Initial Cafe (已結業)

8月5日, 呀菲呀比的第119週月快快快快樂!! 距離大日子仲淨番一個月~ 日日夜夜都有九萬樣野要忙, 今晚一於要舒舒服服嘆一晚~::: 紫蘇葉芝士焗法國小號菇 ::: $58呢排食飯都喜歡懶健康咁先叫d蔬菜食下, 不過呢個焗菇其實都唔健康得去邊… 因為實在有太多濃濃膩膩叫人又愛又恨嘅芝士啦! 其實除咗小號菇同芝士外仲有厚切蕃茄兩大片同埋一大舊索滿芝士嘅軟淋淋麵包加少少沙律. 任何野其實加上芝士焗都一定係好惹味, 不過就唔係好食到紫蘇葉味~ 整體係ok不過就略嫌太油膩…::: 馬蘇里拉芝士忌廉火腿多士 ::: $38又係芝士!! 香脆厚多士放上火腿同忌廉, 仲有一層超重手兼焗得金黃嘅芝士!! 多士夠鬆化, 芝士又香口, 好好味!::: 溫泉蛋明太子墨魚意粉 ::: $78作為呢度嘅名物, 冒住爆膽固醇嘅風險都要叫嚟試! 端來的是一碟滿滿橙黃的意粉~ 上面隻溫泉蛋脆弱得吹彈可破, 但其實篤穿蛋黃後又唔係真係好流心, 半凝固嘅蛋黃質感濃杰, 撈入意粉後令醬汁質感更加creamy! 如此鮮艷嘅賣相其實味道卻偏淡, 因為用上的溫泉蛋明太子同墨魚都係無乜味嘅材料, 正好讓人慢慢品嘗各種材料嘅自然

和朋友吃晚飯前先在initial cafe坐坐，這裹集時裝與cafe於一身，最啱我哋呢啲女人仔。朋友叫了南瓜胡蘿蔔湯配南瓜醬多士，我試了一啖，雖不是很濃，但也有不錯的南瓜味。朋友OK.我叫了waffle, waffle有兩塊，有香蕉片，一球朱古力雪糕與cream，雪糕過甜不好吃，waffle雖是新鮮造但沒有蛋香，雖有脆邊，但整体偏硬，有些失望。其實以前幫襯過這裹，對這裹的意粉與飲品也有不錯的印象，環境也有型，所以還是會給個OK的。

和朋友3人一同食飯,友人預先訂枱所以不用等!環境好特別,今天口淡淡ORDER了, 一杯檸檬薑蜜梳打,但好一般應該只加了檸檬角和一些薑蜜(而且薑蜜不濃)我們之後叫了2個湯南瓜胡蘿蔔湯和番茄湯配南瓜醬多士,南瓜湯不夠濃,番茄湯味道也不怎麼,南瓜醬多士也比較普通小食我們點了一個烤什菜和一個烤雞翼.烤什菜如期待中好食,烤雞翼是超期待的好食,烤得香香的但不失內裡的肉汁主菜我們點了一固波菜雞肉飯及白酒蜆肉扁意粉,波菜雞肉飯忘了影相,沒什特別的一個飯,但個白酒蜆肉扁意粉反為是一個不錯的東西,有酒味另外意粉有咬口,但友人說有點硬.我們於星期五去,每一台都有女生不知是否因為它是一間時裝店的問題.它的洗水間挺特別Overall, 這是一間挺特別的餐廳,侍應有禮貌,設計有特,食物不錯

一向都很欣賞Initial的Style，所以當知道Initial Cafe存在的時候就很想去看看......可是一直說著拖著...良久未能付諸實行於是在這一天下午終於坐言起行！拉上妹妹，就往Initial Cafe走！服務員招待我們坐在入口處旁的一角，那一角仿如是從店子裡分割了出來似的，較遠離其他枱桌，只有一張二人桌椅和簡約的裝飾，不怕被人打擾。可是，別以為這就代表沒有服務員招呼！他們偶爾會在較遠處巡一巡，見你舉手示意便立即頷首回應。夏日正炎，點了杯白朱古力曲奇沙冰消消暑。當服務員把之擱下的時候，我還以為是送錯了...樣子也太像綠茶曲奇沙冰了吧！哈哈！我淺嘗了一口，發現味道偏甜，這也不意外，畢竟這是以白朱古力為題嘛，不過沙冰的清涼抹去了白朱古力的膩感。值得注意的是曲奇碎沙的口感卻很是不錯，已分不清哪是冰沙或是曲奇碎了~anyway~ dark chocolate才是我愛的~另外也點了杯Espresso。我太久沒喝咖啡了~Espresso的味道濃厚，有略活潑的酸質，甘澀的咖啡液滑入我喉嚨的時候，感覺有點不習慣。我只加了三分之一的咖啡糖味道就剛好了，並不苦澀，三小口就喝掉了。在一個懶洋洋的

