Itamama (形點 II)

營業中

休息中

今晚同家人想食西餐，外賣平台揾到位於Yoho的Itamama。家人叫咗烤西班牙豬鞍扒配烤野菜及薯條，跟湯。豬鞍扒肉質唔會韌，味道亦OK，而且扒的份量都算大。烤野菜的翠玉瓜及蕃茄都好味。跟湯就一般。我就叫咗煙肉卡邦尼扁意粉。相對於我食過咁多唔同餐廳的卡邦尼，Itamama的卡邦尼扁意粉無咁香，可能同配料有關。扁意粉的厚度適中，煙肉的份量亦唔會太少。因擔心無菜，所以另外叫咗黑蒜炒椰菜花無米飯。呢度菜式好香，食落惹味，椰菜花粒平時好少食，有啲驚喜。整體職員的服務一般，其中一位女職員都算主動，見我企喺外面就主動提供協助。

放工唔知食咩好就又去多次itamama試吓其他野叫左個龍蝦茄汁焗豬扒珍珠飯不過不失啦，味道有啲似一x 焗豬扒飯，豬扒好夠淋然後又叫左個星期二精選BBQ 醬汁炸豬肋骨配薯菜，薯條好似食，但個豬肋骨有啲似辣叉燒，肉好乾，啲蔬菜無乜味都幾難食飲品唔講了，無咩特別

放工成家人出街食，見佢個晚餐都幾抵食咁，就嘟左兩個餐呢款係黑松露帶子野菌忌廉意大利飯，就咁睇賣相好似麻麻地，原本以為得一粒帶子，但食食下發現原來有兩粒係堆飯入面😅，不過意大利飯軟硬適中，整體黎講味道唔錯第二款係白汁軟芝士煙鴨胸意大利飯，鴨胸切到好厚同好淋，不過個飯個汁就偏多，食落好快看得好漏，但配鴨胸食就岩岩好連餐跟左碗磨菇湯，小朋友飲得好開心😁同叫左杯凍朱古力，杯凍朱古力好濃好好味😋整體來講食物唔錯👍

1.炸薯條真係好好食，啲皮金黃酥脆，啲裡面綿軟好軟，每一口都有香氣，味道好好。反而，千層麵有啲令人失望。啲醬汁唔夠濃郁，令整個菜式單調無味，仲有啲麵層太硬太厚，咬落去有啲困難。千層麵需要改進。個白汁磨菇湯好好飲，食完仲好有飽足感。2.牛柳粒好淋，好好味。啲汁熬到出曬味。肉汁豐富，味道豐富。但有啲肉質唔太夠軟煮成嘅程度。總括黎講，味道唔錯，值得一試。店舖位置比較偏僻，不過餐廳環境寧靜，同朋友一齊食幾好傾計

#20230124 🤍📍 Itamama @itamama_hongkong 元朗元龍街9號形點2期2樓A201-A202號舖 🍽️將軍澳｜荃灣｜樂富｜何文田｜北角均有分店——————————————————————————————#意大利蕃茄牛肉濃湯通粉 $40#加 #特色牛角酥 +$9💭 蕃茄湯應該無落金寶湯，稀到似溝水🙈幾粒蕃茄仔明顯係後加上去🍅牛肉ok既🐄英文menu寫beef and macaroni in Italian tomato egg soup🥚又真係有少少炒蛋🤏🏼懷疑太少無寫落中文menu驚比人鬧😂牛角包幾大個，對得起要加錢既🥐.#套餐 #配 #熱檸茶💭 茶記檸檬茶無檸檬🐷真係第一次試，嚇到相都無影😅之前都聽聞依家好多餐廳開始轉用沖劑檸汁，今次終於品嘗到元素表既味道，陣苦澀味擺明唔係檸檬味🍋同埋無左天然既香味好難飲😣總括尼講收呢個價係勁唔抵，無下次！.#元朗美食 #將軍澳美食 #荃灣美食 #樂富美食 #何文田美食 #北角美食 #🐷_食

Yoho遇到呢間餐廳，冇乜人，裝修舒適，就入去試下。全程手機點餐好方便，點咗個黑椒肉眼扒，肉眼扒幾嫩口，肉質唔會醃到霉晒同死咸。薯條炸到超香好好咪。忌廉湯好足料，口中磨菇碎。煙三文魚沙律ok好味，煙三文魚唔太咸，幾香口。

今日食評✍🏻 Itamama@yoho mall試食指數⭐⭐⭐⭐⭐店舖衛生⭐⭐⭐侍應態度⭐⭐⭐⭐((每項5⭐️為滿分)) ·唔洗多講好好味😋性價比高的餐廳🍴午餐時段點了1️⃣松露醬薯條🍟薯條炸得香脆熱松露醬稍嫌唔味2️⃣炸魚蛋包飯🍛炸魚薄咗少少飯唔夠熱蛋醬同汁係好味嘅炸魚上的炸洋蔥條十分驚喜👍🏻賣相都幾好3️⃣松露卡邦尼意粉🍝份量少咗啲但味道好好👍🏻食晒都唔覺「漏」4️⃣熱情果特飲🍹有小插曲飲品俾錯隔離枱換嘅時候伙記態度友善讚👍🏻飲品少甜都好甜🫣5️⃣熱檸茶☕️有驚喜唔係求其兩片檸檬加滾水·二人165誠意推介俾大家·599.Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

