JOY LITM (已結業)

呢間日式梳乎厘班戟起時代廣場對面，見佢d相唔錯，價錢正常就同朋友試左。室內環境以白色調為主，加左d水果公仔裝飾。🥞Tiramisu 梳乎厘班戟 $78有一說一，個賣相一流，同相睇無咩分別。個份量都足，兩塊好厚既pancake。但個pancake 本身空氣感太重，食落口真係成啖都係空氣，可惜無左本身應該有果種軟綿綿既口感，擺落口成個塌左，唔係我鍾意嘅口感🍵抹茶红豆窝夫配抹茶雪糕 $88呢個賣相都幾好，抹茶雪糕一球再加埋一pat紅豆都足料，唯獨個人覺得個抹茶醬太稀了，淋左上去基本上無咩味，如果個醬調味同質感可以稍微結少少我個人會覺得做得幾出色。個waffle 本身蛋香重，不過稍嫌佢硬左少少🍓草莓荔枝玄米茶  $14(跟餐）呢個茶優點就大杯同個杯好靚，但唔係好飲倒草莓味

食完飯唔夠飽想去ucc食窩夫 點知佢轉左menu冇左以前食開嘅款🫠 即刻係open rice揾其他舖頭 咁啱見倒呢間有窩夫同疏乎厘賣又係time square後面 都幾近就諗住試下😚 舖頭裝修係少女心風格 💕💕 睇完menu最後點左Oreo 疏乎厘班戟同埋髒髒抹茶❤️ Pancake即叫即整入口鬆化 d cream好香阿華田味 呢個價錢黎講好有驚喜😋 另外杯野飲有得跟餐減10蚊好抵!!!! 個野飲好香抹茶味同奶味 吖半糖嘅話甜度啱啱好👍🏻 整體推薦指數⭐️⭐️⭐️⭐️⭐️

難得去食個下午茶，就試下依個算叫做多好評嘅梳乎厘班戟店。試左算係最特色嘅提拉米蘇梳乎厘班戟，以依個價錢黎講，絕對超值，但如果齋比較味道，某日本梳乎厘班戟店明顯比佢好味。飲品試左菠蘿生薑綠茶，其實佢係一個茶包本身已包含菠蘿、生薑和綠茶，味道唔會甜但都有薑味。整體黎講，係抵食嘅下午茶，又無乜人。下午茶時間只有酒店客入黎買嘢飲，基本上無香港人幫襯，但如果行街行到攰，諗唔到去邊，依個都係一個好地方休息一下。

係女仔都應該好鍾意食甜品😝所以今日就拉埋👺一齊去銅鑼灣到食疏乎厘🥞我其實都幾鍾意食疏乎厘架，但係一直未搵到一間心頭好🥹以前食過幾間既疏乎厘都偏硬身，唔岩我心水🤨，但係今日食呢間，都令到我同👺喜出望外‼️ 我地選擇左『紅絲絨疏乎厘班戟』，同埋『宇治抹茶紅豆疏乎厘班戟』🥞，因為佢係使用日本蛋製造🥚所以食落蛋味好香濃‼️而且真係好鬆軟，Creamy！飲品就叫左兩杯水果冰茶，『超級苺果冰茶』，『安歌芒果冰茶』🫐🥭水果冰茶係佢哋即刻整嘅，用嘅都係新鮮水果，好好飲呀！我開頭仲以為我個杯用左珍珠做配料，望真啲原來係一粒粒嘅大藍莓🤣💗💗💗💗💗💗💗💗💗💗環境方面真係好乾淨，好舒服，呢到仲擺左好多公仔陪你食甜品☺️岩哂一班少女心既靚女們係到享受愉快時光✨.JOY LITM @joy.litm 地址：銅鑼灣霎東街33號智選假日酒店地下G01號舖

今晚係銅鑼灣食完飯，發現時代廣場對面新開左一間甜品店「JOY LITM」，主打梳乎厘班戟，身為一個甜品控一定要去試試😍甜品店的Pancake用上日本產雞蛋和麵粉，口感軟綿，有髒髒Tiramisu、宇治抹茶紅豆麻糬、紅絲絨瀑布和原味。除了梳乎厘班戟，JOY LITM仲有水果乳酪奶昔、乳酪奶蓋水果茶等飲品，賣相又靚又健康架😋🌟紅絲絨瀑布梳乎厘班戟 $108呢個係JOY 的signature soufflé，瀑布忌廉超澎湃🤩打卡呃Like一流📸梳乎厘班戟即叫即製，空氣感十足，採用日本麵粉和日本雞蛋，口感鬆軟，帶陣陣蛋香。班戟面舖滿忌廉奶蓋，入口香滑。聖誕🎄臨近仲有白朱古力聖誕樹和士多啤梨伴碟。

