Jan Jan 串揚專門店 (鉅芝樓)

營業中

休息中

作為一名會計師，每個月都有忙到冇時間食飯嘅時候，今日終於把工作清空咗，決定好好獎勵自己嘅辛苦。附近嘅Jan Jan串揚係最近幾個月忙碌完後我會一個人去享受嘅地方。佢哋嘅菜單不斷創新，所以百去不厭。外邊落緊雨，先嚟一瓶清酒暖暖身，今晚想要嚟啲熱呼呼嘅，先叫老闆嚟一份燒蠔拼盤，上個月我太遲到，已經售完咗。呢份有三粒唔同口味嘅明太子燒蠔、清酒燒蠔同埋鹽味燒蠔，就好似完美嘅人生勝利組。每粒都各有風騷，我最鍾意嘅係鹽味嘅。之後上菜嘅有燒牛舌，內嫩多汁，呢款亦係招牌料理之一，回頭率好高。番茄燒芝士雞肉係我上個月食過後嘅新歡，一層芝士微微溶化喺雞肉上，食起嚟酸甜鹹嘅味道，好似講緊我嘅人生。再嚟一份燒京蔥雞，京蔥對於啲人嚟講係唔鍾意嘅，但對我嚟講，和雞肉一齊燒，燒出咗蔥嘅香味，令雞肉多一分色彩。通常我會把重頭戲放最後，呢個時候就係酒香海膽撈麵出場啦～絕對值得大家打卡嘅麵食，把雞蛋、魚子同埋海膽同麵撈個團團轉，令我食到暈乎乎，真係無敵好食。美食同微醺，也許呢個就係打工人嘅小小幸福~🥰

有時都好嘴饞日本串燒🤤 特地喺OpenRice搵到呢間餐廳，餐廳總店嚟自大阪，係當地人氣串揚連鎖專門店！分店嚟到香港開，梗係要去打卡啦！我哋兩個盲點咗好多串物，樣樣都炸得金黃酥脆，非常美味😋🔥 燒赤雞頸肉雞頸肉經過腌製後已經好夠味道，再加上外皮燒得焦脆，散發出濃郁嘅肉香味！🔥 炸海老 蝦子非常新鮮，加上本身就帶有自然嘅鮮甜味，外酥內軟嘅口感真係正！🔥 炸蓮藕蓮藕外層炸得酥脆，但係內裡仲保持住蓮藕原有嘅軟糯口感。💕🔥 燒冬菇冬菇外面微焦，咬落去仲有汁水噴出嚟！但千祈唔好太心急，因為好燙舌😹🔥 燒牛肉烤得微焦的牛肉，肉質仲係好鮮嫩。豐富嘅肉汁喺嘴裡噴發嘅感覺真係美妙～🔥燒京蔥京蔥嘅表面已經燒得焦焦地，有濃濃嘅蔥香味，仲帶有淡淡嘅辣味。😋🔥 燒白鱔白鱔嘅肉質新鮮細嫩，唔需要過多調味就已經好鮮美～🔥 炸金時紅薯紅薯嘅外表非常酥脆，但係入面甜甜糯糯，口感特別好🤤

今日我同男朋友一齊嚟呢間日式串燒居酒屋食飯👩🏻‍❤️‍👨🏾佢好有心機，早早就訂好位，就算係繁忙日子，我地也毋須等位~店員先俾我地一碟鮮甜香滑的「柚子豚肉燒」。每一次咬下，都能感受到滿口既豚肉香味，同埋柚子帶來的微酸清新，簡直小清新之選！大隻的「炸海老」更加是人間美味！香脆的外皮包裹住鮮美的海蝦，真的是非常美味😍同埋佢既size夠晒大，就算係只食一隻都會夠晒滿足！實在無法抗拒呢道「燒羊架」既誘惑😬。每一塊羊架都燒得剛剛好，帶有炭烤既香氣，但同時每一啖都可以品嚐到羊肉既鮮美同埋嫩滑。而呢道「炸三文魚煙肉」👍🏻👍🏻。煙肉的香氣混合了三文魚的鮮味，簡直是不得之了！！！！個肉質一黎已經係好豐富嫁啦，二黎兩者個味道竟然係好夾嫁wo！！估唔到，驚喜阿！！每個炸物之間，都會配上一杯「清酒」。一杯下肚，正阿！整體黎講，「Jan Jan 串揚專門店」既每一道菜都非常具有特色，而且味道都好好，我們真係好享受，絕對物超所值😋

