I Love You Dessert Bar (已結業)

近排大家沉迷梳乎厘Pancake 我點可以輸，其實我一早已經試過，不過要一次過 show 曬幾款口味，所以我分左幾日去。第一次我去食原味。蛋味好濃好鬆軟，真係食緊空氣，不過有楓糖漿加持令成件事有味番，不過我對於佢個 cream 就無意見，普通 cream lor.不過不得不承認佢包裝擺碟係有心思，放兩隻唔關事的蝴蝶上去瞬間呃like !之後我又買過脆皮的拿破崙Pancake,因為佢係唯一可以打包走的 當時做緊白桃限定，我就叫左一個白桃一個士多啤梨。從側面睇你可以見到個拿破崙係何其酥脆，有幾咁多層，中間夾住爆漿吉士同埋大大舊水果，真係好足料。就算隔左30分鐘先食佢既然係好脆好冰，真係夏天良伴。早一期佢推出限定蜜瓜口味，我又試左，老實講我覺得蜜瓜味好過原味好多，因為多左 d 味道，原味你就係蛋蛋蛋，蜜瓜味多左球雪糕同有大大舊蜜瓜，無論果肉定雪糕都好清新，所以食 gei 時候又冰凍又有甜的味道，好正！雜莓味就有士多啤梨同藍莓，其實同蜜瓜比佢真係無咁突出，同埋味道唔太夾，除非你超級超級愛雜莓啦。。。不過我要提提大家，佢係即叫即整，所以最少要等10分鐘先會有（無人的時候）。。。

想食佢嘅彈彈疏乎里班戟，不過同friend去，佢又無乜位从，主打外賣，所以一直未試。今次揸車，特登泊係附近走過去買。睇menu左好耐，選擇不多，但都唸左子耐。最後，居然唔係食我最想食嘅疏乎里班戟，而係選擇左呢個拿破崙士多啤梨吉士班戟。因為覺得佢嘅拿破崙好似真係好脆咁其實白桃係當造，應該叫呢個，但係想比我男人試下，唔知佢啱唔啱白桃，所以選左最大路嘅士多啤梨。$29，以呢個價，真係唔算貴，心機同租金都要啦！佢中間係有層疏乎里班戟，但係個拿破崙好脆，吉士又唔太甜，所以搶晒班戟嘅味道了。下次會再去試疏乎里班戟!

難得平日下午時間來到旺角食lunch,專登等到三點開門食梳乎厘。大肚婆熱辣辣坐係出面等左25分鐘,點了日本水蜜桃梳乎厘。黎到見到d水蜜桃黑色的,外面絕對不討好。好多舊都係全黑色,我無食到。其他少少黑色的係熟到爛咁滯。我拎住d生果同職員講,佢地仲話試過無壞,可以食! 我就話黑色熟到就黎爛既生果就唔好比客人食啦! 佢地即刻黑面無哂反應!!!就算個梳乎厘好好食,我都唔會再幫襯!!!他們沒有對食物認真的態度,令我好失望!

有日見到網上介紹旺角有間平民souffle pancake。既然我近期最愛souffle pancake，緊係要嚟試吓啦！佢喺正hesheeat旁邊，所以都唔太難搵。除咗普通口味，佢仲有日本嘅新鮮水果口味。但我始終都係鍾意原味多啲！等咗15至20分鐘先有得食。賣相唔錯，仲有隻蝴蝶做裝飾佢嘅原味得好少糖漿，主要加cream食。要讚吓佢嘅cream，有好重嘅牛奶味個souffle pancake都算鬆軟，但冇葵廣嗰間咁有蛋味。如果去旺角經過都可以去試吓！

終於都試了呢間嘅梳乎厘了🙂同朋友試咗兩款一款係原味 一款係香蕉朱古力佢地個梳乎厘幾好味重蛋味而且又夠軟😝同埋裏面唔會太空心另外配埋朱古力醬同香蕉係幾正🤤等嘅時間都唔會好耐

出開旺角諗起最近網絡上推得好勁既梳乎厘班戟時間岩岩就到佢3點開門諗住可以唔洗等點知3點一二去到已經有幾個人等緊第一次食梳乎厘班戟就梗係食原味試下佢咩料先雖然其他味好吸引但有其他味就可能會試唔出佢整得唔好既地方店員話要等15分鐘左右最後等左差唔多20分鐘$29貨仔無諗過都幾大份都幾香蛋味口感輕身但唔會好似食空氣咁入面完全熟透唔會怕食到麵粉味加埋旁邊一pat又係好輕身既cream唔會太漏以咁既價錢黎講絕對有物超所值係翻食之選👍🏻

見咁多人推介就去試試係咪咁多好，去到意外地唔洗排隊仲有位坐，之後叫咗個''期間限定''蜜瓜味，不過寫明蜜瓜雪糕，但點知最後黎到只係蜜瓜味嘅沙冰..........味道好一般期間等緊個蜜瓜梳乎厘嘅時候，因條街好嘈，而我又怕叫咗我個號聽唔到，所以等到25分鐘時就入去問問我呢個號碼okay未！點知個金髮女仔服務員態度勁差咁答：砌緊啦！！其實我都係問下，絕無催促嘅意思，似住出名唔休做都唔係咁嘛......

