糕甜筒的脆皮代替。不會再帮襯此店。請看相片。

🤵班戟:焦糖燉蛋小姐🙎，我們都是來自歐洲的甜品，結為一對吧！💑妳永遠在上，我在下；我包養妳，圍繞著妳；食客先看到妳，以妳為先。💕💗👧焦糖燉蛋:其實我不是燉製而成。你是火爐烘烤出來，我是凍的，不合拍。🙅🤵班戟:我是很瘦，薄，邊緣帶脆；離開火爐母親後，馬上不熱。你被火鎗燒噴，很惹火，面是脆糖，卜卜脆，蛋漿是甜姐兒，很滑溜，我的蛋皮可以中和妳的甜度。🙏👧焦糖燉蛋:我是西餐廳出品👸，1691年由法國貴族發明。你是街邊貨色咋。🤦🤵班戟:我在日本留學，聲名大噪，很多🍈生果🍊爭相和我selfie📱。我是日本籍，住在太安樓。這是香港島最旺的立食區，不是街邊檔。👧焦糖燉蛋:我要下午1:30才起床開工㗎。你的忌廉比其他班戟店少，不會滿口油膩，應不會油腔滑調。客人並可要求少忌廉或不加忌廉。🤵班戟:我真是一片冰心💓，內裏是一球雪糕🍧，夏天最適宜。👧焦糖燉蛋:我們的婚禮👰，客人要付32元的人情費💲。都算廉宜呀。🤵班戟:史無前例的結合👫，香港第一間法國燉蛋日本班戟店。我預計我們會成為長龍店，每日限量80份，好矜貴，遲來的無份食。👧焦糖燉蛋:班戟分三種。傳統型實心的，很厚重，有內涵，有熱力，有朝氣，可做早餐；但太平

今日食完LUNCH經過太安樓，見到呢間以焦糖燉蛋班戟作賣點，人氣非常高日式班戟專門店。當時等候的客人唔多，我地趁機買來試試。😋我點左一個焦糖燉蛋雪糕班戟，首先個焦糖燉蛋雪糕班戟賣相好好，班戟薄身都幾香脆，焦糖燉蛋蛋味唔係好濃，不過唔會過甜，而且都幾香滑。夾層有忌廉同木槺，口感都幾豐富。雪糕好大舊，味道正常。以$32呢個價錢而且唔需要排長龍食到呢個雪糕班戟，性價比都幾高。👍呢間小店同大部份太安樓食店一樣，不設堂食，不過呢個班戟有附上一隻小匙，食得都方便。班戟款式選擇都幾多，除左有雪糕班戟，仲有咸味的班戟。小店都幾高人氣，雜誌同網上都有好多關於此小店的介紹。

去到已見十幾人在排隊，由排隊至食到剛等足55分鐘。叫了期間限定的布甸班㦸（$32/個），一個薄荷味雪糕，另一個要朱古力味雪糕。個布甸很好味，又滑又不太甜，上面啲焦糖又燒得卜卜脆，啲班㦸皮又夠薄，煙韌得嚟，個邊皮又帶點脆，好好味哦～布甸與雪糕之間加了木糠及一層cream雪糕味唔算超濃，但都能食出它的味道，而且亦很香滑又大舊。雪糕還可算多款味道除了話的班戟，還有鹹的。但當天大部份食家都係食布甸班戟

係網上見到好多推介，而我又咁啱去個邊，甘緊係一於試下佢。我嗌左一個焦糖布丁班㦸配綠茶雪糕，個班㦸除左有布丁同雪糕外仲有cream 同木糠，因為唔想太漏，我要求少cream。如果唔鍾意cream同木糠可以要求唔要cream同木糠。個焦糖布丁嘅火喉啱啱好，布丁本身好滑又唔會太甜👍🏼 但綠茶雪糕就唔係太夠綠茶味同雪糕嘅質地唔係好滑個隻，不過尚可接受，或者下次可以試另一款味嘅雪糕。食曬成個班㦸都唔會覺得太甜同太膩，當一個下午茶啱啱好👍🏼

佢呢個產品絕對係香港比較少見，小編今次決定由上而下咁樣講落去。首先佢個焦糖燉蛋做都真係幾好食，蛋香味濃而且非常滑溜。另外佢面頭有一層脆嘅焦糖喺度，再加上淋咗啲焦糖液係上面，所以焦糖味都好突出。但又唔會話因為有太多焦糖喺度而搞到好苦。另外佢裏面有啲忌廉同木糠碎喺度，忌廉嘅份量唔會太多，而且有啲木糠說喺度可以增加下口感。再者佢哋有多達8種口味嘅雪糕，而小編今次就揀咗檸檬味嘅雪糕，首先雪糕真係超級大舊。另外尼個檸檬味嘅雪糕食落有啲酸酸地，檸檬味唔會太假，雪糕嘅味道真係超級清新。其三，個班戟皮都唔算話特別厚，絕對係可接受範圍內啊！Overall尼講成個班戟既口感真係超級豐富，而且小編呢個選擇又唔會話太甜，唔會話有蓋過咗味道嘅問題。個人應為真係超級好食。