Italian Tomato Café (置富第一城)

營業中

休息中

今晚同家人一行三人到該店用膳，時間為21:13。當時店內店外都無客人，我就向一位正在埋數的男職員詢問，問是否仍可以入內用餐，佢就講我地收10點算了，對眼全程望住枱面的錢。我一家人入了坐後，係無一位職員理會我地，最大原因可能係我阻住佢地收工。點完餐後，㕑房師傅從外面返回來，好快就出齊所有食物，時間為21:28，㕑房師傅換好衫出到舖面打卡收工，時間為21:30。最後我埋單走時，該位男職員仍在埋數，時間為21:42。到離開座位行出店舖時男職員一句多謝哂或拜拜都無，佢工作十分認真，無理會過客人的舉動，這些服務態度只此一家才體驗到，如你想感受一下比人無視的感覺，就揾日去幫襯下這分店啦。返到屋企回想了一會，最錯都係我一心想幫襯這品牌，兼阻住人地收工，食物都算一般。

吉列魚柳意粉香辣味濃，條條麵都好彈牙，雖然無咩汁掛起身，但一啲都唔乾，因為蒜油令到條條麵都好分明又入味。份量唔算多，但反而啱啱好，keep住八成飽，唔會食到好濟。Salami Pizza 份量就一啲都唔姑寒，以一個lunch set來講，完全係好似兩個人嘅份量。Pizza薄身，係脆片口感，不過一啲都唔乾，上面Salami嘅油浸入pizza底度，而且好多芝士拉絲，真係好抵食。另外就係因為正餐份量啱啱好，所以有肚食埋蛋糕，焦糖香蕉蛋糕無咩焦糖味，不過好多香蕉，而且係oreo餅底，所以點都好食架喇！不過餅底好硬，硬到吉唔開，餐廳要諗諗計喇！題外話呢度服務真係無得彈，個個人都好有禮貌，完全加晒分！

由於喜愛吃cream cheese, 見竟然有cream cheese 的西多，立即叫來吃！餐牌上的照片很吸引，雖然心知照片不可盡相，但見佢用post 這款下午茶的照片在menu, 理論上應該是主打菜之一，心諗應該差極有限。就是給這張照片吸引了！叫了藍莓忌廉芝士釀西多士下午茶餐$48，另加$10轉凍朱古力，加一後$63.8。所有侍應都很有禮貌，由招呼入座到上菜都非常有禮，要讚！凍朱古力：ok, 不過不失。藍莓忌廉芝士釀西多士：超級失望，賣相不美，雖然質感ok, 但完全只有白麵包味，真的是吃緊有少少鹽味的白麵包的感覺。只有少少藍莓，個西多士面只有一邊有極薄的cream cheese, 完全吃不出有cream cheese 味。最後都冇食晒，不想吃。和menu 真的相差甚遠。好後悔，用這個價錢去快餐連鎖店或茶餐廳可能會好吃些。

食物質素很一般⋯⋯第一次生氣到非在這裡打評語不可！!食物一般但服務很差！⋯有一名中年服務員完全不帶笑容！結帳時付上了信用卡但她弄掉了我的信用卡到最後不肯承認還說是我沒有給她信用卡！請問我不給她信用卡她又怎會離開準備結帳？最後弄了一輸她在餐桌附近找回！這時還不肯承認是她弄掉的！還黑口黑臉的！難道我得閒沒事做要冤枉她嗎？？如果最後她沒有找回，我還要打去銀行搞一輪！!！奉勸大家不想受氣就不要光顧這裡！⋯

一直以為這個品牌的蛋糕是很出名很好吃的，所以前晚特意在這店買了個蛋糕慶祝生日。小小的一個抹茶紅豆蛋糕，比手掌還小，承惠150大元。回家切開來吃，抹茶忌廉是硬的，一點也不幼滑；蛋糕是乾身的，一點也不軟熟，感覺就像隔過夜、被雪櫃抽乾了水份一樣，整個蛋糕也透出一陣雪味。早知如此，去美X、聖X娜買個普通蛋糕冇咁嬲。

