JuniJib Dessert (已結業)

依間韓式甜品店，餐廳左邊賣甜品，右邊賣韓式小食。甜品主打馬卡龍同韓式刨冰。🥢紫菜包飯 $25完全冇食過咁難食既紫菜包飯，D餸除左紅蘿蔔既草青味之外，其他餸全部都冇味....🥢牛肉紫菜包飯 $29好彩有D牛肉味既紫菜包飯，但同上面個個紫菜包飯一樣，其他餸全部都冇味....🥢SNOW ICE (MANGO) $89芒果偏酸...冰係雪花冰質感，但食落完全冇味，食完都唔知自己食咗啲...整體黎講，最好食係個雪糕😂😂後尾問返店員拎左D煉奶，個冰先有返D味環境惡劣，餐枱D餐盤啊，野食完全冇人汁同清潔。地下又油....差D跣親.評分：味道：⭐️環境：⭐️整體：⭐️————————————————————————📌 JuniJib Dessert📍 尖沙咀加拿分道33-35A號發利大廈地下

尖沙咀有一間韓式甜品店，主打爆餡馬卡龍+韓式刨冰！賣相少女心打卡一流😝內裏其實有少少似food court咁，分間咗甜品同熟食兩邊例如紫菜飯卷年糕拉麵等簡單輕食，有座位可以坐低食，反而環境比較簡單稱唔想係打卡Cafe，不過食物賣相就少女心打卡一流😝👓哈密瓜牛奶雪冰 $89雪花冰質感，牛奶底都幾重牛奶味，面頭仲有個雲呢拿雪糕。哈密瓜其實比我想像中多，多肉粒粒都係甜！整體嚟講價錢都值，份量真係好大碗，而且好多哈密瓜，兩個人都食唔晒😂用上雲碟賣相都幾靚💓評分：8/10👓cracked macarons 3pcs/$60舖頭好特別，有cracked系列所以價錢有折扣平價，例如cracked macarons$60/3，cracked ciam macaron(貝殼形 3pcs/$60。其實原價就咁一件都幾貴，$35/1件 $100/3件，款式方面的確好多多達16款。如果自己食、唔介意賣相龜裂少少冇咁靚，價錢平好多喎！記得問職員有冇，有時未必擺出嚟😆🍪芝士奶油、藍莓芝士奶油、牛奶馬卡龍有5cm的高度，餡料唔係雪糕，係用膳食纖維製造嘅燕麥奶油。口感冰凍，不過的確冇雪糕口感甘實，同埋明顯有陣奶油

呢日夜晚係尖沙咀食完飯，行行下見到間韓式Cafe，除左有主食外，原來仲有甜品🍮比色彩繽紛既馬卡龍吸引住，不過最想食既幾款口味都售罄，但係照同朋友買左幾粒黎試下😛堂食既位置唔多，當時已經比人坐曬，所以就走左去海旁度食🫢話說iPhone個夜間模式好強大，唔講以為自己去左熱帶雨林😂▪️ Tung-Caron 3 Pcs 💲100馬卡龍係平時食開既巨大化版，外層蛋白杏仁餅尚算脆口，中層係奶油忌廉，質感幼滑身，但實在太過膩🤤Earl Grey Milk Tea（6/10）只係得淡淡既伯爵茶香，完全無奶茶味既🧋Choco Vanilla（6.5/10）面頭M&M朱古力碎，中間雲呢拿味，無預期中咁甜🍫Jolly Pong Latte（6/10）外殼同中間都有微微既咖啡味，加上左好多米脆，不過唔知整完放左幾耐，食落已經淋曬🥴理應係食到甜甜地既焦糖味，但神奇在朋友同我都係食到鹹鹹地咁😯🔎 整體評分（6/10）

