INN - I’m Not Nothing (已結業)

疫情既關係真係好耐無外出用膳，復活節假期明顯外出人流多左，所以就選擇左地方遠少少但會有接駁巴士既國際展貿中心食復活節假期的第一個午餐😂去到果時見到餐廳既人唔算好多，不過係差唔多食完就開始人多，相信大家都係選擇避開繁忙時間食野。蒜香牛油烤海鮮龍蝦汁米形意粉套餐跟左餐湯 - 呢仲米形意粉係香港好少見，但係意大利就好常見，佢口感堅韌，唔講你未必知係意粉。另外，意粉上面既海鮮有龍利柳、蝦同埋青口，呢個價錢食到都真係唔錯。煙燻豬肉雜菜絲竹炭漢堡配薯條 - 呢個漢堡係用竹炭，俾人感覺食油膩野都可以健康，另外煙燻豬肉好厚身，食落豬味好重，而且唔會乾身。著條都炸到好脆身。值得一讚嘅係雜菜絲都唔會馬虎，同埋薯條漢堡一齊食減低左油膩感👍🏻嘢飲叫咗士多啤梨奶昔同埋香蕉朱古力奶昔，唔會有伏味，但食西餐點都要飲埋野先完美，加20幾有一杯比出面抵飲

呢間餐廳位於九展嘅地下 嚟嘅呢日係星期六 正午時分嚟到 餐廳未有好多客人 店員安排我哋坐近窗口嘅位置 所以環境都幾寧靜舒適🥰我同友人叫咗一人一份lunch set 套餐包咗餐湯 主菜 同飲品 都算幾豐富㗎😺是日餐湯粟米忌廉湯飲落唔算好鹹 粟米蓉都幾足料🌽英式吉列杏仁片魚柳配薯條沙律炸魚都幾大塊 除咗吉列炸粉之外仲有杏仁片 炸粉又唔算好厚😌 雖然魚肉唔會好紮實 但係都好滑 食落口感都唔錯 蘸埋他他醬食就好夾啦😎慢煮加拿大保濕豬肉眼配蜜桃芥末籽醬呢塊豬肉眼真係好厚呀😮 本身都驚咁厚嘅豬肉會好韌 但係可能係慢煮 食落口感絕對唔會太鞋 仲有少少肉汁🐷 配埋面頭嘅蜜桃同芥末籽醬 即使食晒咁大塊扒都唔會好膩呀 豬扒旁邊仲配咗粟米 甘筍仔 薯仔 西蘭花 感覺健康咗呀🙊香蕉朱古力奶昔朱古力味道都幾濃 香蕉味就比較淡 但係飲落味道都幾平衡🧋Matcha Latte第一啖有啲鹹 應該係飲品上面落咗海鹽 攪勻之後綠茶味道唔會苦 有好香濃嘅茶味🍵如果weekend想搵間唔太多人嘅Cafe坐吓 都幾推薦大家嚟呢度 食物同環境都唔錯😊

香港寵物友善既餐廳唔多，有地方俾毛孩大跑特跑既地方更加少，所以我真係好欣賞九龍灣呢間INN，將一半餐廳劃分做寵物區，仲有圍欄，狗狗一定唔會走失❤️👍🏻餐廳野食好打卡able, 味道都唔錯架！📸📸英式吉列杏仁片魚柳配薯條沙律🥗魚柳炸得好香脆☺️ 有啲杏片係上面點綴😚 有番相應既沙律菜平衡番🤣班尼迪蛋巴拿馬火腿法式班戟味道ok, 不過不失☺️ 兩份餐都有跟湯佢都有為毛孩而設既餐牌架☺️ 一份極多🤣 我地今次分埋俾另外兩隻狗仔食😚 適合兩至三隻小狗Share 🐶🐶