🍰🍰🍰食著甜品過新年...Italian tomato 既芝士蛋糕（$36）🧀🍰面層鋪滿芝士碎，芝士控睇見必💓心動呀！細滑既海綿蛋糕夾雜左朱固力脆粒，咬落非常有口感，同時亦食到朱古力的香甜味！🍫蛋糕糕身鬆軟，好軟滑，口感非常正！💯💯💯另一款鮮果千層夾心餅（$36）層次非常豐富，食落好牛油香酥皮味唷！😋值得一提既係面層用左吉士代替忌廉，更加好味，而且好似冇忌廉咁包膩唷！😝👍🏻

餐湯係羅宋湯，水汪汪～蒜香欖油巴拿馬火腿意粉，無蒜味，火腿只有一片，仲有罐頭蘑菇片同辣椒乾。雙層芝士漢堡扒配飯跟蒜茸燒汁，個漢堡扒應該係雞肉黎，又乾又硬，唔係幾好食。凍檸茶，茶味OK調味料器皿有明顯污跡，店員應該清潔一下先拎比客人。午餐餐牌跟餐飲品，加錢可配特飲

當日小朋友👧🏻衣衫比較薄，入坐前有位灰色衫的女🙎🏻員工就安排我地坐冇咁大冷氣❄️的位置，另外因為好多食品🎂🍜🍸🍹都想試，員工亦提供咗好多意見俾我地點餐 , 食緊的時候有跟進返d 單到齊未，食品質素亦一流，意粉同蛋糕亦非常好味，令我同朋友都可以試到好岩口味的食物👍🏻👍🏻👍🏻👍🏻👍🏻，雖然要$68 個意粉但可以加 $29 配蛋糕，算抵食👍🏻

尋日(6-7-2016 Wed) 去醫院接受治療,呢日只有大嫂陪我,我o地行o黎第一城至諗食咩o野,我其實唔係好肚餓,因尋日朝已經食o左好多o野,所以我唔食都得,但大嫂係早餐都未食,於是搵間又可輕食又可食多啲o既o黎食.我o地求祈食呢間,大嫂要$74.00o既露筍忌廉豬扒飯,我要$76.00o既四色芝士薄餅,分別飲凍檸茶同凍檸水.等o左一段時間,兩個餐湯到o黎,黃色o既,係忌廉湯,忌廉湯滑,內裡料唔多,有啲洋蔥碎,鹹淡適中.又一段時間,露筍忌廉豬扒飯,有兩件豬扒,唔睇返menu都唔知有露筍,佢又少又切到好似蔥花咁,真孤寒.大嫂將所有豬扒切件,我就黐啲o黎食,豬扒內裡係粉紅色,煎得唔過火,肉質好腍,忌廉汁稠杰度同鹹淡適中,正常.之後四色芝士薄餅到o黎,附上一兜唔知咩,原來係糖漿,攪咩?都唔夾.肉眼睇到只有三種芝士,薄餅薄薄一件,食落,都脆脆地,唔會過鹹,o岩o岩好.檸茶同凍檸水都冇問題啦.環境:尚算舒適,唯獨風閘太大風,有啲唔舒服.服務:一般,只識收碟唔識斟水.有學生o係商場o個邊食完走o黎埋單,個經理問佢邊張枱,學生答到枱號.我想讚個學生,呢啲唔係客人o既職責.我埋單時只至住邊張枱,叫

點解難食咗咁多～～～我記得italian tomato，以前都幾好食，雖然不嬲都知佢啲蛋糕得過樣，係唔好食，不過意粉都算過得去。不過家下佢哋啲意粉同pizza都係過唔去。個pizza，薄皮但係唔脆，four cheese pizza，但係啲芝士少得可憐，連茄醬都少，根本只係將罐頭茄醬搽落去，香草味少少都無，都唔好講會有咩意大利風味。個個打晒星星嘅和牛闊麵，個個醬淨係得酸得滯嘅番茄味，真係唔該廚師可唔可以試試味先呢？係咁意加少少糖都得掛