好記得第一次食日式串燒酒係喺日本🇯🇵太耐冇得去旅行就搵住日式串燒止下癮先，今次嚟到呢間灣仔人氣好高嘅Jan Jan 串揚專門店 ➡️首先就黎Jan Jan 炸富士蘋果 ⬅️ 富士蘋果源自日本，食落去口感特別，外皮炸得乾乾脆脆，蘋果汁都唔會流走，每一口一啖落去個果汁同埋果甜就湧晒出黎，熱辣辣食落肚，係一種享受👍🏽。然後試炸洋蔥 ⬅️洋蔥軟軟甜甜，食落口有種酥脆既口感，洋蔥的清香微辣連同淡淡既甜味一擁而上，令人想再食多一啲🤤。再黎炸雞皮蝦、炸雞肉紫蘇卷⬅️ 炸雞皮蝦好彈牙，蝦肉實在，皮炸得金金脆脆，食落口非常滋味；又有一款係炸雞肉紫蘇卷，將肉同紫蘇葉放埋一齊，炸成一款酥脆既串燒，美味又有層次感🤤。然後食埋燒京蔥雞，燒冬菇，燒白鱔，燒芝士蕃茄雞肉⬅️ 呢幾款串燒既風味都超正，燒得香氣撲鼻，雞肉鮮嫩多汁，京蔥恰到好處，爽脆又有蔥香味；清爽的蔥烤得岩岩好；白鱔、芝士蕃茄和冬菇同雞肉配在一起，更濃味，覺得大大的滿足😋。

今次晚餐就約咗班朋友喺灣仔既日式串燒居酒屋「Jan Jan 串揚專門店」一齊食返餐好，同埋傾下計🤗。🌟首先黎個柚子豚肉燒，鹹香中透著一絲清新既柚子香💯，燒得恰到好處既豚肉帶有豐富口感，juciy係最好既形容詞😋。🌟接著系炸三文魚煙肉，香脆加上魚肉嘅嫩滑，絕對係神配，呢個咁正嘅口感係只有係呢到食到💯。🌟而我哋嘅炸半熟玉子，半熟的蛋黃流出，真係好好食阿，點解可以做到咁完美既生熟度嫁？？真心好正阿👍。🌟再來就係炸年糕同炸蓮藕，炸得香脆嘅魅力，充滿了獨特嘅口感💯。🌟最後我哋仲試埋燒牛肉同燒芝士蕃茄雞肉，牛肉既肉質扎實，火候控制得好好，燒得岩岩好，再配上芝士蕃茄雞肉既醇厚口感，真係一餐好完美既串燒晚餐阿👏。「Jan Jan串揚專門店」享受既串燒晚餐，無論是食材選擇定係調味，都讓人讚不絕口。實在太值得了! 我哋一定會再黎！🏆

啱啱去完大阪就有啲心掛掛大阪嘅名物，咁啱喺灣仔見到有呢一間居酒屋主力係食日本嘅炸串，咁就二話不說約埋朋友，今晚去試吓，餐廳位置喺金鐘同埋灣仔中間，兩個站出其實都比較方便，行過去都唔係真係太遠✔️炸年糕，本身係會跟紫菜一齊炸，餐廳嘅店員會叫我哋先食年糕，因為如果擺耐咗會好硬，啱啱炸好嘅年糕非常鬆軟，而且加埋餐廳特別嘅醬汁非常好食，煙靭嘅口感令人回味無窮！另外推介佢嘅炸蝦，睇得出絕對唔係冷藏貨，隻蝦都非常彈牙，加埋餐廳嘅海鮮辣汁，正！餐廳都有提供串燒，同埋其他日本嘅和食，係傳統嘅居酒屋！👍🏻

