Il Bel Paese

營業中

休息中

尖東永安廣場內有間意大利餐館，主打多款口味嘅Pizza同意粉飯，另外有Gelato雪糕，可堂食亦可外賣。店內環境唔大，平日晚上都幾多人到訪，更有一半為非本地人，經過試試無妨。全日套餐包含前菜、主食同甜點。雜錦豆湯口感豐富，帶咬口，有齊多樣豆類，感覺健康。主食有烤雞配蔬菜，半隻份量，外皮薄身，酥脆，微微焦香氣，肉質鮮美，啖啖肉。旁邊附上薯仔，軟綿綿，而且好入味，三粒唔夠食！蔬菜都唔錯，五顏六色，唔油膩。甜品有自家製蛋糕，千層嘅，口感偏硬，甜度適中，上面有埋雪糕，冰冰涼涼好Match。

一直都好想試下佢地嘅自家製gelato, 所以難得今日經過就試下, 原來外賣店後面仲有意大利餐廳, 所以就入去試下!⭐意式雜錦豆湯材料豐富, 湯汁味道濃郁, 暖笠笠又開胃⭐招牌IBP意式沙律沙律份量幾多, 用上火箭菜、蕃茄仔、牛油果同芝士混合而成, 食落清新又醒胃⭐意式烤雞（半隻）配蔬菜終於到主菜啦, 估唔到幾有驚喜, 外皮香脆, 雞肉嫩滑juicy帶點雞油香, 食落啖啖肉, 烤蔬菜烤得幾爽脆, 唔會淋哂, 不錯不錯⭐意大利比蕯意大利果然係整pizza嘅始祖, 批皮雖然係厚批，入面一層層但係食落去鬆好脆, 口感柔軟帶點煙韌口感, 新鮮焗起特別好食⭐意大利雪糕雪糕揀左Caramel同Butterscotch, Caramel帶有微微焦糖獨有嘅苦味, balance番甜度, 而Butterscotch好重奶油甜香, 兩款都十分軟滑, 甜而不膩

The set menus that progress nicely from starters to desserts. The IBP salad was fresh and vibrant, while the Rucola Avocado Salad provided a peppery kick from the arugula balanced with creamy avocado.For mains, the Vongole Pasta featured tender clams in a light yet flavorful sauce. The Duo Pizza offered the best of both worlds - classic pepperoni with its spicy notes and a simple but satisfying mozzarella side that lets the quality of the cheese shine through.The meal endings were spot-on with t

成日經過都見唔少人，呢日專程黎試下佢ALL DAY SET MENU 前菜，主菜配搭，甜品仲可以揀 lucky cake / gelato招牌IBP 意式沙律配有吞拿魚、風乾番茄、雞蛋、沙律菜和橄欖油份量相當驚喜，沙律菜新鮮爽甜再配上黑醋，酸酸甜甜相當開胃另一款牛油果沙律以新鮮牛油果、車厘茄、火箭菜，橄欖油呢款味道比較清新，各有各特色蜆肉意大利麵蒜香味超濃，蜆肉肥美鮮甜扁意大利粉炒得好香口意大利比薩(兩款口味）薄餅上面有水牛芝士同乾蕃茄片，酸酸甜甜咁另一款黑松露芝士蘑菇，餅底比外面食開較厚身，焗到好脆口，口感好好，好飽肚甜品揀咗一個gelato一個Lucky cakegelato好細滑，唔太甜，好食Lucky cake口感特別，仲有多球雪糕，大滿足

