Itamama (形點 II)

營業中

休息中

Going to this place since the opening once a week. But the quality of service and food went downhill after the opening. In the beginning the servers were nice, polite and very helpful. Orders were picked up quickly and hygiene was good. Tables were cleaned quickly and a cup of water was provided when you sat down. Going forward in the future, very unfriendly front line staff mostly the older aunties. They don’t give a reply or confirmation after a question or remark. No water provided after seat

本來打算食過好的早餐，但係有啲破壞咗心情。早上入座，揀咗4人枱坐，即刻叫落單時，女侍禮貌地問我一位可唔可以坐隔離4人枱（當時有一位女食客），留我呢張枱畀2至4人，ok，我無問題，明嘅。改坐隔離台的同時爽快落埋單。好快，上咗張落單紙，平日好少查份量嗰一欄，好彩今次有睇，竟然落咗2份餐（蛋芝bagel）1杯飲品（熱檸水）。叫人改單後繼續等餐。唔明點解派單時，唔會覺得飲食同飲嘅數目唔一致？？同枱的女食客，睇落似等緊人，因為佢仲未叫嘢食，睇真啲，有2杯熱水，原來真係2位，佢朋友後來坐咗我旁邊。我哋之間有隔板，但係都唔明點解會要我咁樣孖枱，。有位單客男士坐咗我剛剛坐嘅隔離枱，貌似1位，無人請佢轉枱（差別待遇？？男女差別待遇？？都算喇~）佢叫咗餐，上咗1杯熱水，仲唔使等好耐上埋熱咖啡。而我份包，食到一半都未有飲品亦無熱水，要我請人跟吓。跟到食完包都未上。叫人來埋單順便投訴時啱啱好另一侍應上飲品，我都飲唔落。聽我反映嘅侍應有問我，要唔要包起嘢飲拎走，好有禮貌但安排奇怪的餐廳。好有禮貌但係錯漏百出的餐廳。正常味道。

同個朋友食個下午茶，餐牌太多好多野揀，一時之間都唔知叫咩食好，揀揀下就叫左兩個下午茶同一個午餐，太肚餓，兩個人食三個餐都唔過份啫。飲品叫左熱奶茶同熱檸水，呀…原來意樂嘅檸檬水無檸檬，仲好鬼酸添，杯奶茶就幾好。淨返個餐就揀左飲餐湯，個野菌忌廉湯好鹹，勁鹹，真係勁鹹，飲左幾啖頂唔順。朋友叫嘅龍蝦汁蕃茄焗豬扒珍珠飯，個飯唔熱，又係好鹹，難食。自己叫嘅黑松露炒蛋bagel包就幾好食，個包幾香，蛋嫩滑，薯條熱辣辣。最後到嘅mama pizza，size唔大，兩個人分食啱啱好，煙肉，辣肉腸，溫泉蛋，夾埋一齊幾好食。一啲好食一啲唔好食，價錢係幾平嘅，不過伙計完全唔夠，成個舖咁大得一個阿姐，態度唔好都預左，呼呼喝喝咁…唔講真係以為得罪左佢。

這間店開了一陣子，我們在這裡吃個早餐，首先我們等位被安排入座已經奇怪～因為店裡有位置但店員都安排人客聚在一起，疫情期間當然不好啦！這間店早餐都算多選擇，我就點咗通粉套餐，而另外一個餐就點咗番茄意粉，其實食物味道尚算唔錯，環境亦都寬敞⋯唯獨是服務真係唔係好得！希望佢哋有待改善！

普通又一餐，來到元朗國形點商場，呢度食嘢都還好的，環境都唔會話太差！可以接受的！今次用餐我哋就叫咗個三文魚炒飯同埋一個千層麵！首先講吓三文魚炒飯先！炒飯都炒得唔錯既，賣相都OK！而且又唔會話好鹹！三文魚炒得都熟，可以比佢合格！另外千層麵就醬汁OK嘅！個千層麵個質地都唔會話太差！但係醬汁就真係太多啦，如果醬汁少番啲就會好啲啦！不過呢薯條都炸得唔錯嘅！夠脆又少油！可以俾佢合格！最後，個餐湯真係有啲令人失望，冇乜味，同埋太淡！同埋無得選擇！可以有改善空間總括而言！整體表現OK、餐湯有進步空間、服務態度良好！

見有人寫呢間原來係百份百集團既高級少少版，所以期望唔特別高，但味道算不過不失，反而服務有待加強…..見到有幾張吉枱，但無人喺門口負責帶位，諗緊係咪要就咁入去揾位，但又有個waiter 走黎話唔入得，但又無講叫我喺邊排隊定點…等左陣，唔比我入去個waiter 先帶我入去原本己吉左好耐嗰張枱坐….人手不足？食物不過不失，但唔門點解西餐有大量既莞茜搞到我挑左好耐，當錯左香草用？帆立貝鮮蝦蜆肉蕃茄意大利飯: menu 好似有寫有帆立貝，但張單無，不過味道都算ok除左勁多莞茜蒜香蜆肉天使麵：ok 但又係勁多筦茜柚子唔知咩雞翼：柚子味重得濟但脆口，ok