今日見到新店韓式午餐仲可以自選不同配菜即刻想試吓$68六個小菜兩個主菜 現場人流不算多 堂食大約有八個客人 外賣兩個 我們等外賣時間 足足用了25分鐘 其實員工態度唔差 只是冇經驗食物味道也合格只是份量的確太少午餐時間 因為飯煲冇晒飯我們三個外賣的白飯份量，只有四湯匙真心想試食的顧客應該早一點光顧 否則真係食唔飽另外看到其他食評 年糕及魚糕也質素很差於是冇再冒險嘗試 希望店主看到食評馬上改善如果可以改善份量及人手應該會再幫趁

< JuniJib Dessert >Extra-large size tung-carons from Korea. Sweeeeet tooth😬cream brûlée口味的buttercream口感頗膩，沒有order飲品會食不完一整舊，其他口味應該會好一點📍35 Carnarvan Road, Tsim Sha Tsui, Kowloon Hong Kong......full review onInstagram @bearinyourmind_

📍TST - HONG KONG📍行過尖沙咀見比有間野裝修幾靚又好韓國feel咁，點都要睇下啦🫣間舖就好似food court咁，一邊食甜品一邊食韓國小食，今次我就試鹹嘅🤓#魚餅就係韓國個種魚糕，但佢實身少少，湯無咩味入到去，湯底有少少胡椒味。但係如佢再熱d就好，用黎送下辣年糕解辣ok👌🏻#JUNIJIB辣年糕 佢嘅年糕好煙韌，唔食得都辣嘅我覺得幾辣🤣不過都係韓國街頭個種程度🤫入面重包左一隻蛋同魚糕🥚 d汁覺得有公仔麵味粉味🤪🤪#牛肉紫菜包飯我覺得正正常常，都係普通韓燒味，不過d肉碎少少。雖然佢真係料多飯少我，但$39得5舊仔🤔整體黎講，係貴嘅韓國小食店，好想頂引又唔想去餐廳食都可以試下。不過對隔離檔d甜品都幾有興趣，有機會都可以去試下個甜品嘅，特登去食就唔會喇。 🫣

Bunsik JuniJib位於尖沙咀加拿芬道，主打韓國🇰🇷食物，餐廳左邊賣甜品，右邊賣韓式小食，餐牌款式多，炸雞、紫菜包飯、伴飯通通都有，價錢親民👍🏻。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 韓式烤牛肉飯 $68 推介🤤Bulgogi (Beef) with Rice整體望落去好似好清淡咁，其實味道十足👍🏻，米飯煮得偏淋身，烤牛肉做得好入味，牛肉味濃郁，食得辣可以問店員拎韓式甜辣醬拌飯，更惹味。♥️ 辣炒魷魚配飯 ＄65Spicy and Sweet Squid with Rice醬汁惹味係微辣程度，魷魚🦑爽口彈牙，送飯一流，不知不覺會食哂啲飯。♥️ 糖漿炸雞件🍗 $39小 $75大Seasoned Boneless Spicy Chicken炸雞有兩個Size選擇，今次同朋友Share食就揀左大，份量都幾多，目測都有十多件，糖漿混合韓式辣醬，偏甜微辣，超脆。- - - - - - - - - - - - - - - -

呢間舖頭招牌係巨型馬卡龍，正價$100三個，味道正常重色素馬卡龍皮，入面係厚身不同口味cream cheeee。今日經過見到個牌寫住Cracked馬卡龍 40% off即係$60三個，諗住貪平試下個味會唔會唔同或者其他口味。一入到去cashier，一個疑似香港女仔同一個疑似韓國女仔企喺度，我就指住個牌問佢呢個Cracked馬卡龍係咩黎？仲有無？佢好似唔識聽咁唔理我，之後我問多一次佢施施然將塊牌轉向佢望望，再慢慢咁問佢隔離個疑似韓國女仔，問完都係無答我有定無。之後再有第二個韓國女仔過黎，果兩個奇怪職員同佢唔知咩咗啲咩，咁我再問多次有無啦，大佬呀有無都要答我架，有嘅我都要知有乜味架。果個韓國女仔去咗個鐵櫃個邊，拎咗六盒已經Pack好三個一盒又雪到起晒霧嘅馬卡龍出黎，然後！大力掉落張枱！😡乜都無講咁大力掉落枱！你放個牌出黎賣啲唔靚嘅特價馬卡龍，係咪要差別待遇買特價貨嘅人先！唔想賣咪唔好放個牌出黎囉😡😡麻煩train train職員啲服務態度！極差極無禮貌！

