Jacomax

營業中

休息中

Jacomax(上環）今次試呢間餐廳其實就係為咗佢嘅Pizza以來因為我個朋友真係超鍾意食藍芝士🧀而呢間餐廳最出名嘅菜式就係藍芝士蘋果Pizza🍕其實我本身信心真係唔大因為我個人真係唔係好鍾意食藍芝士覺得佢浸味太強烈好難接受仲要加上蘋果配Pizza真係超出我嘅想像力但我個朋友鍾意食就陪佢試試結果係出乎意料地好食完全唔覺得藍芝士好臭配埋蘋果成個味道係好夾酸酸甜甜非常易入口而且Pizza質地軟熟成件事都好match兩個人竟然可以食得晒成份Pizza食埋個小食炸魷魚一齊飲杯啤酒又過咗一個好chill嘅下午🥰

又去到星期五啦🥳🥳🥳又有一口籍口可以食等開心啲啦😏😏同同事決定lunch time去食pizza!!! 呢間lunch time 遲少少就要等一等先有位，我地好好彩，等咗大約5分鐘左右就有啦🥳🥳🥳TGIF!!!▪️Carbonara Bucatini $148 (煙豬肉忌廉粗意粉)煙肉冇煎到好香，口感腍。意粉煮到啱啱好，彈牙，加埋邪惡又濃濃嘅忌廉汁，好香牛油味，好好食😋😋😋到食晒先記得影相📸️▪️Gorgonzola & Apple $148 (藍芝士蘋果薄餅)餅底係薄批，批面有濃濃嘅藍芝士同蘋果薄片，蘋果嘅甜味中和到藍芝士本身唔係人人接受到嘅咪同芝士嘅漏，但又可以保留到芝士嘅香味，神奇哋夾，可以一試😋😋😋🙌🏻推

因為疫情😷令到jacomax 食晏時間都無人等位了，記得之前未有疫情果時，日日都排長龍，我仲記得如果遲過12:30去攞位九個字都食唔到🥲但係而家竟然呢個食晏時間可以冇人直入餐廳🍴，希望快啲回復正常🥲南芝士蘋果薄餅🧀🍎🍕$178呢個Pizza睇個名好似奇奇怪怪咁🧐但係食落啲味道出奇地夾鹹鹹甜甜幾好味🤪如果本想鍾意食藍芝士嘅人一定會好鍾意食😂呢個Pizza唔算好厚同大個，所以兩個人都唔會食得晒👫忌廉蟹肉大通粉 🦀🍝$158我覺得麻麻地好食😫因為意粉煮得太淋之餘☹️佢個意粉汁水到好似一兜湯咁🤯，味道一般但係蟹肉十分之多推薦？🟡🟡🟡⚪️⚪️pizza 一定要食😂另外其實佢肉丸都唔錯😋

好耐無黎到上環,呢間鋪好就腳,在EXIT A附近,當日星期6 唔駛等位,全場都係一對對情侶我地呢對情侶點左2款野食, 藍芝士蘋果Pizza - Gorgonzola & Apple2個人總算食得晒,真係幾大個~上次同幾個朋友都有食過呢款,覺得幾特別,所以再食多1次先~果然無令我失望, 好多人都怕藍芝士,但我就唔太抗拒的呢款芝士係典型白色,高水份含量o既芝士,特色是在芝士表面或深入中間,就能看到藍色或藍綠色o既青黴菌,以及柔軟綿密又容易崩塌o既質地~配上香甜的蘋果片,真係好match,又唔會好油膩,非常之特別呀!中意食海鮮的男友揀左麥啤煮藍青口 Blue Mussels in Weiss Beer用麥啤黎浸,真係幾香,連湯都可以飲埋~又唔會好濃青口索晒D麥啤味,相當之特別上菜果陣,職員比多1個木碗我地放d青口殼,雖然要 $138,但係份量真係非常之多呀~相當之特別!我今次同上次都係對住呢個bar枱位,好中意見到呢個裝飾,看得懂的大家也會懂的好有格調的裝飾設計,很喜歡!!

