Jagger

營業中

休息中

今日經過尖沙咀見到呢間餐廳環境幾靚, 又可以同friend飲下野幾chill就入左去試, 都幾高質會encore👍🏻Grill Canadian Pork Saddle Bone首先main點左炭燒加拿大有骨豬鞍扒, 豬鞍扒fix左粉嫩程度係七成, 所以做到外面炭燒味濃, 入面keep到肉汁同軟熟, 另外配菜都好豐富, 有焗薯, 烤栗米芯, 紅蘿蔔, 豆角etc, 全部調味 / process過, 好有誠意👍🏻Cheese And Spinach Ravioli With Pink Butter Sauce另外必試Jagger芝士菠菜意大利雲吞, ravioli皮薄, 內餡係滿滿嘅芝士同菠菜都幾足料, 再加埋個自家製pink butter sauce, 食落蕃茄 / heavy cream味同樣出, 好rich~Clam And Mussels With Garlic Butter SauceAppetizer點左意式蒜香牛油汁配藍青口及蜆, 估唔到份量都幾多, 一次過可以食到藍青口同蜆, 都新鮮唔會太腥, 另外可以用蒜蓉包點sauce離食, 少少脆, 吸收曬啲牛油蒜香精華Fresh

Jagger (尖沙咀)上星期跟朋友去K11逛街後上網看到附近赫德道的Jagger裝修挺不錯就出發去這間餐廳吃晚餐餐廳位置較為隱世但換來較寧靜的環境餐廳門口直入是戶外位置燈光較為暗，氣氛較Chill而餐廳門口右轉為室內餐廳雖然空間不大但座位較少而且有一邊是半室外所以毫不擠迫餐廳主要播放hip hop音樂但不會很嘈吵所以是個約朋友來傾談的好地方Tiramisu $108 (HH$88)-本來打算點Mocktails, 但經店員介紹 嘗試了酒精較少的Cocktails 此款用Baileys, Kahlua, Frangelico, Cacao White Liqueur, Milk去調制 酒味確實如店員所說不明顯 而且帶甜味 非常容易入口，好飲！推介！Grapefruit Gin Tonic $108 (HH$98)-而另一款是朋友點的 用Grapefruit-Infused Gin, Tonic Water調制 酒味比Tiramisu多但亦不重 西柚味跟酒味配合得很好 朋友亦十分推薦 如果想要酒味較多的飲品可以找店員推介 意式蒜香牛油汁配藍青口及蜆 $158-藍青口

尖沙咀赫德道，具有情調又有氣氛既隱世酒吧，有戶外花園位置，夜晚會好chill，岩哂同朋友飲嘢傾偈。而室內燈光暗暗地，裝修有外國感覺，環境舒適又空間大，再加播住hip pop的音樂，坐得好舒服，成個環境都好enjoy同relax！意式蒜香牛油汁配藍青口及蜆🥘 $158青口同蜆肉質飽滿，非常新鮮，沒有沙，配上香濃的牛油汁同蒜香味，令味道昇華。仲有蒜蓉包，點上汁的精華，好鮮甜！Jagger特色火焰德國咸豬手🐷 $198上菜時，職員會即時在面前落橙酒同點火燒一燒豬手，有火焰效果，豬手外脆內軟，味道不會太油膩！配菜仲有德國酸菜同薯角。Jagger芝士菠菜意大利雲吞🍝 $138意大利雲吞軟硬適中，內裏有足料既芝士菠菜，再配搭creamy醬汁。炸薯條🍟 $68薯條熱辣辣，外酥內軟，炸到金黃色，再配上茄汁。🥫Fresh Green🍸 $68Mocktail🍸 加左青瓜、蘋果、薄荷葉同蘆薈，飲落好fresh，唔會好甜。Tiramisu🍹 $88用咗Bailey做base，配上caco white liqueur 同牛奶，感落好creamy，酒味唔算好重，再加上沙冰，飲落真係好似tiramisu！整體來講

