影片
營業時間
今日營業
09:00 - 22:00
星期一至五
11:00 - 22:00
星期六至日
09:00 - 22:00
公眾假期
09:00 - 22:00
*截單時間：19:30
以上資料只供參考, 請與餐廳確認詳情
買咗件藍莓芝士撻，見到已經覺得好似縮左水。我無特登望清楚就食 食左差不多半件先發現啲藍莓發晒霉，crazy! 啲cream 又乾又硬，好明顯擺咗唔知幾多日咁。嚇到我即刻掉咗去。但係太遲之後已經開始搞肚痛！點都要寫返個食評！好心賣唔出都要檢查下啲食物品質 真係食死人架！員工做野唔細心 打返去投訴態度冷淡 淨係話要收返件cake 換返件比我 我點夠膽再食呀！發霉咁都照放出黎賣！ 一件幾十蚊嘅蛋糕又唔係平，仲要咁差！以後都唔會再幫襯。
繼續閱讀
是日元旦，嚟咗新港城中心食晚飯。見呢間有個有蛋糕又幾抵食嘅四人餐，之前食過佢嘅一人餐都ok，今次就試吓個四人餐。四人餐有一份沙律、兩份小食、一份意粉/燴飯、一份薄餅、一份主食，每人另有一餐湯、飲品同蛋糕🍰餐湯—忌廉湯喺Apps落單見佢有忌廉湯同雜菜湯揀，但今日只有忌廉湯提供。湯唔算好好飲，但好似比我上次嚟食一人餐個陣好味咗。餐飲—熱奶茶套餐飲品包冷熱紅茶、奶茶、咖啡、檸檬茶、檸檬水或汽水。我叫咗熱奶茶，味道一般。沙律—煙三文魚凱撒沙律沙律有兩個選擇，煙三文魚凱撒沙律或意式風乾火腿田園沙律。今次試咗煙三文魚，份量唔算多，味道都ok嘅小食—香脆雞翼，意式番茄肉丸套餐包兩個小食，香脆雞翼同意式番茄肉丸。呢兩個小食味道都唔錯👍🏻意粉/意式燴飯—火腿黑松露忌廉意式燴飯套餐有兩款意粉—芝士卡邦尼意粉、漁夫海鮮意粉，兩款意式燴飯—火腿黑松露忌廉意式燴飯、日本南瓜海鮮忌廉意式燴飯可供四選一。今次試咗火腿黑松露忌廉意式燴飯，賣相一般，味道就幾好。黑松露配意式燴飯一直都係絕配，呢度都唔例外。薄餅—四色芝士薄餅套餐薄餅有兩個選擇—廚師精選薄餅同四色芝士薄餅。今次試咗四色芝士薄餅，味道幾好👍🏻仲有個蜜糖醬，鍾意食甜嘢嘅不妨一試主食—德國炸豬手四人套餐有三個主菜選擇，套餐嘅價錢亦都取決於主菜嘅選擇。有德國炸豬手($480)、安格斯西冷牛扒($660)、秘製醬燒豬仔骨($680)。今次試咗豬手，好好味😋皮夠脆、肉入味、份量都幾多，推介👍🏻甜品—自選蛋糕甜品每人可自選一件件裝蛋糕，款式視乎餐廳當日櫥櫃有咩款提供，櫃入面嘅都可選。餐廳環境方面，四人枱食四人餐就有啲逼，一落單啲嘢食就上哂嚟，枱面都唔夠地方放。呢點好影響用餐體驗，建議改善吓。價錢方面，豬手四人餐$480，加一後人均$132，性價比頗高。
繼續閱讀