見到櫥窗咁繽紛，其實每一個味我都好想試！最後揀咗最鍾意嘅四個味！每一個味都好好食，而且味道都各有特色，最緊要係唔會太甜，中間個cream會包住餡料呢個幾加分～🫖Earl Grey：清新伯爵茶味，唔錯！🍓Strawberry：一打開個盒成個都係士多啤梨味！好香！而且味道係最濃突出！建議放到最後先食～🍑Peach：清甜嘅蜜桃味，中間有蜜桃醬好香甜！不過就有點普通～🍨黃豆粉：中間放咗粒類似年糕嘅嘢，真係好有黃豆粉味！不過食得多都會膩，所以未必可以經常回購～除咗Macaroon，堂食仲有韓式刨冰、手制特色飲品、年糕三文治等等～⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 7/10（食得出本身嘅味道）服務： 8/10（有其他嘢可堂食）環境： 8/10（地方乾淨，座位之間唔迫）打卡： 7/10CP值： 7/10（都幾大舊，食兩個開始膩）推介值：5 /10（個人覺得幾好食，但未去到必食或要排隊食）⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

#joyfood_尖沙咀JuniJib Dessert (尖沙咀)📍尖沙咀加拿分道33-35A號發利大廈地下━━━━━━━━━━━━━━━━━━━━━━━━━━━━咁大個嘅馬卡龍配上咁厚嘅餡 淨係睇嗰賣相就已經被吸引咗🙈 所以嗰日路過就順便帶咗三個翻屋企😚 不過個人認為比較啱螞蟻人🫣━━━━━━━━━━━━━━━━━━━━━━━━━━━━韓式馬卡龍因為外形胖胖的所以被稱為胖卡龍(tungcaroon) 內餡以牛油忌廉(buttercream)為主 所以食上嚟口感比一般嘅cream厚重同實正 會有啲似牛油滑滑嘅口感 啱啱由雪櫃攞出嚟仲會覺得有少少似食緊雪糕🍦 而解凍多一陣就會變順滑 甜度都會上升👆🏻━━━━━━━━━━━━━━━━━━━━━━━━━━━━🫘injeolmi 豆粉糕 ▶︎ 馬卡龍外殼加上buttercream內餡 我唔知馬卡龍同內餡有冇加豆嘅成分 因為老實講除咗外面嘅黃豆粉有豆味之外 其他嘅嘢就淨係得個甜字🫣 係三款入面最甜嘅一款▶︎ 裡面包咗一塊尾指指甲大細嘅年糕 不過口感太過硬身 好似食緊香口膠咁😨好味指數:●●○○○━━━━━━━━━━━━━━━━━━━━━━━━━━━━

之前上網睇foodie介紹，覺得幾吸引一隻都幾想試，今日終於有機會食到！老實講，整體不過不失，叫做對得住個價錢，作為韓國街頭特色小食，都算冇伏不過再encore就睇情況，食物質素其實可以接受，兩個人埋單四樣菜，人均100+ ，店舖入邊其實冇乜香港人，反而有啲外國人，甚至應該係韓國人。店舖環境好乾淨，座位都寬鬆，要自助去落單，Staff識得講廣東話，好多食物已經係預先準備好，落完單再幫你加熱返。咁啱今日冇晒辣炸雞同芝士，但係其實只係啱啱中午時段，會有少少失望，叫咗紫菜包飯，魚餅，餃子同埋年糕，紫菜包飯幾好食，同埋都幾抵食，$29有五件，其他就正正常常，不過年糕就比較辣，一定要有嘢飲先可以，但係都好足料。喺另一邊嘅甜品部，啲馬卡龍配雪糕外表好吸引，價錢略貴，一個要成三四十，見到隔籬枱都有叫，攞嚟打卡都唔錯，不過呢次因為得兩個人，叫完主食已經食唔落甜品甜品方面就唔評論