星期六的下午，和朋友休休閒閒地來到九展逛逛，午餐在G/F的「Inn I'm not nothing」食，這間餐廳有幾間分店，出品有保證。餐廳光猛開揚，歐陸式的裝修令人感覺舒服，天花上掛了水晶吊燈更添華麗。餐牌上印有白雪公主的圖案，頗特別。午餐有10款選擇，另外還有班戟和甜品。先來兩碗洋蔥湯，湯上面有一塊心形的腐皮，不單好味，還誠意十足呢！《牛肝菌雞柳扁意粉》$92很多人都知牛肝菌益處多多，還很美味，這碟扁意粉不單味道香濃，還有超多雞肉，讚。《加拿大保濕豬肉眼》$118皮膚要保濕，豬肉都要保濕。豬肉採用高科技的保濕技術，能保存充足水份，肉質更鬆軟嫩滑，營養價值也很高。這價錢能有一大塊保濕豬眼肉，絕對超值，而配菜和沙律都非常好味。《凍朱古力》大大杯朱古力加軟綿綿的忌廉，好睇又好飲。《維他命C健康水果茶》多種水果切成幼粒沖成茶，單看這胭脂紅已令人迷倒了。

呢間Cafe已經嚟過兩次☺️！泊車好方便靜靜地野食又好食😋 又可以帶狗狗來 🐶🐶一個set $88-$148有餐湯+主食+飲品 （$28 以下免費，$28 以上補差價）餐湯： 洋蔥湯呢個洋蔥湯絕對唔係Hea， 炒過洋蔥🧅好鮮甜唔會太漏😂一飲就殺菌的感覺！友人話好好飲仲飲埋我果碗！餐湯有呢個質數係surprise 主食鮮果藜麥配有機雜菜沙律配百香果醋汁$88😂意想不到一個沙律會食飽人！個哈密瓜好新鮮好甜，再有個好特別的百香果醋汁，酸酸甜甜 係好開胃又唔會得個醋既酸/ 平時果啲肥仔醬！主食班尼迪蛋巴馬火腿pancake$88呢個係我食左兩次都覺得好好食☺️ 個醬汁唔會太漏+巴馬火腿又唔會太咸+火箭菜+班㦸皮係鬆軟 意想唔到甘夾，比傳統的班尼迪多健康😋仲要好好味飲品維他命C健康水果茶$24個擺設好靚靚同好香😳 應該係一堆水果乾 好多都比茶包，呢個係有一堆水果乾😊又靚又好飲Matcha latte $19呢個拉花同個杯好靚☺️勁好飲 好香抺茶味 🍵好creamy 開心開心 滿足環境好舒服好多「公主」插畫 坐左個幾鐘hea左好耐 😆😆

難得放假梗係出去食下野輕鬆吓😍今日去到emax睇裝修，本身嘅九展已經好靜，而加更多無咩人🤣🤣🤣行下肚餓見到有間好靚嘅Cafe，好似有2邊，一邊係可以同寵物一齊入去，另一邊就係好宮廷式嘅Cafe！！好光猛舒服😍坐低見set lunch 好多選擇！！！就揀咗一個burger同一個扒餐😍order完好快手，就有餐湯送到啦！！！係薯仔湯☺️好好飲！！有少少煙肉，個味更加出呢🥳正！澳洲西冷牛扒8安士配薯菜 $148塊扒厚到呢！！！周邊有好多配菜，有心思用蒜蓉炒過，好香好好食㗎都！！！扒入面係5成熟，好香好味！不過就有啲根嘅，但厚度搭救👍🏼👍🏼性價比高！！豬肉雜菜絲竹炭麵包 配薯條🍟 $108有芝士同雜菜沙律同一塊豬係入面，不過最好食係個包，好脆，明顯係烘過！好好味！！叫咗一人一杯野飲香蕉朱古力奶昔 $24維他命C健康水果茶$24全部跟餐叫有半價好抵叫❤️我覺得香蕉朱古力奶昔無得輸！！好好飲而且唔會好稀😘照相打卡都啱哂！！