早餐水準冇舊時咁好。凍咖啡小甜後，味酸又苦，像用X巢咖啡粉開的味道！早餐原本有多士配，現在要另比錢才有。雞扒意粉啲雞扒原本有兩三條，每條有手指公粗，現在變半截手指尾。明白現在經營成本上升，但都實在cut cost cut得有些過份！每天7:00am營業，7:00am後可電話落order自取，但試過幾次冇人接聽（7:05am打到7:10am冇人接，算啦。但有一次7:10am堂食，電話狂響都唔接！當時餐廳內得兩三個客，有個侍應叫另一個接電話，另一個大聲講唔得閒！這樣我就明白了為何突然早上冇得電話落單自取！

之前行過見到早餐餐牌好吸引，呢日就嚟試下啦✔️有港式早餐，沙爹牛麵腿通都有，做人最緊要有選擇✔️有得加錢要牛角酥，唔係只有多士，做人最緊要有選擇✔️有蕃茄濃湯系列，港式早餐之外帶點變化，做人最緊要有選擇✔️有panini 有 bagel，啱晒我呢啲喜歡cafe類嘅人，做人最緊要有選擇✔️panini bagel有埋餡料，都只係三四十蚊，仲包埋咖啡，超抵✔️加錢仲可以飲latte mocha cappuccino，做人最緊要有選擇

雖然鑄鐵鍋切勿裝住啲嘢食，但啲嘢食唔係熱只係暖暖地既。啲飯又硬。唔知係咪因為我八點先去到，雖然餐廳坐滿晒人，我8:20先有野食，啲人嘢食相上到黎又唔係熱既，好失望。似係佢嗰啲外賣整定既餐盒食求其返熱就俾我食囉。8點啫，就趕收工。我之前試過一次，又係8:00，嗰次可能因為疫情，無咩人食，又係趕收工，係咁催我比左錢先，我一個人黎，食到一半，你係想叫我含住啖飯拎埋手袋去比錢先咩。想安安樂樂食餐都唔得😔本來想去太興，佢執至過黎，點知又一次中伏。

今早諗住去撘西鐡，突然比我在元朗西鐡站上面商場2樓發現左間新餐廳"Itamana". 見未多鐘當然入去嘆返個早餐，自助點餐非常方便！ 打開Menu早餐價錢很貼地，合理，同街的茶記差不多！ 當上餐時，已經急不及待開始食，導致食左一半先記得影相食物質素不錯，味道也不錯，起碼粉麵上枱時還是熱騰騰，麵質都ok ，不會太焾！鷄扒餐也不錯！ 最值得讚係佢杯咖啡，係即磨咖啡，味道可以！至於環境都乾淨企理，一句講哂有下次，甚至會幫襯埋晚餐！

低碳飲食開始普及愈來愈多餐廳都會提供低碳餐單見到有生酮/低醣人士唔會唔識既椰菜花飯，當然要試一試配料非常豐富，有椰菜花、翠玉瓜、洋蔥、三文魚、蔥、煙肉、菇類，難得的乾身，調味適中，是健康之選另外也有原隻百里香烤雞，特價$48，非常抵食，味道略鹹，但啖啖肉十分滿足Please follow IG : hkfoodie_.lowcarblife 

放假同家姐行街 行到攰坐低食個tea🥳 黑松露菌皇煙肉忌廉閣條麵 💰$67 🥓🍄(配送野菌忌廉湯🤎)好多汁好creamy ，最怕食到啲杰撻撻嘅意粉🫠好彩呢個唔係 仲要黑松露好香 煤氣味愛好者嘅我表示：可以encore 🤓炸魚柳薯條配田園沙律 💰$38ITAMAMA啲薯條好好味！同平時茶餐廳嗰啲完全唔同架，一定要試下😜 魚柳就正常發揮 無乜特別 無雪藏味同梳打粉味 係我心目中就已經好good😂推薦🍴：黑松露炒蛋Bagel包 💰$41 🥯🍳冇乜幾可係餐廳有Bagel做Tea set~ 仲要份量足 有埋薯條食 重點係唔貴！😍 呢個真係Tea time嘅好選擇

週末同朋友出去食下午茶☕️去呢度一向印象唔差，但係今日係最唔享受嘅一次。因為出嚟食嘢，首要係睇服務，第二係美食。我同三位朋友去，佢哋叫嘅都到晒，最後我嗰個餐到嘅時候，有眼睇嘅都會知道個餐係我嘅，但係服務員擺喺另一個朋友嗰個位，好明顯係方便佢自己。我朋友已經向服務員示意係我呢邊，但係佢都係放喺度就算，淨係對眼望住，好猶豫要唔要將個餐擺返去我嗰度。最後想講今日叫嘅炸薯條好難食，朋友都話係返炸，好空心，好似淨係食到啲炸粉咁。

It was a worse dining experience.First, people outside the restaurant jumped in the queue, which is very rude. When the waiter brought us to a table, another waiter just stuck in between two tables for literally a minute, left us waiting for him to leave before we could take a seat, how ridiculous! And some parts of the restaurant were not opened for customers to sit, whatever reason it was, on a Sunday evening.Some of the food was already sold out, even drinks. I ordered a pasta dish, it tastes