本來打算去另一間餐廳食但無開，見到呢間好似唔錯就黎左呢度喇~8點左右到~唔駛等位~~環境都幾舒服~咖喱汁幾多~~d蛋幾好味~半生熟!入面係茄汁飯~~但雞肉幾少~蘑菇汁好好味!!!但墨魚麵無乜墨魚味~帆立貝4隻+魚柳2片!都算幾足料!份量望落唔多但都飽~~整體都可以但未必會再黎~~

本來見到openrice 食評幾好, 都以為係幾好,但d waiter 勁冇品咯......本來我地book 左十位, 佢地居然俾左一張六人枱同四人枱我地, 而且係前後分開2張.仲叫我地分開坐, 離哂譜架, 我個friend問個waiter, 佢跟住走過黎講 一句, (當然佢後面d waiter咪眼啤啤咁啦)當佢地整好一張長枱變成十位時, 個男waiter就同我個friend講當然帶串意啦)佢地咁串, 當然我地咁十個人即時便走左啦, 佢地咁嘅服務態度同唔make sense 嘅行為簡直有損香港形象呀,仲要喺尖沙咀......如果佢地一早變左張十位長枱咪冇事咯!

之前都想黎試下,見食評都好似唔錯,幾吸引....所以今次一於黎試下 同三位朋友黎,入面有8張台,有d梳化位,我都想坐呀...但店員話已經reserve左比其他客人喇...可能我都係前一日先book啦,下次可以試下request梳化位...入面得個open kitchen,再入面就係賣衫喇,其實入面都好大架...我地叫左唔算太多野食,每一碟都唔係太大碟,可能客人係女仔為多,所以份量都要o岩返女仔,9成客都係女仔,我朋友只係當晚唯一o既男客人... 什菜沙律,佢個名又好似唔係咁,有南瓜,有三椒,蕃茄,露荀,色水幾靚,唯獨係d菜好似唔夠新鮮,唔夠爽口喇... 溫泉蛋明太子墨魚意粉, 見comment好多人食,當然我地都要試下啦,色水好黃好creamy咁,好重蛋味,意粉都好食,唯獨是係個墨魚比較硬左d,汁o既份量都算唔錯呀... x菜意大利飯,我唔記得個全名,好細份,一人食幾啖仔試下,味道都唔錯,唔算漏,d菜打碎晒mix埋煮意大利飯,口感幾好... 白酒煮硯扁意粉,蜆就比較細隻,冇沙,淡口d,扁意粉都煮得o岩o岩好,可以再香d酒味丫... 炭燒牛扒, 份量都算多,賣相一般,唔似煎出黎咁,但我地

和好友到此聚舊談心。餐廳環境非常舒適, 座位寬闊, 燈光柔和, 最重要是可以坐很久, 我們差不多坐了3小時。食物大致上還可以, 意粉/飯一般價錢$70-90, 我認為略貴了一點, 因為以這價錢應該可以吃到更高質素的食物。溫泉蛋墨魚意粉-- 好友挺喜歡, 我卻嫌它味道不夠濃帶子墨魚面 -- 我反而較喜歡這個, 其醬汁較濃烈waffle -- waffle味道不錯, 但ice cream較硬, 且還有冰塊整體我認為食物於水準之上, 不是特別出色, 是朋友聚舊聊天的好地方。

放工後，即刻去尖沙咀同好友會合，行咗一陣街，就去吃飯喇。第一次去Initial Cafe，意粉同蛋糕都好美味喔！好多墨魚，意粉好滑，最鍾意個汁，再加埋隻溫泉蛋同明太子，簡直一流！肉質OK，但醃得唔夠入味。綠茶味超濃，忌廉亦非常香滑。檸檬味濃得嚟，又唔會太酸。拉花圖案好靚，好友話味道都OK。冇諗過一間喺時裝店入面嘅cafe，食物水準會咁好，而且坐得舒服，價錢亦算合理，所以一定會encore！

看過之前好些食家的食評,得知尖沙咀這間boutique內有一間cafe可供作自修室工作室.某日,抱著手提電腦,到尖沙咀來尋覓,也就展開了我在這裡趕文章的三天生活.原來initial就是在Al Bistro 的正對面,之前一直經過也留意不了,大概是總忍不住望進Al Bistro內吧!入門便是Cafe,boutique反而是在cafe之後.只有8張桌子,大概容下能30位客人.所以煮食沖飲都只是在一個小bar檯後面.這裡有免費 Wi-fi,最欣賞店方的慷慨,一大支清水放在桌上讓你倒出來喝,不會強迫你點飲料,難怪說是個自修工作的好地方.沒預備工作的也可以拿cafe供應的雜誌看,或是到boutique看衣服(雖然依我所見進店的大都是為食物而不是衣服而來).牧場魚乾小屋薯蓉 ($58),先是給它的名字吸引才選點的. 外形果真如小屋般,食材弄砌得相當雅致.屋頂兩片魚乾薄脆,細看可見多條小魚,用叉子一壓便斷開,味道微咸.下面屋身是南瓜,薯仔和烚蛋打成的蓉,甜軟帶蛋香,感覺天然健康,澱粉物處理得蠻輕型.不過份量偏少,五十八元大概是買其綽頭.日本清酒鮮蜆湯配日本素麵 ($88), 黑色的碗子一上檯就見一大