是日係星期日，係沙田住既我繼續周圍搵好野食，其實呢間位於沙田第一城既Italian Tomato Café都開左大約年半，但係就都從未試過，所以就打算黎呢到一試啦。餐廳座位有分係舖入面同埋出面既open area，夾埋大約有70個座位左右，今日我地11點半就黎到，所以可以揀位坐。3個人合共叫了3個午餐set 分享吃，午餐set會有主菜+餐湯+飲品，加$10-$18可以轉特飲，而加$29可配蛋糕。價錢由$55 至$82 不等。餐湯: 是日餐湯係蕃茄湯，酸酸甜甜咁，蕃茄味好濃，幾好味，不過如果可以配埋麵包，咁就更加好啦。忌廉菠菜煙三文魚意粉: 賣相不錯，煙三文魚鹹味稍重，但係材料好夠，又唔會腥，切碎後，加入白汁同菠菜一齊炒，令到個意粉都好入味同creamy。蒜香欖油巴拿馬火腿意粉: 雖然餐牌話呢個意粉係辣既，但係我一D辣味都食唔到，反而覺得蒜香味較重，巴拿馬火腿偏鹹，炒起上黎令意粉既鹹度剛剛好。夏威夷薄餅: 薄餅邊位夠薄夠脆，但係可惜材料太少，Size上真係細左少少，有改進空間。咖啡: 味道非常濃郁，有細滑既口感。

星期六，雨濛濛，晏咗起身又去咗第一城搵食。睇咗幾間，一係成日食，一係連入去嘅衝動都無，最後又去返食堂之一嘅Italian Tomato。依間第一次去，Italian Tomato嘅特色係，平、質素OK、同埋份量少。依間當然按照傳統。而佢依亦按照第一城嘅傳統，舖入面有位，舖出面嘅open area又有位，夾埋大約有70個座位左右，當日我哋11點半就到，所以大把位任揀。依盞燈幾靚所以影低咗。糖（糖都影。。。）焗肉醬千層麵（$54）睇過午餐餐牌之後，都無咩啱食，就散叫咗個「喇沙里亞」。牛肉碎配茄汁焗，上面舖上一點點芝士，味道香濃但有少少偏咸，尚可按受，而闊麵香滑，好食。不過，又係嗰個傳統問題，佢個份量我食兩個都唔夠飽。午餐：白汁豬扒飯連餐湯餐飲（$76）餐湯係蕃茄湯，唔好味，好罐頭，完。到個飯，仲出事。可能由於剛開舖無耐嘅關係，依個飯等咗好耐都未有。唔緊要，橫掂早咪等下囉。終於到咗，一試個飯加啲白汁。E......咩事，無味嘅，再試，頂，真係無味，個白汁原全無落調味，乜去Italian Tomato都咁健康呀。即刻同經理講，佢嗱嗱淋入去同廚師講，由頭再煮過個白汁，因為太肚餓，去咗隔籬超群買咗

見佢新開張 所以就去試下lunch等位都等左好耐起碼要一個鐘或以上忌廉煙三文魚蘑菇焗飯賣相不錯 味道都還可以的有很重的芝士味 正但稍嫌較咸香煎魚柳黑松露忌廉意粉魚柳煎得幾香 意粉的質感不錯整體都算okay的香蒜欖油海鮮墨魚汁意粉其實一看到並不吸引不是想像中的墨魚汁意粉佢係煮到乾哂個款 意粉的質感不錯如果佢煮到比較多汁個款會好d巴馬火腿pizza焗得幾香幾好味巴馬火腿都算幾多味道都舁濃厚的 good可以一試田螺薯蓉真係好好味啊好香蒜蓉味 田螺又大大粒正啊!!鮮奶綠茶超級難飲 好啖好似水的味道加左糖都係唔得真係唔掂!!另外 上菜的速度真係好唔得order左杯野飲勁耐都唔黎仲有餐湯 order左都唔黎擺明就唔記得 催左幾次先黎=.=最後個人比較喜歡cake多過餐廳的食物