今次同朋友去左尖沙咀，搵左間好舒適好打卡able的cafe, 坐坐下先知原來呢度夜晚開到2:00am架!! 可以飲酒同食晚餐呢~!不過我地今次係食lunch的，朋友點左意式香蒜蝦意粉。意粉煮得剛好彈牙，蝦肉新鮮彈牙，每一口都充滿濃郁嘅蒜香同鮮味。意粉配上橄欖油同其他調味料，味道鮮美而不膩。我就介紹一下Jagger全日早餐。呢個早餐組合有多款美食，包括迷你牛角包、沙律菜、德國腸、辣雞翼、薯餅、炒蛋、巴拿馬火腿同蘑姑。牛角包鬆軟香脆，德國腸肉質彈牙，辣雞翼酥脆多汁，薯餅炸得金黃酥脆，炒蛋香滑美味，火腿同蘑姑鮮嫩可口。呢個組合豐富多樣，份量都好十足，我一個人都食唔哂呢。飲品就點左ice cap，咖啡濃郁香醇，每一口都有咖啡嘅香氣同濃厚口感，隻杯都好靚添呀！仲有呢度原來都有凍檸茶架，檸茶帶有淡淡嘅檸檬香氣，非常適合作為消暑飲品。整體而言，呢度環境好乾淨，裝潢帶有西式渡假風，坐下坐下就可以渡過好舒適嘅下午呢！

這家餐廳的環境非常nice，室內室外坐位，寬敞又舒適，而且很有自己的風格，一種很chill的 簡約風隨意用手機一拍，都是滿滿的氛圍感～食物方面餐廳主打多國菜，還有各種扒類，不僅環境好，菜品和飯品也十分出眾，很有驚喜。其實香港有很多這種價錢不貴，性價比高，好吃服務也好的多元化餐廳，留港消費也是很好的選擇。菜品推介意式炸飯球Arancini：Arancini是意大利南部西西里島的著名小吃。用意式燉飯裹著芝士，再用油炸，外皮鬆脆，配著入面溶化了的芝士Risotto加入香草，味道有層次之餘也不會太膩～黑松露醬配牛扒(Tenderloin)這個牛扒肉質特別鮮嫩，搭配上特有秘制黑松露醬汁，綜合了黑松露醬還有濃郁的肉香味，推介

今晚同frd黎尖沙嘴食個飯。jagger主要賣西餐，比起酒吧佢比較似cafe，d裝修好modern。意式蒜香牛油汁配藍青口及蜆:藍青口同蜆新鮮，無沙，份量都唔少，配4塊多士，搭配上濃郁嘅意式蒜香牛油汁，幾唔錯。避風塘風味蜆墨魚麵:蜆嘅鮮甜同墨魚麵嘅彈牙完美結合，兩者嘅味道互相融合，同埋幾香辣。同埋難得d麵唔會食到成口都係黑色，如果約會都唔會太尷尬。碳燒加拿大有骨豬鞍扒:豬鞍扒口感好嫩滑，肉質鮮美多汁。碳燒味調味剛剛好。佢已經切好左係bite size，方便我呢d懶人。叫左2杯mocktail，YuNi同 fresh green。2杯都有mint所以好清新，唔會太甜。整體食物質素幾高，同埋舒服好坐，餐廳外面都有d位坐。

尖沙咀好多好有特色嘅酒吧，呢間我覺得都幾特別嘅！因為呢度有戶外同室內兩大區域，戶外座位好有Feel，見好多客人嘆住酒；入嚟室內就好光猛，有舒服嘅Cusion雅座，播住音樂，氣氛再Chill啲軟殼蟹牛油果沙律 ($118)擺盤好靚。欣賞佢沙律菜用上一口Size食得唔會論盡。牛油果偏熟，香軟又飽肚；而軟殼蟹對半分，兩個人share，一人半隻剛剛好，軟殼蟹炸得香脆，調味適中，成個沙律鹹鹹酸酸咁，都幾唔錯避風塘風味炒蜆墨魚麵 ($148) 好精緻的菜式，聞落好香炸蒜味，食落椒麻油的餘韻幾強，呢種中西式fusion菜都幾特別，意粉醬汁唔係行濃郁路線，加埋好多清甜嘅蜆肉，清清地唔會好Heavy炭燒牛柳配黑松露蘑菇醬 ($238)黑松露蘑菇醬好香黑松露味，配薯蓉食幾好牛柳扒好軟熟，輕輕力已經可以切開，風味都濃郁整體鹽味偏濃，配埋烚蔬菜食剛剛好Sick leave ($68)由火龍果，莓汁，青檸汁，梳打水打成，莓汁甜味好出，火龍果肉可以再增加口感Fresh Green ($68)綠色健康飲品，賣相同飲落都好清新。主要味道係薄荷薑汁汽水做基底，加入切得好靚的青瓜同蘋果片，份外賞心悅目

夜晚係bar & restaurant ，朝早竟然係一間好chill 嘅Cafe 😍環境非常舒適，超多打卡位！Lunch set 唔貴🥹平均都唔需要$100🤓仲有好多特色飲品，yogurt smoothie好大杯，仲要超級靚😎意粉好彈牙😋食物係OK, 服務態度非常友善，服務員總是笑容滿面，樂於解答客人的問題。整體而言，Jagger是一個適合與朋友聚餐或放鬆的地方，無論是白天還是晚上都有不同的氛圍。唯一的不足之處可能是食物創意方面可以更上一層樓。