公司後面街發掘到呢間性價比高，環境又舒適嘅pancake店🥳約朋友收工後試一試。煙三文魚碎蛋牛油果醬窩夫($68)味道唔錯，碎蛋沙律幾好味，牛油果醬朋友好鍾意，可惜窩夫有少少凍咗，稍為晏硬咗啲，如果軟熟返少少就Perfect啦。紅絲絨梳乎班戟($78)上枱先由我哋自己拎起圍住班戟嘅膠圈啊，紅絲絨cream一湧而出，好有儀式感。雖然簡簡單單，但係做得好出色。pancake質地絲滑，紅絲絨忌廉唔太甜，幼滑香甜，食完重想encore!髒髒香濃抹茶($38，加配-$10)抹茶味太夠濃，不過勝在少甜，食完pancake飲佢都唔會覺得膩。整體性價比高，平時食疏乎厘pancake通常都過百蚊一份，以呢度個價錢嚟講我會再幫襯👍🏻

新開張一段時間後嚟試食朋友叫紅絲絨soufflé pancake $78我就揀左tiramisu Soufflé pancake $78我一邊拉起朋友一邊拍片，瀑布咁嘅奶蓋好流質，不過冇我想像中嘅咸味，有咖啡味但同tiramisu 好似係兩樣野黎，應該似cappuccino 多啲😅總之唔覺得同tiramisu 有關係最最重要嘅係個soufflé ‼我切開入面係濕嘅，佢果種濕其實我直頭懷疑佢根本未熟😅朋友果碟一樣情況…大家都覺得似食緊蛋，雖然有空氣感，我冇映到入面嘅相，係有啲一個泡泡窿而又好濕嘅🙈飲野唔想太heavy所以揀左玫瑰草莓梳打🌹🍓$36-$10(叫野食可以優惠$10）草莓梳打部分好好飲，上面都有層較稀嘅奶蓋泡，絕對飲得到！餐廳好似冇冷氣咁，整體來說杯野飲又未至於好飲，但茶飲都算平嘅，不過梳乎厘就可以唔洗試了，台灣嘅同日本嘅真係唔可以比#JoyLitm

🥇仍然愛梳乎厘班戟🥰.夏天黎到，又黎到一年一度🐡🐡又話要減肥既季節🥹咁老人家梗係要帶佢食好味既，比多啲支持同鼓勵佢先得😁食完lunch 見大家個胃都仲有啲空間🤣🤣咁梗係要食埋甜品先完滿啦❤️.落住大雨都黎到呢間野食梳乎厘班戟🥞即叫即整，好彩唔係有好多人😂都叫好快就有得食😝雖則呢個流質醬班戟熱潮已經過左，不過個儀式係會增加左個趣味☺️Tiramisu 醬唔會太甜，梳乎厘班戟食得出蛋白打出黎既軟淋口感得黎唔會太空氣🥰跟餐叫野飲可以減$10，我地叫左個髒髒抺茶，可以少甜，但個人認為個抺茶味可以再濃😜兩人去食冇最低消費要每人一個甜品，係銅鑼灣黎講都算唔錯👍🏻.#fatfat4ever_銅鑼灣 #零食波波 #嗜甜老人 #fatfat4ever

「心情非常療癒的下午茶🤤😌😌🍮」📍Joy Litm@ Causeway Bay✨宇治抹茶紅豆梳乎厘班戟 x 紅絲絨梳乎厘班戟 (9/10)- 重點推介👍🏻👍🏻👍🏻- 打卡拍片非常合適📸, 食落都一樣咁好味🤤- 冰冷的白色香濃牛奶漿 (係非常濃！厚！)、配即製熱烘烘的日式鬆軟梳乎厘班戟，入口併發陣陣蛋香，只能說ＯＭＧ！- 夏日炎炎的天氣，食到冰火交融的甜點，真係一次過滿足哂我這個奶控的所有願望！🥰✨提拉米蘇鮮奶 (7/10)- 可能自己真係太鐘意濃厚奶品🤤，比較下飲品始終係飲品，奶水比例自然需要相對提升，味道正常，雖然未係我鐘意既濃厚方格，不過同樣都好岩打卡留念😆📸人均消費：$100 -抵食程度 - 正常 3/5美味程度 - OMG! 4/5衛生整潔 - 環境乾淨企理，只係人手不足清潔餐枱速度較慢，但可接受 4/5服務態度 - 店員好Nice ! 5/5-

近來愛上了即叫即整的熱辣辣梳乎厘，來到銅鑼灣都心癢癢，想食番件，就比我搵到一間地點方便、價錢更是經濟實惠的「JOY LITM」。他們設計時尚，還有可愛生果公仔作點綴，確令人心情舒暢，坐下來慢慢享受一番。他們除了梳乎厘後，更有不少特色飲品：手打泡泡咖啡、提拉米修鮮奶、白桃冰茶。髒髒香濃抹茶他們的抹茶飲品真的非常澎湃，澎湃至滿瀉的芝士奶蓋香，而且甜度適中，茶味香濃，咸香滿溢。提拉米修鮮奶提拉米修入口苦甜滋味流蕩在嘴中，口感豐富，搭配咖啡更是令人著迷。Tiramisu梳乎厘來到時真的非常吸引，Mascarpone Cheese 都慢慢滲出來，慢慢拉高膠紙，即時湧出如瀑布般的澎湃，散發出芝香鹹香，入口綿滑細膩，甜度適中，而且梳乎厘完美融合，令人一食愛上。