之前係元朗Yoho mall 食過一間好好食嘅日本餐廳 最近想再食 已經無左 而變Itamama見未食過當然入去食下啦 因為最近嘅我好多野都唔食得🥲於是我就叫左個黑松露菌皇煙肉意大利飯朋友就叫左個松露野菌汁焗雞扒珍珠飯 加左2個黑松露野菌湯 同黑松露薯條🙈咩都黑松露🙈我自己好鍾意佢個飯夠多汁唔會食到尾無曬 不過我就覺得無咩煙肉甘 當日食完我覺得似食緊素🙈都Ok多菇🙈🙈湯同薯條就一般 啦當日職員話提早盤點定清潔 要早d閂舖 所以食到甘上下職員埋黎收曬我地d碟🙈會唔會想再食 又未去到想去再食🙈如果係元朗搵唔到食咩 而又唔想等位都可以揀佢🙈當日得1-2張枱有客人🙈

Itamama 想寫Itamama食評好耐，亦都去過好幾次，點解之前無寫，係因為次次都影唔到相，次次啲嘢食一到就即刻開波食，食到一半先記得。相信呢個係最好嘅評語😂😂😂呢間野真係超級抵食！性價比極高！$30幾蚊一個餐，仲要係西餐，就好似高級茶餐廳咁，我哋食過早餐同下午茶，亦都買過外賣。除咗外賣覺得嘢食偏乾之外，喺堂食嘅真係超正！坐得又舒服，服務就似真正嘅茶餐廳啦！但係真係平！佢哋有外賣區攞飯盒，平時唔想煮，買飯盒好方便，唔使等！

本身想叫肉醬千層闊麵，個職員話呢個唔可以外賣，於是我改叫煙三文魚煙肉炒菜無米飯。點知返到去打開搵極都冇煙三文魚😑😑😑😑😑，淨係得煙肉都菇，咁樣就$68有冇搞錯！😡😡😡😡仲要等左半個鐘先有，離哂譜！

7:00am 便開門提供早晨，近Yoho Mall咁早就開門的餐廳唔係咁多。裝修西式，早餐有些似茶餐廳，不過就就有啲特色。我中意啲早餐有些菜，清新。最好食嘅係啲通粉，湯底好正！早上7:00開門後，大把位，唔使等位。到7:40都仲有位，可能不太多人知道呢間嘢（在二樓體育店旁，唔講真係唔太覺眼）。可以7:00後打定電話落order，一到間鋪等多一陣有得攞。

第一次來這間食，但已試過其他區的店，對我黎講，算是穩陣之選。當叫完野端來食物，賣相跟餐牌相乎，味道保持ok，但到飲品方面，唔明點解堂食野飲用外賣杯🙈食物Ok，但這打拆扣🤔

未食前充滿期望： 難得Yoho Mall 有間看似裝修得不錯既偽西式餐廳，早餐又見大排長龍，應該都唔錯掛，就支持一下，試下他們的晚餐。希望多一間選擇，餐牌看上也精美。失望而回：豬扒飯等足40分鐘！你要預左被漏單既心情去。漏單佢地覺得冇特別，「唔好意思」都唔識講句。 見之前有人寫服務態度唔多得，我而家相信是事實。 水吧那位師傅，眼見佢徒手攞出沙律菜洗都冇洗就送落碟。 好心戴對手套做下樣啦。雖然大家都知眼不見為乾淨，但都唔好咁透明呀。見到我都唔係太想食啲沙律菜！食物方面：選擇很多，凍檸茶不錯。但少甜仍好甜。 焗豬扒飯應是signature 但個人認爲「阿活」仲好味。 晚餐野飲要另外半價叫。 薯條太炸，焗雞扒變相炸雞扒！ 門口有外賣飯盒，價錢便宜，看似不錯。 真心希望佢地會改進。等我地唔駛食死某幾間，多一個選擇！

Bad:There’s an ad posted throughout the restaurant for a drink that’s supposed to be on special for$10 instead of $28, but they won’t honor the special. It turns out it ended 2 weeks ago but they haven’t taken down the ad which would take maybe 5 minutes tops to accomplish. The service was very slow because they lost one of our orders. Also we saw them mistakenly place an order on a table and then when being told a couple minutes later, they took it back to the kitchen but then brought it right

元朗難見的西餐廳，服務員大多都有禮貌，店內座位都舒適，也沒有岐視一人客，如客人不多時都可以讓客人隨意選擇座位，而且人多時也未覺會趕客，食物質素也不錯，價錢也不算貴，上菜速度都好快，最欣賞豬扒焗飯，芝士好丰富，而且可以拉絲出來，套餐都係$44＋$3凍飲，英國檸檬紅茶好飲，與一般茶餐廳不同有好香檸檬味，近似香茅味又大杯👍👍👍😋，咖啡賞試過加$8飲Cappuccino, 但係唔好飲的，反而飲餐飲凍咖啡就覺得好飲好多😋早餐選擇也很多，暫時仍然欣賞此店，會再繼續去支持！希望可持續經營，因為元朗太少這類餐廳！

入座後坐了一會兒才說有寵物不得內進，要求我們離開，我當時是用寵物袋的，寵物沒有發出一絲的聲音！門外更沒有張貼寵物不得內進標籤。不會再光顧這餐廳，大型商場內的餐廳都不准攜帶裝有寵物的袋子，那有人會願意光顧，服務態度又不是好！