想去附近公園自己野餐，諗諗下附近有咩嘢方便食，結果俾我搵到呢間pizza!呢款係Crudo，即係煙肉芫茜加芝士嘅pizza，咸咸地幾好食，又有pizza嘅蕃茄醬底，真係滿足哂一次過食幾樣嘢嘅感覺！睇到張相。都知我食指大動啦！哈哈其實仲買左其他嘢食，不過呢間pizza係當中最好食嘅！

一路都知呢間Pizza店係有一個好獨特口味嘅Pizza⋯⋯得呢間舖頭先有就係藍芝士蘋果pizza素食人士絕對唔可以錯過嘅Pizza😋😋過咗午市時間冇乜人可以直入Pizza即叫即做…等咗大概15分鐘有啲人聽到藍芝士可能會覺得好驚但係Apply係呢個Pizza入邊其實成件事係好和諧嘅薄薄嘅餅底夾住香甜嘅蘋果再加陣陣嘅芝士香味好快就已經一個人K.O.晒成個Pizza喺個透明玻璃見到晒廚師製作pizza嘅過程🤘🏻感覺療癒😆

虎年首個午餐吃啥？🤔身處中上環商業區加上是農曆年假想找吃的便得花點腳力及眼力猛然想起這所欲試很久的她當得悉她在營運之後才飄至🍑由於只有兩人共同晉餐所以只點了😋Prosciutto & Funghi (Mozz🧀/ Tomato🍅/ Ham🍖/ Mushroom 🍄) 意大利火腿白菌薄餅🍕以木盆奉客的Pizza上桌時熱呼呼薄薄的餅皮上是美味的團隊蕃茄的香氣爽口的白菌微鹹的火腿糾纏的芝士一口一口的吃至Pizza邊時鬆脆的餅皮令人愛不惜手縱使每人需吃掉半個Pizza但卻能不費吹灰之力之下完成😍另外在下點了Lemonade 有氣檸檬飲品配上Pizza是酒精以外不錯之選吧😆

朋友極力推薦的素食pizza，藍芝士蘋果薄餅。聽個名可能覺得怪怪, 但原來好好食架!唔好以為冇肉就會好乏味。藍芝士嘅鹹，配上蘋果嘅甜，兩種味道非常之夾，令人食極都唔夠喉!除咗食Pizza之外，佢哋嘅pasta都非常之好食。我地點咗西西里鯷魚露蜆肉青辣椒粗意粉，同埋松露油牛肝菌火腿大通粉。粗通粉配上魚露同蜆肉係非常之惹味，如果佢哋再多啲汁就更加正，因為食落有啲意粉係比較乾的。松露油牛肝菌火腿大通粉絕對都係必點之選，成個醬汁都非常之好食，每條大通粉沾上醬汁後，口感好Creamy, 但食落唔會覺得好漏。小食方面我哋揀咗香烤黑椒雞翼，同埋蕃茄芝士焗肉丸。雞翼大大隻，但肉質很幼嫩，塊皮烤得剛剛好，超好食。芝士焗肉丸方面，雖然餐牌寫係五件，但嚟到之後見到都有超過八粒。肉丸都係超好食，質感係結實得來又幾濕潤，配上芝士都係好滋味！總括來講，每碟菜質素都非常之高，難怪餐廳經常大排長龍。尤其鍾意食pizza嘅人千祈唔好錯過！