之前食過佢嘅Gelato覺得好好食，今晚就嚟食晚餐。Set dinner都有幾款可以揀，有齊前菜、主菜同甜品，都幾抵食。我同朋友就一人嗌咗一個set嚟share。意式雜錦豆湯有好多款唔同嘅豆同薯仔粒喺湯入面，應該有少少胡椒粉，飲耐咗會有少少辣辣哋，第一次飲豆湯，感覺都幾特別。招牌IBP意式沙律份量超多，幾款菜都好新鮮，仲有溏心蛋同一啲醃咗嘅肉，好開胃。意式烤雞配蔬菜烤雞聞落好香，啲皮烤到脆卜卜，雞髀位嘅肉好嫩滑，雞胸位嘅肉都夠juicy，唔會話好鞋。另外仲有烤薯仔、青椒、南瓜同紅蘿蔔等等，估唔到連配菜都好食。蜆肉意大利麵蜆肉嘅份量都幾多，每粒都好大粒，食得出有用白酒煮過。意粉嘅軟硬度好啱心水，有蒜香，但係唔會太出，係出色嘅意粉。Hazelnut GelatoHazelnut好香，軟綿綿咁好好食，下次一定要試埋其他味。意式蛋糕一共有三件，係比較硬同埋濕嘅蛋糕，唔知點解有少少黑糖嘅味道，上面有雲呢拿雪糕同埋忌廉，好食。

今天來這家意大利餐廳已經開了一段時間在疫情期間的都光顧他們旁邊的超市今晚就來試一下他們的晚市套餐晚市套餐有沙律,意粉或薄餅甜點IBP意式沙律即是以店名命名的沙律跟牛油沙律一樣用料新鮮配合冷壓初搾橄欖油形成平衡又層次豐富的味道兩種口味的意大利披薩分別是蕃茄和蘑菇麵團偏厚身和質地細密煙韌又不痴牙而且作為正餐份量絕對足夠另外加上蕃茄乾令風味更加突出讓人不得不佩服店家對意大利菜的堅持甜品意大利雪糕溫度控制得剛剛好因此相當軟滑完全不會有冰晶破壞口感用上雲呢嗱籽使雲呢嗱味更加柔和自然意式蛋糕lucky cake口感類似提拉米蘇不過質地要更加綿密細緻配合忌廉朱古力醬和雪糕兼顧了口感和味道

約咗 lunch 又早到咗，路過見到新開嘅雪糕店，咁順便試下啦！叫咗三球：Passion fruit 堅好味，酸酸甜甜，食完想再食！Lemon 唔係香精味，fresh 中帶少少 lemon skin 味，正！Wild Berries 莓味濃郁，須要有粒籽，但不影響口感。三款都比較近雪葩，款式真係唔少，下次再試下creamy 嘅款式。另外，服務員係一位外藉姐姐，非常 nice，知道街唔俾除口罩又熱，俾我係店內慢慢食。可惜跟住要 lunch，唔可以放任自己食太多。

After shopping , try a big Dark Chocolate Doughnut here. Original price is $24 , but now it’s 50% off , only $12 can get this big one . Taste is soso, dack chocolate is not bad , but the bread not really soft. But with $12 only , it’s not bad. And this shop have many others products too. Maybe next time can try cakes.

暫時响香港食到味道最濃郁嘅意大利雪糕，入口唔會即刻溶開，證明啲雪糕真係打得夠耐。食完之後，味道有繼續殘留响個口度，真係好香想比較特別，可以試埋個rum raisin，個味道真係好出。

早幾日朋友經過哩間意下利雜貨店. 見到有好多意大利食材,芝士呀火腿香腸等等....仲有蛋糕添.由於哩排少煮食,雪櫃已經爆滿,而朋友又見到佢有蛋糕賣,所以只好叫佢代為買左幾件蛋糕返黎一齊share~Torta Della Nonna 傳統松子檸檬撻雖然佢冇寫,但吉士餡料的確係檸檬味,仲有杏仁片同松子係撻面,軟綿中有有d松子同杏仁脆口,三款之中我最鍾意哩款.Cake black truffle 黑松露朱古力蛋糕濃郁黑朱古力味,軟滑口感,若然當下有杯冰滴咖啡就prefect啦.另一款白松露朱古力蛋糕同黑松露朱古力差唔多,不過換左做白朱古力,同埋甜d,好甜食者會喜歡.佢地既甜品逢星期二同六返貨,外表平實不花巧,抵得一試.