J&A Cake Shop (已結業)

自從好友轉到去新蒲崗工作，不時所送嘅小手信都喺嚟自該區，睇番吓，新蒲崗區嘅食評都喺多得佢。今次，趁住一班好友相聚，佢所送嘅曲奇（再搭件蛋糕）又喺出自該區嘅小店「J&A Cake Shop」，睇個膠袋，就知喺街坊餅店嚟。綠茶曲奇 $15包裝以簡單嘅軟膠盒蓋住，因為唔喺好受得力，拎到返屋企都有啲壓爛咗。其實，啲曲奇嘅唧花做得幾靚，唧成貝殼形，線紋清晰，只喺綠茶味唔算好濃，而較大問題喺曲奇嘅質感太鬆散，拎起手大力少少都整爛，入口唔喺脆身，又唔喺軟腍，唔太似食曲奇，反而似咬落一堆粉嘅感覺。斑蘭三角蛋糕 $6.5個蛋糕嘅色澤碧綠得好緊要，而且，拎上手都幾墜，不過，食落真喺無乜斑蘭嘅香味可言，但若果唔理個味道，件蛋糕本身喺做得非常鬆軟，好有回彈力，只喺跟「斑蘭」一詞有落差。因為喺朋友送贈，自不然唔知道小店嘅環境及服務喺點，但單價就由老友提供，當俾大家有個參考。雖然，今回嘅曲奇及蛋糕好一般，但喺，好友嘅心意完全接收晒，多得啲老友不時送啲曲奇俾小弟，先可以將呢個系列嘅食評得以延續。

謝謝 幫我做了兩個好靚既生日蛋糕一個是給老公的立體taz 蛋糕另一個是給奶奶的母親節及生日蛋糕原味蛋糕不太甜 味道剛剛好 很適合一家人食 比較少cream 和一般連鎖西餅舖不同 taz 蛋糕上的巧克力味很濃 小朋友食可能會覺得有點苦 但大人們都很喜歡小丸子媽媽蛋糕加上眼鏡後 真的和奶奶很像訂蛋糕也很方便可以過數比錢 不用特意走一轉去訂 能省很多時間因為特別訂製 蛋糕份量比較大真的需要一家人一起食才可以兩個蛋糕真的好特別下次希望再訂

卷蛋俾大家既印象應該一係死實實 又或者係食左得啖風既感覺因為我地都俾大餅鋪熏陶左完全失去左對卷蛋既要求！呢間卷蛋 真係唔捨得介紹 但係真係太好食 所以真係要介紹返我已經買左不下5次 所以真係證實佢次次品質都好好佢最出色既係班蘭味卷蛋我覺得佢係加左鹽落去 所以吊起左成個卷蛋既味 係大餅舖一定無咁細心研究佢呢間實在做得太出色加上！靜靜雞話你知 佢仲做緊14蚊 真係街坊價。不過我覺得佢加到21蚊我都接受到。

從店外看到外觀特別的花型杯裝蛋糕，挺感好奇，買來試試。心怕有點甜膩，想不到花型忌廉層感覺濃厚而不膩，有微微的清香。而杯裝蛋糕層感厚實，與一般的鬆軟蛋糕明顯不同，讓人感到別有風味，是用心製作、好吃的甜點。此甜點與一般市售的不同，可能讓人感到有點另類，但個人十分欣賞此店有創新和堅持其品質的勇氣和質素，是十分值得稱讚的水準。

朋友生日，我上去佢屋企食飯慶祝，佢男朋友訂定佢鐘意嘅公仔立體蛋糕，2磅裝，佢攞個公仔圖訂製，本來男朋友唸住要一磅，店家話太細造型就唔靚！攞出來一刻好開心，個賣相好靚！好可愛蛋糕唔厚，幾鬆軟，外面係咖啡味朱古力忌廉，咖啡帶有輕微苦味，口味係成人嘅，忌廉唔會好多，中間夾莓味啫喱，酸酸地解膩，平時食造型蛋糕，好多時遷就造型，味道一般，呢個又靚又好味！冧爆！

