J.Co Donuts & Coffee

營業中

休息中

之前係OpenRice 見人介紹呢間舖⋯今日終於有機會試到啦⋯⋯好好味牙😋😋呢度嘅款式選擇太多，所以一次過買一打 12 粒😝 百零蚊，貴唔貴見人見智啦😂😂佢d donuts 好鬆軟，水泡款係冇餡嘅，實心圓果種就有餡，仲要係勁爆餡果種！甜品控一定會超 like ！ 另外仲有迷你版嘅donuts! 我自己就鍾意食 爆餡款嘅Mr. Mokacha 同 tira miss u （其實即係tiramisu! ） 冇餡款就比較普通啲同冇咁甜⋯⋯ 😅都未影得切相已經俾人拎左一粒去食😅可能係夏天嘅關係，拎到返屋企嘅時候， d toppings 好似有啲溶溶地嘅感覺，我放喺雪櫃一陣再拎返出嚟食， 都係一樣咁鬆軟，無變到硬屈屈咁

行過見到水果茶買一杯，第二杯半價，就同朋友入嚟試吓，買咗荔枝烏龍茶同香橙烏龍茶。但買返嚟，部香橙烏龍茶有8成都係冰，茶得兩啖就啜哂，而家係叫我飲茶定食冰☹️定係其實半價就係代表得半杯呢🤷🏻但我見其他人嗰杯都無咁誇張…有圖自己睇👀

J.co 呢度除左有coffee 仲有各式各樣唔同款式的冬甩 呢度個冬甩款式超過20種 有大同細唔同冬甩供選擇 平日如果你收工後去買嘅話未必有得賣或者款式會剩返比較少 每次去買冬甩都會有唔少人堂食或者外賣 可想而知呢間店嘅冬甩有幾受歡迎 我平時買開就係$158有12個冬甩 好似$90有6個 價錢只供參考詳情請查詢店舖

”J.Co Donuts & Coffee”冬甩唔search唔知原來佢來自印尼！色彩繽紛嘅冬甩果然好吸引眼球同食慾👀，每次經過都想入去食。直到早兩日咁啱經過又肚餓就試吓，覺得用餐區無人長期打掃比較污糟啲🍴，食落又無望落可好味，定係人大咗嘴刁咗呢？————————————————👅ALCAPONE ($16)👎🏻滿滿杏仁片及白朱古力糖霜，杏仁片偏軟淋淋唔夠脆，冬甩軟熟但欠彈性🍩，一咬就會乾扁咗，個人鍾意波堤Q彈口感多啲👅 北海道3.6牛奶軟雪糕朱古力慕絲芭菲 ($34)👎🏻雖然標明係北海道3.6牛乳，但牛奶味唔濃，口感沙沙地唔夠絲滑🤨，擠上支裝朱古力漿，杏仁粒同粟米片增加口感，最底係忌廉同甜膩嘅朱古力慕絲，不過三十幾蚊不能要求太高啦————————————————🚩總結：小朋友口味嘅冬甩店👶🏻———————————————— 🌟注意：自助取餐及斟水吧————————————————📍 J.Co Donuts & Coffee地址：旺角彌敦道585號富時中心地下1,2號舖.🗺地區：#bem旺角📥分類：#bem甜品💰人均消費：#bem_51至100蚊

今天有同事請食下午茶，平日食下午茶都是食茶餐廳炸雞翼薯條配紅豆冰，食得多都想轉吓其他款式，即刻上OpenRice睇吓附近有咩下午茶選擇，這時才想起J.CO Donuts亦是一個不錯的選擇J.CO Donuts的款式十分多，花多眼亂，一件甜甜圈$16 ，半打$90，一打就$158，好多口味都想試，所以就選擇了一打因為每件冬甩都幾大個，回公司每件切成一開4，可以試到不同口味，個人應為甜度適中，唔會好漏，cheese cakelicious 是我覺得最好吃的，姐係圖中右下角黑色格仔個款

Donut款式算多，味道幾好，推介雪糕，好香嘅鮮奶味又夠滑，配返杯咖啡，不失為喺旺角行到攰想抖抖嘅一個好選擇。呢度環境唔錯，坐得舒服，服務員態度有禮，價錢亦都算合理！

Well, it's my first time in J. Co. To be honest, I'm really not a fan of donuts. But their donuts have blown me away. It's pretty decent, I can rate it probably a B+. I love it as its not too sweet even with the heavy chocolate ganash. Oh, they also gave you a donut holder for a more environmental friendly approach. Anyway, I also ordered their caramel frappe. I must say WOAH, hold on, this taste so much better than Starbucks version. 😂 Like seriously, the sweetness from the caramel and the coff