下午茶時間經過尖沙咀，唔到呢間韓國小食都好似唔錯。價錢高好親民！叫左個炒年糕，又想食魚餅，見佢一串魚餅15蚊真係好抵玩，分量都幾多！點知原來年糕裡面都有魚餅😂😂😂所以我下次應該叫佢全年糕 再嗌一份魚餅😂年糕好彈牙！好正

搞唔掂😂😂😂 啲冰都幾幼細嘅 雪花冰面頭有啲Oreo碎、少少朱古力醬同一球雲呢嗱雪糕食到中間係無味的 白茫茫一片🌫️就係食冰❕ummmm啲冰都幾幼細嘅 雪花冰但食完都唔知自己食咗啲乜咁😦食到同隻Oreo monster same face 😦😦😦加返啲煉奶可能好啲 或者唔叫呢個味會好啲呢個價位嚟講過對面海食返日本冰開心啲🙏🏻環境都ok 有高枱/ 普通枱張凳好凍😂😂😂Btw店員唔識講廣東話的，要用英文order/ this this

  係尖沙咀食完晚餐，諗住搵間甜品食下，就黎左呢間JuniJib Dessert。呢度主打韓式雪花冰，門口仲有好多款馬卡龍可以揀。呢度既馬卡龍特別在於佢係比起一般馬卡龍厚至少一倍！勁正～見到佢櫃入面既馬卡龍咁靚，都忍唔住叫左兩款試下～  1️⃣哈密瓜牛奶雪冰 Melon Bingsu（$89） 蜜瓜粒都好甜🍈雪冰綿滑入口即溶～牛奶味道都夠，面頭仲有一球雲尼拿雪糕。整體都係滿足既😋  2⃣️米脆拿鐵 Jolly Pong Latte Tung-Caron（$35）好鍾意呢款啊！胖卡龍聽得多，但係食就真係第一次食。個樣好靚～個邊鋪滿左地脆脆既穀物～食落係帶少少咖啡味，唔會太甜，內餡creamy😍  3⃣️抹茶馬卡龍 Matcha Clam-Caron（$48）呢個個樣仲吸引🤩冇諗過馬卡龍都可以整到好似貝殼咁既樣，好精緻🥰上下兩片馬卡龍外殼幾脆，抹茶味道主要黎自底層既抹茶cream～抹茶味道唔算好濃。中間仲有一塊brownie增加口感🤤  

《JuniJib Dessert – 尖沙咀》正所謂又要彈，又要食😂雖然上次堂食比佢啲Staff激到我朋友死死下，而個Tung-Caron 又食到我地成咀成手都係顏色，不過坦白講味道係唔差既🤪前幾日我見鋪頭入面無咩人，膽粗粗又走左入去買左兩個TungCaron 番屋企做甜品💁🏻‍♀️抺茶味💁🏻‍♀️焦糖布甸味兩件承惠$70大元，由個staff拎比我果時我已經知道充滿色素，但又真係好想試下抹茶好唔好食丫嘛😂話說，點解會係藍色架呢🤔？講番味道，抺茶味其實係幾出既，入面又有啲紅豆添，咬落煙煙韌韌好彈牙，如果雪凍佢唔解凍食有啲似雪糕，而解凍左食就會似cream 狀，撇除左色素外無咩毛病，又唔係太甜，可以一戰的👍🏻而cream brûlée 味就真係比較甜啦，焦糖味濃又食到蛋香，有啲似雲尼拿雪糕咁，不過我個人會推介抹茶多啲，始終cream brûlée 味焦糖味有點多食多幾啖會膩🤣今次再戰JuniJib感覺唔錯🥸下次行過想食都會再考慮買既