I's Land Cafe (已結業)

happy friday呢晚放工約左朋友食個飯傾下計輕鬆下，睇到有人網上介紹話呢間cafe好少女系即刻去試下。上到去的確幾靚，好田園風，同埋望住咁多花花草草食野心情都會開心d🥰呢到仲有個用花砌成既牆壁好靚，無論朋友生日定紀念日拎住個甜品係到影相非常之靚📸️因為我同朋友只有兩個人，食物唔係話叫左好多，湯同蒜蓉包set dinner會包埋👍🏻前菜我地叫左呢個水牛城雞翼，即叫即整熱辣辣，而且醬汁好入味，酸酸辣辣好開胃。呢個白酒大蜆意粉煮得好乾身，大蜆去沙亦去得好乾淨，而且隻蜆真係非常之大隻，份量亦都好多。呢個肉眼配鵝肝塊扒好大塊，肉質好嫩，叫左五成熟真係煎到岩岩好👍🏻

預約左6:30 ，去到嗰陣時未有太多人，場地好大，所以好多台都未坐人睇完餐牌，冇叫二人set,叫咗14吋肉眼扒同埋薯條仲有其他小食，甜品叫窩夫加雪糕肉眼扒叫咗五成熟，外面過分熱裏面太生，冇咩肉汁比較韌，有啲失望。至於黑松露薯條，薯條炸得好脆配黑松露醬幾好食。最後個甜品，窩夫係鬆軟嗰隻，好有蛋香味加埋雪糕更加好食，所以推薦。食完嗰陣差唔多全場坐滿晒。用餐途中員工服務態度都好好，主動幫手清潔，落單時亦都會提你甜品最後上，最緊要廁所都好乾淨。都推薦人去嘅，不過唔係食肉眼扒囉

今日book 左枱1:00，唸住聖誕節lunch 食飯，我地一坐低就點菜，點知叫左餐之後我等到1:30都未有，叫左個女仔check ，佢極無禮貌的眼神態度敷衍我，我望實佢的走向，跟本無唸過幫我Check ，亦都無覆過我情況，到1:38終於搵到另一個女同事，我話我趕住返公司，幾時先到個餐？佢即刻幫我check ，仲快步走去問廚房，之後1:45個男仔過嚟同我講，唔好意思無漏單，不過廚房要整牛扒，而家都未煮個餐，如果而家整都要15分鐘，而家可以幫你整。。。。我即刻問，點解落單個時唔同我講要等耐啲，問下我接唔接受到？或者改叫另一樣野？我係完全接受唔到一個lunch ，要等一個鐘先有得食，你估我去食法國菜嗎？

觀塘工廈有很多選擇，有時都會令人花多眼亂，都唔知食什麼好。今日經過駱駝漆大廈，見到門口的橫額“I's Land Cafe”，就試下這一間店。一進去已經嘩一聲，已經換上聖誕佈置，另外有兩個區，一個樹葉，一個是I's Land Cafe森林。點了午餐，是日餐湯是甘筍湯，湯裏面有粒粒甘筍，非常軟滑可口。餐包是芝麻包，點鮮茄汁做成的醬，特別美味。主菜是香煎鴨胸菠菜忌廉汁意大利粉，鴨胸有多片，足料，意粉非常掛汁。All Day Breakfast 這個份量頗大，沙律有藜麥更覺飽肚，炒蛋有黑松露味，多士微脆，可配果醬食。牛肉腸可口。蘆薈果園 這個用了蠟燭保持茶的溫度，裏面有薑片和蘆薈。熱鮮果茶 這個茶有很多水果，可隨自己喜歡，倒進蜜糖，微甜。

上openrice諗住睇下觀塘有咩樓上cafe好食 , 又可以靜靜地傾下計, 咁啱見到openrice彈呢間出黎, 印象中網上d人都話唔差, 於是專登走上去試下, 餐廳位置易搵既, 係駱駝漆上面, 我地上到去之後都唔洗等位就入得, 宜家時間係19:30, 竟然得勁少客, 我地已經心知不妙, 算啦, 都坐低左, 求其叫d野食啦, 叫左一個春雞, 一個豬手, 等左好耐終於有得食喇, 哇, 隻雞鞋到呢... 點食? 又咸又鞋, 又少肉, 豬手反而又完全無味, 又係好少肉之余, 啖啖肥膏肥肉, 都唔知自己食緊乜原先諗住叫野飲算, 望下隔離..... 都係放棄, 埋單走人個場已經無客, 叫埋單叫勁耐都無人理幾百蚊食垃圾, 又無服務, 你d正評點得番黎? 