三月上旬‧晴又回復要四處為「office」的生涯了。下午出席完洋人的試食會，晚上還有我們海景軒的飯局。中間要找個地方工作一下，有三份文字稿要交，來了這裡。選了角落的大沙發坐下，舒服到極！要了Designed Cappuccino，泡沫豐富，咖啡香濃，很不錯。很喜歡這裡的拉花，簡單直接不做作。有電插頭，有免費wi-fi，有輕音樂又有好環境，是極度好hea的地方。我還會來的。

由入舖至出舖都唸唔到佢嘅缺點...隱藏於衣架襯衫後的好東西,入門沒有太多人客,原因除咗以上的,還可能就是一般中價偏貴,（但毎毎好味食品同價錢係成'正比'）,1;30pm左右入坐,無乜人..坐位好舒服, 亦唔會因應地方而將枱椅加密..讚!至於食物,我選擇散叫..1個芝士煙肉意粉+1個拉花意大利咖啡,食完感覺到太有罪惡感..原因超級無敵勁好味,仲會係、係超級無敵勁肥至真,但真真好味,一上枱已索到牛油同芝士香味,食落口好濃、亦好Creamy,唔咸,洽到好處,十個讚!沒想到走在尖沙咀的大街上,也可找上咁正食品又可取的店子.老闆...用心繼續做就著你們的食品,l'm will back...Surely!!連加1, $128.

在尖沙咀的繁忙街道裡，跟友人有目的地找到這間另類咖啡店。為何說「另類」?因為如果不是某電視節目及一些食評的關係，很多人都以為這只是一間服裝店。店子前半部是一間咖啡食店，後半則是售賣服裝的。整體裝潢帶點簡樸自然，木造的餐枱上放了一株用舊玻璃瓶作花瓶的植物。坐下後，店員除給我們餐牌外，更放下一瓶紅酒，其實這只是廢物利用的水樽而已。由於之前已經在尖東另一間咖啡店吃過蛋糕，所以兩人只點了飲品，而我點的當然是espresso了。在等待的同時，我環顧整個店子。桌子的放置有序，不會使人感到擠迫，再加上店內輕柔地播放的Jazz音樂，令人更加覺得輕鬆自在。另外，我發現店內除了香港人外，亦有幾位日本遊客，應是血拼完到這裡休息一會吧!陣陣的咖啡香氣令我知道店員正在我身後，看到他放下的咖啡，色澤對板、crema非常稠密，已經非常期待。喝了一口，甜、苦味道的平衡非常好，不過酸味重了些，這可能是因為水溫略為低的原故。而餘韻則嫌短了一點，只維持了5分鐘左右。但整體而言，這已經是很好的espresso。

十二月上旬‧晴在尖沙咀要找個地方工作，總會想起來這裡。坐得舒服，招呼不錯，又有WI-FI，咖啡也好，真的不作別處選。要了杯鮮奶咖啡，拉花幾靚，喝起上來也香，對辦。坐了兩個多小時，離開的時候，天也黑了。

約了兩個好耐無見的朋友, 想搵間可以坐得舒服啲, 同耐啲的cafe, 最後搵到呢間!呢間cafe同買衫的initial係有間, 佢有一半以上舖係買衫, 只有門口一角係cafe, 大約有9-10張枱啦! 矮矮的枱配梳化. 好舒服!我叫了呢個, 係openrice睇到. 不過我唔記得個名了. 但menu有圖, 一望就會認得.超好味. 最鍾意啲意粉有濃濃的汁, 食完成個意粉, 係想叫個飯撈埋啲汁. 真係好味.另一個fd叫了呢個. 菜飯. 都係唔記得個名. 去睇menu啦.試咗一啖, 都好味喎! 不過個意粉好味啲. 我叫了呢杯飲品, 菠蘿咩冰, 好好味, 好番濃菠蘿味, 亦有奶味, 但唔會搶咗菠蘿味.我啲fd叫了coffee, 佢哋都話ok.其實同樣的食品, lunch time可以加少少錢做set, 但dinner就唔得. 所以lunch time去可能會抵啲.