位於EMAX 一間好cozy 既餐廳! 我唔可以形容係cafe，因為佢既擺設有一種好高級既感覺，但係呢又唔會形容為高級餐廳，因為佢價錢既定位以及舒適都唔會令你有一種普通人融入唔到既感覺！今次叫左fish and fries,黑毛豬鞍扒，同埋呢到特色既crepes ！呢個fish and fries 係我口痕想食炸野而叫，唔係應該黎到咁既餐廳唔會想order 咁普通既食物…………但係呢，都好有驚喜！首先係佢個魚柳，唔會中空而好juicy!另外酥脆既薄皮加上少少檸檬汁，有一種滿而不膩既感覺！之後就到黑毛豬鞍，我未食過呢個食材，所以同朋友一試！食落去肉味香濃，未去到非常鬆軟但非常易入口唔痴牙，另外特別既位係佢配菜唔係千年不變既沙律菜，而係有露筍同芥茉等配菜同醬汁！最後不得不提到crepes,店員後上一刻有令我驚艷到，因為佢有非常多顏色上同味道上既layers,我同朋友鐘意食既肉桂蘋果最重要係熱騰騰送上，香而不死甜，呢到都做到！$68可以叫兩個都唔覺得貴！

平時星期六日九龍灣絕對可以稱得上「人山人海」，排去mega box人龍係要兜幾個轉。難得搵到間靜靜地好睇又好食既cafe假期都有lunch set ! 推介1. 班尼迪尼巴馬火腿法式班㦸$88❤️❤️❤️❤️❤️個蛋整得岩岩好同個可麗餅皮出料意料甘岩，有箭菜 啲ham唔會太鹹 恰到好處！送餐湯 （南瓜🎃忌廉湯 好creamy) +$19 green tea latte ❤️❤️❤️❤️❤️❤️好濃綠茶🍵又唔會太苦 拉花又靚2.肉桂蘋果杏仁片焦糖忌廉班㦸 （可麗餅皮）❤️❤️❤️❤️Lunch set 可加$68 單點$78呢個其實都好好食，一啲都唔甜！肉桂蘋果唔酸唔甜好中和完美的tea下午時間唔太多人 環境舒服😌

🎠🇫🇷 法式宮廷風。食物質素一般的打卡Cafe🤭📸🍴INN - I’m Not Nothing📍九龍灣展貿徑1號E-Max 國際展貿中心地下21-23號舖今日去開Metroplex睇戲，順便去試試呢間近期極具人氣的法式宮廷式Cafe，打下卡😎🎠🇫🇷📸餐廳以白色為主，門面、裝修看上去是走優雅的法式宮廷風，有大水晶吊燈⚜️、燭台🕯、法式椅🪑等但餐廳內部、餐牌卻全都是崩壞迪士尼公主及有關故事人物的畫像同圖案🤣🤣，充滿惡搞玩味創意，令人瞬間童年崩壞🤪🤪🔅 Daily soup - 薯仔湯好夠熱，湯偏濃稠，飲落幾粉、有薯🥔味👍🏻🔅 香燒焗豬肉眼配金巴車厘子醬🐷🍒豬肉眼好厚切、好腍，但應該係焗得太耐，中間乾左水，無晒肉汁，食落有少少🤏鞋🥴好彩有配個酸酸地的車厘子醬🍒，加埋好Juicy嘅甘筍、粟米、青豆🥕🌽，fresh下、中和下😌🔅 Matcha Latte (Set +$19)🍵帶抹茶🍵的甘苦味，入口好滑，仲有🤍🤍拉花但飲到最後杯底有好多未溶的抹茶粉🥴🥴🥴🔅 Homemade Tiramisu (Set +$38)🍸賣相好精緻，一層忌廉、一層手指餅，層次分明🧉可惜成個Tiramisu都無乜酒味🍸，也