近排終於忙完手上嘅嘢，可以約朋友出街飲吓嘢。我自己比較鍾意飲嘢同晚餐係同一個地方，好怕轉場，但係無奈好多時飲嘢嘅地方食物質素都好一般，所以如果難得搵到有酒吧嘅嘢食係高質嘅話就好想再去。呢間餐廳都符合我嘅想法，佢有好多Cocktail嘅選擇，我哋今次揀咗Butterfly同埋Free World，外型非常討好，打卡一流。最緊要係佢嘅食物質素都好高，我哋叫咗幾個dishes都非常好食，最鍾意係佢個避風塘風味墨魚麵，個蜆估唔到勁新鮮，意粉嘅調味適中，好食過真正嘅重口味避風塘，唔好諗住墨魚麵就會整到成口黑色，呢一款無呢種問題，同男仔去食都唔會核突。另外都好欣賞佢個意式飯球，炸得夠脆，送酒一流。軟殼蟹沙律都唔錯，同埋黑松露意大利飯軟硬適中，仲有好多野菌。坦白講呢到性價比都算幾高，仲要喺尖沙咀K11 Art Mall隔離，約人飲嘢真係一流，如果有朋友食煙，佢仲有室外位置，氣氛都好好，趁佢happy hour時間嚟飲品都會平少少，呢個價錢尖沙咀來講算係一個幾好嘅選擇！

我哋叫左星期日同朋友去尖沙咀睇戲, 係K11附近搵左間既酒吧餐廳食飯。餐廳裝修好有渡假風, 室外擺放好多植物, 環境幾舒服, 可以好chill係度食野傾計。如果夜晚黎飲野會仲好氣氛。我哋叫左兩款lunch, 煙三文魚蘆筍意大利飯, risotto入口煙韌creamy, 味道好夾。而紅酒牛柳粒貝殼粉, 牛柳粒幾嫩滑, 食落有紅酒味。另外玫瑰咖啡飲落去玫瑰味幾香, 味道唔錯。假期唔想係商場同人迫, 係呢度食野都幾relax。

尖東有一間用餐氛圍不錯的酒吧裝潢以黑白為主⚫️⚪️再以霓虹燈為裝飾 充滿格調適🈴三五知己一同聚腳的好地方啊🍹Air Force Red混合了士多啤梨🍓、荔枝、蘋果🍎及生薑味道酸甜開胃🍹Ice-Land荔枝的甜美中夾雜紅茶的甘醇及果香加上熱情果酸香味道獨特清新 層次感豐富 🐚意式蒜香牛油汁配青口及蜆青口及蜆新鮮份量充足味道偏向清新充分保留海鮮的鮮味✨🐖Jagger特色火燄德國咸豬手招牌菜式🌟上菜時熊熊烈火🔥份量十足外層香脆 內裡軟腍餐廳運用了橙酒🍷逼出多餘的油膩感吃多也沒有太大負擔感🍄黑松露野菌燴意大利飯蘑菇味突出🍄‍🟫質感 creamy 香濃飯粒軟硬適中

個feel好chill既一間西餐廳mix酒吧🥂餐廳分室外同室內 涼小小既天氣坐係岀面會更relax😌而且有好多植物 完全唔似置身於鬧市之中今次我同朋友就揀左室內坐 環境寬敞 裝修比較外國feel 好有格調👍🏻飲品叫左2杯🥂🌟Sick Leave 簿荷味較重 有小小火龍果 底仲有火龍果肉 一邊飲一邊食 另外都做左漸層效果 打卡一流🌟Ice-Land 沙冰質地 有枝竹籤串住荔枝 飲落有小小似荔枝mix熱情果 仲有枝薰衣草 賣相精緻😍食物方面就叫左1個前菜同2個主食😋🌟地中海風味意式飯球入面有小小飯粒 薯蓉 醬汁有小小芥末味 原來地中海風味係咁樣！幾特別幾好食 令人好surprise既一道菜🤩🌟炭燒加拿大有骨豬鞍扒🐷店員又話做到七成熟 但其實係安全食用嘅程度 上菜嘅時候已經切好 十分細心！色澤帶粉紅 好嫩滑 唔會靭 咬落有肉汁😍🌟避風塘風味炒蜆墨魚麵有炸蒜鋪面 六隻大蜆 都有小小辣因為真係有避風塘嘅味道 呢個Crossover喺香港人特有嘅味道 一定要嚟試吓！😍 另外 蜆真係大大隻 而且厚身 好好味！因為太飽就無再叫甜品 但係絕對會再黎！環境同食物我都俾💯😍

