Itamama (東港城) (已結業)

【119】用家自費分享！Walk in 唔使等，七成滿。7️⃣0️⃣CP值，上次好食再去過，2023/10/11/三/16:36，下午茶時段，一人埋單免加一共$71。店在商場內，算易揾到，裝修有特色，暗暗地，店內空間大，坐得舒服，感覺乾淨企理，招呼有禮，QR code落單，上菜快，主食依然好，但蛋糕完全唔掂。8️⃣0️⃣下午茶餐龍蝦汁蕃茄焗豬扒珍珠飯$44，好好味。7️⃣5️⃣跟餐另加$ 8凍意大利泡沫咖啡，咖啡味差少少，都很好。2️⃣0️⃣追加$19雜莓忌廉蛋糕，失望，太硬太亁，好似隔夜，食咗一啖。

【115】用家自費分享！Walk In 唔使等，大約六成滿。8️⃣0️⃣CP值，2023/10/07/六/11:45，週末午餐時段，二人埋單$137(免加一)，平均每人$69。店有商場內，易搵到，裝修企理，感覺乾淨，空間大，坐得舒服，招呼有禮，QR code落單，上菜快，味道及份量都很好，會再去。8️⃣0️⃣午餐海鮮濃蝦汁意大利飯$69，味道很好，珍珠米唔太淋，個人喜歡。6️⃣5️⃣跟餐凍冷壓檸檬茶加$3，正常。8️⃣0️⃣午餐龍蝦湯海鮮天使麵$62，味道很好，份量多。7️⃣0️⃣跟餐凍特配奶茶加$3，有茶味。

其實意樂餐廳，都開咗好多間分店，坑口呢間都屹立不倒咗好多年，入邊裝修風格非常西式。一入到去，啲職員會用無線電耳機通訊「一位入𡁵嚟」，好似好pro咁！坐位算闊落，下午茶時間無乜人，都幾好坐。今次我就叫咗個pizza食。一上到嚟，個賣相唔錯，個pizza細細份，作為下午茶個份量岩岩好！個流心蛋係個pizza上面朗下朗下好吸引。一切開佢啲蛋汁流哂出嚟，正呀，勁有蛋香味，加埋有少少辣肉腸，好好味😋到凍檸茶喇，百分百集團嘅凍檸茶最巨爭議性架喇，一杯無檸檬嘅凍檸茶，仲算唔算凍檸茶呢，for me…why not?

最近多次去咗「Itamama (東港城)」，食物質素都唔錯，但可能因為唔太鍾意去連鎖店，所以總係唔知食咩先會再去。今次試咗佢哋嘅煙三文魚蟹子蛋炒飯，真係有啲驚喜。呢碟炒飯色香味都好豐富，一食入口，蟹子蛋同煙燻三文魚嘅味道融合得好好，散發出誘人嘅香氣。飯粒個個分明，食落口齒留香，每一口都可以品嚐到鮮美嘅海鮮同埋煙燻嘅香味。呢道菜味道層次豐富，有鮮甜嘅海鮮味同獨特嘅煙燻香，令人回味無窮。下次唔知食咩嘅時候，會再去支持呢間食店。

星期日想食個下午茶，順便行下商場，見呢間餐廳都好多選擇❤️炸魚薯條塊魚略嫌炸得有d過火，薯條就正常❤️牛肉他他配牛角包牛肉配他他醬味道好夾牛角包好脆，唔會太淋$40一個下午茶真係無得輸，份量正常，仲要包飲品，當然一d特式飲品要加錢

千島pizza•野菌忌廉湯$68(逢星期五特價)🍕餅底脆口，係薄批嚟，餡料有紫洋蔥、蝦、千島醬同芝士，成個味道好難唔夾，大概有6寸大，呢個真係幾好食，小朋友好鍾意，下次黎會再order~🍄忌廉蘑菇湯正正常常，唔係特別濃郁又唔會好淡🥩安格斯牛配烤野菜薯條•野菌忌廉湯$160牛扒可以自己選擇生熟程度，叫左7成，味道都可以，肉質軟淋，但略為多筋，可以試一次，但下次就唔會再叫🦞龍蝦湯海鮮天使麵$74呢道意粉比較淡，食唔岀個湯有龍蝦味，配料有蝦、蜆、青口、冬菇片，天使麵質正常，呢樣都係冇下次

已經第N次為咗佢哋烤安格斯牛扒餐嚟Itamama. 每次都唔會失望😋宜家冇做promotion冇discount就一百五十幾一個set有餐湯，但唔包飲品，另加一。我鍾意食medium rare。有好多呢個價位嘅港式扒房用梳打粉整淋啲肉，唔值得叫呢個medium rare熟度或者直情佢哋都會煮得過熟。但呢間烤得啱啱好，用黑椒鹽食最正！塊扒冇都有成1cm或以上咁厚！ 一啲都唔細塊。附上嘅gravy 通常用嚟點side dish. 佢哋嘅side dish係隨心的，今晚只有生菜番茄🍅，之前試過幾次有好好食嘅茄子🍆及脆玉瓜😋薯條就炸得超脆卜卜！個磨菇湯都好香磨菇味。呢個價錢真不賴！👍🏻👍🏻