幾個月前同柴柴去完郵輪碼頭野餐🧺 今次又帶佢同happy嚟九龍灣chill下 事關九展有一間pet friendly嘅歐陸風cafe 店鋪分為寵物區同普通用餐區 愛狗🐕‍🦺🐕🐩人士可以聚埋一齊玩 當日閒日2點幾去到 寵物區只得我哋一枱 包場咁款 可以盡情玩🤣有劃分寵物區 咁當然有提供簡單寵物膳食啦 柴主人都嗌咗2碟畀柴食一份餐有蔬菜、蛋同肉 索價幾十蚊 唔平不過⋯⋯想食冇咁易🤣首先要畀我哋📸📸📸睇返啲相 先深切體會到有飯不能吃嘅滋味係幾咁難受🥺Sorry啊柴😭同普通用餐區嘅宮延風裝潢相比 寵物區走溫馨木系風格唔止環境闊落 而且打卡位置處處 所以唔好意思啊柴 要你忍耐一下了🤣

平時間唔中都會去呢度因為又可以食嘢又可以放狗難得餐廳咁Pet friendly梗係要多啲嚟支持下今次中午嚟到叫咗兩個套餐分別係烤翠瓜煙燻豬腿熔岩芝士漢堡配薯條 $108同埋砵酒燴鴨胸配椰芋意大利飯 $108呢個漢堡包其實有啲特別因為平時出面個餡都會係牛扒或者雞扒但呢度嘅特色係用豬腿食落幾特別同埋因為加咗瓜嘅關係感覺上健康咗再加埋薯條同蔬菜 一定夠飽而朋友就叫咗個鴨胸鴨肉唔會太乾 亦都幾好味就算燴飯都唔會話太油膩都唔錯套餐跟嘢飲同埋湯湯係蘑菇湯龍龍嘅蘑菇味幾好朋友揀咗杯士多啤梨藍妹奶昔平時出面好少見到有呢個組合飲落去淡淡士多啤梨香 幾好最鍾意就係呢度分咗一個位置出嚟可以帶埋狗仔一齊嚟可以比狗仔認識下其他朋友亦都有個大空間跑下下次一定會再嚟

行經好多次，以為呢間inn只係歎花茶之類所以冇去，今日聽到狗吠聲及見到鎂光燈不停閃，原來隔離chill inn有汪星人party，咁就索性去呢間地球人inn坐坐。播住爵士樂，裝修係幾優雅，白色主調，比較啱啲拎個手袋仔就出街嘅靚女嚟chill，因為啲圓枱係細到咖啡室嗰款，放兜餐具、一碟主菜、一杯飲品沒多餘空間，亦冇位放背囊，凳背係圓形亦掛唔到背囊，頗尷尬。先嚟兩碗跟餐粟米🌽湯，打得好碎，有啲似食粟米粥但有奶香，好幼滑👍🏻。烤焗西西里雞扒配菠菜忌廉意大利飯整得juicy，係塊雞扒冇切件又冇俾刀我有啲大意。加拿大慢煮豬肉眼配金巴車厘子醬，塊扒足有36號腳咁長，意外地巨形！連續切咗五六塊感到吃力，初時唔知係把刀鈍定塊扒硬，但食落口塊扒又軟硬適中，邊緣稍有筋位好嚼口，個車厘子醬係幾夾塊扒，係少得滯，還好有一抹黃芥辣填補，不足處係個配菜紅蘿蔔青豆有啲過熟發黃。食埋個藍莓斑戟，兒童豎拇指話必須5星。藍莓🫐極新鮮，個cream亦討好，不油不膩，配埋杏仁片、藍莓🫐、醬、班戟一口吃滋味無窮。自助落單唔駛嘥自己數據，可連接九展emax wifi ，速度夠播片。