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴藍芝士蘋果簿餅（$178)作為呢間餐廳嘅招牌菜，亦都係我同肉公主第一次食藍芝士嘅經驗。比我地感覺真係好驚喜🤯😱初初我地都好難選擇，因為食開嘅pizza可能就係啲千島海鮮呀，辣肉腸個類嘅口味。如果單純得芝士，仲要係搭水果嘅pizza口味就真係未試過。講返pizza😛上到嚟算大份，兩個人食其實都有少少飽。藍芝士第一啖食落去，覺得只係比普通芝士較濃味，配搭埋蘋果就再有種酸酸甜甜地嘅味道。但隨住我地食落去就開始嚟料！我地慢慢feel到有種「霉」嘅味道充斥住我地嘅口腔😹係個種臭臭地嘅味道，不過未去到令我地反胃嘅程度🤢呢種味雖然係食完之後，一直係我地個口到左好耐（食左香口膠都係咁😇）但成個pizza真係值得一試！其實愈食就愈好食🥰估唔到淨係芝士同蘋果都可以咁夾。忌廉蟹肉大通粉（$158)好濃郁嘅忌廉大通粉，蟹肉愈都好多，食唔到有蟹殼👍我個人唔多鐘意大通粉，但係個醬汁好出色，而且好易混入通粉中空嘅位置，一啖食落去，覺得的確係比意粉更適合作為呢碟嘢嘅麵底👍😛香烤黑椒雞翼（5隻）（$58)味道正常嘅黑椒雞翼，熱辣辣，黑椒味又好濃😛係唔錯嘅小食。⭐️⭐️⭐️⭐️⭐️⭐️⭐️⭐️⭐️

呢間被yellopenrice加持過嘅pizza店相信都好多人認識，而本身我自己亦一直好想試😳 但因為出名多人排隊而又無得book位，所以一直未試過。前排全靠男友早啲去walk in排隊，終於有機會一試啦🤪一坐低緊係嗌佢嘅signature pizza啦！幾乎每枱都有一份蘋果pizza🤣 一上到嚟熱辣辣，雖然佢個pizza係薄身嘅，但好有咬口幾煙韌👍🏻 一開頭完全幻想唔到蘋果加blue cheese係咩味，原來蘋果嘅香甜係會中和到blue cheese咁strong嘅鹹味，幾有驚喜🤪 就連我平時麻麻地blue cheese都幾推薦！Pizza雖然好食，但估唔到連佢啲pasta都咁有驚喜🥰 嗌咗呢個餐廳推薦嘅大通粉，一上到嚟已經聞到好香松露味🤤 大通粉非常煙韌，而且通粉易索汁，啖啖都好多汁，加埋啲炒香咗嘅火腿一齊食，非常滿足🤩 不過略嫌份量有啲少，如果再多啲就更好啦！總括而言，呢間人氣黃店果然好有驚喜！一嚟佢嘅薄餅好有特色，無諗過blue cheese可以同蘋果夾到😋 二嚟係佢連啲pasta都幾出色，充滿松露香，食到停唔到口😳 兩個人食，一個pizza再加份pasta已經超飽🤤

相信呢間意大利餐廳大家一定唔陌生未聽過就要快啲去試下由兩年前呢間餐廳仲未出名前已經多次食過，望住佢由得上環一間到依加有三間分店，自己都鄧佢開心好幸運地呢次星期六黎都唔洗等位，之前就算平日夜晚黎都要等，可能最近開左分店人流分散左，不過入面既staff都依然態度好好無論黎幾多次都必食藍芝士蘋果薄餅🍕唔好以為素食主義者就冇野好食，第一次因為老闆推介下嗌左，之後每次黎都一定會嗌未食過既朋友可能以為芝士加蘋果會好奇怪🤔但食過之後包你返尋味除左芝士加蘋果冇諗到意外地夾之餘，蘋果淡淡地甜味加上芝士既鹹味啱啱好，配搭新鮮人手搓既薄餅，熱辣辣脆邊簡直冇得輸另一驚喜必食之選就係忌廉蟹肉大通粉啖啖蟹肉超足料加上忌廉呢個組合簡直係無敵口感cramey濃郁，一舊舊既通粉中間吸曬啲汁好入味，食完唔會覺得膩，兩個人食完全輕鬆搞掂餐牌上仲有好多菜式都想試，無奈兩個人食唔曬太多，下次一定會再去試其他