同朋友喺旺角行街,入去咖啡店坐下👍🏻環境好好👍🏻仲新推出咗水果茶😆😍我叫左一杯試下,又幾好味,重果味🥰Drink Fruit Tea in Coffee Shop😋 🤫再叫左個Chocolate牛角酥食👍🏻👍🏻🥰同朋友坐低足膝談心,呢間Coffee Shop好適合A good Coffee Shop ,Good AtmosphereYou can definitely come here in your leisure time ☺️😚

要咗4個冬甩，4個都係糖漿麵包，冇洞嘅中間係大舊cream. d名改得幾得意。$16一個。食就唔覺得好食，不過志在買個位同氣氛。飲品唔貴但頗大杯，兩個人share就啱好。

❤️愛的早餐😂😂J.CO既🍩好出名 所以鄉下妹既我以為佢得🍩賣😅原來佢都有輕食架😆🥪擺到成個❤️咁，Honey Ham & Mushroom 💲4️⃣2️⃣仲有青瓜🥒和生菜🥬 個包係揀左意大利包 食落好軟熟🍳All Day Breakfast 💲3️⃣8️⃣ 係❗只係💲3️⃣8️⃣ 有煎蛋煙肉香腸茄汁豆同新鮮士多啤梨藍莓🍳🥓🍓搭返佢既原味🍩( 唔係熱香餅) 食落甜甜地好特別呢個價錢去邊度搵🤟🏻☕跟餐加💲2️⃣0️⃣要左杯Hot Jcoccino 10oz為美好的一早做一個完美既開始🥰J.Co Donuts & Coffee📍 灣仔軒尼詩道55號地下1及2號舖📍 旺角彌敦道585號富時中心地下1,2號舖📍 中環租庇利街1號喜訊大廈地下B號舖

刚在信和中心办完事出来，看到对面马路有一家 J.CO，以前在新加坡吃过他们的 Donuts ， 印象不错。反正还没有吃早饭，就走过去解决。店外有宣传单张，西式早餐才38元起，卖相和卖价都很有吸引力。而且他们宣称咖啡是即时制作，又有 WiFi ， 可以一试。除有多款不同口味的 Donuts, 面包和三文治都有些选择，而且价钱不贵。欧陆早餐38元，另加20元要了一杯咖啡。碟子上的食物摆放得很精致，有七种不同的东西。香肠和煙肉咸味恰到好处，再配上面包和炒蛋，份量是十分足够的。吃东西时，不仃有 Donuts 出炉，看来销情不差，下次可以试试味道。

香港地可以食DONUT 既地方真係唔多.而J.CO DONUTS & COFFEE . 絕對係我最喜愛既Donut~冬甩!經網上平台落單,. 大概30分鐘左右就到啦. 今次ORDER左幾款唔同口味, 黎到仲係好鬆軟. 唔係硬GUTGUT 果一種. 不過呢種有糖面既就相對比較甜! 如果好怕食甜既朋友仔就會抗拒喇~~同埋2種SIZE 都唔同. 12款指定口味HKD158, 係會比較細個一D . 如果自選口味. 就會大一個SIZE (6個-半打HKD90) .原本想訂24個迷你款. 上次試過. 一口一啖. 非常好, 又唔怕食得太多/太漏, 不過好可惜, 今次就賣晒了.  希望下次會再有貨啦!!主推: 最傳統彩虹朱古力碎碎口味. 好食

不少朋友去旅行時，都對冬甩特別瘋狂，我都不例外，適逢今午途經旺角就見到活躍於東南亞地區的冬甩店J.CO Donuts & Coffee連鎖店，店內售賣超過20多款人氣冬甩。勁多款選擇，令我眼花撩亂，有餡大冬甩、無餡圈形大冬甩、迷你Baby Donuts三種。而每款冬甩都有一個專屬的名字和小故事，非常有心思。冬甩採用半炸方式，食落不油膩；又不太甜，剛合本人口味。一打$158、半打$90

最近家人外賣左6款甜甜圈番屋企當然其中一款就食左啦😂甜甜圈好鬆軟 就算隔左一日都keep到 今年去唔到日本旅行 當住係日本買番香港嘅手信🙈都係唔錯嘅選擇食一個Ok佢d cream有D膩🙈

friend 請食冬甩，未食過呢間唔知咩味好，賣相都幾靚，揀咗個Almond 面嘅。較落唔太硬，唔太甜，打破我對冬甩都係甜嘅印象，杏仁好多，一路食一路跌😅, 少少脆囗👍，都幾香，少少綠茶味，茶味就唔夠濃，不過冬甩囗感都唔錯，食完唔會覺得漏。