慢煮加拿大豬肉眼配金巴利車厘子醬 塊豬肉眼超級大，大過我塊面，超級厚，厚到嚇親。從來都未見過一間餐廳係咁樣樣，簡直係好誇張。但係佢最犀利之處，就係唔會硬/鞋口/或者咬唔開咬唔爛，依然係肉質非常好。大啖大啖肉都只係$118，呢個價錢呢個質素同portion應該冠絕全港!!嗰日好彩我胃口好，但係好努力咁，食咗好耐，都係食唔曬，食淨咗少少。 朋友食英式炸魚柳配南瓜薯餅沙律$88，都係巨無霸size，朋友話好好味喎。

近年九龍灣有唔少大型親子玩樂設施進註，小朋友放完電之後，大朋友都要食番d野補充體力，我地想搵間cafe坐一坐，一番搜索之下發現INN cafe 係E-max 都有分店，大家一致贊成😆INN cafe 係九龍灣嘅分店面積算大，因為係寵物友好餐廳，亦貼心地將餐廳分開咗兩邊。雖然餐廳唔算近地鐵站，但週末午餐時間都full house😎而且週末都有set lunch 又再加分，連餐湯同餐飲都係$88起，性價比極高香燒焗豬肉眼配金巴車厘子醬🍒 $118一嚟到就俾佢嘅份量嚇親，擺盤亦十分講究以配合番餐廳嘅綠色環境主題，豬肉眼超厚身大份，成個戰斧豬扒咁，重點係以為咁厚身要煮到全熟肉質一定會好嚡，完全唔係個回事，一切落去勁軟稔仲好juicy ，豬肉眼本身都有油脂但金巴車厘子醬嘅甜甜酸酸嘅味道就剛好平衡番油膩感👍🏻烤翠肉瓜煙燻豬腿熔岩芝士漢堡配薯條🍔$108食物擺盤完全對得住熔岩芝士漢堡哩個名，大量半溶嘅芝士鋪滿成個burger ，芝士控必食推介，翠肉瓜烤過之後仲可以保持脆身，漢堡包亦輕微煎烤過帶出麵包香飲品方面都有唔少選擇，咖啡、花茶、奶昔、特飲都有齊，我地叫咗兩杯鮮果奶昔，分別係香蕉🍌朱古力🍫同士多

星期六同朋友去咗emax行街買衫，行到攰攰地，就想搵間餐廳坐低食飯relax下。咁岩經過一間西餐廳，裝修都得幾舒服同休閒，咁我哋就入去試一試。呢間餐廳佢嘅色調係比較淡嘅，啲燈都好明亮，星期六就最啱係依啲舒服得來又有啲活力嘅地方食飯。咁呢度嘅Menu上面都好多選擇，啲價錢都唔係好貴，咁我自己就揀咗一個叫做俄國野菜牛柳絲扁意粉，依個意粉真係不得了，個汁嘅味道我從來都未食過，應該係啲椰菜味，似青椒味但係草青味又冇咁重而且個味道係豐富好多，個醬汁非常濃郁而又一D都唔膩，我仲膽粗粗咁夾咗條伴碟嘅野菜去品嚐，即刻後悔左，啲野菜應該就係攞嚟裝飾同煮個醬，如果就咁食嘅話真係個味就勁得滯啦，不過真係未試過咁嘅味道，整體來講我都好滿意係未食過嘅好味味道。我個朋友就叫咗個Crepe，講開又講我真係未食過一次好好食嘅Crepe，但呢個真係好掂，因為佢嘅配搭我覺得係非常平衡嘅，首先佢係啲蛋係半生熟狀態非常軟滑而又有蛋香味，跟住就係有火腿提供鹹鹹地嘅味道，味道更加豐富好味跟住個餅底又係少少煙煙韌韌，唔會好林而且有點火箭菜喺上面解解膩，成個味道搭配得超好味，係我食過最好食嘅Crepe。最後我同朋友都再一人點左一杯嘢