越黎越多餐廳，開係白布街附近～而依間「i love you Dessert bar」最出名係疏乎厘班cake 之前已經試過要排成個鐘先食到...又冇冷氣～又冇位坐～企係條街等都幾係野 今次平日經過，人潮已經冇以前甘誇張，得幾個人等，又見到佢出左時令水蜜桃班cake一於就再試下。即叫即整既關係，要等十五分鐘左右疏乎厘班cake 比我第一次食再進步左，更綿更滑，入口即溶，好有蛋香味～可惜水蜜桃款只得一塊班cake，二個人食一啲都唔夠喉水蜜桃好甜，但係賣相就已經有啲變色如果keep住排十五分鐘，我會再黎食，當然味道冇得同7-8十蚊既疏乎厘班cake比，但依個價錢絕對係抵食

閒日5點幾開始等，都等左半個鐘架😂終於食到咁多傳媒報導的pancake!!果然，真係冇令我失望😍試左加木糠的口味～整體個pancake都算幾香蛋香味，重點係個口感真係入口即溶，好軟好好食，食到停唔到，所以幾啖就食完😂 仲試埋拿破倫口味，但個餅搶曬pancake的味道，而且夾住果塊普通pancake我覺得冇咩特別🤦🏻‍♀️ 整體而言，我都係覺得梳乎厘味正d👍🏻佢咁平，大家有時間真係不妨去排下試下👍🏻

打完風落住雨去到附近，原本想食隔離的HeSheEat,但未開，見這小店的相片好靚，又已經有二至三位等，一於試下，食品唔錯(雖然不是太夠蛋香味，我都會介紹比其他人試)，但隔離HeSheEat的幾位員工齊齊在門口吸煙，D煙味仲比把大風扇吹到正，我只能匆匆地吃完個煙味梳乎里（原是藍莓士多啤梨味），食得唔暢快，失望的是它的環境，如果鋪內有位坐，慢慢歎會更完美。仲有，雖然梳乎里好軟，店面又寫明不需用鐵义食，但我一邊食一邊想要支鐵义，因為容易handle過膠义。

最近大熱戈幾間pancake其中一間就系呢間喇，見到咁多人食，我又去試吓先最多人系食原味，不過蜜瓜味都好似好吸引咁，order完之後要得20分鐘，因為系即叫即整。第一口試已經覺得好正，蜜瓜味好香好甜有埋個皮show出黎可能係想證明佢係用靚嘅蜜瓜做，蜜瓜雪糕都好清甜，撈埋pancake食好match呀，近排食左大熱既Bo_e，我覺得呢間好食過嗰間好多，因為戈間實在濕到難以形容，提都吾想多提，呢個pancake蛋香味幾濃，面層烘得幾香，起碼冇燶。P.s.1 出面系得3張櫈，突然會有個諗法：好多人至少都兩個咁黎，點解系整3張櫈而吾系4張？不過等人食完都吾洗太耐既，但揀有雪糕既朋友仔就要小心一路等個雪糕已經可能會溶心P.s.2 其實黑布街同白布街都幾多好野食，不過係衰在位置偏僻左少少，之前都係嗰度食過一兩間系幾正，建議得閑可以去嗰度食好西。

經過旺角發現這間人氣的Pancake店沒有人等候所以決定試一試。看入店內發現有最近進駐香港的日本班戟店「Flippers」字樣的燈牌，查問之後發現原來與這店是沒有關係，但這樣放燈牌於門面是相當誤導，亦不是該店放置別的品牌名字於門口的原因。說回Souffle Pancake，品嚐了夏天新口味水蜜桃，大概等了10分鐘就可以吃。班戟Q彈，上面鋪滿了桃片以及啫喱班戟較偏向蛋糕口感，蛋香味十足，這個價錢來說品質相當不錯。白桃切片，雖說是日本水蜜桃但不算十分甜，比期望中差了一點點，不過與班戟配合挺清新，很適合夏天炎熱的天氣，啫喱亦是桃味，不會太甜。

一直對日本吃過的梳乎厘班戟念念不忘，得知這間甜品店的梳乎厘班戟特別平特意前往。中午剛開店十分鐘已經現人龍，落單後等了十五分鐘終於完成啦。店外有一檯仔可供堂食，只能容納兩人，可惜夏天户外用餐實在有點熱。^令人驚豔的豆腐腐竹本以為薑片味道辛辣不適合放於甜品中，豈料浸過糖水後異常配合！由液態的腐竹糖水變爲固態這個概念亦非常有創意，腐竹片清甜脆口，還有充滿牛油香的威化餅碎，拌上自家製雪糕，濕潤度剛好。^班戟十分厚身，口感軟綿綿充滿空感，咬下時若有似無、入口即溶，配上有微微的酸味芒果芝士醬，再助以輕盈口感的班戟味道清新，但蝴蝶裝飾樣子不太討好^唯一缺點是班戟皮太簿，大部分還是蛋白，略嫌不夠口感和咬勁。整體味道處理恰當，如改良梳乎厘班戟的口感更好，可以考慮主打非梳乎厘的甜點，但以這個價錢來說算是不錯。

白布街這間I Love You Dessert Bar 經常排隊，雖然想試可是每次望望便走，今晚在白布街食完飯，順便來碰運氣，可能時段比較晚，只有數人排隊，也等上20minsssss,今晚必須一試士多啤梨酥皮梳乎厘班戟賣相是絕對是一流的，厚厚的一塊Pancake，望落很有彈性。上面有士多啤梨，cream，小酥皮餠看似很豐富，一下切下很鬆軟，內裏有點像棉花般輕柔，可是沒有蛋香味，整體感覺沒有味道，不過34元食個班戟是抵食

Heard about this dessert many times and finally, my boy friend agreed to take me here. As a big fan of strawberry, we ordered one strawberry souffle pancake(only $34) to share. It took around 15mins to make and then you can get it! It outlook is nice! There was a butterfly on the package which is a piece of chocolate haha. The package taste really like souffle!! Very soft and not guilty at all after consuming it! Even better if you mix with ice-cream but this is still fine.