如果唔係有個日本朋友介紹我都唔知道香港有間咁正咁好食嘅隱世居酒屋！🥰🥰🥰🥰事關早兩日同我兩個日本朋友傾開偈大家傾開去邊度食好西佢強烈推薦呢間位於灣仔嘅串揚專門店佢以日本同鄉身份認證係絕對正宗高質嘅！上網搜尋過知道原來佢哋嚟咗香港八年尋晚我就拉兩個Fd 試一下再次強調如果唔係日本嘅朋友介紹俾我識我真係唔知道呢間嘢因為去到幢大廈嘅樓下你都完全察覺唔到原來樓上間咁正咁正宗嘅居酒屋嘅存在㗎😅😅😅佢哋係主打大阪嚟嘅串揚即係串炸另外餐廳亦都會有串燒我地就梗係乜都試晒啦😙當時其實叫咗好多嘢食因為店員親切地介紹食法兼叫我地襯熱食結果好多都影唔切相唔吃唔知好味😜🤩炸嘢我真係要推薦大家試吓佢哋嘅炸年糕同埋炸咖喱飯特別係個咖喱飯超得意好有特色廚師將啲飯捏到好似腸仔咁一條再拎去炸！份量少少哋好滿足☺️燒物方面佢哋有個提子豚肉燒非常好食🤤前菜我推薦牛油果蟹肉沙律一樣係非常之出色🥰蟹肉好多啲牛油果肉仲好滑添呢間嘢果然名不虛傳❤️一定要推薦俾身邊所有朋友認識啊！

來自大阪炸串專門店 Jan Jan，除左主打炸串外亦都有串燒、刺身等等選擇，大部份食材由日本入口絕對原汁原味。🔥- 醃製鯖魚刺身片 HK$69 🍣清新開胃刺身!!鯖魚醃製後散發微微醋酸香，肉質結實有彈性，魚香及油香充足。- 串揚-免治鴨胸配芥未洋蔥醬 HK$39 🦆🧅開胃鴨串!!免治鴨胸球非常鬆脆，充滿鴨肉甘香，配上香甜芥未洋蔥及炸蒜十分惹味!!- 串揚-三文魚子海鮮球 HK$45 🐟鮮香滋味!!海鮮球中充滿蟹肉，同樣鬆脆無比，三文魚籽添加香氣及油潤感，配上清新他他醬，充滿海鮮風味!!- 串揚-芝士 HK$28 🧀有驚喜!!用水牛芝士切塊炸香，芝士咸香味十足，口感微微煙韌，剛炸起即食仲可以玩拉絲超正!!- 串揚-子持昆布 HK$39 🐟可以不試!!鯡魚在昆布上產下的魚籽，味道較淡，炸漿甜味蓋過魚籽鮮味。- 串揚-牛 HK$33 🐂牛肉炸得過火!!肉質過硬，唯牛肉味道尚在。- 串燒-汁燒雞肝 HK$48 🐣火候太勁!!表面充滿燒烤香氣，肝香味十足，可惜熟度過火，口感不夠嫩滑。

今日食咗呢間串燒店 最好食係提子豚肉燒燒雞串海膽撈飯，但份量唔多 性價比低，兩人食埋單 要$800幾蚊 幾貴 地方唔大 坐低有啲迫 但氣氛幾好 但服務員水準參差 女服務員態度好 男嘅就大大聲有呼喝嘅感覺😅偶然食一次還可以 但不會返來食 因應該有其他更好更抵選擇

最近見到好多人都打卡呢間位串燒店，我地都冒名而來，試下佢地既日式串燒套餐。雞胸軟骨@@@@@@具有嚼勁的口感和淡淡的雞肉風味。雞胸軟骨含有豐富的蛋白質和膠原蛋白。半熟玉子@@@@@@蛋液軟嫩，口感滑脆，帶有淡淡的甜味。半熟玉子富含蛋白質和維生素。金時紅薯@@@@@@味道甜美，質地柔軟，富含膳食纖維和維生素。燒飯糰@@@@@@以麵豉味為調味，味道鮮美。它提供了碳水化合物和纖維，能夠提供能量和飽足感。間野嘅舖頭位於地鐵出口附近，其實交通都好方便好就腳。我地搵到一個可以靜靜地一邊食一邊傾偈的地方。好食推薦🏆🏆🏆🏆🏆質素品級🏆🏆🏆🏆🏆