一直以來吃的pizza都是很傳統的，像是吞拿魚玉米、火腿菠蘿的。。。🍕直到這次跟朋友來這家餐廳吃pizza, 大家投票選了這兩款pizza，我就在懷疑這是什麼組合？會好吃嗎？🤔結果發現打臉了🤦‍♀️，除了pizza的餅底本身烤得香脆，它這種“奇葩”的餡料恰恰很意外的符合我口味😍😍😋😋打破了我以往對pizza的印象，現在才知道原來還可以有這種口味👍🏻👍🏻 ▪️藍芝士蘋果薄餅 Gorgonzola & Apple HK$178沒想到薄薄的蘋果片卻在薄餅上發揮了很大的作用，蘋果的青甜剛好平衡了藍芝士的鹹味，綜合起來的味道就多了一番層次感，非常開胃😉▪️川秀三文魚子遇上西西里檸檬啲皮 Ikura Storm HK$208一開始我們是被這長長又奇葩的名字給吸引了😂我還真沒想到這款pizza的味道能帶給我驚咬下去滿口的芝士，同時又能吃到檸檬的清香味，所以沒那麼膩，而且還有很多人都愛吃的三文魚子，每咬一口就感覺到口腔裡的三文魚子爆醬也感覺特別療癒呢🤪 ▪️忌廉蟹肉大通粉(意粉) Creamy Crab Meat Rigatoni HK$158因為我本身對大通粉不感興趣，朋友們為了遷就我叫服務員改成意粉了🍝這

呢間店係位於上環地鐵站附近的食店，之前杜文澤都有介紹過！！睇落好好食咁，所以就決定去試一試！果然冇令我失望！我係特登黎食嗰個藍芝士蘋果pizza！未食之前覺得蘋果pizza咁奇怪？即係甜定鹹？不過食過之後發覺呢個係我食過最特別嘅pizza！藍芝士夠哂多唔再講，蘋果切成薄片甜甜地，pizza表面見到有少少糖，味道好fresh！食哂都唔會有好滯既感覺！呢個我覺得係必試！推介！推介！另外仲試左蒜香蕃茄辣椒大通粉&香烤黑椒雞翼，通粉就比較辣，好食得辣既朋友仔可能會覺得唔錯，我就覺得太辣🤣另外雞翼就黑椒味好濃，但就有少少乾😮

久仰大名的藍芝士蘋果薄餅，今日終於有機會經過上環，當然要來試一試！晚餐嘅時候，來到餐廳門口，已經要有一條人龍喺度排緊隊，等咗大約半個鐘，終於有得入去了！藍芝士蘋果薄餅，藍芝士的味道非常香濃，而且有少少鹹味，鍾意食芝士嘅朋友一定非常鍾意食！蘋果簿簿的放在薄餅上面，帶有少少甜味，中和返芝士嘅味道，唔會有令人食滯感覺，配搭得非常之啱啱好！Pizza餅底係人手製，非常之簿同香脆。終於明白出邊點解即使如此有長長的人龍，大家都咁堅持排隊，就咁一個Pizza都已經值返晒除咗Pizza，仲叫咗個黑椒雞翼, 黑椒味同雞翼非常之配搭，雞翼新鮮，係一個好食嘅小食同時，餐廳有唔少嘅手工啤酒。店員推介左一隻水蜜桃味嘅手工啤酒，比較啱女士飲，容易入口。手工啤酒有淡淡的水蜜桃味，冇乜啤酒嘅苦澀味，係好飲嘅果味酒，配搭Pizza同埋雞翼，非常之夾！

食Pizza平時都比較鍾意食肉類為主嘅口味。見不少朋友都推介話試依一間嘅蘋果藍芝士Pizza Gorgonzola Cheese and Apple $168蘋果甜甜地配臭臭嘅藍芝士，完全中和咗芝士嘅膩，兩樣食材出奇地夾，感覺幾清新。 個pizza 其實好大個、2個人食一個都飽，所以超值價Calamari Fritti $88 不過不失，這一款是魷魚比較細隻，炸粉比較厚，口感好脆。不過個人口味比較喜歡比較厚肉嘅魷魚😅