再次來到觀塘工廈 想食個甜品就想起這家了👀這家店的環境/性價比不錯 而且座位坐得挻舒服去到的時候已經坐滿一半人 他們也在享用下午茶看看餐牌發現餐牌有點不同 決定了食物就等待來臨·自選沙律 HKD$78 沙律的配料可以自選挺不錯 選擇了三文魚和牛油果沙律的份量挺大份 可以兩個人共同分享性價比不錯這個組合的沙律挻健康 間中食得健康一點也很好🙈·綠茶白朱古力心太軟伴雪糕 HKD$48 這個之前食過一次已經覺得不錯 所以今次也來一份心太軟是即叫即做 送來的時候熱辣辣 切開之後看到裡面的醬汁像瀑布一樣流出來🤤 配合雪糕來食的話可以做到冰火二重奏口感 抹茶味道很突出很喜歡💕·蘆薈果園 HKD$58 裡面有蘆薈/柚子/奇異果 味道酸酸甜甜挻香的🙈這個花茶有調節新陳代謝/改善暗蒼/便秘等功效~·玫瑰Cuppchinno HKD$38Cuppcuchinnno有玫瑰味道感覺挻特別 所以來一杯因為一般的是玫瑰鮮奶咖啡 而這個的味道挻香🤤🤤

餐廳以森林作為主題，坐落都幾舒服、闊落🔸烤大西洋扇貝茄茸意大利飯 $128味道都還可以，不過我覺得個汁就酸咗少少🔹蒜蓉包同南瓜湯（跟餐）🔸招牌小食拼盤 $158有BBQ豬仔骨、水牛城雞翼、意式芝士焗啡菇、雜果沙律、醬燒魷魚串、珍寶吉列炸蝦🍤水牛城雞翼同BBQ豬仔骨隻汁，好似一樣味咁😅，其他都普普通通，反而醬燒魷魚串🦑幾好食.食物質素都還好，不過硬係覺得店員有少少想趕人走咁，見你停左手就走黎問係咪唔要啦，咁我叫左幾款，換言之來來回回都走黎問左幾次，有少少掃興囉😕，食物質素固然重要，但服務都同樣重要，所以應該唔會再黎了

好難得黎到觀塘揾野食，今次係陪朋友黎到I's Land Cafe的。一黎到門口已經睇到好多花花草草既裝飾，睇落好relax呢。I's Land Cafe舖面都幾大，而且入面有分隔，睇落可以坐到十幾廿人，如果一班朋友黎開party都係一個唔錯既選擇呢。店員安排左我坐入面既小房，裝飾有好濃厚既秋天感覺，好放鬆。食物選擇都幾多。我地都唔太餓，所以唔算點左好多野。有餐湯同包:但我地都另外點左飲品，朋友揀左個排毒既果汁，而我就係朱古力。餐前小食點左個鵝肝多士，都幾香，好彩有個多士吸油，食落都唔錯。主菜就點左燒羊架同埋一份蜆肉意粉，講真都幾大份，我地差啲食唔哂。

很久沒有到觀塘的樓上cafe，這天原本約了好友到「I's Land Cafe」開餐，可惜她臨時有事，那我只好一個人享受美好時光。I's Land Cafe於星期日有brunch menu選擇多，價錢親民，價錢由$68-$108不等，配餐湯及飲品。餐湯是羅宋湯，味道酸酸甜甜，非常醒胃，配上餐包，又多了幾分飽肚感。西蘭西冷扒配薯條、烤菜、燒汁賣相不錯，牛扒大大塊，下層放滿口感香脆的薯條，牛扒口感嫩滑，一點都不老，牛肉味濃郁，肉汁豐富，配上燒汁非常惹味。而旁邊就是色彩繽紛的蔬菜，內裏更放了點水果粒粒，感覺非常健康。飲品升級了為Flat White，咖啡上有美美拉花，口感細緻，奶香味重，咖啡味醇厚，喝後令人非常滿足。I's Land Cafe觀塘開源道62號駱駝漆大廈1座6樓A舖

睇個評分咁高，諗住試下，應該唔會伏！朋友同我一陣叫咗個牛扒餐，已經好穩陣叫咗五成熟，之後再加錢叫咗個明太子雞翼，尼到個樣（牛扒）差之餘，食落冇牛味，好難食，難食到唔記得影相！

我們大約下午2點半到I’s Land Café, 都座無虛席。Bruch時段有set,也可以散叫。我們散叫如下:招牌小食拼盤$138因為見小食拼盤有好多款小食都好想食,所以叫了這個小食拼盤,可以滿足口福。這個招牌小食拼盤有意式芝士焗大啡菇,BBQ豬仔骨,珍寶吉列炸蝦,水牛城雞翼,醬燒魷魚串和雜果沙律。每種小食都有特色。珍寶吉列炸蝦炸至金黃色,好吸引。食時脆口,不會厚粉來炸。內裡的蝦肉彈牙。醬燒魷魚串也好吃, 我們不禁吃得滋味。香脆美式粗薯條配黑松露汁$38粗薯條香脆, 最正的是配上黑松露汁, 已吸引到黑松露粉絲的我。朱古力心太軟配一乳酪雪糕$48朱古力心太軟賣相一般般, 因為爆開了。不過味道挽回分數。熱騰騰的朱古力心太軟好美味。配上這個乳酪雪糕有90分。I’s land cafe係觀塘來說，都是食飯不錯的選擇。