環境唔大，不過坐得非常舒服宇治抹茶紅豆梳乎厘pancake ($78)即叫即做，所以等咗一陣。有張膠紙喺旁邊，一拉開之後啲抹茶醬好似熔岩咁流出嚟，抹茶葉味道香濃而且唔算甜。旁邊仲有紅豆及蕨餅，加埋一齊食非常夾。價錢相宜，$78有2件，唔錯！原味梳乎厘pancake ($86)梳乎厘非常軟綿綿，蛋味好濃煙三文魚碎蛋牛油果醬窩夫 ($68)估唔到碎蛋同牛油果醬係咁夾，窩夫外脆內軟，好有層次草莓荔枝玄米茶 ($24)甜甜哋味道又唔會太假

銅鑼灣相當平價的飲品店！竟然竟係Time square 後面，呢間手搖飲品店，比起普通點，價錢比較平，味道都唔錯！呢度仲可以坐低飲👍🏻更有甜品可以食😍「🍹水果冰茶」一杯好消暑嘅飲品啦！入口先有凍凍嘅茶味，然後就會感受到啲新鮮嘅水果味，真係好開胃呀！🍓🍊🍋🍵宇治抹茶紅豆梳乎厘班戟呢個真係好正架！啲梳乎厘口感好軟綿，加上啲抹茶同紅豆味道好香濃，真係好好味啊！😋😋🧇窩夫配士多啤梨雪糕啲窩夫好鬆軟，加上啲士多啤梨雪糕就好開心啦！🍓🍦好啦唔講多啦，快啲試下啦！😍🌹玫瑰草莓梳打呢個真係驚喜嘅飲品！啲玫瑰味同草莓味好啱啱好，加上有少少氣泡，一啖就可以感受到啲新鮮嘅味道，真係好好味嘅！🌹🍓💦

早前試左隻面膜，點知搞到我眼周圍嚴重敏感困擾左我幾個星期了……搞到個人都無咩心情‼️🐻🐻帶左我去食打卡嘅梳乎厘pancake，想我個人會開心返啲❤️🍵「髒髒香濃抹茶」呢杯真係勁好飲瀉到出嚟嘅芝士奶蓋好有咸香❤️抹茶味道濃而不澀🧇「煙三文魚碎蛋窩夫」唯一一款咸點，🐻唔駛諗就揀定食呢個窩夫有蛋香，質感立體有厚度，外層夠脆，唔會淋pat pat煙三文魚+碎蛋令味道唔會咁單調「紅絲絨梳乎厘pancake」個人覺得窩夫比𝒔𝒐𝒖𝒇𝒇𝒍𝒆 𝒑𝒂𝒏𝒄𝒂𝒌𝒆好食啲😛呢個質感係綿滑鬆軟，紅絲絨嘅忌廉令整件事融為一體，不同程度的滑充斥着口腔👍🏻不過個人唔太鍾意梳乎厘食落無咩口感，所以我都係鍾意窩夫多啲😍😍📸呢個就打卡一流～～

睇住d cream、抹茶粉慢慢跌落嚟，好治癒。抹茶紅豆梳乎厘班戟梳乎厘做得好好，有空氣感，濕潤Q彈。不過如果抹茶粉再多啲就好啦🤣☆dirty chocolate, 甜味程度可以自己選擇，揀咗少甜，髒髒朱古力都有一層芝士奶蓋係上面，少少鹹中和埋一齊，味道啱啱好。☆ 芒果芝士奶蓋，朋友話味道偏甜，不過都係好飲嘅。喺銅鑼灣 times square後面嘅甜品舖，九點幾去到都唔多人，係鬧市中難得嘅清靜，可以慢慢傾下計。環境舒適，好坐。

🙆🏽‍♀️提拉米蘇疏乎厘班戟＄98兩塊超軟綿綿嘅班戟淋上提拉米蘇奶蓋，口滑好滑，即叫即整蛋味香濃🥰🙆🏽‍♀️宇治抹茶紅豆疏乎厘班戟$108選用日本蛋，日本麵粉製作，配合埋日本紅豆餅色彩繽紛打卡必叫😋🙆🏽‍♀️安歌芒果乳酪奶昔＄39新鮮芒果攪勻做奶昔，一啲都唔酸香甜超滑好感🥭🙆🏽‍♀️白桃乳酪奶蓋＄45濃郁奶蓋加上茶底、甜甜酸酸冇咁漏🙈仲有粒粒新鮮白桃肉、口感豐富又清新🍑🤩必去打卡甜品店🥞🍽️