今日約咗朋友食晚餐，想搵間chill啲輕鬆啲嘅西餐廳，上網喺尖沙咀見到呢間，環境優美，所以去試吓。真係幾OK喎，入到去餐廳嗰邊有音樂，有梳化同咕𠱸，都坐得舒服。另一邊坐巷嘅，傾吓偈，感覺好輕鬆。我揀咗喺餐廳入邊坐，即刻好似忘卻咗日常煩惱咁，專心嘆我嘅晚餐。朋友叫咗黑松露雜菌燴意大利飯，我叫咗炭燒牛柳配黑松露蘑菇醬，加一柸Ice-land，一柸Air Force Red, 最後加多個Jagger 心太軟.朋友話意大利飯好好味，性價比高，蘑菇好香，質感剛剛好，佢仲試賣咗食用花，話好鮮味，襯返個飯😂。我份牛柳五成熟，真係煮到好淋滑，有牛味，食到咁嫩口又唔鞋既牛，而家都唔係咁容易。值得一讚係配菜都好入味，蔬菜新鮮，薯蓉好滑。朋友柸Ice-land好快飲哂啦，佢話好味，凍冰冰，好解暑。我柸Air Force Red甜甜地，好清新。心太軟就一定要讚一讚個蜜瓜雪糕，好新鮮嘅味道，仲有蜜瓜肉喺入邊，唔知係唔係餐廳自己整，好好味。心太軟當然切開有朱古力醬流出嚟，再加埋凍冰冰嘅蜜瓜雪糕，一絕。會再黎chill下😎😋Yummy Yummy: 9/10😋

我最近去左尖沙咀嘅Jagger食嘢，真係好出色！佢哋嘅菜式好豐富，味道又正，推介同朋友來聚腳。首先，我試咗佢哋嘅「北海道刺身帶子配三文魚子及酸青瓜」。刺身帶子新鮮得嚟就好滑口，加埋三文魚子同酸青瓜，一齊食真係好開胃。另外，我試咗佢哋嘅「燒加拿大有骨豬鞍扒」。個樣普普通通，但食落真係又嫩又多汁！佢哋燒得好好，表面有啲香脆焦味，入面嘅肉質好滑嫩。每一刀落口，都有濃郁嘅豬肉味道，真係令人回味無窮。然後，我試咗佢哋嘅「香辣茄汁海鮮燴意大利飯」。飯煮得剛剛好，每粒飯都係彈牙有嚼勁。而海鮮同番茄醬嘅組合，真係好香又有味。辣椒唔會好辣，唔食辣都食到，但又提到味，海鮮有蝦，八爪魚，青口，蜆肉，好足料。黎到酒吧當然要嗌酒。如果你鍾意容易入口嘅啤酒，我推薦你試下佢哋嘅「Sam 76 beer」。呢款啤酒香濃而且清爽，有啲微微嘅花香同果香，好適合配搭佢哋嘅菜式，係一個好好嘅選擇。最後，如果你唔飲酒，可以試下佢哋嘅「Sick Leave mock-tail」。呢杯飲品係一個無酒精嘅雞尾酒，有火龍果做base,有啲酸酸甜甜嘅口感，好解渴同開胃。如果你想飲杯清涼又特別嘅飲品，可以試下呢個。總括而言，Jagger係

尖沙咀都有氣氛好好嘅吧，環境優雅又超Chill，估唔到味道都咁好食！呢個地方真係好啱傾偈飲杯嘢，flower speechless好飲到Speechless！估唔到用prosecco都可以溝得咁好飲，因為加咗接骨木花酒同埋玫瑰糖漿，甜得來好易入口🥂意式蒜香牛油汁配青口及蜆($158)呢個前菜好開胃，蒜蓉包焗得非常之香脆，加埋蒜香牛油汁好惹味，青口同埋蜆都好鮮嫩😋黑松露野菌燴意大利飯($128)呢個原來係素菜嚟㗎，但係好好食，食落口為之一振！口感好Creamy好濃郁，黑松露完全融入意大利飯，一啲都唔稀，菇菌嫩滑得嚟份量好多，忍唔住一個人都食晒一碟🤤炭燒牛柳配黑松露醬($238) 叫咗medium Rare，食得出牛柳好新鮮，即使有血水都唔係杰嘅👍份量唔多，但係啱啱好，輕輕一點黑松露醬，唔錯👍