影片
營業時間
今日營業
09:00 - 21:00
星期一至日
09:00 - 21:00
以上資料只供參考, 請與餐廳確認詳情
前排聖誕節同朋友出去尖東感受一下節日氣氛。影完相就去左位於永安廣場既il Bel Paese食意大利菜。餐廳為左迎接節日都增添左唔少deco，氣氛滿滿。餐廳有套餐供應，包了沙律、主菜及甜品，價錢都是二百多元，十分超值。整體體驗都幾滿意，抵食服務又好！🍴ALL DAY SET MENU $268意式雜錦豆湯出邊比較少見，個湯睇落去賣相係一般嘅，飲落少少鹹，充滿豆香味好香濃，仲好重黑椒味。牛油果沙律火箭菜配上牛油果和小蕃茄，加上橄欖油，味道清新，重點係上面既芝士碎，加埋一齊勁好食。意大利比薩（番茄和黑松露蘑菇)手工批底鬆軟可口，番茄口味是經典中的經典，番茄乾的酸甜與芝士的濃郁結合剛剛好。黑松露蘑菇勁香濃，喜歡松露的朋友一定唔好錯過。意式烤雞（半隻）配蔬菜半隻都幾大隻，雞肉外皮好香脆，肉質鮮嫩多汁，食落去都會有香草味。配埋新鮮嘅薯仔、蘿蔔、青椒、南瓜等等嘅蔬菜，中和左油膩感。甜品方面簡左lucky cake! 原來上面都有佢地出名既gelato!! 好正!! Gelato嘅質地非常細滑，雲呢拿好香，呢款cake平時都比較少見，可以一試。另外焦糖味嘅gelato 都好好味呀！
繼續閱讀
ilBelPaese是優雅的小酒館，主打意大利菜，除了正宗意式佳餚，還有誘人的Gelato。深綠色的店面，裝潢帶歐陸風，加上酒吧櫃和聖誕裝飾點綴，滿滿的休閒格調。傳統意式3道菜全日套餐包括頭盤，主菜與甜品，融合意式風味，好好享受豐盛美食。 意式三道菜全日套餐SET 1意式烤雞(半隻)配蔬菜* 烤雞金香皮脆，內裡鮮嫩多汁，搭配香料的濃郁味道，香氣撲鼻。雞腿肉油滑可口，搭配綿密的薯塊、清爽的燈籠椒，滋味平衡，平衡了肉類的細膩，感覺refresh。意式雜錦豆湯 雜豆湯濃稠香甜，融合了各種豆類的甘甜，入口清香滑順，感受到意大利的家常風味，溫䁔窩心。草莓意大利雪糕(一球)草莓Gelato天然清甜，冰爽柔滑，入口酸甜芬芳，喉嚨有舒暢快感，清新味蕾。SET 2蜆肉意大利麵 肥厚的蜆肉，肉質彈牙鮮嫩，意大利麵吸收了蜆肉的鮮甜，搭配蒜香橄欖油，入口鮮香惹味，加上蒜片和辣椒，令人垂涎。招牌IBP意式沙律+草莓意大利雪糕 爽脆的沙律菜，搭配吞拿魚肉，質感綿潤，味道鮮香，加上脆青豆及雞蛋，口感清爽開胃，滿滿的地中海的氣息。最後吃一口絲滑Gelato，甜而不膩，完美美食之旅。
繼續閱讀
呢間餐廳係意大利餐廳，環境幾好坐，仲有好聽既意大利歌曲播放住，我地叫左個set入面有兩款pizza，一款係黑松露菌pizza，好濃郁黑松露味，另外一款係蕃茄pizza，茄醬味濃，一份有四小片，切成正方形，外脆內軟，pizza底比較鬆化。另外我地仲叫左半份烤雞，烤雞大隻，配埋薯菜，食落比較清淡同埋切好方便易食。意大利軟雪糕係小編鐘意食既雪糕，雪糕比較軟身同埋雲呢拿味香濃，入面仲有雲呢拿籽同彩色糖粒灑響上面。
繼續閱讀
最近我去咗尖沙嘴香格里拉附近一間餐廳，點咗個**All Day Set 3**（$268），選擇幾多樣化。我揀咗**蘑菇同布拉塔芝士Pizza**，牛油果沙律同埋意大利雪糕。首先講下沙律，裡面好多芝士，配上意大利醋，味道好清新，幾開胃。Pizza方面，口感紮實，底部煮得剛好，配料份量亦唔錯。至於雪糕，我試咗朱古力味，味道好濃郁，但質感偏水，可能唔係每個人都鍾意。朋友叫咗**烤雞半隻**，份量都大，肉質唔會乾柴。最後，我哋仲試咗佢嘅香檳，味道清新，為整個用餐體驗增添咗一點優雅。
繼續閱讀
臨近聖誕，尖沙咀已經人來人往。避開少少人潮，係尖東站旁有正宗意大利菜，可以慢慢品嘗。點咗兩個3-course set，Set 1係 意式烤雞（半隻）配蔬菜及意式雜錦豆湯，Set 2係蜆肉意大利麵及招牌IBP意式沙律。兩個set都配有一客Gelato。招牌IBP意式沙律用上新鮮嘅沙律菜、雞蛋、風乾番茄、吞拿魚等等，用意大利黑醋作dressing。味道酸酸甜甜中，帶少少鹹味，整體清新開胃。意式雜錦豆湯含紅腰豆、鷹嘴豆等等，夠濃郁。意式烤雞（半隻）配蔬菜，半隻都十分足料。嫩滑雞髀簡單用香草、胡椒調味都惹味。蔬菜經過烤焗，配埋雞肉食唔會膩。蜆肉意大利麵有驚喜。蜆肉隻隻飽滿，有海水鮮味。鮮甜味再加番茄、橄欖油已經成為classic及令人回味嘅汁。麵用較扁身意粉，容易掛汁之於，有彈性。大推Hazelnut gelato！好重hazelnut 味，由於係gelato，所以食落較輕盈，令人一啖接一啖。焦糖味唔會死甜，甜度剛剛好，會品嘗到焦糖嘅香。一球都只係$38，下次經過尖東要再食其他味，例如開心果。
繼續閱讀