ISABELLE (已搬遷) 新店位置

兒童節當日除了大量蛋糕、更大量雪糕、超靚復活蛋及macarons各一打，還有太公帶來的芝士條禮盒，真豐富!! 　可恨是甜點上檯時間太快，大家又太心急，我稍為整頓、放下數百萬身家(註1)趕到之際，芝士條已經以極速消失中；盡快拍了一張照片後，當然快快投入戰圈啦：　士多啤梨芝士條-芝士條擁有香滑動人的芝味，味道相當令人驚艷；而士多啤梨是多款中口味最清新，口感也是最軟滑，很喜歡!　　朱古力芝士條-朱古力味不算太濃，其存在卻能襯托+豐富原有濃郁的芝士味，也是好吃的推介。　原味芝士條-由此可品嚐最純粹的芝士味，真的很欣賞其香軟微濕、同時又濃郁實在的滋味呢!　綠茶芝士條-綠茶味不算濃，重點仍是在於芝士味；但為配合綠茶口味，芝士味也稍經調整，是多款中口味最淡的。　　雲石芝士條-此芝士條是多款口味中最濃重的一味，質感亦最為實在，喜歡吃芝士飯的食友對此喜歡到不得了，它也是我頭號心水之一!　一如早前的75度、bb朱古力紅莓慕絲蛋糕，結果這盒美味芝士條又是3數分鐘清光，效率是不變的驚人!而我要到吃完才後知後覺，得知它原來系出Isabelle；之前品嚐過此店不同的餅食、糕點，感覺只是一般，估不到芝士條卻有如此高

25/2(四)首嚐了此家出品的什錦禮盒;乃是人家的回禮.一盒七款選擇:阿薩姆茶曲奇,朱古力椰絲曲奇,南瓜曲奇,焦糖杏仁船;杏仁酥,朱古力榛果及朱古力乳酪.以焦糖杏仁船味道最為誘人;焦糖杏仁碎脆口杏味濃;而曲奇們鬆脆度可再下一城;至於朱古力,非我所好,未能置評.

某日發現屋企有盒ISABELLE的曲奇,但打開都已經比人食左d啦~我更係都試下啦~之前都見有些日式超市都有得買(可能新年)...這款曲奇叫Romaine羅馬妮...有阿薩姆茶曲奇,椰絲朱古力曲奇,黃金南瓜曲奇,焦糖杏仁船,朱古力乳酪,朱古力棒果,總共有14件呀~~我試了幾款,不錯呀~曲奇很鬆化....牛油味唔重,啱晒keep fit女仔口味~阿薩姆茶曲奇:雖然唔知係咩茶,但食落口好香花茶味,又唔苦...椰絲朱古力曲奇:好食呀~最似平時食到的口味,椰絲朱古力鋪滿曲奇上黃金南瓜曲奇:都係好正,好小食到呢d味道....而且無咩南瓜味,只係曲奇似南瓜的顏色焦糖杏仁船:長方形,細塊及脆,唔會太甜~包裝靚...試了幾款味道都很好~不過太小....所以好快就食晒,可能唔會太多牛油做,食完都唔覺滯...

這間舖係朗記底層都開了好一段時間,一直以來給我的印象係貴價的粉紅色曲奇舖(因為此店主打粉紅色); 不過我從來都未試過Isabelle的產品.同事有日係tea time忽然送來一件Isabelle的cheesecake...首先講講外型,迷你size的cheesecake包裝都幾精緻,細細件感覺討好. 尢其女仕們應該唔會覺得'漏'; 至於男仕們,例如本人,就覺得迷你size可以食多幾件,試多幾隻味... 哈哈...食落cheesecake都夠滑,有芝士香之餘味道適中. 分派cheesecake之時我唔知乜味,食落有點似益力多或乳酪的味道; 食完講番起,先知原來我件係芒果味???!!! 嘩,完全食唔到芒果味囉; 究竟係我問題定件蛋糕問題?再問埋價錢,廿蚊一件... 都知係貴,值唔值就見仁見智.

朋友送左個價值$138的禮盒,好似叫PASSION,裡面有唔同款餅乾:Breakfast Tea最好味,係圓形的,好似曲奇,有少少茶味,好清,幾香架!Expresso好厚,好重咖啡味,我覺得唔好味!有一款唔錯,件餅好薄,面頭鋪一層薄朱古力,仲有一粒粒好似果仁既野,增加咬口,因為我鍾意朱古力,所以偏愛呢款!橙味係花形曲奇,一般啦!芒果味果隻係好似白之戀人咁,兩片薄薄長方形餅乾夾住芒果味夾心,個餅夠薄夠脆口,夾心又香又唔太甜,都係值得一試之作!,另一款呍呢拿同芒果差不多,只係味道唔同左,我覺得芒果較佳!唔記得有無其他款咯!大致上係咁啦!整體黎講,我覺得唔錯,同埋又唔算貴喎!個拿仲好靚添!

喜愛Isabelle的餅食鬆化香口而不油膩, 最喜歡烏龍茶曲奇, 愛其茶味濃郁不太甜,杏仁船亦是另一推薦, 甜甜的密糖杏仁片舖在威化上, 口感一流!(雖然一向不喜威化, 但實在想不出有什麼可在這款餅餅中代替它的位置)買左都超過一個月, 價錢早己忘掉(我想around200吧), 食到一半(有2層)至醒起要影相~

農曆新年第一份禮物通常是由寶貝豬媽給我的,今年也不例外!! 由於我們同樣喜歡台灣芝士條,當我們都試過這裡的芝士條跟我們所喜歡的味道也很相像,可愛豬媽已一早說今年要送我一盒,太破費了吧!!原味芝士條仍舊芝士味濃烈及質感帶硬,在香港吃過的芝士餅來說最為接近我們喜歡那種味道和質感,只是餅底還是帶軟,比不上我們喜愛的脆身,這是唯一憾事!!藍莓芝士條的確有不少藍莓在內,藍莓味道很強,跟平時用藍莓醬的味道不同,這款是較清新沒那麼甜膩,甜度也剛好,以藍莓芝士餅來說味道不俗!紅莓味道同樣強烈,感覺也像藍莓芝士餅般,只是個人比較喜歡藍莓那種味道,這款紅莓對我來說有點普通。咖啡芝士條是原味之外另一個必選味道,咖啡香得像有杯咖啡在面前,十分討好!!面層的合桃雪了數天仍然保持鬆脆也沒苦味,好吃!! 不知道是否用料太足關係,以前的台灣芝士條可以一個人消滅它,這裡的一定要跟人分享才成,也許月巴人的食力真的減低了啦!!! 在此再次謝謝豬媽的心意 ^3^

平時行過已經覺得呢一間d禮盒好正的了~但真係貴而且又冇食過佢的東西~唔會用2百蚊買一盒咁冒險新年就唔同啦~反正到到d禮盒都係差唔多~但又唔及呢間的包裝正~所以最後喺咁多間當中~揀左呢一盒新年~~$168 ~都唔係話真係太貴~而且好似好多款式~同埋佢係大盒當中最平的一盒了~哈哈~拜年之後~當然要叫主人家開埋一齊食啦~中間一粒的~以為係糖~點似係提子酥~好似鳳凰酥咁~不錯~而且呢一間~喺台灣有唔少店的~算係不錯的餅店佢咁多款~獨立包裝紙上寫的....居然係法文.......真係鬼識睇咩...最後只係憑外表決定食那一件~~~曲奇餅唔油~ok的~但唔夠香~蛋糕很香~很軟~不錯~其他的~要留返俾主人家試了~~~~