I's Land Cafe (已結業)

好難得黎到觀塘揾野食，今次係陪朋友黎到I's Land Cafe的。一黎到門口已經睇到好多花花草草既裝飾，睇落好relax呢。I's Land Cafe舖面都幾大，而且入面有分隔，睇落可以坐到十幾廿人，如果一班朋友黎開party都係一個唔錯既選擇呢。店員安排左我坐入面既小房，裝飾有好濃厚既秋天感覺，好放鬆。食物選擇都幾多。我地都唔太餓，所以唔算點左好多野。有餐湯同包:但我地都另外點左飲品，朋友揀左個排毒既果汁，而我就係朱古力。餐前小食點左個鵝肝多士，都幾香，好彩有個多士吸油，食落都唔錯。主菜就點左燒羊架同埋一份蜆肉意粉，講真都幾大份，我地差啲食唔哂。