到過相熟salon那裡理過髮，返家途中忽發奇想欲買些甜食回去氹吓小友。見就近有間好像新開不久的餅店，就走入去望望啦....擺在近門口的櫥櫃的西餅，一件普通的芝士蛋糕才賣不到十大洋，比連鎖餅店的出品更為便宜，除了用抵食一個詞去形容之外實在找不到另外一個代替語了....再加上店員說買夠四件便可用一個盒子盛着帶走，所以小弟亦都欣然接受他的建議，一口氣揀了好幾件餅。萬一吃不完的話亦可放進雪櫃內....當然，這般價錢的出品不會期望像Tony Wong或Zoe一類高檔patisserie的那般精緻細膩。不過老實說平均售價只是十來塊錢的西餅，還可以有甚麼更過份的要求嗎 ?縱使那芝士蛋糕的芝香及味是淡泊非常似若有若無，那cupcake上的疑似玫瑰花的染色是不太自然而用的奶油亦是那些甜得膩人，吃至人甚咯喉的廉價貨；但栗子蛋糕的軟綿，以及黑森林蛋糕內滲着適可而止的酒香，倒是值得一讚的....仍是要提的一句 : 四件餅埋單也不用五十大洋。現在到那些所謂的高級洋餅店，一小件東西動不輒就要收這個價錢了....咁平，仲想點呢 ?

今日有得早收工,特登落新蒲崗間J & A 買返上次食個芒果班戟。之後買左個雞尾包諗住做第日既早餐,咁岩佢新鮮出爐,就係因為佢新鮮出爐,又唔貴,買左2個,趁新鮮即刻食左個先。個包D色焗得好靚,上面又有好多芝麻,令個包加分,一啖咬落去已經食到個餡,佢D餡唔錯,唔會太甜,仲食到椰絲同麵包香,加上個包細細個唔會太膩,因為好多時出面D雞尾包太大個,加上仲要好甜,食到一半已經唔想再食,所以我覺得食呢個SIZE,可以滿足到想食雞尾包,又怕膩既我.HAHA今次因為食唔到太多野又冇買到佢D甜品,下次一定一定要食埋佢D甜品…YAMMY!!!

我覺得佢地面包同西餅都好多種類.所以每日收工都買吾同既嘢試.佢地D價錢平又好味!我最喜歡系杏仁曲奇同雪米糯.杏仁曲奇表面脆咬落去又幾鬆化，內裡又多杏仁，雪米糍都好味.值得一試同價錢吾貴!!!之後又試咗個芒果拿破崙，這個真係值得一讚，心想麵包鋪有拿破崙賣都應該唔會太好食，點知買咗回家試食之後，感覺出奇地好食，裡面的吉士唔會太甜，外面又夠脆上面仲有一層脆糖，這個值得推介比大家

近排行經新蒲崗, 見到間鋪除左買包之外仲有甜品,好似幾吸引咁,買左呢個紫菜肉鬆包試下,個包幾好食,出面有塊紫菜,食落更加好食。而呢2個就係朱古力燉蛋同蕉糖燉蛋,因為我唔太鍾意食朱古力,所以覺得朱古力燉蛋比左細老食,佢覺得都唔錯,我就試左個蕉糖燉蛋,個燉蛋真係超滑, 好香蕉糖味, 正..YUMMY。最後試埋個芒果班戟, 呢個真係my favourite, 去親食糖水一定食既,見到呢間有得賣, 所以又忍唔住買左個,太面好多芒果, 唔似出面食個d太多cream, 個皮都唔錯, 唔會太厚。整體黎講, 呢間d野都唔錯, 我見仲有好多特別既餅同甜品,好吸引都想試哂佢, 價錢合理之餘最緊要好食。