一入到舖頭，店員已經好熱情咁樣招呼我哋，然後又送咗一個頭盤，頭盤係椰菜，食落非常之清甜，店員仲推薦我哋用個菜點佢哋嘅特色醬汁，感覺上酸酸甜甜，食串燒食得膩得滯嘅時候食呢個椰菜就最啱啦！半熟煮玉子流心蛋外包裹着一層薄薄的炸皮，店員的建議食法是吃一半才點鹽再吃，一口咬下去濃濃的蛋黃馬上流出，推薦！牛舌牛舌烤得剛剛好，油脂不算太豐富，不過勝在有一定的厚度，一口下去吃肉的滿足感便上來了。釀香菇在蘑菇中釀了一些雞肉的餡料，蘑菇烤得微微焦黃，拿起來便聞到濃郁的香氣，咬開蘑菇的汁水，便源源不絕地流出來。雞胸軟骨較乾身的串燒，本身的味道已經很足夠，有鹹香以及雞肉的香味，加上軟骨爽脆的口感，令人想一試再試！蟹黃燒雞髀菇個人對這個串燒有點失望，蟹黃比想像中要腥得很，和雞髀菇的感覺也不是太夾，是一試便不會再試。芝士蕃茄雞肉這是我推介的菜店之一，一大片芝士覆蓋着兩塊雞肉和一粒蕃茄，蕃茄的甜酸中和了芝士有點膩的感覺，雞肉中亦帶有奶香，三者完美配搭，一環扣一環。雞肉棒 一支雞肉棒會額外送一個月見汁給我們，雞肉棒本身已經有調味，只有點月見汁的時候才令到鹹味剛剛好，不過我很欣賞雞肉的口感，內裏還帶點軟骨，令口感層次變

去完日本冇幾耐返到香港又想再去了😀😀冇得去住就唯有係香港食住日本的料理解下思鄉之情吧🥹這間餐廳主打就係串揚和串燒仲要其他日式的食物🥘感覺幾有日本的風味的幾適合一大班的朋友一齊去食傾下計😆自己一個人去食胃口又不是十分大所只係叫咗少少的食物就已經飽了。但叫的食物都係好食的，主食叫了燒飯糰的醬油味🍙仲有麵豉味的但就按自己的喜好啦。燒飯團都幾大個，一個女仔食完都已經飽了一半了😂串燒叫了3款。有芝士蕃茄雞肉🍗芝士和蕃茄係一個不會錯的而加埋雞肉又juicy😆雞翼就正常的水平啦。牛肉冇羶味但會有一點的牛味，也頗香口的😝

以下係我同朋友一致認為覺得幾好食的食物❤️有炸蓮藕 半熟玉子 雞肉紫蘇卷🐣三文魚煙肉🥓麵豉味燒飯糰🍙沙律🥗本身和朋友都幾鐘意食飯糰燒完後會感覺飯焦一樣口感十分好又香🤭配上半熟玉子係一個必食的組合🫶🏻 雞肉紫蘇卷會冇咁滯的串 紫蘇和雞肉是幾夾的😉雞肉也很嫩冇雪杲不錯👍🏻而沙律食完咁多的熱氣食物後真係好適合會中和返成餐飯冇咁多罪惡感😌三文魚煙肉就純粹係我鐘意食三文魚啦🤣蓮藕一般我地都不太會食的但炸了之後真的整個感覺完全不同😆唔食蓮藕都食咗一半要試吓先得😙大家都可以去試吓呢間餐廳整體質素很好💦

位於灣仔既呢間餐廳環境優雅，裝修充滿日式風味，店員服務態度親切。呢度既魔鬼魚乾非常有特色，平時都好少食到，多數都係食雞泡魚乾，原來魔鬼魚乾既口感都係煙煙韌韌，好有咬口，點啲沙律醬更加好食😋另外呢度都出名炸串，好似呢個免治鴨胸串揚就夠晒特別，鴨胸串炸得金黃酥脆，內裏既鴨胸好軟腍，口感極佳，配上特製醬汁同煙肉碎，更是美味😝牛臟煮亦係味道獨特，牛臟燉得鮮嫩可口，入口即化，香味撲鼻，肉食愛好者既不錯選擇，而且湯汁都充滿牛香，濃香味美😚大阪炒麵就做到色香味俱全，好好既一個主食，麵條勁道有嚼勁，加上蔬菜等配料，味道豐富😁

我最鍾意嘅日式餐廳，一定係灣仔「Jan Jan 串揚專門店」❇️最鍾意佢近窗位置，視野開揚，光線充足，食嘢都心曠神怡啲😍Lunch Set附送沙律、日式醃菜、麵豉湯～沙律菜都幾新鮮，食落索索聲🥗日式醃菜一向都係我最愛，酸甜醒胃，配飯一流🍚仲有一碗麵豉湯，正正常常，食飽飯可以濕濕口😆主食揀咗✅封門柳拖羅蓉丼，封門柳份量都唔少，燒得外焦內粉嫩，好耐都未食過咁高質嘅封門柳😍最驚喜嘅係丼飯上面嘅拖羅蓉，新鮮度滿分🐟魚油味香濃，配埋封門柳係意想不到嘅美味，下次嚟到都要叫返依個Set先得😚