影片
港鐵鰂魚涌站 B 出口, 步行約4分鐘
繼續閱讀
開飯介紹
性價比高的多國菜餐廳，餐點都在水準以上，特別推介餐廳的炒意大利粉，炒得特別乾身。
繼續閱讀
營業時間
星期一至五
12:00 - 21:30
星期六
全日休息
星期日
12:00 - 21:30
公眾假期
12:00 - 21:30
公眾假期前夕
12:00 - 21:30
以上資料只供參考, 請與餐廳確認詳情
今日中午經過見到仲有早鳥優惠便決定一試蟹子炸雞飯 + 飲品 $52算是幾平雖然睇落外賣盒好細其實飯都幾多下仲有好多配料Eg 栗米，青豆，紅蘿蔔粒，蘿蔔粒感覺幾健康仲有滿滿蟹子鋪上面食每啖飯都幾有口感重點來了 炸雞就好一般雖然吾太油淋淋但偏乾 同愈食愈喊😣如果多番啲汁會好啲
繼續閱讀
今個星期公司開始取消WFH既安排，回復正常返工，阿姐就同我哋happy Friday,預先訂左呢間餐廳，我地一行三人12:40黎到即刻可以入座，疫情期間，雖然呢間餐廳既座位唔多，但佢都做得好好，係隔枱坐，所以食客同食客之間既距離做得好足，抵讚👍🏻👍🏻👍🏻❤️因為最近嘗試緊唔食澱粉質既關係，去之前都好擔心冇嘢啱我食，點知去到見到餐牌第一頁已經係好適合我食，我叫左$88燒牛肉沙律，佢可以選擇配黑醋或者千島醬，野飲方面就叫左熱啡，佢個奶係分開上既，而值得一讚既係，個奶佢係會打熱左先上，好少餐廳做到呢點，真係好細心☺️☺️
繼續閱讀
好少要食食下餐廳要打開個app寫食評，因為實在係味道同價格太不成正比。我路過鰂魚涌同男朋友食餐lunch，想搵間坐得舒服既餐廳享受午餐時刻，12點鐘倒路過此餐廳，本來餐廳外menu好奇怪，好似好多餐點都無價錢，不過男朋友想一齊試，所以就入左餐廳。店員幾友善既，帶我地入座。至於餐牌同另一位食評家一樣講法，A-F午餐餐牌，AB都係沙律作主菜，C-F餐都無咩好食，但抱著嘗試既心情，我地叫左一平一貴，一個日式汁豬頸肉飯同埋一個和牛漢堡扒配飯。前菜都還可以，蘑菇湯好多雜菇以及有松露香（食得出係松露油雜菇醬加左落忌廉湯），係唔錯既，亦係唯一一道菜我覺得正常。至於沙律係雜菜沙律，唯一不足之處係落吞拿魚肉（罐頭哥隻），同埋無任何沙律汁，我覺得完全好似食緊貓貓狗狗食糧咁無味。主菜方面就真係極度失望，可一不可再。日式汁豬頸肉飯（$96，唔記得影個樣，但係性價比極低）日式豬頸肉非常遜色，以我口頭試既味道就係，廚師先將豬頸肉先白灼，然後將類似普通李錦記燒汁之類既汁倒落去炒一炒豬頸肉同雜菇，再配一碗日本米飯，仲要唔熱，係咁多。味道同賣相完全係只值普通$40午餐水準。和牛漢堡扒配飯（$148）最嬲就係哩道主菜，和牛漢堡排我非常懷疑係低品質和牛肉，因為好難壓成扒之後煎到無曬肉質乾曾曾，仲要無額外汁提供，一直好似食緊擦膠，我甚至去到後來係太乾咬唔爛吐番出黎。至於放和牛扒對上既洋蔥同碎雞髀菇，雞髀菇無咩特別但唔夠調味，但係洋蔥仲係生既同埋切絲唔夠透切，界開左一條條但仲係連住做一大舊洋蔥。至於同碟既餃子味道就正常，煎得幾脆，睇下幾牛油粟米都正常。唯獨就係和牛漢堡排最失望。由於主菜太差，對甜品完全無期望。結果甜品一望我以為係雪糕糯米糍，結果係超級普通裡面係士多啤梨醬棉花糖。飲料，無特別。完全唔會再中伏入去食，亦都明白番點解間間餐廳排長龍，哩間一半滿都無。
繼續閱讀
鰂魚涌返工的朋友仔都知 12至1:30 在呢區食lunch 都係好痛苦，一到12點就要急急腳去攞位，否則等翻枱分分鐘已經冇咗30分鐘，但入到去坐都要快手快腳咁樣食，落order唔好慢慢諗，杯嘢都未飲已經一副想趕你走咁，好有壓力。j's kitchen算係比較休閒，因為佢 一個course有沙律、湯、主菜、甜品、餐飲，基本上你一個個dish咁食都要45分鐘。 如果你想食飯時take a break, 同同事傾下計，建議你來呢間。 中長髮男侍應應該係老闆，都好親切。 食物就有中規中矩，可以改善;價錢約$100~130,可接受。
繼續閱讀
平時甚少係呢附近食野，咁岩今日公司有training 係附近先會係附近搵野食，呢邊多寫字樓，撞正lunch hour周圍都排晒隊等位食飯，行過呢間餐廳見到咁岩有位唔洗等，而且公司上training一大早就到就係欠缺一杯咖啡，見呢間西餐應該有杯咖啡可以飲下就入左去喇。餐牌set lunch有A-F可以揀，但係其實一d都唔吸引🙈當中有兩個Set已經係Salad，兩個飯Set有一個係日式豆腐肉碎飯，一個係鰻魚飯，一個意粉係香草醬雜菌雞肉意粉，仲有一個係牛肝菌意大利飯。我最後係揀左食意粉，格局係西餐斷估應該西式野會做得正路d⋯⋯個Set係有一杯細嘅田園沙律+一杯所謂嘅野菌忌廉湯+主菜（意粉）+甜品+餐飲。沙律係正常野，個湯呢就淡到好似無落調味咁🤣不過飲得出唔係麵粉水開嘅湯🤭值得欣賞嘅係好夠熱，連裝湯嘅杯仔都保溫嘅，食完個沙律個湯依然係熱到飲唔到，而杯口太細跟本係唔會可以用到湯匙去飲🤭見個湯係咁，個意粉都係預料之中嘅「無味」，淡到呢⋯⋯都係無調味一樣🤷🏻♀️但又唔可以叫做難食，因為真係連味都無，又點可以批論碟野食嘅味道呢😅呢個moment 真係唔會對甜品有期望🙈🙈🙈甜品係一件蛋糕，以顏色去估計應該係綠茶海綿蛋糕😅叫做係有味道嘅野，因為好甜😑最期待嘅餐飲-凍齋啡（iced black coffee)終於出場喇👏🏼👏🏼👏🏼幸好，都係有咖啡味嘅☕️題外話...其實本身想要iced americano,但店員竟然唔知係咩🤷🏻♀️咁又順便問埋咖啡嘅糖水係自己落定已經落埋啦，知道係分開上嘅到上，咁就放心啦，可以自己控制甜度。點知最後杯咖啡到嘅時候係無跟到糖水ga🙄真係唔該晒😑店員服務好唔好就見人見致啦總結，朋友話「你唔試過無咁好嘅，咁又點會知咩野係好野/正野」🤣🤣🤣真係不能認同更多
繼續閱讀