今日放假去左觀塘食個brunch。番左一個星期工，難得有一日假，當然要搵間餐廳舒舒服服嘆個brunch啦！我去左觀塘工廈I’d land cafe食飯。我好鐘意餐廳綠草如茵既環境，充滿greenland味道，入到去好有野餐feel。假日有brunch menu，我叫左香煎海鱸魚套餐。餐湯是蘑菇忌廉湯，菌味好濃厚，入口好creamy。魚柳外層好香脆，中間魚肉滑溜，無咩雪藏味。另外配上紫薯蓉，香甜紫薯味道好甜美。

這間I’s Land café 環境夠大，座位闊落舒適，餐廳以森林作主題，所以周圍都佈滿綠色植物，仲有塊花花牆，聖誕節就到，餐廳的門口已佈置得很有節日氣氛。晚餐除了可以散叫之外，另有二人套餐及多款晚餐供應。我們就點了二款晚餐，晚餐已包餐湯，蒜蓉多士及餐飲。餐湯配上蒜蓉多士，如果多士可以多點蒜蓉及烘耐一點會更好味。主菜點了酥炸大虎蝦配茄蓉扁意粉，鍾意食意粉比較淋身的朋友會覺得這個扁意粉煮得比較硬，但對我來說就剛好，每條意粉都沾滿蕃茄醬，調味不錯，配上露筍，菇菌及白蝦，顏色配撘不錯，仲有一隻有手掌長的大虎蝦。另外點了一份香酥堅果羊架，賣相精美，三大件厚身羊架，羊羶味不重，配上堅果碎多了一份口感，略厭羊架比較熟了一些。另有薯條及煎矮瓜作配菜。最後配上餐飲。這間I’s land café 地方大，還可以設有包場服務。

今日又再嚟I‘s Land Cafe啦。之前吃過幾次，覺得食物質素都不錯，所以今天就帶好耐冇見的朋友來吃。我們點了一份二人餐，這餐包每人一份餐湯，蒜蓉包，飲品和甜品。可以揀一份餐前小食，一份主菜和一個意大利粉或意大利飯。$398這個價錢有這麼多食物都算抵呀。多士香脆可口。餐湯是南瓜湯，濃稠度適中。有淡淡的南瓜蓉，很讚呢。小食方面我們選了水牛城雞翼，雞翼炸過後，皮脆肉嫩。外層沾滿酸辣醬汁，挺醒胃呢。主角上場了，係烤豬手，豬手大大隻，外皮烤得香脆而帶點煙韌，肉質嫩滑。有黑椒汁，燒汁，蜜糖芥末醬，蘸上醬汁格外滋味。伴菜嘅紫薯泥亦絕不遜色，清甜好味😋幾經辛苦切開三大件🤭黑松露意大利飯夠creamy，散發陣陣黑松露香氣，蘆筍烤得爽脆，還有全素煙燻芝士，食素的話這個啱晒。今次嘅甜品係 cream brulee,為這餐飯劃上完美句號。最愛就是面頭的焦糖脆脆,燉蛋軟滑，而且沒有太甜，很適合我。我們都吃到很飽，非常滿足！

因為有事要到觀塘區一轉，便相約了友人們一起去觀塘聚餐，大家對晚餐都沒有太大意見，便隨意選了一間餐廳，想不到還有意外的驚喜！晚上七時左右，甫到餐廳，已經坐滿晒人，大概等了10分鐘左右才有四人位置。可以見到餐廳的佈置還挺有心思的，適合拍照打卡。打開餐牌，有前菜、主菜、甜品、飲品還有不少小食選擇。❣️小食拼盤份量挺多的，足夠三至四人分享，豬肋條煮得很嫩，肉味濃郁，輕鬆地便可以骨肉分離。其他小食也很對我們的味道，有魷魚、沙律、炸蝦等等。味道10分好！❣️白松露忌廉帶子手工扭繩粉第一次試呢一種意粉，感覺比普通意粉更為煙韌有口感，很特別的嘗試。白松露香味很濃郁，帶子亦很鮮甜大隻，有三隻大大隻嘅帶子，份量很足！❣️蜜糖香草燒春雞最令人驚喜嘅係呢隻燒春雞！雖然係春雞size比較細，但係皮脆肉嫩，連雞胸肉都係嫩口嘅，一刀切落去都別哂d肉汁！配埋沙律菜、紫薯球（好香紫薯味）同埋蜜糖與燒汁醬，值得一讚！❣️焦糖燉蛋最後來返個甜品結尾，蛋味濃郁，配上面頭脆脆的焦糖，好好味很不錯的一間餐廳，值得推薦，若果與多些朋友來，便可以在多嘗試其他菜式！