燒雞水準 keep 得幾好架, 印象中 幾十次中 只食只係食咗一至兩次偏焦乾~ 所以無論午市定晚巿, 燒雞餐 都係我大多數嘅選擇~ 中規中矩 唔使用腦麻~朝頭早嘅話, 蕃茄通粉都係我嘅選擇~佢就主要食牛扒餐 或者麵餐, 質量都唔錯的~ 呢度啲遮遮絕大部份都超級好人又有善, 所以我哋經常都會嚟~ 我鍾意加配柚子蜜雞翼, 而佢就鍾意加配水牛城雞翼~ 兩款都好味呀啊, 只係佢鍾意食我鍾意食甜嘅分別啫~ 不過 近期啲雞翼細隻咗, 食落無咁啖啖肉 感覺硬係爭少少~

即係咁 係唔想做生意味執L咗佢囉 整啲食物出嚟同個餐牌唔一樣都預L咗 但都唔係整到咁L樣啊 狗見到都唔想食 你睇下個包 DLLM hea到你呢 44蚊我不如食老麥啦 個千層面簡直世界級難食 我以為食緊洗面毛巾 反正都似毛巾 不如你用紙巾整啦 Diu不如用M巾啦DLLM 千層面？我DLLM啊 仲要我用2百字形容佢幾咁垃圾我真係想DKLM 真係好L難食 好L hea 真心攞去餵狗 隻狗都想講粗口Diu9反我轉頭愈嚟愈垃圾 愈嚟愈hea 愈嚟愈難食DLLM

餐廳店員的態度惡劣，食物等候長至半小時。食飯到枱 熱狗腸冰凍 。我地詢問店員可否更換，店員一句：唔可以換喎。但係請問凍的食物點食？ 最後店員就：一句我幫你攞入去整返佢囉。咁嘅回答真係嬲咗，真係未必推介大家來幫襯將軍澳此店舖。某位店員態度極差可以改善？我都明白食物質素未必係你一個侍應可以確保，但係作為餐廳樓面面對客人的問題是否應該禮貌回答？你可以話幫你入廚房問吓，甚至如果你地真係太忙，可以話轉頭幫你解決，而並唔係答沒有和不可以嚟敷衍客人。

今日同阿女落樓下東港城，搵間鋪食lunch，俾佢個門面呃咗。吸引咗入去。我哋叫咗一個黑蒜鴨肉闊條麵跟熱檸茶另外一個香腸流心蛋Pizza跟蘑菇湯。Pizza一上枱，溫度絕對唔熱，由我開始切到切完整個Pizza，唔夠1分鐘，已經肝硬化，味道亦普通，可能Pizza Hut仲好食過佢。闊條麵就比Pizza熱少少，不過絕對唔燙口或者要吹下先食到，味道普通，冇特別，唔可以話佢好食，又唔可以話佢難食，份量亦少。熱檸茶我哋冇飲，因為由order叫茶，超過10分鐘都未到…..！我哋已經埋單走人⋯⋯總數$142吾駛加一絕對嘥quota，伏咗

同媽媽食lunch 佢鍾意揀d平靚正嘅餐廳 黎到呢間 平時多數食早餐 今次第一次試佢嘅午餐 見佢價錢都合理 一於試下✌🏻呢間餐廳 主打西式食品 賣相同味道都唔錯 雖然係集團式 但有驚喜質素好唔錯👍🏻 午餐仲包飲品 性價比幾高🖖🏻✨帆立貝海鮮龍蝦汁意大利飯好足料的海鮮 而且龍蝦汁好濃味 唔錯👍🏻✨黑松露炒蛋Bagel包配香脆薯條炒蛋非常滑 不過略嫌黑松露唔夠 呢到嘅薯條真係好正好正 😬好脆 一定係新鮮炸的 下次想食個快lunch 又多個選擇🤗

極小幫襯呢間野 一去到門口大開眼界問有無位 阿姐好似審犯咁叫你㩒飛，以為好多人啦 即刻又入到 入到去又大把枱 咁叫我㩒飛黎做乜野？叫野食淨係見到下午茶餐牌 見到咩輕量版XXX 就知有機會有伏 不過算啦佢人手真係好少 唔問長問短啦（我係一個幾有同理心既人）野食黎到就奶哂野，得兩片肉小朋友都唔夠食 坐側邊全部人都埋怨點解得咁少算啦 加錢叫多幾隻雞翼 凍既！所有野由職員去到食物都係負評中既負評如果你餓到就黎暈低咁岩經過我唔會阻止你入去食或者你想同另一半嗌交 又或者你好憎一個人 建議你入去食唯一好既係杯凍飲係有冰既！負評！負10分！-10！

今天偷閑唻食個tea. 叫左蘑菇溶岩芝士包包 ＋ 焦糖奶泡咖啡（ 要＋$10）。包包外脆內熱，有拉絲芝士，大塊蘑菇，不過多啲芝士更好；咖啡係幾香，但稀左啲。。我試過其他分店，呢間比較高質。。抵食之選。。。

一直以來我倆好少出街食早餐.今日我哋去Leon百貨行公司.見時間尚早.所以來個兩人溫馨早餐！來到itamama 門口睇吓份餐牌都幾多選擇.一於就入去試吓呢度嘅早餐.呢度餐廳都幾大.裝修都幾有特色.座位又多.坐得都好舒服！點餐如下：1. 意大利蕃茄鮮野菌濃湯通粉 X1 $37元 配餐飲：即磨熱咖啡2. 早餐：漢堡扒/午餐肉/火腿 配鮮奶炒滑蛋.蒜香牛油多士.田園沙律 配餐飲：即磨熱咖啡 X1 $46元📌Itamama (東港城) (將軍澳)將軍澳重華路8號東港城1樓188號舖